29-03-1430 هـ, 10:59 صباحاً
السلام عليكم و رحمة الله و بركاته
اخواتي الحبيبات.....اليوم جيبتلكم طريقة عمل شامبو طبيعي اساسه الصابونة النابلسية ....انا من اول كنت شارية شامبو غالي و فرحانة على حالي لكن والله اندمت اني جبته لاني من يوم استعمله الا و بعد يومين تيجيني حكة و هرشة براسي ....الى ان جاء يوم و سمعت الدكتور عبد الكريم الصفدي و غيره يوصف الصابونة النابلسية لغسل الشعر بدلا من الشامبو العادي...لفوائدها العديدة ولانها مصنوعة من زيت الزيتون...وسبحان الله مع اني من نابلس ومشهورين بهالصابونة ونعرف فوائدها الكثيرة الا انه الشامبوهات العطرية اغرتنا ....والنتيجة طلعت على راسنا
..ما رح اطول اكتر من هيك واللي بتحب تعرف فوائد الصابونة النابلسية تبحث عالنت...اما انا كيف عملت الشامبو ...فهو كالاتي...احضرت ربع صابونة نابلسية و بشرتها ناعم و مع شوووية ماء عنار هادية دوبتها لحد ما صارت سائلة...وبعدين جبت كوب ماء و حطيت فيه الاعشاب المفيدة للشعر متل الروز ماري و السدر الورق و اللفندر و الاس..هاي الاعشاب جدا مفيدة للشعر.....وغليتهم و نقعتهم لمدة نصف ساعة و بعدين اخذت مويتهم و صبيتها فوق الصابونة السائلة .....وحطيت زيادة كم قطرة من زيت اللوز ....وحطيت كمان كم قطرة من العسل..(حبيت ادلع شعري....وبس ....عفكرة معظم هاي الخطوات ماخدتها من موقع اجنبي لعمل شامبو طبيعي
اتمنى اكون افدتكم
29-03-1430 هـ, 11:03 صباحاً
نسيت اقولكم كمان اللي بتحب الشغلات المعطرة ممكن تضيف زيت عطري او عطر طبيعي متل المسك الاصلي....هاي من افكاري..يعني العطور الصناعية اللي بحطوها بالشامبوهات احسن ؟؟؟؟؟؟!!!!!!!
29-03-1430 هـ, 12:26 مساءً
مشكورة بس ما أظن ان توجد في مصر الصابونة النابلسية

جزاكي الله خيرا
29-03-1430 هـ, 12:43 مساءً
ممكن تلاقيها عند العطارين لانها مشهورة كتير وبتنباع في جميع انحاء العالم
29-03-1430 هـ, 02:03 مساءً
يعطيك العافية أختي

استخدمتي الشامبو وكيف شفتي النتيجة على شعرك ؟

هل يبين الشعر متلبك و متشابك وصعب التسريح ؟

وهل بين فيه اللمعة بعد الغسل وهل غسلتي فيه شعرك وكان فيه زيوت وشالها ؟


والصابونة النابلسية هي صابونة الغار والا نوع ثاني لأن أول مره أسمع فيها ؟

أنا آسفة لأنو كثرت الأسئلة عليك

وشكراً مقدماً
29-03-1430 هـ, 02:25 مساءً
حبيبتي اللي من مصر صابون نابلسي شاهين موجود في كل مكان ب175 قرش بس اسألي اي عطار وفي كمان عند حراز صابون الغار والاتنين يعتبروا واحد حبيبتي وعن تجربة
اللهم انى اشكو اليك ضعف قوتى وقلة حيلاتى وهوانى على الناس
اللهم اعني ولا تعن علي وانصرني ولا تنصر علي وامكر لي ولا تمكر علي واهدني ويسر لي الهدى وانصرني على من بغى علي
ربي اني مظلوم فانتصر
29-03-1430 هـ, 02:30 مساءً
شكراً والله يعطيك العافية
29-03-1430 هـ, 11:30 مساءً
اختي صمت الحروف ...الصابونة النابلسية طبعا استخدمتها لاني زي ما قلتلك انا من نابلس و هاي كتير مشهورة عنا وهي مش صابونة غار ...صابونة الغار شيء و الصابونة النابلسية شيء تاني ...التنتين صابون بلدي و طبيعي...بس واحدة بالغار وواحدة بزيت الزيتون....بالنسبة لنتيجتها عالشعر بس تغسلي شعرك بالماء تحسي نظيف كتير وبس تنشفيه بالمنشفة يكون ثقيل شوي (متل ما تكوني عاملة حمام زيت قبل الشامبو ) بالضبط نفس صابونة الغار اذا جربتيها ....بس لما ينشف عالاخر تلاحظي الفرق بشعرك انه ثقيل و صحي ولامع...حتى ما في داعي انك تحطي اي شيء بعد الحمام
01-09-1430 هـ, 05:47 صباحاً
شكرااااااااااااااااااااااااااا ااااا
اللهم صلي على محمد وعلى اله وصحبه وسلم
20-03-1431 هـ, 12:57 صباحاً
مشكورررررره


الساعة الآن 02:22 .

جميع الحقوق محفوظة - عالم حواء - 2015