السعودية - جدة حراء
رياضيات وانجلش
تأسيس قراءه وكتابة ومتابعه المواد للابتدئى رياضيات وانجلش للمتوسط
              

السعودية - جدة حراء
رياضيات وانجلش
تأسيس قراءه وكتابة ومتابعه المواد للابتدئى رياضيات وانجلش للمتوسط
إضافة رد
 
أدوات الموضوع انواع عرض الموضوع
قديم 24-01-1425 هـ, 03:45 مساءً   #1
tiaa
مساعدة مشرفة قسم إرادة تتحدى المرض
 
الصورة الرمزية tiaa
 
تاريخ التسجيل: 18-11-1424 هـ
المشاركات: 2,166




Thumbs up الكبة اللبنية خطوة خطوة

يلي بتحب الكبة وبدها تعملها يلى :
مقادير عجينة الكبة :
نصف كيلو لحمة مفرومة خالية من الدهن
نصف كيلو برغل ناعم وبتقدري تزيدي كمية البرغل عن اللحمة اذا بتحبي مغسول ومصفى
2 بصلة
ملح
بهار -فلفل اسود - قرفة
الحشو :
صنوبر
نصف كيلو لحمة مفرومة
بصلتين مفرومين ناعم
ملح فلفل بهارات
الطريقة:
نفرم اللحمة مرة وحدة بفرامة اللحمة
كمان نفرم البرغل مرة وحدة ونخاطون سوى ونضيف الملح -البهار القرفة -الفلفل
نقطع البصلة قطع متوسطة ونرجع نفرم الخليط سوى مع اضافة قطع البصل
صار عندك عجينة الكبة عجنيها شوي بايدك ليمتزجوا مع بعض
تحضير الحشو :
نقلي الصنوبر ونتركه على جنب
نقلي البصلة ونضفلها اللحمة والبهارات لتتقلى منيح نرفعها عن النار ونضيف الصنوبر
هلق اذا عند ماكينة الكبة يلي بطلع بواري منحط العجينة وبعدين منقطع البواري قطع متساوية ومنحطون بصينية
هلق بتقطعي كل بوري قطع متساوية بحجم قطع الكبة .
بتاخدي كل قطعة وبترققيها شوي وبتسكريها من طرف واحد وبتحشيها من الثاني وبتسكريها
والافضل يكون امامك زبدية ماء بارد وملعقة نشا لتبلى ايدك فيها .
لتخلصي كل الكمية بيكون عندك تقريبا من 60 _70 قرص
اذا بتحبي ممكن تفرزيها, ممكن تطبخيها مباشرة
تحضير اللبن :
هي كمي اللبن لتقريبا35 قرص
3علب لبن ندى
1علبة لبن ندى ماء
3ملاعق ممسوحة كورن فلاور
ملح
نضربون بالخلاط ونضعون على نار متوسطة مع التحريك المستمر ليغلي الخليط
نسقط الكبة ولازم النار قوية حتى ما يلزقوا الاقراص ببعض بس انتبهي لينحرق اللبن وتلزق الكبة , بعد ما تسقطي الكبة اتركيها على نار متوسطة 10 دقائق
بها الثناء بتكوني فارمة ربع باقة كزبرة وسنين ثوم بتقليون مع ملعقة سمنة وبتحطيون فوق اللبن وهو عم يغلي (في ناس بتحب تحط طرخون ) بس انا بشوف الكزبرة اطيب
بعدين بتسكبيها بجاط التقديم شوي شوي حتى ما تتكسر الكبة والف صحة
اذا فرزتيها اطبخيها وهي يابسة لا تفكي عنها التفريز لانه بيطرى البرغل وبيفشفش
نفس الاقراص اذا بدك تقليها



tiaa غير متواجد حالياً رد مع اقتباس إرسال الموضوع إلى الفيس بوك إرسال الموضوع إلى تويتر




24-01-1425 هـ, 09:33 مساءً
#3
ماشاء الله يعطيك العافية على هذه الوصفة الحلوة و***** أسويها وأدعي لك


رد مع اقتباس
أم القوارير غير متواجد حالياً  



24-01-1425 هـ, 11:13 مساءً
#4
يسموا هاالايدين والله وصفتك واضحة , انابموت بالكبة بس بدها شغل وبتتاقل اعملها, لكن انتي اسلوبك رائع بالتقديم ومشجع لعملها وخصوصااضافة الكزبرة يا سلام بتشهي , يعطيكي العافية.


توقيع


رد مع اقتباس
الشركسية غير متواجد حالياً  



25-01-1425 هـ, 12:50 صباحاً
#5
اختي علاجي تسلمي حبيبتي ***** الله تعجبك

تسلمي اختي ام القوارير الف صحة

تسلمي اختي الشركسية اعمليها يوم تكوني مرتاحة وفرزيها والف صحة- وبسوو داغ


رد مع اقتباس
tiaa غير متواجد حالياً  



25-01-1425 هـ, 12:53 صباحاً
#6
يا حلوين في غلط مطبعي الكبة اللبنية مو البنية


رد مع اقتباس
tiaa غير متواجد حالياً  



25-01-1425 هـ, 02:23 صباحاً
#7
يممممممي ي ي ي ي

باااااااين عليها حلووووووة بجربهااااااا

ويسلمووووووو


توقيع


ماكل مااااااايتمنااااااه المرء يدركه





سبحان الله وبحمده سبحان الله العظيم

رد مع اقتباس
shiokh غير متواجد حالياً  



25-01-1425 هـ, 04:09 صباحاً
#8
tiaa تسلم ايدك اختي على الاكله الطيبه
وانا بعمل نفس الطريقه بس بدل الكزبره بحط نعنع يابس بتطلع كمان طيبه




رد مع اقتباس
Fairy Tale غير متواجد حالياً  



25-01-1425 هـ, 05:28 صباحاً
#9
امممممممممممم

تسسسسسسسلم الايادي


الله يعطيك العافيه


توقيع




اللهم اسألك رحمة منك تغنيني عن رحمة من سواك
رد مع اقتباس
مجرد اسم غير متواجد حالياً  



25-01-1425 هـ, 04:22 مساءً
#10
اهلين بك اختي shiokh نورتي والف صحة

تسلمي اختي ام تامر كلك ذوق جربي الكزبرة وانا رح جرب النعنع للتغير والف صحة

اختي مجرد اسم الله يسلمك حبيبتي ويعطيك الف عافية


رد مع اقتباس
tiaa غير متواجد حالياً  



إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع


الساعة الآن 03:04 .