السعودية - جميع دول الخليج
كتاب نكهة الاطباق
متوفر في مكتبة جرير: الذ الوصفات وأسهل تصفح وأفضل تنظيم وادق صور لكتاب طبخ نال رضا الجميع
              

السعودية - جميع دول الخليج
كتاب نكهة الاطباق
متوفر في مكتبة جرير: الذ الوصفات وأسهل تصفح وأفضل تنظيم وادق صور لكتاب طبخ نال رضا الجميع
إضافة رد
 
أدوات الموضوع انواع عرض الموضوع
قديم 02-05-1430 هـ, 10:33 مساءً   #1
ahahah75

عضوة فعالة
 
تاريخ التسجيل: 24-04-1430 هـ
المشاركات: 787


انا بكريه مدري وش اسوي بالنفاس خلونا نتساعد

انا بكريه يالشهر التاسع وقاعده اجهز شريت ملابس للبنوته وملابس لي وكمان شريت اغراض من العطار قالتلي عليها وحده بس بصراحه احترت في استخدامها انا بكتبلكم وش الاغراض بس انتو علموني وشلون استخدمها شريت ( مره _ الأملج _ قشر بصل _ فشر قهوه _ بخور النفاس كبو هوا ( عاد هذا بالذات علبه مليانه خرابيط ) _ كمون _ نناخا _ العرن (( يقول العطار هو نفسه الأرطاء)) _ خواجوا _ زيت اللوز ) هذا بالنسبه للعطار اما الصيدليه جبت منها ( ملح فيمي باث - وغسول فيمي جل - وكريم مبيض للرقبه ) وبعد شريت المشد الأندنوسي 8 امتار - وشريت مشدات عاديه

هذا كل شي الله يخليكم ابي منكم اللي عندها خبره وش اسوي بكل هالأغراض ومتى استخدمها وطريقة استخدامها انا اقرا كثير انه لازم الوحده تتدفا عشان مايدخلها هواء ومدري شنو بس انا اشوف ان الجو هالايام واايد حار هل عادي والا لازم من الشراب ولازم اغطي اذني ويقولون حتى المكيف مو زين بس ماادري ابي نصيحتكم؟؟

وابي اسألكم متى اروح للمستشفى اذا حسيت بالم والا اذا نزلت مويه والا متى بالضبط؟؟؟
ووش الأغراض اللي اخذها معي وانا رايحه؟؟؟

وبعد ابي اسألكم بعد مااولد بالسلامه ان شالله هل اتسبح والا لا لان كثير يقولون لا المفروض المويه ماتقرب جسمك الا بعد عشرين يوم وماادري شنو ؟؟ بس انتوا وش رايكم؟؟


وابي اسألكم عن الخياطه انا بكريه هل اطلب خياطه تجميليه ؟؟
وكيف اهتم في الخياطه عشان ماتنفك ولا تتجرثم ؟؟؟ وكمان ابي اسأل الخياطه العاديه متى تنفك بالعاده؟؟ والتجميليه متى؟؟؟
ووش الأشياء اللي اشربها او اسويها عشان اتخلص من الكرش ؟؟؟؟


اسفه ادري ان أسألتي كثيره بس والله مالي غيركم اسأله؟؟؟


اخر سؤال انا الحين بالتاسع وغالبا اشرب زنجبيل مع شمر هل فيه تأثير على الحمل والا عادي اشربه؟؟



اللي عندها خبره ياليت تفيدنا واتمنى أن الكل يستفيد من هالموضوع ومن اجوبتكم....


ahahah75 غير متواجد حالياً رد مع اقتباس إرسال الموضوع إلى الفيس بوك إرسال الموضوع إلى تويتر


