انهارده هانعمل حاجه لذيذة جداوسهله بس بتتعمل علي يومين
فطيرة الضفيره بحشو الفراوله و الجبنه الكريمه
المقادير
أ/ للعجينه :
المقادير دي بتكفي فطيرتين
المقادير مقسومه نصين :
1- الجزء الاول :
ملعقة كبيرة خميره فورية
ملعقة كبيرة سكر
كوب ونصف حليب دافئ
2 كوب دقيق لجميع الاغراض
2- الجزء الاول :
2 بيضه
واحد ونص ملعقه صغيره ملح
ثلث كوب سكر
من 2.5 الي 3 اكواب دقيق لجميع الاغراض
نص كوب زبده ( اصبع زبده )
الطريقه :
اولا مقادير الجزء الاول :
نمزج السكر والدقيق والخميره الفوريه في وعاء عميق ثم نضع اللبن بالتدريج
نعجن جيدا حتي تتكون عجينه ملساء
نغطيها ونتركها ترتاح لمدة نص ساعه في مكان دافئ
بعد النص ساعه نحضر العجينه ونضيف عليها مقادير الجزء الثاني بالطريقه الاتيه :
نضع البيض والملح والسكر وكوب واحد من كمية الدقيق ونعجن جيدا
تقطع الزبده قطع صغيره وتضاف علي العجينه ونعجن
يضاف باقي الدقيق بالتدريج ونعجن جيدا عشان نوزع الزبده في كل العجينه بالتساوي
( ممكن تاخدي كل مقدار الدقيق وممكن لحد 3 كوبايات الا ربع )
نعجن جيدا لمدة 5 دقائق علي الاقل حتي نحصل علي عجينه ملساء قابله للتشكيل
بعد كده نغطيها بكيس نايلون وفوطه ونضعها في مكان دافئ من نص ساعه الي ساعتين
هاتلاقيها نفشت نقوم منزلينها بايدنا تاني لحجمها الطبيعي
ونغطيها بالكيس ونحطها في الثلاجه لتاني يوم
تاني يوم نطلعها من الثلاجه ونسيبها علي جمب عشان تاخد حرارة الغرفة علي ما نحضر الحشو
وطريقة العجين دي بتخلي الفطيره تطلع هشه واسفنجيه زي ما هانشوف في الاخر
الحشو :
اي مربي فراولة او توت بري او اللي عندك
وممكن تجيبي 2كوب فراولة او توت طازج + ربع كوب سكر + ربع كوب نشا ذرة
+ 2 ملعقة عصير ليمون
تقلبيهم علي بعض وتغليهم علي نار هاديه لمدة 5 دقائق وبعدين تسبيهم يبردو كويس
اما حشوة الجبنه الكريمه :
تلات ارباع كوب جبنه كريمه اي نوع + 2 ملعقه كبيره سكر بودره + نص ملعقه كبيره فانيليا +
بياض بيضه
يتقلبو علي بعض كويس
نجيب العجينه ونقسمها الي نصين
علي سطح نضيف نرش شوية دقيق ونفردها
في المنتصف نضع الجبنه الكريمه وفوقها الفراوله اللي حضرناهم فوق
نقطع العجينه من الجوانب زي الصوره دي
بعد كده نتنيهم علي بعض كده ونضغط بالراحه عشان تتقفل
وبعدين نقفل من الجهتين كويس
بعد كده نغطيها بالراحه بكيس واسع
ونسيبها حوالي ساعه الا ربع لحد ما حجمها يتضاعف تقريبا
في الفتره دي نكون بنسخن الفرن
نجيب بيضه مع ملعقه حليب نمزجهم كويس وبعد كده ندهن الوجه
نخبزها في فرن متوسط الحراره هتاخد حوالي من 30 الي 45 دقيقه
وده شكلها النهائي
شوفوا اد ايه العجينه هشه واسفنجيه
وبالف هنا وشفا
تسلم الايادى
208537