السعودية - الرياض
مطلوب اسطوانة غاز
.
              

السعودية - الرياض
مطلوب اسطوانة غاز
.
إضافة رد
 
أدوات الموضوع انواع عرض الموضوع
04-07-1430 هـ, 01:30 مساءً
#1381
اولا أسماء الملائكة الكرام التي ورد ذكرها بالقرآن الكريم

1. جبريل (عليه السلام): إبلاغ الوحي‎
2. ميكائيل (عليه السلام): إنزال المطر وإنبات النبات‎
3. ‎إسرافيل (عليه السلام): النفخ في الصور يوم القيامة
4. ملك الموت(عليه السلام): ‏قبض الأرواح وله أعوان من الملائكة
5. ‎ رضوان (عليه السلام): ‏خازن باب الجنة
6. الانية: هم تسعة عشر ملك اوكلهم الله تعالى بالنار فهم خزنتها وكّلهم يقومون بتعذيب أهلها
7. حملة العرش: حملة عرش الرحمن أربعة وإذا جاء يوم القيامة أضيف إليهم أربعة آخرون ‎
8. الحفظة: عملهم حفظ الإنسان‎
9. الكرام الكاتبون: كتابة أعمال البشر وإحصاؤها عليهم فعلى يمين كل عبد مكلف ملك يكتب
صالحأعماله وعن يساره ملك يكتب سيئات أعماله‎
ومن وظائف الملائكة أيضا العناية بشئون المؤمنين والتأييد والنزول للنصر‎


ثانياأسماء السموات السبع

السماء الدنيا تتكون من سبع سماوات كما ذكر الله في محكم
كتابه الكريم وفي هذا الموضوع نذكر اسم كل سماء ومما تتكون او ما هو لونها
1. اسم السماء الدنيا الاولى: رقيع وهي من دخان
2. اسم السماء الثانية: قيدوم وهي على لون النحاس
3. واسم السماء الثالثة: الماروم وهي على لون النور
4. واسم السماء الرابعة: أرفلون وهي على لون الفضة
5. واسم السماء الخامسة: هيفوف وهي على لون الذهب
6. واسم السماء السادسة: عروس وهي ياقوتة خضراء
7. واسم السماء السابعة: عجماء وهي درة بيضاء
فسبحان الله على خلقه

بعض المعلومات عن الملائكه ...

1- وجوب الإيمان بالملائكة عليهم السلام:
إن الإيمان بالملائكة من الواجبات الإعتقادية، قال الله تعالى: {آمَنَ الرَّسُولُ بِمَا أُنزِلَ إِلَيْهِ مِنْ رَبِّهِ
وَالْمُؤْمِنُونَ كُلٌّ آمَنَ بِاللَّهِ وَمَلائِكَتِهِ وَكُتُبِهِ وَرُسُلِهِ لا نُفَرِّقُ بَيْنَ أَحَدٍ مِنْ رُسُلِهِ وَقَالُوا سَمِعْنَا وَأَطَعْنَا
غُفْرَانَكَ رَبَّنَا وَإِلَيْكَ الْمَصِيرُ} [البقرة: 285].
فالمؤمن عليه أن يعتقد اعتقاداً جازماً بأن الله خلق عالماً سماه الملائكة.
وقال رسول الله صلى الله عليه وسلم في الحديث المشهور المتضمن أسئلة جبريل عليه السلام
للرسول صلى الله عليه وسلم ما الإسلام والإيمان والإحسان: قال - أي جبريل عليه السلام -
فأخبرني عن الإيمان، قال - أي رسول الله صلى الله عليه وسلم: "أن تؤمن بالله وملائكته وكتبه
ورسله واليوم الآخر وتؤمن بالقدر خيره وشره" قال - أي جبريل عليه السلام -: صدقت
ومن أنكر وجود الملائكة، كان إنكاره كفراً وضلالاً لأنه أنكر ما هو ثابت ثبوتاً صريحاً في القرآن
الكريم والسنة الشريفة قال الله تعالى: {وَمَنْ يَكْفُرْ بِاللَّهِ وَمَلائِكَتِهِ وَكُتُبِهِ وَرُسُلِهِ وَالْيَوْمِ الآخِرِ فَقَدْ
ضَلَّ ضَلالا بَعِيدًا} [النساء: 136].

2- حقيقة الملائكة:
الملائكة عليهم السلام عالم خلقه الله من نور، لهم قدرة على التمثل بأمثال الأشياء بإذن الله تعالى،
لا يوصفون بذكورة ولا أنوثة.
قال رسول الله صلى الله عليه وسلم: "خلقت الملائكة من نور، وخلق الجانُّ من مارج من نار،
وخُلق آدم مما وصف لكم " رواه مسلم.
فالملائكة نوع من خلق الله تعالى مغاير لنوع الإنس والجن فالإنس والجن يتناسلون ويتناكحون
ويوصفون بذكورة وأنوثة بخلاف الملائكة عليهم السلام لا يتناسلون ولا يتناكحون ولا يوصفون
بذكورة ولا بأنوثة.
قال الله تعالى: {وَجَعَلُوا الْمَلائِكَةَ الَّذِينَ هُمْ عِبَادُ الرَّحْمَانِ إِنَاثًا أَشَهِدُوا خَلْقَهُمْ سَتُكْتَبُ شَهَادَتُهُمْ
وَيُسْأَلُونَ} [الزخرف: 19].


- حكمة وجود الملائكة عليهم السلام والإيمان بهم:

إن في وجود الملائكة والإيمان بهم حكماً متعددة منها:

أولاً: أن يعلم الإنسان سعة علم الله تعالى وعظم قدرته وبديع
حكمته، وذلك أنه سبحانه خلق ملائكة كراماً لا يحصيهم الإنسان كثرة ولا يبلغهم قوة
وأعطاهم قوة التشكل بأشكال مختلفة حسبما تقتضيه مناسبات الحال.

ثانياً: الإيمان بالملائكة عليهم السلام هو ابتلاء للإنسان بالإيمان
بمخلوقات غيبية عنه، وفي ذلك تسليم مطلق لكتاب الله
وسنة رسول الله صلى الله عليه وسلم.

ثالثاً: أن يعلم الإنسان أن الله تعالى خلق ملائكة أنقياء أقوياء
لكلٍ منهم له وظيفة بأمر من الله تعالى إظهاراً لسلطان ربوبيته وعظمة ملكه،
وأنه الملك المليك الذي تصدر عنه الأوامر، من الوظائف التي أمروا بها:
نفخ الروح في الأجنة ومراقبة أعمال البشر، والمحافظة عليها وقبض الأرواح وغير ذلك... .

رابعاً: أن يعلم الإنسان ما يجب عليه تجاه مواقف الملائكة معه
وعلاقة وظائفهم المتعلقة به، فيرعاها حق رعايتها ويعمل بمقتضاها وموجبها.
مثال ذلك: أن الإنسان إذا علم أن عليه ملكاً رقيباً
يراقبه وعتيداً حاضراً لا يتركه، متلقياً عنه ما يصدر منه، فعليه أن يحسن الإلقاء
والإملاء لهذا الملك المتلقي عنه والمستملي عنه الذي يدون على الإنسان كتابه
ويجمعه ثم يبسطه له يوم القيامة وينشره ليقرأه قال الله تعالى:
{اقْرَأْ كِتَابَكَ كَفَى بِنَفْسِكَ الْيَوْمَ عَلَيْكَ حَسِيبًا} [الإسراء: 14].


توقيع

اللهم اغفر لى ولوالدى وللمسلمين والمسلمات الاحياء منهم والاموات

رد مع اقتباس إرسال الموضوع إلى الفيس بوك إرسال الموضوع إلى تويتر
ام جميله 2 غير متواجد حالياً  



04-07-1430 هـ, 01:33 مساءً
#1382
المشاركة الأصلية كتبت بواسطة Egypty مشاهدة المشاركة
الاكل اللي عملته في العزومه كان سبيط محشي ودي طريقته
اسلق السبيط وهوه عباره عن قراطيس واصفيه من المايه واكون فارمه جمبري وسبيط مع بصل وحاطه بهارات وكاري وثوم واحشي بيها السبيط القراطيس وارصهم في صينيه واكون مسبكه طماطم واضعها عليه واروش بهارات وملح والف الصينيه بالقصدير وادخلها الفرن
المشاركة الأصلية كتبت بواسطة Egypty مشاهدة المشاركة
وعملت شوربة فواكه البحر بصله وشوحتها المفروض في زبده بس عملت بالسمنه وبعد كدا حطيت الجمبري والسبيط المتقطع قطع صغيره وصوابع الكابوريا اللي بتتباع جاهزه اكيد عارفنها وترشي برش ليمون وريحان ماكنش عندي حطيت زعتر وكاري وبهارات وفلفل اسود وكنت غاليه مايه حطتها عليهم وحطيت الكريمه اللباني وسبتهم شويه عالنار وطفيت بس كانت روعه
والبرياني بصل وفلفل اخضر شوحتهم في سمنه وزيت كتير لان من اسرار نجاح الروز البسمتي نقعه ووضع زيت وسمنه كتير ووضع ملح كتير مش اوي يعني وبع البصل والفلفل حطيت ثوم والجمبري والسبيط المتقطع وسبتهم عالنار شويه وبعد كدا حطيت بهارات البرياني الجاهزه وحطيت الروز وكنت غاليه المايه ضفتها عليهم وقفلت الغطاء لحد ماغلي والمايه لسا فيه شويه وطيت النار
وكان فاضا شويه من الجمبري والسبيط المفرومين في البصل ضفت عليهم روز مسلوق وكور كور في البيض والبقسماط وعلي الزيت كانت روعه
لما طلعت السبيط قطعته حلقات بس براحه عشان اللي فيه مايطلعش وحطيت حواليه الكفته وخلاص
ياللهوي هاضرب معلش انا قصدي افيد اصلي مش بدخل بمشاركات مفيده دايما