02-05-1430 هـ, 10:56 مساءً
#3
بالنسبة للاغراض الي قلتي عليها بصراحة انا ما بعرف كتير منها انا بصراحة ما كنت اشرب غير نعنع ويانسون
راجعي دكتورتك بالنسبة للمستشفى هي بتفحصك وبتقلك امتى قريب تولدي يعني انا كنت بكرية وما كملت اسبوعين بالتاسع و ما جاني طلق ولا حسيت بشي بفحص الدكتورة العادي قالت حددي يوم في الاسبوع الي جاي بتروحي تولدي لانه الرحم كان فاتح ..
و بالنسبة للحمام انا تاني يوم على طول وانا في المستشفى دخلت الحمام و استحميت و عادي كل يومين حمام عادي ما بياذي ولا بيعمل شي ..ما تتعرضي للبرد ولا للمكيف كتير و حتى لو لبستي قميص نوم البسي شورت عالي يدفي بطنك تحته.. لانه بيجيكي مغص و بتنقلي المغص للبيبي بالرضاعة.
و الخياطة انا دكتورتي خيطتني و قالتلي اعمل مغطس مي دافيةكل يوم و يكون فيها معقم متل سبتيفون او بيتادين و اقعد فيها شي ربع ساعة كانت تريحني كتير وساعدتني توقع خيوط الخياطة بسرعة ..يعي شي اسبوعين..
اشربي مي كتيييييييييييير مهم و بصراحة اهم الشي و بعدين حليب و عصير الفواكه .. اقلك عصير الافوكادو والجوافة كتير منيح ..
ممكن تحسي بالم اسفل ضهرك و تتبعي وانتي بتقعدي وبتقومي بس عادي اسبوعين و بيبتدي يروح ..
بتمنى كون افدتك واذا تذكرت شي برجع اكتبلك اياه .. وان شاء الله بتقومي بالسلامة انتي والبيبي


توقيع

اللهٌُم أجرني في مصيبتي واخلف لي خـيراً منها



02-05-1430 هـ, 11:03 مساءً
#4
مشكوره حبيبتي على هالمعلومات ..

ماافي احد يعرف هلااغراض ويقولي وشلون استخدمها ؟؟ والا اطنشها ؟؟



02-05-1430 هـ, 11:22 مساءً
#5
حبيبتي لا لازم تهتمين بنفسك اثناء النفاس شوفي ملزمة فيافي فيها كل شي يفيدك سوي بحث ويطلع


توقيع





04-05-1430 هـ, 08:55 مساءً
#6
ابدخل لي وجة **** حبيبتي اولان **** يسهل عليكي بسم لله قبل تروحي للمستشفى اخذى ممك شربات متينة وسرول ربع وطويل والمشد وفوط ريلاكس وعلبة فيها قطن اومناديل راشة فيها من جميع عطوراتك علشا ن اذاطلعتي من غرفة الولادة تفتحينها وتشميناها علشان مايصيبك الشمم بنفس اليوم والوقت الي ولتي فية وبعد كذا ترمينها وانصحك نصيحة لالالاتستعملي العطورات وقت النفاس علشان طفللك لانة يضر رائتة واوصيك بالرضا عة الطبيعية علشا نك وطفللك لانها لها دور لان يرجع رحمك طبيعي ولالايصيبك نزول ارحام واخذي كمون مطحون تشربينة بالقهوة علشان الغازات والتقلصات والمرة زينة بس لالاتكثري منها وبعد ما يكتب للك المستشفى خروج البسي ملابسك الداخلي والشرابا ت ولالاتنسي شرباتك خلهن عليك دايمن لحد ماتطلعي الاربعن بس غيري فيهن والمشد اربطي بطنك خفيف لالالاتشدى على بطنك لحدمتوصلي بيتك وبعد ذللك نزلية والبسية بعد اسبوع كا مل ثم البسية زين 0 وابتعدى عن المشي حافية ولالاتجلسي بالحمام كثير من دون حا جة واكحلي عيونك بكل الاثمد الاسود علشا ن نضرك مايضعف من تغيرات النفا س وابتعدي عن هواء المكيف مباشرة ودهني بطنك بزيت زيتون قبل لبس المشد علشا الخطوط ويرجع بطنك طبيعي وخلي عندك تمرة معبوطة بسويدا وفلفل ابيض ورشاد غير مطحون وكمون وسمن بلدي لازم لحد ماتطلعي الاربعين وتخلصين الدورة الاتجي بعد الاربعين وبعد اول ايام العشر اوالخمسة عشر اشربي الحلبة واخلطي معها كركم الصم ماهو مطحون انتي اطحنية دقة بالهاون لانة مفيد يعقم الجسم ويطرط السموم ويقطع ريحة الحلبة وهو مفيد للخياطة وبعد كذا وقفيها والكركم استعملية واخذي اسويداوكمون والفلفل والشمر واشربية بالحليب وابتعدي عن بعض الماكولات واستعملي البر في قرص اومطازيز اومرقوق او جريش ولالالاتكثري شرب الماء وووابتعدي عن شرب البارد والغا زيات ولالاتكثري من اكل المعجنات والحلويات وابتعدي عن شرب الشاي بكثرة كاسة تكفيك علشان جاراتك وخلي حليبك محليتة بالعسل الاصلي بدل السكر و**** فية حا جات كثيرة ودي اكتبها لكني تعبت ومضيقني الحمل بس ابكمل علشا نك واخواتي ونجي للخياطة تستعملي العلاج الي عطكيها الدكتورة وهنا ك مرهم رهيب وعجيب ومفيد بالمرة بد اسبوع من الولادة تعقمي المنطقة قبل متنامي وتدهني بة مرهم ميبو حق الحروق 0 وبعد عشر ايا م تتكبي بخواجوا وحده لحا لة 00 لحد 25 يوم بخواجوا وقشر بصلوكمون مرة وفلفل الهواء وسويداء 00 ولالالالالاتكثري من استعمال الفوط الصحية عن نفسي انا استعملها 4 ايا م بس واغير كثير 0 لانها من كثرت استعملها تفتح الخياطة ولالالالالايخيط الجرح لاكن اهتمي بالمسح بالمنديل وانتي جالسة ولالالالاتجلس وتحطي ارجوللك تحت مقعتك سووياحريم اسوات امهاتنا الاولات مدي رجلينك قدمك وحطي الساق فوق السا ق 00 و**** ودي افيدكم بحاجات كثيرة لكن ممعي وقت وهذي طريقتي بنفسي واكثروانا الحمدللة بحملي الثا من وداخلة الشهر السا دس واتمنا انكم استفتم وادعولي بالجنة ووالديا والمسلمين والي تبي مسا عدة انا حا ضرة تراسلني على الخاص وشكرن



