هلا بنات اشلونكم اشتقلكم وايد وايد
اسفه علي التاخير في كتابة تقريري, كنت أحاتي عمليه أمي والحمد الله سوتها علي خير ادعوا الله يحفظها لي ويبلغني فيها .
طبعا كان المفروض أن تكون رحلة الايستر 2009 للكويت علي متن الخطوط الجويه الكويتيه ولكن
لظروف خارجه عن ارادتنا غيرناها:22:, وصارت رحلة في بريطانيا علي متن لخطوط الارضيه الكويتيه
يعني ..........No way الكويتيه وراكم وراكم
وقعدنا نسأل وندور ونبحث وقررنا التالي :
4 أيام في برمنغهام والإقامة في ستي نايت
يومان في اوكسفورد والإقامة في هوليدي ان
5أيام في ميلتن كينز والاقامة بيت اختي هناك;)
أدري رح تسألون اشمعني هالثلاث اماكن هذي بالذات ؟ انا اقولكم اي رحلة ناجحة لازم قبلها اتكونون
محددين شنو الهدف من رحلتكم؟..... علشان تستفيدون منها ولا يضيع عليكم الوقت جذي بدون فايده .:(
بنسبة لرحلتنا حبينا يكون فيها مرح واثارة ومغامره وهذا كان في برمنغهام , علوم وثقافه وطموح
وهذا كان في اوكسفرد, صلة رحم ويمعه وبلعه وسوالف وهذا كان في ميلتن كينز.
فأطلقنا علي رحلتنا شعار
(امرح وتعلم ولزيارة أهلك لا تندم)........هذي مو حلقه من حلقات افتح يا سمسم:D
218455
هذي خريطة توضح خط سير الرحلة
التخطيط والترتيبات الأوليه للرحلة :
تحديد أماكن الإقامة و المقرر زيارتها في كل مدينه , مع عمل الحجوزات المسبقة لها وذلك عبر
الانترنت وصورناها وهذي افضل طريقه اتلاقون فيها خصومات........... وياحبنا لها خا صه بهالديره النار:09: ومنها اتوفرون علي نفسكم وقت فتروحون وشغلكم جاهز, وهذي منو قدها غير......... بو الشباب:arb: الله يحفظه
218456
كل شيء مصور وجاهز
عمل جدول موزع فيه الأوقات ومواعيد الزياره ومرفق معاهم كل مكان وعنوانه تحته . علي فكرة تم
توزيع نسخه علي ركاب الرحله........... يا انته منو قدك
كاميرا تصوير فيديو سوني سي دي مع أخذ سيديات إضافيه والشاحن مالها لا تنسونه.
كاميرا تصوير ديجيتال مع بطاريات وشاحنها.
الإم بي ثري مع الوصلة مالت السياره .
218457
والي ما نستغني عنه التوووووووووووم توووووووووووم.
218458
جهزنا أغراضنا وحطيناها بالسيارة وتوكلنا علي الله لنعلن لحظة الإنطلاق:icon28:
كانت نقطة الانطلاق من منطقتنا لنكولن في تمام الساعه الثامنه واربع دقائق والإتجاه الي اول محطاتنا
وهي سفاري بارك في برمنغهام والمغامرات ............خليكم معانا
218459
لمسات فنانه @lmsat_fnanh
عضوة نشيطة
يلزم عليك تسجيل الدخول أولًا لكتابة تعليق.
ام الحلائات
•
ياالله حمستينا ماشاءالله عليكم شكل رحلتكم كانت حلوه يالله افيدينا
اللحمدلله على سلامه الماما *****الله بخير
الله يقومها بالسلامه ويخليها لكم
واخبار اختك
الله يقومها بالسلامه ويخليها لكم
واخبار اختك
ام عبدول
•
هلا فنانه
الحمد لله على سلامة الوالده
ومتابعه معك والتقرير شكله رائع
وعندي سؤال على الطاير لو حجزتوا قبل السفر بفتره
تاخذون بسعر اقل اولا
وعساكم تسافرون هالسنه وكل سنه ههه
واهم شي التوم توم
وموفقين
الحمد لله على سلامة الوالده
ومتابعه معك والتقرير شكله رائع
وعندي سؤال على الطاير لو حجزتوا قبل السفر بفتره
تاخذون بسعر اقل اولا
وعساكم تسافرون هالسنه وكل سنه ههه
واهم شي التوم توم
وموفقين
الصفحة الأخيرة