رووووووووعه ما شاء الله الله اكبر
بس عندى شوية اسئله...اصل كبيرى فى البحريات السمك المقلى و السمك المشوى ...ولما بفتكس بتبقى الصيادية هههههه
1- اولا معلش ايه هيه صوابع الكابوريا دى...بتجبيها بكام و هل من عند السماك؟؟؟ ......وكمان الجمبرى و السبيط بتجيبيهم من السماك ولا مثلجين من السوبرماركت ؟؟؟؟
2- انا بمووووت فى شوربة فواكه البحر ...وفيه واحد فى مصر الجديده اسمه اسماك النزهة ...فظييييع بيعمل شوربه خرافة
بس السؤال ......ممكن تحطى عليها جزر مبشور + كرفس مستورد + قواقع ههههههههههههه


3-معلش منين بهارات البريانى ؟؟؟؟؟؟

الله يحفظك و يفتح عليكى



بنات كلكم كده لو سمحتم

1- عايزة طريقة صيادية معتبره

2- شوى السمك بالردة فى المنزل (فيه ناس بتلفه فى فويل و تحطه على الشياطه بتاعت الرز من فوق) انتم بتعملوه ازاى؟؟؟؟

كان فيه حلقة من برنامج عباسيات كانت فى فتافيت ......من محل قدورة بتاع السمك الشهير .....فى الاسكندرية
و عمل سبيط بطريقتك و سمكه كبيره بالمايونيز و شكر اوى فى المايونيز على السمك و قال طعمه مش باين

المشاركه الجايه هنزلكم كل وصفات البرنامج ده ..لاقيتها فى منتدى واحد بس ...لازم تسجيل علشان تشوفوا المحتوى.هرحمكم وانزلها هنا بس استحملونى ...بس بجد احترااااااااف



المشاركة الأصلية كتبت بواسطة Egypty مشاهدة المشاركة
انا من حدائق حلوان ربنا يخليلك يوسف ومريم على فكره انا اللي بحفظ يوسف وحبيبه بحاول اقرا بالتجويد على قد ما اقدر
ما شاء الله الله اكبر..... يارب يباركلك فى يوسف و حبيبة يارب
وان شاء الله تختمى معاهم ..........هدورلك على حضانه..اصل فيه اكتر من موضوع فى منتدى عن الحضانات اشوفهم و ارجعلك ان شاء الله



المشاركة الأصلية كتبت بواسطة um susu مشاهدة المشاركة
اسماء (تسلم إيدكم)
ما شاء الله تبارك الله ، سلمت يمناك على هذا المجهود الجميل الذي ادخل السرور على قلوبنا جميعا...
فديو في غاية الروعة ومتكامل من جميع نواحيه صورا .. لحنا ... كلماتا ...
فيدو يدل على ذوق ورقة صاحبته...
اجد صعوبة في طباعة الأحرف لان الدموع تنهمر من عيني كالمطر الغزير...
وكم يسعدني ان الله اصطفانا في هذا السرب الجميل...
اللهم بارك لنا في هذه الصحبة المباركة واجمعنا مع الحبيب المصطفى يارب .

سيكون هذا المجهود محفزا لنا جميعا ويبعث روح الامل والتفاؤل في انفسنا والراحة والسكينة في قلوبنا ونبذل ما بوسعنا لنرقي بانفسنا يوما بعد يوم ونكون من عباد الله المخلصين المقربين.

ام سوسو .............مش عارفه اقول ايه بس
كلانم رهيب و مؤثر ........انا بقى اللى اجد صعوبه الان فى التعبير....ما شاء الله الوالد الله يطيل فى عمره كان صاحب اول شعله
بصراحه كان تأثيره الاكبر ......الله يعزه
ومش عارفه اتكلم

بس فرحاااااااااااااااااااااانه اوى بالكلمتين بتوع
يبعث روح الامل والتفاؤل في انفسنا والراحة والسكينة في قلوبنا ونبذل ما بوسعنا لنرقي بانفسنا يوما بعد يوم ونكون من عباد الله المخلصين المقربين

ده النيشان بتاعى.......الله يجازيكى كل خير يارب




المشاركة الأصلية كتبت بواسطة femal مشاهدة المشاركة
بنات عايزة اسال على حاجة انا باسوى الخضار على البخار بس مالوش طعم عايزة اعمل صوص احطة علية حد عندة طريقة
ممكن تشوحيه فى زبدة بعد مايستوى ......الزبده مع الخضار بتبقى روعه
ممكن تحطى عليه مايونيز و تعملى طبق سلطه زى بتاع بيتزا هت ....بيبقى جنان و عيالك هيلتهموه بالف عافية

طريقة المايونيز المنزلى بدون بيض نهائىىىىىىىىىىىىى باللبن
ربع كوب لبن + حوالى نصف كوب زيت نباتى عادى + ملعقة خل صغيرة + من نصف الى ملعقة صغيرة مسطرده حسب الزوق + رشة ملح خفيفة + رشة فلفل خفيفة + نقاط قليلة من اليمون + واحد بطاطس صغيرة مسلوقة بغير ملح (للقوام التقيل المفضل)
تضربى اللبن + باقى المكونات غير الزيت و البطاطس
و بعدين من فتحة الخلاط من فوق نزلى الزيت نقطه نقطه ده مهم جدااا علشان الخليط يمتزج مع الزيت
اول ما يبتدى يمسك (بيقولوا دايما فى فتافيت اول ما يتغير الصوت اللى طالع من الخلاط) توقفى
و حطى البطاطس متفتفته شويه شويه
ممكن مياخدش كل الكمية مش مشكله
هتلاقى من البطاطس القوام تقيل كده و حلو مش خفيف و الطعم روووووعه

لو عندك اى طريقة مايونيز تانى .......بس بدلى البيضة بربع كوب لبن بقرى ....هو هو واحلى كمان



المشاركة الأصلية كتبت بواسطة ROSHANA مشاهدة المشاركة
اسماء
الفديو جميل جزاكى الله خيرا
كنت سألتك قبل كده عن فرق برنامجك عن السويتش ماكس مش اخدتى بالك من السؤال ممكن تردى على الخاص لو تحبى


ياااااااخراشى يا روشانا
اولا جزانا و اياكم .ميرسى حبيبتى
و ازاى بقى اتاخر عليكى.....انا اسفه و الله ...انقطعت عن السرب فترة كبيرة و مكنتش بتابع علشان بس اركز فى الفيديو ...حتى لو مردتش على الناس ...ببقى مشغولة وافكر فى مشاكلهم....فكمان لو كنت قعدت ارد كنت خلصت فى شهور..و كنت وعدت و علشان كده كان لازم الاول اوفى بالمفجأه


لو سمحت يا بنات لو حد كان طلب حاجة او استفسار لو سمحتم يحطه تانى...دلوقتى انا بتابع معاكم



Corel VideoStudio 12

شوفى يا سيتى اولا ده الرابط بتاع البرنامج و معاه الباتش

http://www.w-enter.com/forum/f25/t28320/




لااااااااااااااااا هو اسهل من السويتش ماكس........هو زيه بس فى اسلوب الطبقات .......انا افضله عنه
و الماكس مش بتاع فيديو او تحرير فيديو ...مش بياخد من كاميرا ديجيتال ...ده كبيره شوية فلاش...ورخم اوىىىىىىىىى مش بحبه خالص

ده بقى سهل اوى.....بحس انه باور بوينت
بعد ما بتدخلى الفيديو و الصور اللى انت عايزاها .....تختارى افكتات جاهزة فى البرنامج على الصور مثلا..... تقربى ...تبعدى
و فلاتر جاهزة بس تطبقيها على الفيديو او الصور ...زى مثلا ضوء يتحرك او تغيير للالوان ...حاجات كتيره اوىىى اوىىىىىى .....غير النقلات الى بتكون بين الصور و بعض ....و تضيفى نص عربى بأستخدام برنامج ابو رشيد الشهير للكتابة فى البرامج التى لا تدعم العربية ....تقريبا كلها ههههههههههههههههههه
و تطلعى الناتج ملف فيديو و بيدعم امتدادات كتيره اوىىىىىىىىىىىىىىى
بس خلى بالك
مش بياخد امتداد
rm بتاعت RealPlayer خاااااااااالص
بس امتدادات زى
mpg او avi
و بنستعين بالبرامج اللى بتحول من الامتداد ريل بريل لو مزنوقين و مقدمناش غير فيديو حلو بالامتداد ده


يارب اكون وفيتك حقك فى الرد و لو عندك اى سؤال مترردديش وانا اسفه تانى على التاخير




