قررت اقولكم قصتي اللي للحين انا مومستوعبه شلون صارت؟؟

السلام عليكم


انا ادش وايد هل قسم واشوف الاخوات وهمومهم ومشاكلهم


بس في شي ماحمدتو ربكم عليه


انكم بين اهلكم وبديرتكم يعني موبغربه


المهم انا قررت اقولكم قصتي ادري في بنات بيقولون هذي شلون سوت جذي وشلون قلبها طاوعها تسوي اللي سوته


بس كله قسمه ونصيب


المهم انا متزوجه من 4 سنوات


طبعا كنت احب زوجي وتزوجته عن حب ووايد هو زين معاي بس ببدايه زواجنا تهاوشنا هواش ماتتصورونه


المهم


قصتي بدت انه حبيت واحد كان متزوج ومطلق وعنده بنت وصبي وعمره اكبر من عمري ب 15 سنه


طبعا اللي عجبني فيه انه كبير وعقله فاهم وواعي واهم شي انه يخاف الله واللي يخاف الله ما اخاف منه


اللي صار انه زوجي مو من نفس جنسيتي وهذا ماغير شي عندي لانه مايهمني الجنسيه يهمني الرجال اللي قدامي يفهمني ويحبني واهم شي انه خليجي يعني مثل عاداتنا وتقاليدنا


اللي صار انه زوجي عنده جنسيه اجنبيه وهي السويديه المهم وكان متزوج وحده اجنبيه وتورط وجاب عيال عباله انها بنت عالم وناس وكانت مسيحيه واسلمت وقعد معاها 10 سنوات المهم قبل اتزوجه قبل 4 سنوات كان مطلق قبل زواجي فيه 5 سنوات


المهم

طبعا اول ماسافرت معاه ماكنت حاسبه حساب عياله وقالي عيالي اشوفهم يوم واحد بالاسبوع وبره البيت هذا قانون السويد


قلت اوكي حاضر مافيها شي نطلع ونتمشى وكل شي وهذا الكلام كان قدام امي


المهم لمن وصلنا هني

طليقته صارت تعاند

طبعا زوجي كان محروم من عياله ويشوفهم بالحسره


عاد طليقته استغلت هل شي وصارت تبي تغثني عشان اتهاوش معاه وصج هذا اللي صار


صارت شنو تسوي تسمح حق عيالها يدقون كل شوي على ابوهم ولا فوق هذا يطلبون يجون عندنا البيت والمصيبه الاكبر انهم ينامون عندي يومين 3 او 4 ايام
انا طبعا قلت لزوجي انت كذاب قلت لي ووعدتني

طبعا شنو قالي عيالي تبيني اقطهم بالشارع

انا انقهرت

زين ليه يقهرني ويسوي اللي هذيك تبيه


والله انه بجيت بجي وتعذبت بالبدايه ولازلت اتعذب منه ومن عياله غاثيني حيل


زوجي همه الاول والاخير عياله


والله يابنات انه اول سنه قالي مانبي عيال طبعا هذا توه اول شهر من زواجي انا قلت اي ابي استانس بس لمن سافرت وقعدت بين 4 جدران بروحي مت قهر قلت ابي طفل يونسني ويسليني وانشغل فيه


قالي لا سنه


ومرت السنه والله كانها مليون سنه

ويوم زواجنا قلت له شوف

انت وعدتني سنه وهذي السنه خلصت من يوم زواجنا قلت له لو صرت تقرب لي ونيتك مو عيال وتسوي طرق الوقايه عن الحمل ماراح اخليك تقرب لي


طبعا استسلم للامر الواقع

وانا مستانسه قلت هل شهر احمل اللي وراه اللي وراه ومرت سنه ثانيه وانا مقهوره


وماصار حمل قلت لازم اروح الطبيب واسوي تحاليل

كان عندي ضعف بالمبايض وسبحان الله ما اخذت شي وبعد 3 شهور اختفى الضعف عندي

قلت لزوجي انت بعد تسوي تحليل قالي بس انا عندي عيال وكنا عند الدكتوره قالت له تسوي تحاليل لانه يتغير كل شي بيوم وليله


المهم طلع التحليل انه مافيه شي وانا مافيني شي

والحين الدكتوره قالت لي الشهر اللي فات وزنك لازم تنزلينه عشان تحملين


قلت ان شاءالله

المهم اللي صار


عياله مايحترموني ولاحتى يحترمون ابوهم قال شنو هل ديره قوانينها لو الاب يصرخ على عياله او يضربهم العيال يشتكون على ابوهم
والله انه زوجي صار فيه القولون والسبب عياله مايقدر يسوي لهم شي ويقهر بعمره بالع سكين وساكت المسكين والله


