16-06-1430 هـ, 12:00 صباحاً


السلام عليكم...


انا ان شاء الله ناويه اسجل بالدوره التاهيليه بجامعة الامام بالصيف...((التعليم عن بعد ))

ابسالكم عن تخصص ادارة الاعمال...


كيف هلى هو سهل ولا صعب جدا..

اكيد مافي شي سهل ...

بس لان وحده قالت مره صعب مواد المحاسبه

انا كنت شاطره دايم بالرياضيات وللحين ان شاء الله

بالله قولولي كيف ووش رايكم..؟?
16-06-1430 هـ, 10:35 صباحاً
والله لو اعرف شي كان جاوبتك
بس عندي سوال تدرسين برياض او بجده لان فيه جامعه الملك عبدالعزيز بجده عندهم تعليم عن بعد
وهل هي برسوم
والدوره كم شهر
17-06-1430 هـ, 08:02 مساءً
حبيبتي ...
انا حابه افيدك ...واتمني انك تدعيلي بالتوفيق والنجاح...
خاصه اني الان في فترة الاختبارات...مستوي اول ..ادارة اعمال...
وجبت العيد في اختبار الرياضيات...والله يستر من الاحصاء
علي العموم ..فترة الدوره التاهيليه .. مررررره حلوه وسهله ...لانها مراجعه لفترة الثانوي..وموادها عامه وسهله...
واما التخصص ...ادارة اعمال ..اذا بتذاكري ...اكيد بتنجحي ...
الصعب في القسم ...الرياضيات ...والاحصاء ...والانجليزي....
لاكن اذا فهمتي خلاص ...
واذا انتي شاطره في الرياضيات ...اتوكلي علي الله ....ترا الي يذاكر ينجح ...والاحصاء ..ولد عم الرياضيات ...
...اتمني اني افدتك ...
واي سؤال انا في الخدمه....
وياريت ترسليلي علي الخاص ...لاني هذا الاسبوع مشغوله مع الاختبارات ....
وسلامتك...
اللهم اشرح لي صدري ..ويسر لي امري ..
في تربية اولادي التربيه الصالحه..
ولطلب العلم والتوفيق فيه..
وفي جميع امور حياتي..
20-06-1430 هـ, 07:57 مساءً
للرفع
اللهم يارحمن الدنياورحيم الأخرة ارزقني بتوائم سليمين وأرزق كل من يدعي لي
21-06-1430 هـ, 12:11 مساءً
ابدا مايعتبر سهل لان اسئلتهم مرة مرة مرة دقيقه ويحتاج لتركيز في المذاكرة ... خصوصا التاريخ
بالتوفيق
21-06-1430 هـ, 10:17 مساءً
^
^
^


وراتس خوفتينا

امززح ...بس وش اللي صعب مو اختياري..

على العموم مافي شي سهل بالدنيا هذي دراسه واكيد يبيلها تركيز بس

انتي باي مستوى..؟؟
22-06-1430 هـ, 08:03 صباحاً
اختي صاااااااااحبة الموضوع كنت ابسألك بخصوص تخصص إدارة أعمال

ماهي المجالات الوظيفية لهذا القسم بعد التخرج؟؟
23-06-1430 هـ, 01:59 صباحاً
عفوا يا بنات انا مو سعوديه وشهادتي مو من المملكه ومصدقه من مكان ما كنت ادرس وين لازم اصدقها هنا بالرياض
وايش الاوراق اللي لازمه علي عشان ادخل الدوره التاهليه وكم رسومها ومتى اخرموعد تسجيل فيها ولو ما دخلتها تالصيف ينفع ادخلها بدايه السنه الدراسيه
اسفه طولت عليكم
09-07-1430 هـ, 06:54 صباحاً
انتي مثلي .....


انا خلصت الدوره التأأهيليه وناويه اتخصص اداره اعمال ان شااء الله ..

والله شوفي .. مافي شي سهل .. صديقتي تدرررس اقتصاد منزلي وعندها رياضيات وكيمياء وتقول لازم تذاكر ويبي له تررركيز ...

اجل وشلون التخصصات الثانيه ....

توووكلي على الله وادخلي اهم شي التخصص يكون ممتع وانتي تدرسينه
http://forum.hawaaworld.com/showthread.php?t=1778724 حمله " ماذا تعرفين عنه ؟" ادخلو شاركوني لاهنتوو ..
10-07-1430 هـ, 02:04 صباحاً
طيب بالنسبه للي سجلو فيه الحين تسجيل وانا متخرجه قبل ثلاث سنوات يعني مافيه قدرات لازم اختبر بقبل التسجيل في الدوره ومتى بتفتح


الساعة الآن 05:19 .

جميع الحقوق محفوظة - عالم حواء - 2015