المشاركة الأصلية كتبت بواسطة spanishflower مشاهدة المشاركة
تسلم ايديكم بارك الله فيكي و الله علي مجهودك و التجويد ممكن تتعلميه من الدروس في اي موقع ديني يعني زي مجالس العلم او منهج بيدوا دروس تجويد و حتي علي البالتوك في كتير دروس و تبقي سماعي يعني الولاد هيتنططوا جواليكي و انتي حاولي ركزي و الله بجد اصل مفيش حل تاني
و تعرفي لو حكيتلك علي القصص للناس اللي معايا هنا في اليابان و معظمهم مش شفتهم يعني بنتكلم علي الياهو كونفرنس بس و الله ما شاء الله اكبر عليهم صحبه صالحه راءعه و كميه البنات اللي ختموا القراءن و معاهم اطفال و بيت و زوج و في منهم صاحبتي بتدرس برضه هما اللي بيشجعوني و لو شويه كده همتي فترت اكلم اي واحده فيهم تشجعني و الله مشفتهم و لا نعرف بعض الا الحب في الله
معاكى حق ......ياريت تبقى تحطيلنا قصص حلوة ...انا شخصيا بتشجع و بينى و بين نفسى افتكرهم...... و اقول انا برضوا احاول ....فيه ناس اصعب منى بطلى دلع
الله يجازيكى كل خير ...انت بحق ورده يفوح منها اطيب عبير على الاطلاق

معلش ايه البالتوك ه ههههههههههههههههههه بجد؟؟؟؟؟؟؟؟؟؟

بالنسبة لرائحة البيض عموما
1- اشوفهم على فتافيت برنامج حورية ....دايما تقول ابشرى شوية قشرة ليمون ...بيضيع الريحه خالص بتاعت البيض.......ومش بيتخلى فيه طعم لليمون ......حتى تحطه على الكيك و الحلويات ..بتقول الريحه تختفى

2- لما حورية الجزائرية .....بتيجى تحط البيض بالفرشة على المخبوزات ....تقول مينفعش تحطى فانيليا من فوق...واحنا نتضايق من ريحة البيض على المخبوزات...قالت بس اعملى شوية نسكافية او قهوة ..و بس حطى نقطة او نقطتين متكتريش...نقطة بس على البيض و تضربيه و تدهنى بيه ......بتلاقى الريحة اختفت..و اللون بيبقى حلو اوىىى...غامق ذهبى كده
(نصيحه هناااااااا ......متسيبيش البيض كتير استخدميه علطول ....مره سيبته فى التلاجه مع النيسكافيه طعمه مرر.....يعنى قبل الاستخدام علطول وفعلا الريحه راحت)

و شكرا على طريقى الكريمة .....و مقدرش اقولك متحريميناش....اصلك نبع متجدد ما شاء الله الله اكبر





المشاركة الأصلية كتبت بواسطة omyosef مشاهدة المشاركة
السلام عليكم ورحمة الله وبركاته
اللهم اهدنا بنورك وهب لنا لسانا لا يفتر عن ذكرك
من امبارح مش عارفه اكتب اقول ايه الفيديو بتاع اسماء عقد السنتنا كلنا يارب يباركلك في حياتك وينولك كل الي تتمنيه ويجعله في ميزان حسناتك

وواضح طبعا الجهد ألي بذلتيه فيه من اول ثانيه
حسيت بقلبي بيتخطف وانا شايفه صورة الكعبه مع الكلام وبعدين القب المضئ واعلام بلادنا وكل حاجه فيه بتبين اد ايه انتي احساسك مرهف وترجمتي ببراعه كل احاسيسنا في مقطع جميل
بجد احنا فخورين بيكي انك معانا وانا فخوره اني معاكو ويارب نكون عند حسن ظن بعض
اسماء انتي دخلتينا حاله مش قادره اوصفها تخيلي كأني في حالة حب حقيقي
كأني واحده بتحب من اول وجديد بس مش حبيب لأ احبه كتير ما شوفناش بعض لكن حبينا بعض لله وفي الله

حاسه ان جوايا كلام كتير مش قادره اعبر عنه ربنا يكرمك يارب احلي هديه شوفتها في حياتي
ام يوسف
انا اللى لسانى اتعقد ......مش عارفه ارد بأيه بس
كلامك حساس و صافى اوىى.....زى قلبك...وانا اللى فخورة يعلم الله...و زى ما قلتى....هيه حالة جميله شفتها فعبرت عنها .....يعنى الاصل انتم ......انتم اللى عملتم كده ....و انا فرحانه اوى بالحالة الجميله دىىىىى......يارب يديمها .....الاحساس الحلو جوانا بيصبغ الدنيا من حوالينا بلون تانى و بيهون علينا و يقوينا

الله يفرح قلبك يا ام يوسف




المشاركة الأصلية كتبت بواسطة 3aroos elneel مشاهدة المشاركة
السلام عليكم ورحمة الله وبركاته
( الحمد لله حمدا كثيرا طيبا مباركا فيه كما يحب ربنا ويرضى)
الحمد لله عدد ما خلق فى السماء
الحمد لله عدد ما خلق فى الارض
الحمد لله عدد ما بين ذلك
والحمد لله عدد ما هو خالق
ام سوسو جزاك الله خيرا وفى ميزان حسناتك ان شاء الله
اخواتى قرأت مقاله أثرت فى نفسى وحبيت انقل لكم ملخصا
مع اننا نصلى ونقرا القرآن ونقوم بكل العبادات لكن مع ذلك
نشتكى من الضيق النفسى والاكتئاب
عارفين السبب ايه فى الاكتئاب
اننا عطلنا القلب عن القيام بوظيفته قمنا بالعبادات كحركات
نصلى ونسرح نقرا القرآن والفكر مشغول
لاننا بشر نقع فى هذه الاخطاء فالحل
ان نعبد الله بقلوبنا قبل الصلاه وقراءة القرآن واى عباده
نستحضر القلب ونترك كل مشاكلنا وهمومنا ونقبل على الله بقلوبنا
وليس حركات نأديها فلو عبدنا الله بقلوبنا ونناجيه ونشكو اليه ونتوسل اليه
سنجد للعباده لذه تنسينا همومنا ونترك الامر كله لله فكل امر المؤمن خير
وبرنامج ام سوسو التهيئه لرمضان هو بمثابة تدريب فلو احتجنا لعمل
تمارين رياضيه لابد من التسخين فى الاول والبدء بتمارين بسيطه
حتى يتهيأ الجسم للنشاط الرياضى فهذا هو هدف برنامج الاستعداد لرمضان
التهيئه القلبيه لرمضان حتى نعبد الله بقلوبنا ونخرج من رمضان بزاد
من الايمان والطاقه الروحيه تكفينا باقى العام ان نعبد الله بمثل هذه اللذه
بلاش نفوت الفرصه لان ربنا سبحانه وتعالى يحبنا فيسخر لنا من يذكرنا
وياخذ بيدينا فبلاش نفوت على انفسنا الفرصه
يبقى برنامج ام سوسو بسيط وسهل وحا تعمليه وانتى فى المطبخ وانتى بتنظفى
يعنى مش محتاج وقت مخصوص يتبقى حفظ القرآن مين تتبرع لمتابعة الامر
بالنسبه لى اتمنى لكن لضيق وقتى والاستعداد للسفر عايزين نشد بعض للحفظ
ولو آيتين فى اليوم ولو كنتى غير ملمه بأحكام التجويد لو حفظتى مع شيخ
حا تكون مخارج الحروف صح يعنى نطقك صح والتجويد سهل جدا
وقلت قبل كده فى برنامج احمد عامر على دريم وفى له موقع اسلوبه
مبسط جدا لشرح احكام التجويد وشوفى شيخك المفضل واحفظى معاه سواء على
الكمبيوتر او الموبايل او الام بى ثرى يعنى الامر فيه متسع كل حسب ظروفه
ورانيا جزاها الله خيرا بتحكى عن اخوات مشرفات ومشغولين اكثر مننا بكثير
ومع ذلك مستمرين على الحفظ ولو وقتك ضيق اعتبرى حفظ آيتين فى اليوم
هو وردك للقرآن وصلى بيهم لعدم السرحان يعنى بعمل واحد كسبتى اكثر من اجر
بنضيع اوقت كتير سواء مكالمة تليفون او مسلسل والحفظ وقته اقل بكثير
بلاش تعينى الشيطان على نفسك وقتى ضيق مش عارفه تجويد الحفظ عندى صعب جدا
ابدأى بآيه وكررى فيها طول اليوم يبقى عملتى ما عاليكى واجنهدتى
يالا نشد الهمه ومين تتابع الحفظ وتاخد العصايا هديه منى
رمضان ان شاء الله السنه دى فى الحر فعايزين وجبات خفيفه
وصديق العائله الزبادى فى السحور مهم جدا لانه بيقلل العطش
وبيشبع جدا وكمان ممتاز لحرق الدهون
اعمليه فى البيت اضمن وانظف لتر حليبل اربع اكواب
عليهم اثنين كوب زبادى الحليب يكون دافىء ونضيف الزبادى
ويقلب ونلف الحله بفوطه من الليل للصبح
ولو عايزه لبنه يبقى بشاشه بعد ما الزبادى يخلص نصفيه
من ماؤه تماما ويوضع فى علبه فى الثلاجه
ووقت الاكل ضيفى عليها زيت زيتون ونعناع مجفف
واى نكهه تفضليها وصديق العائله الفول طبعا الاسعار بتزيد
جدا على رمضان ممكن تبدأوا تشتروا الفول قبل رمضان
و وبنقع الفول قبل بليله وفى حلة الضغط الفول واى اضافات
تحبيها وبعد ما يستوى قسميه على الفريزر وعلى حسب حجم الفريزر
سولى كميه للشهر او للاسبوع
ويبقى كده وجبة السحور جاهزه وغير مكلفه
اللهم بلغنا رمضان واجعلنا جميعا من عتقاؤه
ايجيبتى يفضل طبعا دخول الاولاد حضانه لانه بيغير فى نفسية
الطفل وتفاعله مع الناس وكمان بيكون فى هدنه لك للالتقاط الانفاس
وتقليل العصبيه فتستقبلى اطفالك بهدوء وتبدأى تفلترى ما وصله من معلومات
لان مش صح اننا نقفل على اطفالنا لاننا خايفين عليه من المجتمع الخارجى
لازم تحتك ويتوجه
رغيت كتير سامحونى
سبحانك اللهم وبحمدك اشهد ان لااله الاانت سبحانك انى كنت من الظالمين