04-05-1430 هـ, 09:54 مساءً
#7
مرحبا عزيزتي.. الله يهون عليك ويسهل ولادتك ويقومك بالسلامه

بالنسبة لسؤالك متى تروحين المستشفى..اذا نزل عليك مويه او دم على طوووووووووووووول تروحين المستشفى .. اما اذا كان يجيك الم مثل الدوره بس اقوى بشكل منتظم ابدئ احسبي الوق بين العوار .. اذا صار الالم يجي كل ربع ساعه روحي المستشفى على طول..ونصيحة اذا جاك الالم سواء كنتي بالبيت او بالمستشفى سوي تمريت الولاده ( القرفصاء) عشان باذن الله تتسهل ولادتك.. اما بالنسبه للمشروبات والخرابيط انا ما احب اخذ ولا شي.. كل اللي اسويه اجهز قاروره ماء قاريه فيها الورد وايات تسهيل الولاده واشرب منها وامسح على بطني

بالنسبة لسؤالك وش تاخذيم معك المستشفى..طبعا تكونين مجهزة الشنطة وتخلينها جاهزه تحسبا لاي طارئ.. تحطين فيها ملابسك تبديله او ثنتين.. غيارات داخليه.. حفاظات .. فوطه .. اغراضك الشخصيه..شراب .. شيله.. شبشب.. منقوع المره.. مسحة الشمم..ملابس للنونو لانه بعض المستشفيات ما تلبس النونو ملابس من عندهم .. هذا اللي اذكره

بالنسبة للتدفئه... طبعا لازم تلبسين شراب وشيلة وسروال.. حتى لو كنا بالصيف .. المكيف ماهو زين واخس من الجو البارد يعني لازم تدفين زييييييييييييييييين

بالنسبة للترويش..انا اللي اعرفه انه مو زين الوحده تتروش بس مو لدرجه عشرين يوم خخخخخخخخخخخخخخ اتخيل نفسي عشرين يوم مو متروشه يا حبيبي على الريحه والخياس ولا تشربين كل يوم حلبه يييييييييييععععععععععع .. الناس راح تهج ماهي داخله عندك واولهم زوجك ههههههههههههههههههههه
لا حبيبتي هو المفروض انه الوحده تتروش مره او مرتين بالاسبوع ترويش كامل بس تنتبه من دخول الهواء يعني لازم تلبسين السروال .. والشراب .. وتغطين اذنك تلبسين الشيله عشان ما يدخلك هواء.. وممكن كل يوم تمسحين جسمك بفوطه مبلوله او تغسلين جسمك بس كل يومين وبرضه مع التدفئه بعد
انا صراحه ثاني يوم في المستشفى تروشت بعد الولاده حسيت اني قرفانه من نفسي بعد الولاده والدم والحوسه تروشت بس والله ماني ذاكره غسلت شعري او لا ماني ذاكره والله ... بس شكلي ما غسلته لاني خفت من التكيف المركزي