وانا مقهوره وايد


طبعا لاتسمعون الرد اوه وانت ششنو تبي وانا اكرهك وما احبك انت مو زين هذا كله كلام عياله


والله لو نقول لاهلنا اوه والله اقرب شي ضربونا فيه


المهم بدت مشكلتي صج شهر 3 اللي فات


بالصدفه سمعت من وحده اعرفها انه طليقت زوجي طبعا هي تزوجت بعدي ب 6 شهور انزين


انها شهر 3 اللي فات ولدت وجابت صبي


انا لو تشوفوني والله مت قهر وطلعت الاولي والتالي بزوجي


قلت له انت حرمتني من العيال سنه كامله وسببت لي مشكله من الزفت الحبوب مانع الحمل عشان عيالك وخايف على مشاعر عيالك والحين امهم ماسوت حساب لعيالك وحملت وجابت صبي قولي الحين منو احسن من الثاني شنو تفرق هي عني؟؟

والله لو تشوفون شنو سويت فيه طبعا البيت كسرته فوق راسه لدرجه ضبت زوجي بالعطر زين مافتح راسه ضرب بالطوفه من القهر انهرت

ضليت 5 ايام مصخنه حيل ومهدود حيلي مو بالدنيا كله نايمه من الضيقه



والله العظيم اكتب لكم الحين وانا ميته من البجي

ادري بتقولنن اخذتي واحد متزوج واكبر منج وعنده عيال بس شسوي هو زين معاي ومايقصر معاي بشي

والله لمن اكون مريضه 5 ايام مالت الدوره والله ما اتحرك من فراشي انه يسوي الغدا والعشا والفطور وينظف البيت والمواعين ولا اتحرك انا كلش ومراعيني ومراعي غربتي عن اهلي ومراعي نفسيتي ومرات والله انفجر بوجهه اصرخ واعصب من غير سبب بس ضيقه ومتحملني والله العظيم واحد غيره مايتحملني جان من زمان طلقني ووداني لاهلي

بس عياله حيل انقهر واغار منهم


والله الحي شهر 6 الجاي اكمل 4 سنوات معاه وماصار عندي عيال والحين الشهر الي فات اخذت منشط وست لي تحليل الدكتوره وقالت لي زين وتابعي بتحليل التبويض من الصيدليه اشتريه وصج شريته ويوم 17 الشهر كان التبويض عندي قوي والحين احس بالم ببطني لي كم يوم والم بصدري وحكه خفيفه واقول بنفسي مو حمل يمكن الحبوب المنشطه نظمت دورتي والله مقهوره واكتب لكم وانا ميته قهر ودي يصير عندي عيال ودي اشيل الغيره من قلبي وما اهتم لعياله لانه صرت مثل الطفل انا احس اني اغار لو يجيب لعياله اي شي لو كاكاو لو عصير والله اغار واقوله ليش ماجبت لي ولا مرات ازعل بعد واعصب عليه

ابي هل غيره تنشال من قلبي ابي احس اني صج متزوجه ويصير عندي عيال والله اني لمن اطلع بالشارع واشوف وحده بيدها دراجه لبيبي والا وحده حامل اقسم بالله تلاقيني اوقف واطالعها وزوجي يطالعني يلاقي دموعي نزلت وانقهر


تدرون امس شنو قالي لمن تهاوشت معاه


قالي انتي مايهمج الا الطبيب والعيال


عصبت عليه وقلت له انت حاط ايدك ورجولك بماي بارد ضامن نفسك عندك عيال

قلت له جرب انك ماتكلم عيالك اسبوع ولاتشوفهم شنو بيصير بحالك سكت قلت له بتموت صح قالي هاه قلت لانك انت عديم احساس ماتحس فيني ولاتحس بمشاعري ولاتحس اني اموت مليون مره باليوم والسبب اني ناقصه ما اجيب لك عيال


ادري بداخلي اقول نفسيتي تعبانه عشان جذي يمكن اني ما احمل او يمكن وزني على قولت الدكتوره

بس تعبت متى يصير عندي عيال


ورب الكعبه اني كل يوم اقوم الفجر والله ابجي وانا اصلي واطلب ربي يرحمني ويرحم حالي


اتمنى تدعون لي ان الله يرزقني العيال ويريح قلبي


مادري ليه كتبت لكم بس لاني محتاجه تدعون لي وتدعون ان الله يثبتني ويغفر لي


اللهم لاتذرني فردا وانت خير الوارثين:44::icon33: