01-06-1430 هـ, 08:33 مساءً
بسم الله الرحمن الرحيم
^^
^^
^^
^^
اشكي حالي الى الله ثم لكن لعلى الاقي وحده مثلي او سمعت
قبل فتره ظهر عندي كيس صغير في الجدار الخلفي من المهبل وقريب من المستقيم اعزكم الله
وقالت الدكتوره كيس مويه بعدين فتحته لى وخرج منه صديد وبعدين نظفته لى وخيطت وقلت الحمد لله
وبعد شهر تقريبا رجع ورحت له مع انه بعيد عنا والمشكله انه مستشفى الحبيب وكلفني كثير وشافتنى وسوت لى نفس الحركه الاولى وقالت خلاض ما راح يرجع قلت ان شاء الله وبعدشهر ثاني تخيلن رجع والله اني جلست اصيح وجتني حاله ماني مصدقه المشكله الخيوط توها طايحه وقلت والله ما ارجع له تلعب بي وابخليه يمكن يروح من نفسه وخليته يمكن اسبوعين وجان داك الوجع كان راس بزر يبى يطلع مني ورحت اسعاف مستشفى حكومي واقعد اصيح زي الاطفال من شده الالم ولا ابي احد يلمسه شافتني استشاريه وقررت عمليه بتخدير كامل وسوللي ترقيد وعطوني ابر مضاد حيوي وقبل العمليه انفجر الكيس وراح الالم وتوقع خلاص تبي تلتغي العمليه لاكن سوت العمليه وسوت خياطه من داخل وقلت ان شاء الله نهايه الشر
وكاني والده من الالم اللي في ارحامي ورجليني وظهري واقول الحد لله واحتسب
بسسسسس الطامه الكبرى انه الحين رجع ايو الله انه رجع ولاعاد فيني حيل شاغل كل تفكيري تى بنومي تفزيز
امي تقول يمكن شايله شي ثقيل
ويش اسوي معقوله حالتي مايعرفون ا لدكاتره يعالجونه ياليت تردن لو بكلمه او معلومه عن اعراضي
طولت عليكن بس مالي الا الله ثم انتن
01-06-1430 هـ, 08:51 مساءً
طيب ماقالو لك وش اسبابه ؟؟
الله يشفيك ويعافيك يارب بس اذا رجعتي روحي نفس المستشفى الحكومي افضل لك




اضغطي هنا ارقام المندوبات بجميع مناطق المملكه






01-06-1430 هـ, 10:15 مساءً
امي طلع لها مثلك بس في نفس فتحة المهبل وهي حامل قالوا لها خراج وراحت وكشفوا عليها ويوم لمسته الدكتوره بغت

تموت من الالم وكبر زياده صار كبر البيضه ومعد تقدر تمشي ولا تجلس وحالتها ما يعلم بها الا ربي

وتنومت وشالته بنج كامل وخياطه وبعد يومين يا عمري

ولدت طبيعي وخياطه ثانيه والحمد لله معد رجع لها ثانيه العمليه سوتها في ستشفى الحرس الوطني

اختي ارقي نفسك يمكنها عين الله يشفيك
سبحـان الله وبحمده سبــحـان الله العظيم
01-06-1430 هـ, 10:38 مساءً
جزاء الله خير كل من دخل وواساني
المشكله ان الالم كل ماله يزود وفعلا الحين حجمه اصغر من البيضه بشوي
يارب ترحمن برحمك طيب ابسال ادا كانت الاعشاب تنفع والا لا
01-06-1430 هـ, 10:46 مساءً
والله ما اتوقع تنفع الاعشاب له يمكن يبغى لك تشيلينه روحي للمستشفى وشوفي وش بيقررون لك

وتوكلي على الله ( الله يشفيك ويكشف ضرك يارب )
سبحـان الله وبحمده سبــحـان الله العظيم
01-06-1430 هـ, 10:48 مساءً
ياقلبي ماتشوفين شر يارب وعسى الله يعافيك ويشفيك عليك بالرقيه واامسحيه بزيت زيتون واشربي مويه زمزم بنيه الشفاء والله هالدكاتره يلعبون بالواحد ممكن مانظفته لك مزبوط عشان كذا يرجع
01-06-1430 هـ, 10:50 مساءً
روحي ل الدكتورة عزة اللي بمستوصف السلام بعنيزة يمكن تفيدك تراها شاااااطرة انا صارلي دمل بالمنطقة وعطتني علاج وراح الحمد لله الله يشفيك شفا لايغادرة سقما امين
استغفر الله عددخلقة ورضاءنفسة وزنة عرشة ومداد كلماتة
01-06-1430 هـ, 10:52 مساءً
اسأل الله العظيم رب العرش العظيم ان يشفيك

الله ياختي نسيتي الرقيه الشرعيه!!!!!!

الموضوع واضح وباين من عنوانه ارقي نفسك او روحي لشيخ يقرا عليك الله معك
01-06-1430 هـ, 11:09 مساءً
الله يشفيك روحي الدكتوره فاهمه خليها تشيله من جذوره يمكن في بقايا من الخراج يحتاج كي غسلي ماء زمزم
01-06-1430 هـ, 11:17 مساءً
الله يشفيك يارب

و يطمنك امين يارب العالمين


الساعة الآن 11:17 .

جميع الحقوق محفوظة - عالم حواء - 2015