وفيه نصيحه خلي احد من اهلك ولا زوجك يسبقك للغرفه اللي راح تتنومين فيها بعد الولاده يرش فيها عطر عشان تتعودين على العطر وما تشممين اذا جاوك الزوار ويتشمم الجرح ويلتهب .. ونفس الشي ملابسك عطريها قبل لاتحطينها بالشنطة

للكرش .. عندك المشد الاندونيسي .. واشربي قشر القهوه زين للارحام ويخفف الكرش

بالنسبة للخياطه ..اطلبي خياطه تجمليه احسن لك .. اذا سويتيها بعد كل ولاده واهتميتي بنفسك ايام الاربيعين ان شا الله ماراح تحتاجين عملية تضويق على المدى البعيد.. يعني من البدايه اهتمي بنفسك
والعنايه بالخياطة سواء تجميليه اولأ نفس الشي.. بالنسبة للخيوط ومتى تطيح .. ما ادري والله لانه نوع الخيط يختلف من مستشفى والثانيه .. هذي تسالين فيها الدكتوره افضل.. بيالبدايه تستخدمين المضاد المرهم اللي راح تعطيك اياه دكتورتك وبعد الولاده باسبوع او 10 ايام تبدأين بالغسول عاد زي ما تحبين.. اني شاريه ارطا وهذا ممكن تستخدمينه كغسول وبعد 10 ايام او اسبوع من الولاده روحي للدكتوره عشان تشوف الخياطه والجرح وانتي استفسري منها هل طاحت الخيوط هل الجرح زين متى راح تطيح الخيوط ؟؟؟ وش الافضل تشيلها ولا تخليها تطيح على راحتها ؟؟؟ لاني اسمع انه مو زين ينبني اللحم على لخيط.. وفيه خيوط نوعيتها تطيح وفيه خيوط نوعيتها تذوب .. زي ما قلت لك يعتمد على دكتورتك وش تستخدم من الخيوط

وكل يوم من اول ما تولدين اشربي فنجان من منقوه المره عشان الشمم وما يجيك التهابات

الخواجو ممكن تسوين منها مسحة الشمم

الكبو هذا تستخدمينه اخر الاربعين مش من البدايه عشان ما ينشفك ويخربك

الحلبه تستخدمينها اول 20 يوم بس لانك اذا طولتي فيها راح يخربك ويخرب ارحامك

الرشاد تستخدمينه في ال20 الاخيره لانك اذا استخدمتيه في البدايه راح ينشفك على خراب

انا بالنسبه لي استخدم في نفاسي نظام فيافي..

ان شالله اكون افدتك .. واي سؤال انا حاضره ..ترى انا كنت مثلك ما اعرف ولا شي ومن الحوسه في المنتديات والنت صارت عندي خبره متواضعه


توقيع

يارب تخليلي زوجي وعيالي ولا تحرمني منهم ولا تحرمهم مني وتسخرني لهم وتسخرهم لي وترزقني برهم .... قادر ياكريم

04-05-1430 هـ, 10:49 مساءً
#8
الله يعطيك العااااااافيه وتولدين بالف سلاااااامه

اعذريني كان ودي افييدك بس انا مثلك بكريه ومو عارفه شي عن اللي كتبتيهم.؟

وايش تطلع ملزمه فيافي..؟



04-05-1430 هـ, 10:52 مساءً
#9
للرفع

ياريت الكل يستجيب معانا انا بعد بكريه وعندي نفس اسالة الاخت الله يجزاها خير لانها طرحت الموضوع


توقيع



06-05-1430 هـ, 12:10 صباحاً
#10
مشكورين حبيباتي على ردودكم الله يسعدكم يارب ويوفقكم وييسرلكم



إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع


الساعة الآن 03:18 .