21-05-1430 هـ, 03:22 صباحاً
كيفكم واخباركم ..

حبيت استفسر كم ممكن تكلف السفره الى لندن لمدة عشرة ايام لشخصين مع طفلين ن حيث التذاكر والسكن

والمواصلات .. اما السكن موضروري خمس نجوم اهم شي فندق نظيف ومريح ..

تكفون ضرووووووري ..

21-05-1430 هـ, 06:04 مساءً
نفس السؤال ؟
22-05-1430 هـ, 07:38 صباحاً
وش دعوى ؟؟ وين اهل لندن

عبرونا ......

22-05-1430 هـ, 04:02 مساءً
ودي اجاوب عليك بس بصراحه الوقت اللي رحت فيه كان الباوند بـ8 ريال
يعني اكيد الصرف يفرق بين الحين وبين العام
الاوتيلات احسن شي تسكنين قريب من الاكسفورد والهايد بارك لانها منطقه حيه وامان تقدرون تطلعون متأخر عادي
مو مثل بعض الاماكن بلندن تخوووف
سعر الاوتيل اللي اخذناه كان بحدود الالف واربع ميه مع الفطور اربع نجوم مااقولك كشخه بس نظيف ومرتب وخدمات حلوه بصراحه مهم جدا الفندق في السفر حتى لوكان لمجرد النوم >>> الفندق اللي سكنته شوفيه بموضوع الفنادق المثبت بالصفحه الاولى حاطه صوره وبصراحه وفقنا فيه مررره كموقع وكخدمه وغرف حلوه وفطور حلو واحلا شي المكان الهايد بارك قدامك بينك وبينها شارع بس
والاكسفورد على يسارك تقدرين تتسوقين الصباح فيه بدون تكاسي على رجولك
والاجوررود على يمينك مع اني ماحبيت ذاك المكان ابدااا بس فيه ناس تحب تتمشى فيه خاصه اللي يحبون المقاهي والمطاعم العربيه
طبعا لازم غرفتين لان معك طفلين واحرصي تكون كونكتيد لانهم صغار
وانتي لك الحسبه اختاري الاوتيل واحسبي سعر الغرفه مرتين لعدد الايام اللي بتجلسين فيها واحرصي على اختيار الفطور ضمن السعر لان الفطور مع وجبه ثانيه باليوم يكفي مع بعض النقنقه ايس كريم وشوكولاتات وخرابيط >> يحلا الاكل بالسفر
بس عموما 1500 ريال باليوم تكفيكم مع تذاكر للمناطق السياحيه مثل لندن آي و مدام توسوز وغيره ( احرصي تاخذينها من نفس الاوتيل اسهل لك ) والتنقلات بالتكاسي ماحبيت باصاتهم زحمممه مع انها ارخص
الاسواق انا اشوف انها مقارنه بسوقنا هنا مقاربه للاسعار ويمكن قطع تحصلينها هنا وهناك سعرها عندنا ارخص انا احكي لك من تجربه وبنفس الوقت تنزل كل اللي شريته حصلته هنا يعني بصراحه لاتحرصين على سوق ابداااا الا كان شي بخاطرك انك تسافرين وتشترين شي من برا
التذاكر حسب وقت حجزكم يفرررق السعر يعني انا السنه اللي فاتت اخذت التذاكر الرياض _لندن _ جنيف _ الرياض بـ1800 ريااااال يابلااااااش بس لاني حاجزه بوقت التخفيض قبل سفرتنا باكثر من ثلاث شهور بالصيف سعر التذاكر اضعاف
وانا لومكانك ادق على وكالة السفر اللي اتعامل معها واسأل عن التذاكر والتأشيرات قبل كل شي بعدين ادخل موقع حجز فنادق مضمون واشوف لي اوتيل حلو ومناسب واسأل عنه اذا اوكي اتوكل على الله واحجز فيه واحدد مبلغ للمصروف اليومي و مبلغ احتياطي مايدري الواحد عن الظروف وعليها نحسب ونقرر
لانه بصراحه اذواق الناس تختلف ومصاريف الناس بعد تختلف فيه اللي يصرررف وفيه اللي يقعططط وفيه الوسط يعني تكاليف الناس مو وحده بالسفر ابدااااااا ممكن احد يوهقك ويقولك 20000كافيه واذا رحتي تنصدمين بالاسعار
كثرت الحكي ان شاء الله لقيتي فيه شي يفيدك
حسبي الله ونعم الوكيل

صدق من قال

وان انت اكرمت اللئيم تمردا
23-05-1430 هـ, 01:15 صباحاً
مشكوره يا قلبي كفيتي ووفيتي ..
والله يسهل .ان شاء الله..

22-07-1434 هـ, 07:23 مساءً
مشكورة اختي
(( اللهُمَ إنِيْ لِيْ حَاجَةً فِيْ نَفْسِيْ لاْ يَعْلَمُهَا إِلا أَنْتْ فَسْأَلُكَ يَاْ الله قُرًبَ إِجَاْبَتِهَاْ ))



22-07-1434 هـ, 10:29 مساءً
رفع


الساعة الآن 09:10 .

جميع الحقوق محفوظة - عالم حواء - 2015