برواز ملون بالخطوات ... أضعه بين ايديكم..شدوا الهمة في التطبيق

السلام عليكم ورحة الله وبركاته
.. الليلة كنت أعمل عدة أشغال .. ومن بينها هذا البرواز الي ارسلت صورتو مرة سابقة وقلت اني اتوصيت عليه سبع نسخ
والحمد لله هلا توصيت كمان 5 نسخ منو مع اني عملت براويز احلى لكن هذا انطلب مني أكتر ما بعرف ليش وسبحن الله الناس اذواق
أحيانا ما بتعجبني الشغلة بس بلاقي عدد مرتب عجبتي .. واحيانا بفري دم حالي على عمل وما بعجب حدا.. طبعا بنجلط
على كل حال هاي صورة البرواز في النهاية

219237

طبعا هاي مو النهاية النهاية .. لا لسا في شوية تشطيب .. بلمعة لكر .. ولون خفيف عام على اللوحة حتى يوحدها ..وما يكون في تباين شديد في الالوان ..لكن انخنقت صراحة من الدهان الي حطيتو في المشغل كنت أعمل 4 اعمال في نفس الوقت .. ما صدقت خلصت وهربت

نبدا الطيران
هي البرواز بعد ما شديت القماش على الخشب
حجم البرواز 120في 60 وهذا الحجم حلو للحيط العريض
والحجم الي للحيط الطويل 100 في 80 أنا بشوفو احلى حجم بعد الخبرة في اذواق الناس..
عكل حال
هلا ببدا ارشو سايكوت .. ليش ما ادهن دهان هاي المرة ؟ لاني بدي اللوحة بعد اللكر تطلع لامعة جدا زي الفلكس .. فالسايكوت بسكر مسامات القماش والدهان بالرش انعم من الفرشاية .. طبعا في ناس بعجبهم خشونة البرواز لكن هيك انطلب مني

219240

219241

وطبعا بكتب في السايكوت الآيات بعد ما أكون مخطط وين حتيجي الرسمة وبستنى لينشف


219242