أخبار حواء:
«    »
                            

                 

قديم 19-05-1430 هـ, 10:32 مساءً   #1
بدويه ذوق

عضوة نشيطة
 
الصورة الرمزية بدويه ذوق
 
تاريخ التسجيل: 26-04-1430 هـ
المشاركات: 345


خلطة لإزالة الشعر والمسامات الواسعه نهاااائياً من الجسم >> بدوية ذوق ( بالصووور )











كيف حالكم.. يابنات.. وياستات .. وياحلوين .. انا اليوم جايبه لكم خلطة بسيطه بس والله العظيم ثلاااث شوفوني احلف انها مجرررربه علي شخصياً انا وامي وقريباتي ونتايجها من أول استعمااااااال.. واستعماله بس مره وحده في الشهر .. او كل ماشلتي جسمك بالحلاوة او الشمع أو الآله ( براون – امجوي ).. يعني تكون طريقتك بشيل الشعر ( نزع ومهو حلاقه )
وهومجرد اعشاب من عند العطار أو الحواج >على قولة اهلنا بالكويت

يلااا نبدأ ببسم الله ..
هي عبارة عن : نبات السعد < تجيبينه عشبة وتطحنينها نتي في البيت عشان منعا للغش من عندالعطارين لأن بعضهم يخلطون معه ااشياءعشان يكثر في الميزان ( طريقة طحنه انك تحطينه بكيس لحم نظيف طبعاً غيرمستخدم وتدقينه بيد الهاون أوالنجر < تكتب بكل اللهجات عشان الكل يستفيد . تدقينه لين يتفتت زييييييين ثم تحطينه في طاحونة البهارات لين ينعم .
العشبة الثانيه : نبات السكران < هو كذا اسمه يروّع خخ المهم تطحنينه بعد زيين.


الطريقة : ( فيه طريقتين لعمله أو سواته ).
1- انك تجيبين كريم جليسرين ابوعلبه حمرااااا أوكريم ترتااااااااحين له للجسم أهم شششي مايكون دبببببببببق يعني مايكون ثقيل ماتتشربه البشره ,, المهم تجيبين قدرصغيروتحطين فيه كاسة ( قلاص ) الا ربع ماء وترفعينه على النارلين يغلي ثم تحطين حول ثلااااث ملاعق كبارمن نبات السعد المطحون ومثلهن من نبات السكران المطحون وتخلينه يقعد على النارمع التحرييييك لين تحسينه تجاااانس مع بعض وعلى فكرة ريييييييحته تهببببببل كنها ريحة بخور ! يعني ماتخافين من ريحته ابد
ثم ارفعيه عن النار وعلى طووووول حطي الكريم على الخليط وهوحااااااارعشان تذوب مكونااااته معاااه واخلطي زين زين لين مايبقى ولاذرة كريم مافيها من الخلطة اللي سويناها على النار .
وثم حطيها في برطمان < ع قولة اهل الحجازاحنا نقول علبة قزاز واحفظيها في مكان بعيد عن الرطوبه
واذ اشلتي بالحلاوة أونزع الشعر بالآله أو حتى بالشمع ( أهم شي نزع مهوحلااااااااااقه ) حطي عقب الشيل من الكريم وعلى طول راح تتشربة البشرة , خلييييييه اقل شي ساعتين واغسليه . استخدمي هالطريقة سبع ايام من بعد الشيل والله العظيييييييم يابنات يجي عليك شهرونصف شهرين وانتي ماطلع فيك الشعر وان طلع المرة الجاية يطلع خفييييف زي الريش وناعم وقليييييل والمسامات اللي في السيقاااان في زوال لين ماعاد تشوفين لها أثر , وكلما طلع الشعر وشلتيه حطي من الخلطة بنفس الطريقه ( طبعا ًالخلطة تكفييييييك شهووووووورعلى حسب كمية الكريم اللي حطيتيه ) يعني ما يحتاج كل شهرتسوين . والله يابنات نتايج بجد مذهلة لأني ماراح استفيد شي من مضرتكم غيرعقاااب الله وغضبه .

