اعجبكم حلا العلب ؟؟ طيب تعالوا جربو حلا الطحينية ولايقاآاآاآاآاآاوم وبالصور

بسم الله الرحمن الرحيم

كيف الحال مع اجواء الأمتحانات

تصدقون مع دخول الأمتحانات تجيني غصة مع خفقان ودوار وحالات اغماء وغثيان احيانا << فوبيا الأمتحانات

المهم مالكم بالطويلة والمقدمة الثقيلة على القلب والمعدة والأمعاء الدقيقة والغليظة:eek:

بعد نجاح حلا العلب والله حتى الأن والرسايل ماتوقف الي يشكر واللي يستفسر واللي مسوية ومصورة

عاد انا فشلت وقلت لنفسي لا تبخلين عليهم باللي عندك قالت نفسي عطيهم حلا الطحينية اللي كلن منهبل علية الصغير قبل الكبير وغير كل هذا وذاك غير مكلف

عاد تعرفون الطحينية بعض الناس متوهقين بة وما يستعملونة الا مره بالشهر وخصوصا للي يشترون بالتنك والسطول تقعد سنين

<<< اخلصي علينا ولا مشينا :angry2:

المقــــــــــادير

كاس حليب محموس

1\2 بيالة موية

1\2 بيالة زيت

3 بيض

فنجال سكر <<< انا احط نص لأنة يكفي حلا الطحينية وانتم وذوقكم

ملعقة كبيرة باكنج بودر

فانيليا

الحــــشوة

6 ملاعق مليانة طحينية


الطـــريقة

يخلط الجميييييييييع بخلاط الكيك ثم يصب في صينية واسعة و مدهونة بالزيت ومرشوشة دقيق انا حطيتها بالبايركس الكبيرة

ويدخل الفرن من تحت الى ان يستوي وشغلي علية من فوق شوي بس

وبعد ماتستوي خليها برا تبرد 10 دقايق تقريبا بعدين اقلبيها على قصدير

جيبي الطحينية وحطيها بصحن وحميها بالمكرويف الين تحسين انها صارت سايلة اخلطيها وكبيها على الكيكة وادهنيها بسرعة عشان ماتبرد

وبعدين لفيها بالعرض زي السويسرول ولفيها بالقصدير وخليها لا تفتحينها الا بعد ساعة واذا مستعجلة خليها بالثلاجة الين تبرد

وقطعيها وصفيها بصحن على شكل حلزوني

ولا تنسين القهوة

وتمتعي بأحلا واسهل حلا

وهذي صورتها للحلوين

http://www.m5zn.com"]https://d2s63a22uzwg40.cloudfront.net/PE/2009/06/21/07/ic7ykxqkz-1.jpg]

مثل ماتلاحظون الحشوة سميكة بناء على طلب زوجي وعيالي حبو الطحينية من بعد الحلا عاد انتي ومزاجك اذا تبينها سميكة او رقيقة <<< بيتزا :22:

زوووووووم احلا


http://www.m5zn.com"]https://d2s63a22uzwg40.cloudfront.net/postexternals/notFoundFromSource.jpg]


واي استفسار على الخاص او العام انا بخدمتكم

وبالعافية على قلوبكم