ما شاء الله يا عروس .....كلامك صح كله.....اكيد لو احاول بجد و همة فيه طرق.......المشكلة فينا فى النهاية ...صحيح جدااااااا......مش حابه اوعد...مع نفسى كده و لما امشى فى حاجة شوية.اجاى و اقول ان شاء الله...الله يبارك فيكى


المشاركة الأصلية كتبت بواسطة Mama zozo مشاهدة المشاركة

اختى وابنتى اسماء
تسلم ايديكم
فعلا اسم على مسمى
تسلم ايديكى
وايديكم للتفخيم والتعظيم

ام سوسو
عملت عن طريق والدها المجموعة قصة
تحت مسمى سرب الحمامات
واسماء انتجن فيلما
من هذه القصة
يمكن عرضها فيلم تسجيلى وثاااااائقى
اللهم ما اجمعنا سويا بالجنة
لاتنقصنا
وزدنا رب العالمين
امين
ماما زوزو ....نجم عالى فى السرب
الله يعزك و مش قادرة اوصف شعورى ......وكلامك كله زوق
دى حاجة بسيطه يعلم الله

وامييييييييييييييييييين يارب العالمين
اجمعنا يا ذا الجلال و الاكرام سويا ...لاتنقصنا بكرمك .. وزدنا يا رب العلمين


توقيع

لا يوجد شيء .............لا يمكن إصلاحه بإذن الله

رد مع اقتباس
تسلم ايديكم غير متواجد حالياً  



04-07-1430 هـ, 01:38 مساءً
#1383
السلااااااام عليكم

ازيكم يا بنات ؟؟
المشاركات كلها تحفه بجد وفيها افاده جامده جدا
ما شاء الله عليكم
بس مش بلحق ارد اصلى نويت انقل عند بابا والشغل كتر اكتر عليه لظروف النقل وكده
ادعولى مندمش على الخطوة دى وربنا يستر
عروس
هقعد على قلب بابا عشان ميفكرش فى اللى بالى بالك اظن كده كفايه؟


ام نادين
اسالى اخوكى اساله مباشرة الموضوع مش معقد هو لسه هيجيب منها اولاد هل حالته الماديه تسمح ان يصرف على 5 اولاد مثلا وامهم؟؟؟؟؟؟؟؟؟؟؟ فى الزمن الجميل ده
هل لما تكبر قبل منه مش هيبص لبنت صغيرة تانيه وكمان فاضيه ليه ومعهاش عيال
هو صحيح الحب اعمى بس بيفتح بعد الجواز
ربنا يهديه لما فيه الخير ليه وليها


سلاااام باه
والاكل النهارده معونات خارجيه فميش يوميات غير النقل دعواتكم


توقيع


رد مع اقتباس
mado2006 غير متواجد حالياً  



04-07-1430 هـ, 01:40 مساءً
#1384
ام البنات

صندوق الرسايل عندك ممتلىء من ايااام يا عم المهم فضيه شويه عشان خاطرى


رد مع اقتباس
mado2006 غير متواجد حالياً  



04-07-1430 هـ, 01:48 مساءً
#1385
المشاركة الأصلية كتبت بواسطة حبيبة ابراهيم مشاهدة المشاركة
السلام عليكم ورحمة الله وبركاته

صباح الفل عليكم كلكم

بصراحة انا مبسوطة قوي بالتجمع الحلو دا وأتمنى تقبلوني اخت معاكم

لأني محتاجة أكون بين صحبة حلوة وصالحة وطيبة

في بعضكم يعرفني والبعض لأ علشان كدا حعرفكم بنفسي

أنا سماح عمري 25 سنة ومتجوزة من سنتين وعايشة في الرياض

وعندي يوسف سنة و4 شهور ربنا يباركلي فيه

كنت بشتغل طبعا بس قعدت علشان يوسف باشا

ويسعدني اكون معاكم وتقبلوني اخت ليكم
سمااااااااااااااااااااح .........اهلا بيكى
انت مشهورة اوىىىىىى.......طبعاااا اهلا بيكى


يارب يباركلك فى يوسف ..يوسف بتاعى بقى اصغر من بتاعك بشهرين بس
يارب يحفظهم و كل اولادنا جميعا
و تخاوية ببنوته زى القمر ان شاء الله

و تسميها مريم علشان يبقى عندك يوسف و مريم
زىى.......... و زى ام يوسف


المشاركة الأصلية كتبت بواسطة rasha12wa مشاهدة المشاركة
اسماء......
ماشاء الله تبارك الله تسلم ايدك على الفيديو ماشاء الله معبر و جميل خالص
ونهايته روعة
تسلمى يا رشا.........الله يحفظك ........شكرا لكلامك الجميل و الحمد لله عجبك
الله يبارك فى عمرك...بس فكرينى سريعا انت عندك ولاد اسمهم ايه و طبعا اسمك رشا ؟؟؟؟؟


رد مع اقتباس
تسلم ايديكم غير متواجد حالياً  



04-07-1430 هـ, 02:11 مساءً
#1386
وصفات برنامج عباسيات من فتافيت ...........البرنامج ده بيزور المطاعم الشهيرة و بياخد الوصفات من مطابخها .اكلات محترفة اوىىىىىى
هيه من الموقع ده http://www.kashada.com/vb/showthread.php?t=4039
ولازم تسجلى .انا سجلت و جبتها............بجددددددددددد ددددد تحفه


سمك قاروص (تورتة سنجارى)



المكونات

- سمكة سنجارى مخلية من الشوك .
- توابل ( ملح – فلفل – كمون – ثوم – ملح ) .
- مايونيز.
- نصف كج زيت ذرة.


طريقة التحضير
- تتبل السمكة بالتوابل السابقة.
- يضاف طبقة مايونيز عليها.
- تزوق ببعض الSea Food ( جمبرى مخلى وسبيط) و الخضار المسلوق.

****************************** *************************

كالامارى محشى بال Sea Food



المكونات

- نصف كج كالامارى ( مسلوق).
- 200 جم لحم الجمبرى ( مفروم) .
- 200 جم كالامارى مفروم.
- 2 ملعقة بصل مفروم
- 2 ملعقة فلفل رومى مفروم , 4 فصوص ثوم , 2 ملعقة صلصة ,ملح وفلفل.
- ملعقة بقدونس وملعقة شبت.

طريقة التحضير
- نخلط الجمبرى المفروم مع الكالامارى المفروم .
- نضيف البصل والثوم والفلفل والتوابل والصلصة.
- نحشى الكالامارى بالخلطة السابقة وندخله الفرن حتى يتم التحمير .
- يخرج من الفرن ويقطع حلقات ويقدم بجوار بطاطس محمرة أو أرز.
****************************** *********************

مكس جريل ابو شقرة


المكونات

200 جم كفتة ضانى.
100 جم فراخ شيش تاووك.
150 جم كباب ضانى ريش.
جارنييه مشوى (بصل - طماطم – فلفل ).
توابل للشيش تاووك ( ملح – فلفل – مستردة – بصل مبشور – زبادى ).
ملحوظة : توضع جميع التوابل على الكباب و الكفتة ماعدا الزبادى والمستردة .

طريقة التحضير
- تتبل الكفتة بالبصل والملح والفلفل ثم توضع على الاسياخ.
- تتبل قطع الفراخ بالملح والبصل والفلفل والزبادى والمستردة وتترك لمدة ساعة ثم توضع على الاسياخ.
- تتبل اللحمة الضانى والريش بالملح والفلفل والمستردة والبصل وتترك لمدة ساعة ثم توضع فى الاسياخ.
- يوضع البصل والفلفل والطماطم فى الاسياخ ثم تسوى جميع الاسياخ حتى تمام النضج ثم تقدم ساخنة وشهية وتزوق بقليل من البقدونس المفروم.
****************************** *************************
بيكاتا مشروم على طريقة ابو شقرة


المكونات

180 جم لحمة بتلو ناعم.
بصل – فلفل اسود – مستردة – مشروم
دقيق
زبدة صفراء
عصير ليمون – زيت
– 200 جم مكرونة Noodles .