الطريقة الثانيه : اسهل من الأولى بس يقولون امي واختي الأولى ازين لأنها تتغلغل مع الكريم داخل المسامات < متأثرة بدعايات فيراند لفلي الأخت , بس انا اشوف هالطريقه ازين لانها مرررركزه .

الطريقه هي : ملعقه نبات سعد مطحون مع كاسة ماء ( قلاص)تحطينها في قدرعلى النار لييييين يغلي ويخف الماء ويصيرشكل الخليط زي الطحينه ( يسمونها في الكويت هردة )
المهم تطفين عنها الناروتخلينه الين تبرد وبعد ماتشيلين الشعرحطيها على جسمك لييين تنشف وحبذا لوطالت المدة ع الاقل ساعتين . ( عيبه اانك كل يوم ولمدة سبع ايام بتسوين هالخلطة لأنها لازم تكون فريش مو زي خلطة الكريم . استخدموها والله ثم والله ماراح تندمون
وترى هالعشبة ماقعد احد ماحكى فيها ومنهم خبيرالأعشااب المشهوووووووور جابرالقحطاني ومحمد الملحم ...... واذكر فيه خبيراعشاااب مصري ( اظنه عادل عبد العال ) جاء في قناة الناااس يقول هذي العشبه تخلي الستااات < يعني الحريم زي القزازة خاليه جدا من الشعروالمسامات والبلاوي ومفعوووله مفعول الليزر واكثر أماااااان منه .. سامحوني طولت عليكم بس للأمانه انقل تجربتي لكم بحذافيرها والا وش الفايده من الموضوع . حبيت اخدمكم يابناااااات عااااااالمي السااااحر .. على فكرة انا مااشرط على الردود اهم شي الفايدة بسس ادعولي ان الله يشفيني ويرزقني باللي اتمناه ..


وهذي صورة نبات السعد .. يجي له عروق ولونه اسود ..






وهذا هو السكران < خخ مازلت أضحك على اسمه .. يشبه حبيبات الحلبه ونفس لونها بس انه اصغر منها في الحجم





وهذا الكريم اللي استخدمته بالخلطه .. وعادي لو حطيتي أي كريم خفيف تتشربه البشره .
شوفوا بصمات اصابعي على العلبه عشان اللي مانفعت معها الخلطة تروح تشتكيني < خخ من زود الثقه





وهذا شكل الكريم في النتيجة النهائيه .. بعد الخلط والمزج مع مغلي الاعشاب ..




وهذي الصورة للطريقة الثانيه : اللي بدون كريم .. يصير شكله سائل كثيف زي كثافة الطحينه تقريباً :




وبكذا انتهينا واتمنى ان الكل يستفيد .. وخااااصة البنات .. قبل الزواج .. عشان يرتاحون من عقدة الشعر ..


كله كووووم والحارس كوووم هههههههههههه

بدويه ذوق غير متواجد حالياً رد مع اقتباس إرسال الموضوع إلى الفيس بوك إرسال الموضوع إلى تويتر


قديم 19-05-1430 هـ, 10:43 مساءً   #2
mlam7

محررة
 
تاريخ التسجيل: 10-04-1429 هـ
المشاركات: 1,430


هههههههههههههه
الكاركتير من جد مظحك
ولا نبتة السكرااان
لووووووووووول


يسلم يدك جعلها تحرم عن الناااار
ان شاء الله اجيب الاغراض واستخدمها
واعلمك والنتااائج...


الله يسعد قلبك

هههههههههههه بس متأكده من نبتة السكران؟؟؟؟؟
برسل سواقى منعاا للاحراج
....


