اولا وحشتونى كلكم يا اجمل و اجدع واشطر بنات فى المنتديات كلها
ثانيا بكل حب نفتح مع بعض الجزء التانى من
ملف استشارة مطبخية مصرية عربية رمضانية
وطبعا انا اسفة جدا لانى اتأخرت عنه نظرا لظروف الجهاز اللى انتوا عارفينها :mad:
وطبعا الاستشارة المطبخية هنا جماااعيه وكل الاسئلة اللى حتكون فيه منكم وليكم
بس حنزود حاجة فى الملف عن الجزء الاول ان مش كل الموضوع حيكون استشارة فقط لألألأ حنضيف عليه لو واحدة متمكنة فى اى صنف وبيكون ناجح معاها تكتبه وتساعد بيه اخواتها
لو واحدة حصل معاها موقف كوبس ناجح فى المطبخ او اى تجربه فاشلة تعرضت لها برضه تقول لاخواتها
وهكزا اى حاجة مطبخية فى اى حاجة اكيد حنستفيد منها
وربنا يديم تجمعنا وحبنا فى الله
ودلوقتى حكتبلكم معلومة مهمة جدا عن سؤال دايما دايما بتسئلوا فيه وانا متاكده انه حيفيدكم جدا جدا جدا وهو عن الكفتة المشوي اللى زى بتاعه محلات الكباب
الكفتة المشوية
دايما اسئلتكم ان
الكفتة بتتفك منكم
او الكفتة بتقع من السيخ
او الكفتة بتنشف
او الكفتة مش طعم اللى بنشتريها من المحل
بصوا بقى انا بصراحه بصراحة وبكل امانة انا عارفه سرها بس الكبابجى اللى قلهالى حلفنى الاول ان عمرى ما اقولها واعتبرة انه امانه بينى وبينه :( وفعلا انا حلفت يمين وانا مش حقوله لكن انا حقربلكم الطريقة علشان تنجخ معاكم وبصراحه حتكتم على معلومة واحده فقط لكن ان شاءالله ان شاءالله من غيرها برضه حتاكلى احلى كفتة مشوية طبعا حتسألونى طب الكباب ( اللحمة ؟؟؟) للاسف ان الحاجة الوحيدة اللى انا مش حقولها هى اللى لازم برضه تتحط للحمة او الفراخ المشوية علشان تدى نفس طعم المحلات