طريقة التحضير
تتبل اللحم البتلو بالملح والفلفل و المستردة وعصير الليمون.
توضع اللحمة فى مقلاة بها زبدة وزيت لمدة دقيقتين ثم يوضع عليها المشروم الفريش لمدة دقيقة واحدة ثم يوضع عليها 2 ملعقة كريمة فرنساوى وتترك لمدة دقيقة اخرى..
تقدم مع المكرونة الnoodles وتجمل بقليل من البقدونس المفروم الناعم.
****************************** *************************

بلح البحر

المكونات

10 قطع بلح البحر .
كوب كريمة لبانى .
ملعقة صغيرة ثوم مفرى.
ملعقة صغيرة صويا صوص .
5 جرام كرفس .
ملح و فلفل أبيض .

طريقة التحضير
يوضع قليل من الزيت فى طاسة وتوضع على النار.
عندما يسخن الزيت ,يوضع الثوم مع الكرفس ثم يوضع بلح البحر.
تقلب المكونات السابقة ثم يضاف اليها الكريمة اللبانى .
يضاف الصويا و التوابل اليهم حتى تربط الكريمة .

****************************** *************************
أرز لاكازيتا


المكونات
- سمك قرش .
- جمبرى (fresh) مقشر.
- كالاماريا (fresh) مسلوقة.
- نصف بصلة.
- ثوم .
- ثمرة فلفل رومى مقطعة كاروهات.
- صوص بسك (يتكون من : نخاع الجمبرى و بصل و جزر و ثوم و كرفس )ثم يوضع على النار مع عصيرالطماطم وقليل من صلصة الطماطم ثم يصفى الصوص بعد النضج
- زيت قلى.
- ملعقة زبدة.




طريقة التحضير

- توضع طاسة بها قليل من الزيت على النار .
- تضاف الزبدة و السمك والجمبرى و الكالاماريا والثوم والبسك .
- بعد نضج الحشو ,يوضع فى bowel التقديم , ثم يوضع الارز الابيض فى الطاسة على النار ثم يرفع ويغطى به الحشو.
****************************** *************************

اليوكى


المكونات

- 1 كج بطاطس مسلوق.
- نصف كج دقيق.
- 3 صفار بيضة.
- ملح وفلفل.
- 2 وحدة بنجر مسلوق.
- نصف كج سبانخ مسلوق.
- ربع كج جزر مسلوق.
- جبنة باراميتزان.
- جوزة الطيب.

طريقة التحضير
- تهرس البطاطس ثم يوضع عليها عدد 3 صفار بيضة ثم يضاف الدقيق والملح والفلفل وجوزة الطيب وتعجن المقادير.
- تضرب الخضروات المسلوقة فى الكبة( الجزر – السبانخ – البنجر ) فى الكبة جيدا .

****************************** *************************
الموزة بالفتة


المكونات

موزة ضأن – أرز – سمنة بلدى – ملح – فلفل أسود – حبهان – جوزة الطيب – بصل – جزر
ثوم – طماطم – عيش – خل – شوربة لحم – صلصة – ورق لورا – بهارات – 4 كوب ماء.

طريقة التحضير
اولا- طريقة تسوية الموزة:-
- يقطع البصل والجزر و الطماطم تر****ت وتوضع المقادير فى صينية .
- يتم إضافة الملح والفلفل والحبهان واللورا و البهارات والثوم ونضيف لهم الماء.
- توضع الموزة فوق الخليط السابق , ثم توضع الصينية فى الفرن بدرجة حرارة 350 درجة مئوية ,وتترك من ½ 1 ساعة الى 2 ساعة , حتى يتم نضجها.
ثانيا- طريقة تسوية الارز :-
- يوضع الأرز فى ماء دافىء وملح لمدة 15 دقيقة , ثم يتم غسله بالماء البارد .
- يوضع مقدار من السمن فى الصينية ويوضع على النار, وبمجرد أن يسخن ,نضيف اليه الأرز مع التقليب حتى يتم تحميره .
- توضع عليه الشوربه ويوضع فى الفرن حتى ينضج.
ثالثا- طريقة عمل الصلصة:-
مقادير عمل الصلصة:-
- بصل مفروم .
- جزر مبشور.
- ½ كج عصير طماطم.
- 3 ملاعق صلصة .
- توابل(ملح – فلفل – حبهان – بهارات )
- 3 كوب ماء.
طريقة العمل:-
- يوضع البصل المفروم والجزر المفروم فى إناء ونضع عليهم ملعقة كبيرة سمن بلدى على النار حتى يتم التحمير .
- يضاف اليهم عصير الطماطم المصفى وكذلك الصلصة والتوابل.
- يتم إضافة الماء الى الخليط ونتركهم حتى يتم التسبيك الجيد لهم.
رابعا- طريقة عمل الخبز :-
يحمر الخبز فى السمن وتوضع عليه التوابل (ملح و فلفل و حبهان وجوزة الطيب و لورا ) , ثم نضع عليهم قليل من الصلصة والشوربة ونتركه حتى يطرى الخبز.
خامسا – طريقة التقديم :-
- يوضع الأرز المطهى على عيش الفتة ُثم توضع عليهم الموزة سليمة أو مقطعة حسب الطلب .
- توضع ملعقتين كبيرتين من السمن على طاسة على النار ثم نضيف اليها الثوم المفروم حتى يتم التحمير ,ثم نضع عليها الخل والصلصة.
- تزوق بها طبق التقديم وتقدم ساخنة.
****************************** *************************

طبق غابون ستيك


المكونات

- 250 جم ضلع بقرى .
- ملعقة صغيرة زبدة.
- ملعقة صغيرة مستردة.
- نصف ملعقة صغيرة فلفل اسود .
- حبة طماطم.
- نصف بصلة.
- زبدة متردوتيل.

طريقة التحضير
- يتبل الضلع البقرى (T-Bone Steak ) ويوضع فى الزيت والفلفل و المستردة.
- يوضع على الشواية مع نصف البصلة ونصف الطماطم لمدة 25 دقيقة.
- يرفع من على النار ويوضع فى طبق وتضاف اليه الزبدة المتردوتيل ويوضع فى طبق التقديم مع خضار سوتيه وبطاطس محمرة.
****************************** *************************
كشري



المكونات

أرز مسلوق
معكرونة مسلوقة
عدس
تقلية
حمص حب
صلصة
شطه
بصل
صلصة
طشة
دقة


طريقة التحضير
طريقة عمل الصلصة:
تغسل الطماطم ثم تعصر ونصفى.
نضعها على النار مع قليل من الزيت لمدة ربع ساعة.
طريقة عمل الطشة:
يوضع بعض الثوم المفروم في القليل من الزيت على النار لمدة نصف ساعة.
تضاف الطشة على الصلصة ثم يضاف المزيج من البهارات (الكمون، كزبرة نشفة، جوزة الطيب، فلفل أبيض وورق اللورى)

طريقة عمل الدقة:
ثوم مهروس + كزبرة فى خل أبيض.
تخلط كل المكونات ويصبح لدينا طبق من الكشري الشهي



رد مع اقتباس
تسلم ايديكم غير متواجد حالياً  



04-07-1430 هـ, 02:12 مساءً
#1387

****************************** *************************
اللازانيا



المكونات
- عجينة لازانيا تتكون من التالى : ( دقيق و بيض و سبانخ ) , تفرد العجينة فى ماكينة اللازانيا الخاصة بها .
- لحم معصج بالبصل و التوابل .
- 50 جم جبنة جودة.
- 150 جم جبنة موتزريلا .
- 100 جم صوص باشميل .

طريقة التحضير
- يوضع مقدار الباشميل (ملعقة كبيرة) فى طاجن فخار .
- يضاف جزء من اللحم العصاج , مع جزء من كلا من الجبنة الموتزريلا و الجبنة الجودة.
- يوضع طبقات من الجبنة و العصاج و اللازانيا ( العجينة المفرودة) , حوالى 3 أو 4 طبقات.
- يغطى الطاجن بالباشميل و الجبنة ( الجودة و الموتزريلا ) ,وتدخل الفرن .

****************************** *************************
طبق الكفتة الشامى

المكونات

- كيلوجرام لحمة مفروم ناعم .
- ملح .
- فلفل أسمر .
- بصل مفروم ناعم .
- بقدونس مفروم ناعم .
- ربع كيلو جرام فلفل أخضر (مقطع حلقات).
- جوزة الطيب ( مطحونة) .
- ربع كيلو جرام طماطم ( مقطعة حلقات ).

طريقة التحضير
- يضاف مقدار البصل المفروم و البقدونس المفروم الى مقدار اللحم المفروم , ويضاف الى الخليط السابق كمية التوابل ( الملح والفلفل وجوزة الطيب ) .
- تخلط المكونات جميعا جيدا حتى تصبح عجينة متجانسة تماما.
- نبدأ فى تقطيع العجينة على شكل اصابع متوسطة الحجم أو على شكل دوائر.
- ترص أصابع الكفتة على الشبكة الحديدية لشواية الفحم .
- ترص فوق الكفتة حلقات الطماطم وحلقات الفلفل الرومى .
- تترك حتى تنضج ثم ترفع من الشواية وتقدم فى وعاء التقديم المزين بالبقدونس .
****************************** *************************

طبق بط بصوص البرتقال


المكونات

- بطة .
- نصف ملعقة ملح واخرى فلفل اسود.
- بصلة صغيرة مقطعة تر****ت.
- برتقالة مقطعة تر****ت و نصف كوب عصير طماطم.
- 2 ملعقة زبدة.
- ورق لورا.
- 2 ملعقة سكر.
- ملعقة خل.

