ولدي مدلعته ام زوجي وش اسوي وانا ابي اعلمه على الحمام

السلام عليكم ورحمة الله وبركاته
مساء الخير حبايبي
بغيت استشيركم بشغله
انا ولدي الان عمره تقريبا سنتين وشهرين
ونفسي اعلمه حمام لانه بسم الله عليه يدري اذا فيه شي
يعني يقولي ماما فيه ,,, بس ماكنت اوديه الحمام لان كان شتاء وصعب اعلمه
المهم انا بديت ليوم اعلمه الحمام طبعا لانه الى الان ماسوا شي لانه صاحي متأخر
كنت اوديه للحمام كل نص ساعه على شان اول بول (الله يكرمكم) ابتدي اعد له ساعه على شان ادخله الحمام
مع العلم اني في الايام السابقه كنت اتابع وقت اللي يسوي فيه البراز (كرمتوا)
المهم الان اللي مضايقني اني انا عايشه مع اهله طبعا اهل زوجي عسل لكن مشكلتي في ان خالتي ام زوجي تاخذه عندها من اول العصر وماعاد يرجع لي الا الساعه 11
طبعا ولدي عنادي مو بسهوله يدخل الحمام ولا هو بسهوله يطلع منه
يعني اتعب على شان ادخله الحمام واتعب على شان اطلعه منه خصوصا اذا كنت حاطه له مويه يلعب فيها
الان مثل ماقلت لكم ولدي مااشوفه الا الساعه 11 واحيانا مايرجع الا 1 بالليل بعد
مشكلة ام زوجي مره مدلعه ولدي مستحيل تقوله لا
مستحيل تضايقه لو يقولها قومي تفز بطولها على شان تقوم له
كل شي الا عبودي عندها يعني لو بتقوله يالله حمام قالها لا قالت لا يابوي وجيبي البامبرز وانا ابي اعلمه
خصوصا اني حامل وشغالتي بتروح بعد ولادتي بشهرين او ثلاثه
وابي اعلمه بسرعه قبل لااولد
ومشكلتي الثانيه مثل ماقلت لكم ام زوجي مره مدلعته
فااذا صار ينزل تحت عندها يومين طبعا الدلع الزايد يزيد الصياح عند ولدي على الطالع والنازل يصيح وتكثر غلقاته بالصياح
ويقل اكله لانه من يوم يقول شوكولاته والا حلاو راحت وجابت له بعدها تنسد نفسه عن الاكل
وهذي هي توها طالعه لي فوق تقولي مايصير تخلينه بدون بامبرز والجو بارد :(
والله مو برد قسم بالله نشغل مكيفات ومطفيتها ليوم بس على شانه بدون بامبرز :(
تكفون حلوا لي مشكلتي:06: