طبعا تجربتي بدأت بمعاناة شديدة مع احد توائمي كان مجنني من يوم ما انولد بالامساك وحتى ايام ماقعد بالعناية المركزة بعد الولادة لاني ولدت ولادة مبكرة كانو يقولولي الممرضات هادا يبكي كتير بس هادا مايبكي وكان مجنن الكل
وكنت والله يشهد على كلامي اقضي الليل كله و هو يبكي على صوت واحد وماياخد نفس حتى انا اقلله بس اشرب موية عشان تكمل الشوط حقك وكنت اضربه واصرخ وياما افقد اعصابي واحبسه في الغرفة لحاله يبكي وهو عمره شهرونص
جاب لي الجنان بمعنى الكلمة وكل ما اروح دكتور يقللي مافيه شي ابنك سليم 100% الحمدلله بس في اطفال يبكو من غير سبب بس انا مااقتنع لانه باين انه الولد بيعاني
اخدت لهم هو وهو بيبكي وانا ببكي ونوبة البكا كانت تستمر معاه من 4-5 ساعات يوميا خصوصا في الليل من 9 تبدأ
والناس تقللي جربي هالدوا و جربي هالدوا والله عملته حقل تجارب مسكين بعدين واحد من الدكاترة رحت له في مستشفى عرفان قللي جربي اعطيه ملين اسمه ايزي لاكس فعلا الولد ارتاح من يوم ما اخده بس كنت اتضايق ليه اعطيه ادوية من و هو رضيع حرام
بس المشكلة لو يوم واحد وقفته او قللت الجرعة نرجع لنفس الحالة في نفس اليوم
لغاية ماربنا هداني ومرة اشتريت شعير حب اورجانيك من سوبر ماركت الدانوب وصرت احط لهم هو بالخضار بس طبعا كنت بعطيه ملين معاه واقول ماشاءالله هالملين مرة كويس صار الولد الحمدلله لو نسيت في يوم اعطيه يعملها واتاري السبب مو في الملين و الشعير طلع هو السبب يارب لك الحمد والشكر
وقفت عن ابني كل شي اسمه ادوية وماعاد اعطيته شي نهائيا من يوم ما داومت على الشعير
اسلقه مع الخضار واهرسها و ااكله هي
وطبعا دحين اولادي عمرهم سنة و8شهور وبفضل رب العالمين ثم بفضل الشعير ماعاد شفت ابني بيعاني وبيبكي مرة تانية ابدا
وحبيت افيدكم بتجربتي لاني ما اتمنى لطفل انه يعاني زي ولدي او ام تفقد اعصابها على طفل رضيع زي ما كنت انا اعمل الله يسامحني ومابدي منكم الا دعوة أخت انه ربي يسخرلي زوجي ويبعد عنه بنات و اولاد الحرام و يفرج همي وكربتي بالخير لي ولأولادي
نونةالمجنونة @nonalmgnon
كبيرة محررات
حل طبيعي 100% للامساك عند اطفالنا...بلا ادوية وبلا كلام فاضي...من تجربتي الخاصة
125
36K
يلزم عليك تسجيل الدخول أولًا لكتابة تعليق.
الله يسعد ايامك اختي نونه وش اخبارك واخبار الشباب الله يحفظهم ويقر عينك ببرهم وصلاحهم ومعلوماتك جدا رائعة وانا بعد حبيبتي اعاني من بكاء :06:مستمر من طفلي الله يحفظه ومزاج معكر ونحف فضيع مادري وش الحل معاه يمكن زي حالة ابنك وباجرب الشعير والله يكتب اجرك حبيبتي
الصفحة الأخيرة
نبات عشبي حولي من الفصيلة النجيلية، وتزرع منه أنواع كثيرة منها الشعير الأجرد أو السلت وهو يشبه القمح. ويعتبر الشعير أقدم مادة استعملها الإنسان في غذائه، وقد جاء ذكر الشعير ضمن الحبوب في القرآن.
المواد الفعالة في الشعير :
نشا، وبروتين، وأملاح معدنية منها الحديد والفوسفور والكالسيوم والبوتاسيوم.
الخصائص الطبية:
ـ الشعير ملين ومقو للأعصاب ومنشط للكبد.
ـ ماء الشعير معروف لعلاج السعال وتخفيض درجة الحرارة.
ـ يستعمل مغلي نخالة الشعير في غسل الجروح المتقيحة.
ـ يستعمل الهوردنين المستخرج من الشعير حقناً تحت الجلد أو شراباً لعلاج الإسهال والدوسنتاريا والتهاب الأمعاء.