10-02-1430 هـ, 03:03 مساءً
السلام عليكم ورحمة الله وبركاته

شخباركم بنوتات ؟؟ ان شاء الله بخير وصحه وسلامه

انه كتبت هالعنوان عشان تدخلون وتساعدوني واللي تساعدني الله يحقق كل امانيها ان شاء الله
ما باطول عليكم بادخل فالموضوع على طول

انه بنت بحرينيه عمري 22 سنه و ادرس هندسه مدنيه وكل وقتي بالجامعه والدراسه والبروجكتات وما عندي وقت
حق اي شي ،، واحس اني وايد مقصره في حق نفسي ومن زمان ما اهتميت فعمري

والحين عندي اجازه لي تاريخ 22 وبغيتكم تساعدوني الله يجزيكم الجنه

طلبتكم لا تردوني
قولولي شلون اهتم بنفسي انه عمري ما استخدمت كريم ولا مقشر للجسم ولا شي من هالسوالف
خاطري اعتني بروحي واحس اني بنت حالي حال باقي البنات

بغيتكم تقولون لي نوع مقشر للجسم نوعيته زينه ومن موااد طبيعيه ونتايجه مضمونه وسعره معقول واهم شي اني اقدر احصله عندنا فالبحرين

واذا تعرفون خلاطات لتبيض الله يعزكم الابط والمنطقه الحساسه لاني وااااايد مهملتهم وصار لونهم اغمج من لون بشرت جسمي

انه قريت خلطات في هذي المنتدى بس احس فيهم مواااااد واااااايد وصعب اسوي نفسهم والاهم اني ما عرف وين احصلهم لان موااااد اول مره اسمع فيهم

وبعد اخر طلب ادري أذيتكم بطلباتي لكن معلي استحملوني شويه

بغيت خلطات لتنضيف وشد بشرة وجهي من مواد طبيعيه مع العلم ان بشرت وجهي حساسه ويطل لي حب فيها والحين استخدم حبوب وكريم حق الحبوب

ومشكوووووووووووورين ما قصرتو مقدما
والسموحه منكم على الاطاله
10-02-1430 هـ, 04:21 مساءً
الله يوفقك بدراستك يارب

اللي اعرفه مقشر المشمش مرة حلو

والباقي يفيدونك البنات
ا
أسأل الله العظيم رب العرش العظيم ان
يشفي بنتي ويعافيها ويجعله طهوراآميييييين يارب
10-02-1430 هـ, 04:24 مساءً
استغفر الله واتوب اليه

اللهم صل ع نبينا محمد عليه الصلاة والسلام
10-02-1430 هـ, 04:50 مساءً
وعليكم السلام ورحمة الله وبركاته 000

أنا بحاول أساعدك باللي أقدر عليه وأكون مجربته000

أولا بالنسبة للجسم
1- قبل لا تتروشي جيبي صحن وحطي فيه زيت زيتون وملح وعصير ليمون بالكمية اللي تكفيك0
2- بللي جسمك بالماء الدافئ وزعي هالخلطة على كل جسمك ماعدا الوجه طبعاً وأبدي بتفريك الجسم بشكل دائري لمدة 3- 5 دقائق تقريباً ويفضل تستخدمي الليفة اللي تجي على شكل قفاز من بدي شوب روووعة 0
3- كملي ترويشك عادي بالصابون أو الجل اللي تحبي ( أنا أستخدم شور جل من بدي شوب رووعة وريحته حلوه ) 0
4- نشفي وأدهني جسمك بزيت بيبي جنسون بالبابونج او الافندر وشوفي النعوووووومه 0

ثانياً بالنسبةللبشرة

علشان الحبوب اللي بالوجه أنا استخدم المره انقعها بشوية ماء دافئ ( اخليها ثقيلة شوي وادهن فيها وجهي واخليها لماتنشف واغسل وجهي بالماء وادهن بالرطب )0
1- استعملي صابونة البابايا 5 في 1 حلوه بالمره0
2- استعملي المقشر اللي بالمشمش 0
3- وفيه قناع الشوفان المطحون مع الزبادي بصراحه يجنن تلاحظين الفرق من اول استعمال ( الشوفان اللي نستخدمه في الشوربات ) يترك على البشرة لماينشف ووبعدين فركيه بشكل دائري وغسلي بالماء الدافي وآخر شي الماء البارد علشان تسكر المسامات وحطي اي مرطب يناسبك 0

وبالنسية للمنطقة الحساسة فيه بالمنتدى موضوع للأخت وزيرة الشوق بعنوان ( اللي تبغى منطقتها زي البيبي واحسن وكمان يفتحها تجي تدخل وماتندم ) أنا ماجربته شوفيه يمكن يناسبك 000


يارب أكون أفدتك 0000 دعواتك لي بالذرية الصالحة000
10-02-1430 هـ, 09:21 مساءً
حبيبتي اول شي روحي صالون للعنايه بالبشره سوي تنظيف بشره وحمام مغربي وحمام زيت لشعرك

عشان بعدين بشرتك تتقبل كل شي بسهوله

بعد كذا روحي صيدليه او دكتور واطلبي منهم كريمات تناسبك للوجه والجسم

الصيدليات عامرات بالكريمات المفيده يعني اطلبي الشي الي يناسبك بتلاقينه يقدمه لكي

واستمري على هذي الكريمات لانه حسب مافهمت انك مو فاضيه للخلطات

وحاولي وقت فراغك تسوين خلطات بسيطه بالبيت للوجه مثل قناع الزبادي والحليب والنشا والعسل كلها مفيده

يعني اي شي بتحطينه بوجهك بيتشربه لانه فاقد العنايه

واهتمي باكلك وكثري شرب مويه وان شالله اكون افدتك

ويارب يوفقك بالدراسه وتصيرين قمر بعد

تقبلي مروري
10-02-1430 هـ, 10:08 مساءً
فوووووووووق
كل من تشوف توقيعي تدعي ان ربي يرزق خواتي بالحمل

اللهم أرزق أخواتي بالحمل

اللهم ارزقهن بالذريه الصالحه
10-02-1430 هـ, 11:09 مساءً
هلا والله


تسلمين حبيبتي إحساس التجربه على الرد بس عندي استفسار

وين احصل مقشر المشمش ؟؟ وهل ممكن استخدمه بدال الزيت زيتون والملح والليمون ؟؟؟

ويزاج الله خير

والله يرزقج الذريه الصالحه عاجلا وليس اجلا ان شاء الله
10-02-1430 هـ, 11:11 مساءً
قناع الخميره وماء الورد والعسل الاصلي

اللهم تمم حملي ع خيرر وآرزقني طفل معافى في كامل خلقته
10-02-1430 هـ, 11:29 مساءً
هلا والله

تسلمين حبيبتي (( قصيميه بجده )) على الرد

جزاك الله خير
11-02-1430 هـ, 12:08 صباحاً
لاتنسين الحمام المغربي وااااااااااااااااااااو
وانصحك تسوين بحث عن خلطات بنت عذاري
رهيبه وطبيعيه ومجربتها جناااااااااااااااااااااان
وخاصه الكريم الؤلؤي من بنت عذاري
والله فديت هاالعذاري
جربي ماراح تدورين بعدها خلطات


الساعة الآن 07:54 .

جميع الحقوق محفوظة - عالم حواء - 2015