..~

اللهم آنكـ جآآآمع النآآآس في يوم لآآآريب فيه
اللهم اجمعني بمحمد عآآآجل اغير آآجل

..~
mlam7 غير متواجد حالياً رد مع اقتباس

قديم 19-05-1430 هـ, 10:54 مساءً   #3
بدويه ذوق

عضوة نشيطة
 
الصورة الرمزية بدويه ذوق
 
تاريخ التسجيل: 26-04-1430 هـ
المشاركات: 345


يسلمووو قلبوو .. كلك ذوق .. روحي ياقلبي جيبيه ولا تخافين ترى ذا اسمه .. ليش نستغرب من اسمه مادام ان اسمه عادي مع .. رجل الاسد .. وساق الحمام .. ودم الغزال << وش ذا ما خلوا لا عظم ولا مفصل من الحيوانات ماجابوه العطارين خخخ


بدويه ذوق غير متواجد حالياً رد مع اقتباس

قديم 19-05-1430 هـ, 10:54 مساءً   #4
MMMMM5

عضوة جديدة
 
تاريخ التسجيل: 20-02-1430 هـ
المشاركات: 46


مشكورة
بس انا عجزانه اسوي هذا كله كثييييييير
مافيه خلطه للعجازات هههههههههههههههه


MMMMM5 غير متواجد حالياً رد مع اقتباس

قديم 19-05-1430 هـ, 11:05 مساءً   #5
بدويه ذوق

عضوة نشيطة
 
الصورة الرمزية بدويه ذوق
 
تاريخ التسجيل: 26-04-1430 هـ
المشاركات: 345


الله يسلمك .. وش اكثر من كذا سهاااااله ؟؟
احسن تعيجزي لين البنات يصيرون ازين منتس << تحرها


بدويه ذوق غير متواجد حالياً رد مع اقتباس

قديم 19-05-1430 هـ, 11:13 مساءً   #6
ياعين امها

عضوة فعالة
 
الصورة الرمزية ياعين امها
 
تاريخ التسجيل: 15-04-1429 هـ
المشاركات: 544


امانه وين حصلتي نبات السكران؟انا دورته عند اكثر العطارين مالقيته
والله يعطيك العافيه


ياعين امها غير متواجد حالياً رد مع اقتباس

قديم 19-05-1430 هـ, 11:15 مساءً   #7
:: ريم ::

محررة
 
الصورة الرمزية :: ريم ::
 
تاريخ التسجيل: 01-05-1428 هـ
المشاركات: 1,412


جزاك الله كل خير يا ذوق

موضوعك رووووعة


:: ريم :: غير متواجد حالياً رد مع اقتباس

قديم 19-05-1430 هـ, 11:19 مساءً   #8
*جنان2006*

محررة
 
تاريخ التسجيل: 27-06-1427 هـ
المشاركات: 1,197


جزاك الله كل خير




اضغطي على الصوره لمعرفة لماذا حذف توقيعك .
*جنان2006* غير متواجد حالياً رد مع اقتباس

قديم 19-05-1430 هـ, 11:23 مساءً   #9
ليالي الصيف1

عضوة فعالة
 
الصورة الرمزية ليالي الصيف1
 
تاريخ التسجيل: 22-12-1428 هـ
المشاركات: 914


تسلمين ياعسل


ليالي الصيف1 غير متواجد حالياً رد مع اقتباس

قديم 19-05-1430 هـ, 11:36 مساءً   #10
كت كات كرانشي
عضوة شرف عالم حواء
 
الصورة الرمزية كت كات كرانشي
 
تاريخ التسجيل: 03-10-1421 هـ
المشاركات: 4,094


مشكووورة بأدور ع هالاعشاب ويارب االقاه

والدعاء بظهر الغيب


كت كات كرانشي غير متواجد حالياً رد مع اقتباس

إضافة رد







أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع


الساعة الآن 11:58 .


شات عالم حواء
تابعونا على Google+
تابعونا على instagram
تابعونا على twitter
تابعونا على Facebook