السلام عليكم ورحمة الله وبركاته
كيف حالكم يالغاليات عساكم بخير
بعد اضافتي لموضوعي الخاص بجدولي اليومي والاسبوعي بالمطبخ
حبيت اشاركم كمان جدولي المصور اليومي والاسبوعي بركن الغسيل عندي بالبيت
وكمان تنظيمي بالنسبه للتخزين وغيره ..
اتمنى الموضوع يعجبكم وكمان لا تنسوني يالغاليات بدعائكم ان الله يوفقني ويفرج عني وعن جميع المؤمنين اللهم آمين ..
أولا *****
بالنسبه لركن الغسيل انا ما عندي غرفه خاصه فيه ولا شئ
ولكن ابتكرت لي فكره وفعلا جدا مرتاحه من فكرتي بتصميم غرفه للغسيل
ولعل هالفكره الي بطرحها راح تساعد الكثيرات بتخصيص ركن خاص بهن
حتى لو كانت المساحه جدا صغيره ..
انا يا طويلات العمر واعوذ بالله من كلمة أنا
عندي مساحه لما ابي اصعد السطح وطبعا هالمساحه مجهزه بالسيراميك ومرتبه
وكمان يوصل لها تبريد المكيفات يعني المكان بارد ومريح للعمل فيه ..
فكانت الفكره توصيل الماء للغساله وكمان توصيل انبوب لتصريف المياه وكمان فيشه للكهرباء
و ما كلفنا الا تقريبا 120 ريال للتوصيلات ..
**********************
توكلنا على الله .
جدولي اليومي
ما شاء الله لا حول ولا قوة الا بالله
ألم الغسيل من كامل دورات المياه كرمكم الله الى فوق
وأبتدي أفرزن الغسيل في السلات
هذي للملابس الي لونها ابيض ..
وهذي الملونه
وهذي للملابس السوده
او الجينزات والسله الي تحتها للملابس الي ما تصلح تنغسل بالغساله
فأغسلها بأيدي ...
فبعد ما اخلص تفريز الملابس على طول املي الغساله واغسلها
الين ما اخلص من شغل البيت احطهم بالجفافه وبعدها ابتدي اطوي وعلى طول اي شي يبي له كوي
ودائما ما يكون عندي كوي قطعه وله قطعتين فبسرعه اخلص وهذي الطريقه مريحه مره مره للي متعبها الكوي
حاولي انك تغسلين يوميا فراح تحصلين ان مجموعة الكوي عندي مره قليله فراح تخلصين بسرعه بسرعه
وما راح تزهقين من الكوي لمدة طويله ...
بعدها يا طويلات العمر
بعد ما اشغل الغساله اخذ منفضتي الصغيره وامررها على كل مكان بركن الغسيل والدواليب
وبعدها امسح على طول بعد ما املي دلو ماء مع ملمع للسيراميك من ديتول الاخضر
سريع بدون تدقيق ..
وبكذا خلصت من يومي بركن الغسيل
وهذا النهاية انتظر الين ما ينتهي الغسيل
وطاوله الكوي دائما جاهزه وتذكرني بعملي اليومي عليه
اتوكل على الله وابتدي ولساني ما يتوقف من ذكر الله وما احس بالوقت الا وانا منتهيه ان شاء الله