طريقة التحضير
- تتبل البطة فى الملح والفلفل وورق اللورا.
- توضع تر****ت البصل والبرتقال فى الصاج وتوضع عليها البطة وتزج فى فرن شديدة الحرارة لمدة ساعة.
- ترفع البطة من الفرن ويضاف اليها 2 كوب ماء كبير وتغطى بورق الومنيوم وتعاد الى الفرن لمدة ساعتين مع ملاحظة ان تكون الفرن متوسطة الحرارة.
- توضع 2 ملعقة زبدة على النار مع 2 ملعقة سكر ويقلب الخليط جيدا ثم يضاف ملعقة سكر وملعقة خل مع اضافة عصير الليمون ويضاف اليها صوص البط مع التقليب المستمر.
- يذاب النشا فى ماء بارد ويضاف الى الصوص مع التقليب.
- يقدم البط مع خضار سوتيه وارز ابيض مع صوص البرتقال.
****************************** *************************

الاوسوبوكو



المكونات
- قطع من الموزة البتلو.
- زيت للتحمير.
- بصل - زعتر – لوروا – طماطم – بقدونس – قشر ليمون – ثوم مفروم .

طريقة التحضير
- تتبل اللحمة بالملح والفلفل ثم توضع فى دقيق .
- يسخن الزيت ثم يوضع فيه اللحم المتبل حتى يتلون باللون الذهبى.
طريقة عمل الصوص:-
- يوضع فى طاسة التحمير جزر مبشور مع بصل مفرى وبقدونس وثوم وقشر ليمون.
- توضع طماطم كروهات وملعقة صوص ويترك لمدة 10 دقائق على نار هادئة.
- يوضع اللحم المحمر فى صينية ويوضع فوقه الصوص ويدخل الفرن لمدة ساعة ونصف وعند التقديم يوضع بقدونس مفرى وثوم مفرى وقشر ليمون على الوش.
****************************** *************************

كابريس اللاكريم



المكونات
- 200 جم كريمة لبانى .
- 100 جم مشروم ( عيش الغراب ) .
- 100 جم فراخ مسلوقة.
- 100 جم جبنة جودة توضع على النار.

طريقة التحضير
- توضع الكريمة على النار فى الطاسة ,وتضلف اليها الفراخ و المشروم والتوابل .
- نضيف الى الخليط السابق
المكرونة والجبنة الجودة ويقلب جيدا على النار.
****************************** *************************

الريش الضانى والفلتو


المكونات

- ملح .
- فلفل .
- بصل مفروم ناعم .
- طماطم مفرومة .
- زيت .
- جوزة الطيب .


طريقة التحضير

- يخلط البصل مع الطماطم المفرومة مع إضافة الملح والفلفل و جوزة الطيب وقليل من الزيت .
- تضاف هذه التتبيلة الى الريش و الفلتو مع التأكد أن تغطى هذه التتبيلة اللحم تماما .
- توضع المكونات السابقة فى الثلاجة لمدة نصف ساعة ثم تأخذ و ترص بتناسق داخل الشبكة الحديدية للشواية ثم توضع عل الفحم حتى تنضج ويتم تسويتها


****************************** *************************
المسقعة



المكونات
- باذنجان.
- ريحان مفروم.
- صلصة طماطم.
- زعتر – ملح – فلفل .
- بشاميل.
- جبنة شيدر.
- مارينه( مكونة من:زيت زيتون – زعتر – ثوم – ريحان مفروم – ملح – فلفل)

طريقة التحضير
- يدهن الباذنجان بالمارينه بفرشاة ويوضع على الجريل حتى ينضج.
- تدهن صينية بزيت الزيتون ثم يوضع طبقة من الباذنجان ثم ترش بالريحان المفروم وقليل من صلصة الطماطم وقليل من الباشميل ثم يضاف اليها مجموعة التوابل ( زعتر – ملح – فلفل).
- ثم تضاف طبقة ثانية من الباذنجان حتى تكتمل الصينية ثم توضع طبقة من الباشميل ويوضع عليها الجبنة الشيدر المبشورة ثم توضع فى الفرن.



رد مع اقتباس
تسلم ايديكم غير متواجد حالياً  



04-07-1430 هـ, 02:33 مساءً
#1388

الريزوتو



المكونات
- 2 كوب أرز.
- 4 كوب شوربة.
- 50 جم جبنة بارميزان .
- زعفران.

طريقة التحضير
- زبدة ارز مع زعفران وجبنة بارميزان وملح وفلفل ابيض ومقدار مناسب من الماء لمدة نصف ساعة على نار هادئة.

****************************** ****************************** *******************

طريقة عمل الشركسية



المكونات

- ديك رومى أبيض.
- عين جمل.
- عيش توست.
- سمن بلدى.
- كسبرة مطحونة.
- ثوم و بصل مفروم ناعم.
- طماطم.
- جزر.
- بصل تر****ت.
- كرفس.
- ملح , فلفل أسود , حبهان , ورق لورا ,بهارات , زعتر , ليمون , برتقال مبشور ,ليمون , شوربة فراخ , أرز.


طريقة التحضير
طريقة تسوية الديك :-
- يغسل الديك جيدا ُ ثم يتبل بالبصل المفروم والثوم والبهارات و الكرفس و الملح والفلفل الاسود والليمون والبرتقال المبشور .
- يتم تحضير إناء كبير ونضع فيه البصل المقطع تر****ت والطماطم والجزر والبهارات والملح والفلفل وورق اللورا ,ونضيف اليه عدد 8 أكواب ماء , ثم نضع الديك عليهم وندخلهم الفرن ونغطيهم ويترك الديك للتسوية فى فرن درجة حرارته 350 درجة مئوية لمدة ثلاث ساعات.
طريقة عمل صلصة الجوز :-
- يفرم مقدار عين الجمل جيدا .
- يفرم العيش التوست جيدا و يخلط مع عين الجمل المفروم.
- يوضع فى إناء البصل المبشور الناعم وملعقة صغيرة من الثوم و2 ملعقة سمن بلدى وملعقة كسبرة مطحونة ثم يحمر جيدا.
- تضاف الشوربة اليه ويوضع على النار لمدة 3 دقائق الى ان ينضج.
طريقة التقديم :-
تقطع شرائح من الديك الرومى ونضعها على الارز ويقدم معها صوص الجوز.

****************************** **************************
الرافيولى الاحمر


المكونات

- 1 كج دقيق.
- 8 بيضات .
- عدد 2 بنجر احمر مفروم بالخلاط ومعجون حتى التماسك ثم يفرد فى الماكينة الخاصة من 1 : 7 درجات.
الخلطة :-
- خرشوف .
- جبنة ريكوتا.
- جبنة بارميزان.
- ملح و فلفل أبيض .

طريقة التحضير

- تضرب الخلطة فى الكبة
مقادير الصوص( كونتر فورماجى):-
- 14 نوع من انواع الجبنة.
- 200 جم كريمة لبانى.
- زبدة.
- ملح وفلفل أبيض.


****************************** *********
عايزين بقى نعرف راى الشيفه ريهام (وردة مفتحة)
ايه فى الاكلات ؟؟؟؟؟؟؟؟؟؟؟؟؟؟؟

****************************** *********

معلش خدو دول كمان جاااااااامدين اوىىىىىىىىىى


طاجن فواكه البحر بالشطة

المقادير
كيلو جمبري مقشرحجم كبير او وسط
نصف كيلو سبيط (كليمارى) مقطع شرايح
ملعقتين زيت زيتون
5 فصوص توم مقطع
معلقتين توم مفري
قرنين فلفل أحمر حامي
قرنين فلفل أخضر رومي
حزمتين كسبرة خضراء
2 حبة طماطم مقطعة
معلقتين صلصة
بشر ليمونة
ملح، فلفل
زيت زيتون


الطريقة

نحضر الجمبرى المقشر والكليمارى ونضع ملعقتين زيت زيتون ومعهم رأس توم مقطع وفلفل أحمر حامي ونشوحهم في طاسة تيفال مع رشتين فلفل اسود وملح.

في طاسة تانية:
نضع ملعقتين زيت زيتون ونضع ملعقتين من الثوم المفري وفلفلتين رومى أخضر مقطعة مكعبات وبصلة مفرية والطماطم المقطعة مكعبات وملعقتين صلصة وبشر ليمونة كبيرة (ونراعى الترتيب
السابق)

ونقلب شوية وبعدين نحط حزمتين كسبرة خضراء مفرية في الآخر خالص.

نجيب الطاجن ونحط نصف الخلطة السابقة وبعدين نصب الجمبرى بالسبيط

ونكمل على الوش بباقى الخلطة وندخله الفرن فترة مش كبيرة ربع ساعة تقريبا لحد ما يتشرب


وبعدين تااااااااااااااكلووووووووووووو وووه

***************************


سمك الماكريل بالمسترده

المقادير :
سمكتين ماكريل
عشرين جرام زبده
معلقة (اكل) زيت زيتون
معلقة (صغيرة) بودرة مسترده
معلقة (صغيرة) بودرة شطة بارده
معلقة (صغيرة) كسبرة ناشفة ناعمة بودرة
معلقتين (اكل) خل تفاح او خل عنب احمر
ملح وفلفل اسود

طبعا بعد تنظيف السمك من الداخل 100% تعمل قطع بزاوية فى السمك من الجانبين بعمق واحد سم تقريبا حسب حجم السمكة المهم ما يوصلش لعمودها الفقري، كما هو موضح فى الصورة

تمزج البهارات مع الخل وزيت الزيتون وبفرشة مطبخ تدهن السمك من الداخل والخارج وفى الفتحات وتضع الزبدة فى بطن السمك

الفرن يكون سخن جدا ولو فى الفرن شواية بعد ما الفرن يسخن خليه على الشواية ودخل السمك لمدة عشرة دقايق لكل جنب

انا بستعمل قالب من النوع اللي الاكل ما بيلزقش فيه لكن لو ده مش متوفر تقدر ترفع السمك عن القالب بشاريح بصل علشان ما يلزقش

ميزة الطريقة دى انها سريعة يعنى لا تستهلك وقت ولا وقود كثير! اما الاهم من كده انها صحية جدا لانها بتحافظ على القيمة العالية للاسيد اللى فى السمك ولحم السمك بيكون له مذاق شهى ومميز جدا وبيكون متماسك مش دايب، ووجبة شهية

تقدر طبعا تستغنى عن المستردة وتضيف بدل منها كمون ناعم وفى الحالة دى انصح انك تقطع فصوص ثوم شرايح رفيعة وتضعها فى فتحات السمك اولا وبعدين تدهنه

***************************

طريقة تفسيخ الفسيخ

المقادير
اى كمية من السمك البورى الطازج غير المجمد (شرط اساسى)
ملح خشن
كركم وشطة حمرا
حبات من القرنفل
كيس شفاف نظيف
علبة بلاستيك او صفيح محكمة الغلق

الطريقة
تجيبى السمك وتحطية بعد غسله جيدا تحت الماء
البارد زى ما هوفى مصفاة حتى يتصفى تماما ثم
ترصيه فى صينية مفروشة بمناديل المطبخ و تغطيه
بشاشةوتضعيه قى الشمس علشان الشمس تدخله وتحطية فى
الشمس لمدة يومين كاملين او لحد ما تلاقية ورم
واتنفخ تماما وحتلاحظى انه نزل المياة والدم بتوعه تماماوبقى جاف كأنه مشوى فى الشمس
تخلطى الملح الخشن على الكركم على الشطة وتحشيه
بيهم كويس جدا وتحشى الخياشيم مع وضع حبات قرنفل
فى الخياشيم بتعطيه طعم طيب و تجيبى الملح و تمشى
بايدك على السمكة من تحت من عند الزيل لفوق عند
الراس وتدخلى الملح كويس بين القشور بتاعته تماما
وترصصى السمك فى الكيس راس وزيل يعنى خلف خلاف
وترشى الخليط السابق بين طبقات السمك ثم تحكمى
غلق الكيس بحيث ما يدخلوش هواء تماماوتحطيه فى اى
مكان بعيد عن الهواء لمدة شهر وبعدها يكون الفسيخ جاهز للاكل
تجهزوا معاه سلطة طحينة وفحلين بصل مفشوشين مش متقطعين
****************************** *******

الجمبري المخلل بالليمون و الزنجبيل

المقادير

1 كيلو من الجمبري
ربع كوب من عصير الليمون
نصف كوب من الخل
نصف كوب من زيت الزيتون
3 فصوص من الثوم
فلفل أسود
ملعقة صغيرة و نصف من شرائح الليمون
2 ملعقة كبيرة من صلصة الطماطم
1 ملعقة كبيرة من العسل
2 ملعقة صغيرة من الزنجبيل
نصف ملعقة صغيرة من الملح
شرائح رقيقة من الخيار (حسب الرغبة)
ماء

الطريقة

يوضع كوب من الماء مع الملح في إناء و يترك حتى
يغلي ثم يضاف الجمبري المقشر و يترك حتى يغلي مرة
أخرى ثم تخفف الحرارة و يترك حتى ينضج الجمبري ثم
يصفى و يوضع في ماء بارد ثم يصفى مرة أخرى
لترتيب الجمبري يستخدم إناء قطره 20 سنتيمتر و
عمقها حوالي 10 سنتيمتر يوضع الجمبري في الإناء
بحيث يكون ذيل الجمبري نحو الداخل و يملئ الإناء
هكذا و يمكن وضع شرائح الخيار بين حبات الجمبري
بالنسبة للتخليل يخلط زيت الزيتون و الخل و شرائح
الليمون و عصير الليمون و صلصة الطماطم و العسل و
الثوم المفروم و الزنجبيل و الملح و
الفلفل الأسود و يغطى و يخلط جيداً ثم يوضع فوق
الجمبري و يغطى الإناء و يترك ليلة كاملة
يقلب الجمبري في صحن مسطح أكبر من حجم إناء
الجمبري حتى يتسع له و إناء الجمبري من الوسط بحذر ثم يقدم
وبالهنا والشفا

***************************

طريقة عمل كشك بالجمبرى

المقادير
حوالى 1 كيلو جمبرى مقشر متوسط
علبة زبادى كبيرة
صلصة او عصير 2 حبة طماطم
6 ملاعق دقيق
ملح وفلفل أسود وشطة ومستكة
راس ثوم مهروس

زيت ذرة

كوب لبن

2 كوب مرقة سمك اوماء اذا لم يوجد

قليلا من النعناع الجاف المفروك ومحمر فى قليل من الزيت


الطريقة

يوضع الدقيق واللبن فى اناء مع الزبادى ويقلب جيدا
يقدح الزيت ويحمر الثوم الى اللون الأصفر ونضيف الجمبرى ويقلب ثم نضع الصلصة او عصير الطماطم ونضع البهارات ( الملح والفلفل والشطة وجوزة الطيب والمستكة )
ويتركوا للتسبيك
بعد التسبيك يضاف مرقة السمك او الماء حتى الغليان ثم نضيف اللبن والزبادى بالدقيق
تدريجيا ونقلب جيدا ويترك على نار هادئة الى ان يغلظ قوامه
يغرف الكشك فى اطباق ويرش عليه النعناع المسحوق المحمر ويقدم
(ممكن بشر بصلة وتحميرها ورشها على وجه الطبق)
وبالهنا والشفا

****************************

كاليماري او الحبار محشو بالسمك والجمبري

المقادير
كيلو كاليماري للحشو
فلفل الوان
نصف كيلو سمك مقطع مكعبات وجمبري
1 بصلة مفرية + ثوم مفري
جنزبيل طازج مقطع صغير
2 ملعقة كبيرة روز ماري
100 جرام كابوريامقطعة ويمكن الاستغناء عنها
2 بياض بيض- ملح - فلفل اسود- كمون- كسبرة خضرا


الطريقة:
يوضع البصل والتوم علي النار ويوضع ملعقتان زيت ويشوح ثم يوضع الفلفل الالوان ثم
توضع الكزبرة الخضراء وتقلب .
يضرب بياض البيض ويوضع الجمبري المقطع والسمك والكابوريا ثم يوضع خليط البصل عليه ويقلب
يحشي الكاليماري ويوضع باقي الحشو في صينية ويرص الكاليماري ويوضع في الفرن
يقطع نصفين ويرص في طبق
وبالهنا والشفا

****************************

لكاليماري المحشي

المقادير
ستحتاج الى اكثر قليلا من الكيلو كاليماري منظف وجاهز
6 او اكثر فصوص من الثوم
زيت الزيتون. تضاف كمية لا بأس بها
3 اعواد من الكرفس مقطع بشكل رفيع
كزبرة مفرومة خضراء
بشر ليمونة وعصيرها
بقسماط

الطريقة

يوضع الثوم في ازيت حتى يصفر
يضاف عصير الليمون وبشره والملح والفلفل والبقسماط والكرفس وبعض الكزبره المفرومه
ضعي في كل واحده 2 م ك من الحشوه واغلقيها بعود الاسنان وترص فى صينية
ويوضع عليها الخليط التالى:
م ك كاتشب
3 ملاعق طعام بصل مفروم
2 م ط عصير ليمون
م ط ثوم – بهارات ثم يوضع في الفرن حتى يستوي
وبالهنا والشفا


****************************
السبيط (الحبار او الكاليمارى )

المقادير:

1 كيلو سبيط منظف ومقطع قطع صغيرة -
6 فصوص ثوم -
2 بصل -
1 حبة طماطم -
ا حبة فلفل كبير -
فلفل حار ( حسب الرغبة ) -
2 ملعقة صلصة -
كرفس-
2 ليمون -
2 ملعقة خل -
ملح-كمون-شطة -
3 ملاعق زيت .


الطريقة:
يغسل السبيط جيدا ويغسل بالخل والملح ويشطف عدة مرات حتى تكون مياه الشطف شفافة جدا
نضعة فى مصفاة لازالة الماء الزائد
نقطع البصل قطع دائرية رفيعة ثم نقطع الثوم والطماطم والفلفل الحلو والكرفس الى قطع صغيرة
نضع الجميع فى طاجن/او صينية بيركس او صينية عادية
نضع باقى البهارات مع الليمون والخل والصلصة ونقلب الجميع نضيف الزيت
نغطى الصينية بالفويل اوالالمنيوم ونتركها على نار هادئة (لا نضيف الماء)
لان الخليط السابق سيسبب ماء نتركة على النار الى ان يتشرب كل الماء بعد ذلك نبدا فى
التقليب ثم نضيف القليل من الماء حتى اكتمال التسوية الى ان تتسبك (تقل الصلصة ويستوى الجميع )
طبعا اضافة الشطة والفلفل الحار اختيارية

****************************
سلطة الكلماري المشوي (الحبار


المقادير
1 كيلو كلماري
2/1 كوب زيت زيتون
6 ملعقة كبيرة عصير ليمون
5 فص ثوم مفروم ناعم
1 ملعقة كبيرة شطة خشنة (اختياري)
1 ملعقة صغيرة كمون مطحون
2/1 كوب بصل أخضر مفروم
1 ملعقة كبيرة كيبرز مفروم
1 كوب فلفل أحمر حلو مفروم
2/1 كوب كزبرة خضراء مفرومة
2/1 كوب بقدونس مفروم
ملح وفلفل للسلطة
2 كوب بصل أحمر مقطع كعيدان الكبريت
2 ملعقة كبيرة سماق
2 ملعقة كبيرة زيت زيتون
2 ملعقة كبيرة عصير ليمون
خس مقطع صغير
قطع ليمون للتزيين

الطريقة

- يُنظف الكلماري بنزع العظمة الداخلية والتي تشبه قطعه من البلاستيك الشفاف، ثم تُنزع
طبقة الجلد الخارجية ذات اللون الرمادي، يُُغسل جيداً حتى يصبح لونه أبيض تماماً من الداخل والخارج.

- يُفتح الكلماري بقطع جانباً منها طولياً وتصبح شبه مستطيل، تُفرد على سطح أملس بحيث يلامس الجزء الناعم للسطح الأملس.
- يُشق اللحم بالسكين حاد بعمل خطوط بالجنب ويُراعى عدم قطع الجلد.
- تُسخن الشواية جيداً.
- يُدهن الكلماري بنصف كمية زيت الزيتون ويُشوى على الشواية.
- تُخلط الكمية المتبقية من زيت الزيتون مع عصير الليمون ويُضاف الثوم والشطة والكمون والكيبرز والبصل والكزبرة الخضراء والبقدونس ويُقلب جيداً حتى تتجانس كل المكونات ويُتبل بالملح والفلفل.
- يُوضع الكلماري وهو ساخن في الخليط السابق ويُقلب.
السلطة
- يُوضع البصل في وعاء ويُضاف السماق ويتم دعكهما جيداً باليد حتى يتخلل السماق البصل.
- يُضاف زيت الزيتون وعصير الليمون ويُقلب جيداً.
- تُفرد أوراق الخس على طبق التقديم ويُفرد خليط البصل فوقها.
- يُرص الكلماري المشوي فوق البصل ويُزين بقطع الليمون.

****************************

بروست الكاليماري

المقادير
كيلو كاليماري
نص ك حليب -بيضه – م ص ملح وفلفل اسود-ك بقسماط-زيت للقلي
الطريقة

قطعي الكاليماري
اخلطي الحليب والبيضه والملح والفلفل الاسود بالشوكه
غمسي الكاليماري في البيض ثم في البقسماط ثم اقليه في الزيت
يقدم مع شرائح الليمون والبطاطس ويدجز
وبالهنا والشفا


الكاليماري المقلي

المقادير
2 كاليماري طازج مقاس وسط
1/2 كوب دقيق بطاطس
م ص فلفل اسود
2 م ص فلفل ابيض
2 م ص ملح
2 م ص سماق
زيت للقلي

يوضع الكاليماري في البهارات للتتبيل ثم يغمس في الدقيق ويقلى
ممكن يتبل بالبهارات ويوضع في الفرن او يشوى ويقدم مع الرز والسلطات

****************************
شوربة السى فود

المقادير:

عدد 2 كابوريا.
ربع كيلو سبيط.
ربع كيلو بيبي شريم (الجمبري الصغير).
ربع كيلو سمك فيليه.
ربع كيلو بصل
جندوفللي.
2 ملعقة دقيق.
ربع كوب لبن.
عصير 2 ليمونة.
بصلة مفرومة.
كسبرة مفرومة.
ملح وفلفل.
كرفس وجزر وورق لورو.

الطريقة:

ـ يوضع 2 لتر ماء في إناء ويوضع على النار ثم يقطع عليها البصل وعودين كرفس وتترك حتى يتم غليان الماء.

ـ تسقط فيها الكابوريا والجندوفللي والكلاماري حتى يتم سواهم بعد عشرين دقيقة وتصفى

ـ يوضع إناء على النار وبه الزبدة مع الدقيق وتضاف إليه الشوربة واللبن ويوضع معها عصير الليمون ويضاف إليها الجمبري الصغير والسمك الفيلية والكابوريا والجندوفللي والسبيط مرة أخرى حتى تغلي.

ـ يتم وضع الكريمة عليه، يرش ورق الكسبرة على الوش وتقدم.

****************************

تورتة السمك السنجارى

المكونات

- سمكة سنجارى مخلية من الشوك (تخلى سمكة قاروص من الشوك بعد فتحها من ظهرها وتنظف جيدا حجم السمكة تلاتة كيلو ونصف تقريبا).
- توابل ( ملح – فلفل – كمون – ثوم – ملح ) .
- مايونيز.
- نصف كج زيت ذرة.



طريقة التحضير

- تتبل السمكة بالتوابل السابقة.
- يضاف طبقة مايونيز عليها.
- تزوق ببعض الSea Food ( جمبرى مخلى وسبيط) و الخضار المسلوق( طماطم شرايح وفلفل اخضر واحمر وليمون)

توضع السمكة على ورق فويل وتدخل الفرن اولا لمدة عشر دقائق ثم نخرجها ونضع عليها المايونيز وتتزوق بالسى فود وشرايح الخضار ثم تدخل الفرن مرة اخرى حتى تحمر




رد مع اقتباس
تسلم ايديكم غير متواجد حالياً  



04-07-1430 هـ, 02:37 مساءً
#1389
طبعاااااااااااااااااااا هضرب كفاية كده النهرده

بس خدوا دى كمان ...مدونه مشهورة اوى ..اسمها يوميات شيرى و حاطه فيها فيديو كتيررر اوىىىىىىىىىىىى
و وصفات http://*****diary.blogspot.com/2009/...g-post_22.html

الرابط ده كمان فيه
طريقة عمل العكاوي المصرية من ايد البرنس شخصيا بتاع محل البرنس فى امبابه


يا بنات لو عايزينى اللغى كل المشاركات اللى سابق مفيش مشكله
بس مشكلتها انها فى منتدى كان عايز تسجيل و براحتكم
سلاااااااااااااااااام ورايا 100 حاجة







رد مع اقتباس
تسلم ايديكم غير متواجد حالياً  



04-07-1430 هـ, 03:34 مساءً
#1390
تلسم ايديكى بجد مجهودكم رائع وانتى اسم على مسمى جزاك الله خيرا
مادو يا شريره لحقتى نفسك وحسمتى الموضوع وقفلتى كل الطرق
ربنا معاكى ويعينك على المسؤليه وحاولى تشوفى واحده تيجى يومين
فى الاسبوع حتى تساعدك ومع اتنظيم الوقت ان شاء الله تسدى على المسؤليه
واحتسبى النيه قبل اى عمل
حبيبة ابراهيم تنورى معانا بس خلى بالك عندنا حضور وانصراف وغياب
واساليب للعقاب البنات عارفينها حا اخليها مفاجأه لو استمريتى حا تكتشفى الاساليب
ام يوسف قلقتينى على ام عبد الله ربنا يختار لها الخير ويصلح حالها
ام نادين بنت عمك حا تبذل كل جهدها انها تسعد اخوكى لانها اكيد عارفه
قيمة الزوج والحياه بدون راجل وسند اكيد صعبه فهى حا تبذل اقصى جهدها
المشكله فى الاولاد مهما اخوكى عمل مش حا يرضيهم عندنا تجربه مريره
الاب بعد ما ربى طفل عمره سنه ووصل لسن الاربعين الابن
تنكر لكل ما عمله زوج امه من أجله وسوء سمعته جدا ويتهمه
بالقسوه والجبروت معاه وهو طفل لو كان ذكر مأساته وهو طفل كان حا يجد
من يحتويه ويتعاطف معاه لكنه بيحكى وهو عمره اربعين سنه فالجميع بيلومه
لان مش دى نهاية المعروف
اخوكى مش حا يرتاح نهائى مع بناتها والمأساه الحقيقه حا تبدأ بعد ما ينجب منها
والغيره بين الاخوات والمقارنه
الاب يتعصب على اطفاله ويثور عليهم يا ترى هى حا تتقبل انه يتعصب على بناتها
ويوجهم ويربيهم والكل يتهمه بالقسوه
ولا يتركهم نهائى بدون توجيه حرصا على مشاعرهم ويترك الامر للام
وبرده حا يلام من البنات ده عمره ما اهتم بينا ولا وجهنا فى حاجه
كلميه فى الحاجات دى لانها عن تجربه مريره عندنا


توقيع



رد مع اقتباس
3aroos elneel غير متواجد حالياً  



إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع


الساعة الآن 08:38 .