قصتي من بداية الطلق وحتى الولاده - منتديات عالم حواء

السعودية - جميع دول الخليج
كتاب نكهة الأطباق
يتوفر الكتاب الرائع ذو الوصفات الشهية في عدد من المدن تجديها في الموقع
              

السعودية - جميع دول الخليج
كتاب نكهة الأطباق
يتوفر الكتاب الرائع ذو الوصفات الشهية في عدد من المدن تجديها في الموقع
قديم 04-02-1430 هـ, 06:57 مساءً   #1
كادي وريحان

عضوة
 
تاريخ التسجيل: 15-10-1429 هـ
المشاركات: 166


Talking قصتي من بداية الطلق وحتى الولاده

بسم الله الرحمن الرحيم
والصلاة والسلام على اشرف الانبياء والمرسلين وبعد:
الحمدلله ولدت ورزقت بولد ..

بحكيلكم قصتي من يوم بدأ الطلق وحتى خروجي للبيت
لحظات رائعه جدا اتمنى لو اقدر اعيدها

بسم الله نبدا

في يوم الار بعاء الموافق14-11-1429
رحت لاهلي وكان فيني حاله الله العالم فيها
تعبانه ومالي خلق اقابل احد ومنفوووووووخه على الاخر وكانوا الشله مجتمعين
طبعا انا قررت هذاك اليوم اني ما البس لاني طفشت واحس الملابس صارت تضايقني
لبست قميص خقق -المهم-كنت نايمه قبل مايجون وقمت على سوالفهم وحماسهم
اللي ماله سنع وقعدت والاقي ذاك السينبون اللي يفتح النفس واكل حبتين كبيره
طبعا كنت طفشانه وزهقانه وابغى اولد..

قرروا الربع في هذاك اليوم انه يطلعون رحله للمشاتل اللي بالخرج من الصباح
وقلت الظاهر اني مبطيه على الولاده وبطلع معكم (علما ان هذا اليوم هو اخر موعد لي)
طبعا دقيت على زوجي وقلتله بنام عند اهلي عشان اطلع معهم للبر قال ok
استااااااااانست انه وافق..

المهم حطينا العشاء سليق طايفي مممممممم روعه واكلت شوي ماكان لي نفس يومها
مدري ليه-بعد العشاء طلعت انا وقريبتي نمشي وقعدنا نمشي ونسولف
وقلت ابدخل الحمام اكرمكم الله ودخلت وكانت المفاجأه

(دم ممزوج بماء )>>>>>>>>>>من علامات الولاده..

طبعا ارتبكت في البدايه بعدين اخذت نفس وفرحت اني خلاص بولد وبرتاح
وخفت من الولاااااااااااااااااااااااااا ااااااااااااااااااااااااااده
طبعا رحت حطيت منديل ورحت قعدت ولا حسست احد انه فيني شي ابد
خصوصا امي لاني ماكنت ابخرب عليها الطلعه...
وعلى طول دقيت على زوجي كانت الساعه تقريبا 11 مساء وقلتله الحين تجي
تاخذني قالي ليه؟؟
قلت من غير ليه تعال الحين ولا تتأخر دقيقه

رحت قلت لامي ان زوجي دق وقال تعالي وبوديك لاهلك الصباح
قالت طيب بس لاتتأخرين ..
اخذني زوجي وسألني وقلتله وقالي الله يسر امرك بس
ما حسيت انه فرحان ابد..

المهم -ماعلينا -رحت للبيت وانا انتظر طلق شي ميم احح طاط طوط ولاشي
سوى دم ينزل وبس
حطيت راسي ونمت وقلت دامه مابه شي والله ما اخرب على نفسي الطلعه..

الخميس 15-11-1429

الساعه 7 تقريبا اهلي يدقون وينك وينك وينك؟؟؟؟؟؟؟؟؟؟؟؟؟؟؟؟؟؟؟؟؟؟؟
وانا اصرف اقول زوجي يقول مايقدر..

طبعا ماكنت ابروح للدكتوره انتظر الطلق يبدأ >>>بكريه مدري اش السالفه؟..

رحت للدكتوره وبس قلتلها امس نزل دم ممزوج بماء
قالت أاا يمكن ولاده تعال عشان اكشف عليكي
قلت اوكي وطبعا الكشف اللي خبركم ...
قالت الرحم مفتوح واحد سنتي وحتبدأ الالام وتشدد لما تحسيها شدت اوي
روحي للمستشفى على طول احتمال على اربعه العصر يكون الرحم فتح
معاكي 4 سنتي.........

طلعت من عندها وانا ارتجججججججججججججججججففف
وخايفه ( ) جاء وقت الجد.. الولاده ..

رجعت للبيت ونظفت وكنت احس بألام خفيفه لاتذكر وجهرت شنطتي
واغراضي وحطيت راسي ونمت وقمت العصر مافي شي
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟
شكل الولد نام وقرر يأجل موعد الخروج

طبعا رحت سويت لي قشر وتمر طبختهم وشربتهم يقولون تحمي الطلق
مررررررررررررررررررررررررررررر ررررررررررره<<<<لاحظوا مره..

شرتبها والظاهر كان قصدهم تبرد الطلق وتجيب النوووم
ونمت ونمت ونمت ماشاء الله علي نمت نومه تهبل وقلت اكيد مبطيه عالولاده...


الجمعه 16-11-1429

الساعه 10 صباحا
افطرنا وتجهزت عشان ابروح لاهل زوجي نتغدا عندهم..
وكنت تعبانه وطفشانه (للمعلوميه محد يدري عن بوادر الولاده اللي جتني ابد)
قعدت الى 4 العصر ورجعت لبيتي ودقيت على امي وقلتلها عن الرحم والدكتوره
طبعا كأي ام خافت وقالت تعالي عندي قلت مافيني شي شكلي مبطيه..

طبعا نمت وقمت الساعه 8 ونص من زوجي يقول يالله قومي نروح نمشي
ومالي خلق اروح قلت تكفى لا والله مالي خلق ابغى انام ارجوك
قال لا الحين تقومين تلبسين ويالله نروح..
رحنا رمال سنتر ومشيت ساعه واخذت سينبون ورحنا تعشينا بماك
ورجعنا .. كانت الساعه تقريبا 11 اكلت السينبون ونمت>>مدري اش فيني عالنوم
الظاهر خووووووف..

الساعه 3 فجرا السبت كنت نايمه وقمت من الالم سبحان الله يا بنات كنت احلم ان
واحد يقرأ علي هالدعاء (ياخالق النفس من النفس ويامخرج النفس من النفس خلصني)
والله انه فوق راسي قاعد يقرأ
ورحت للحمام اكرمكم الله توقعت اني (ابي الحمام) ورجعت عشان اكمل النوم
وانسدحت ورجع الالم من جديد عرفت وقتها ان الطلق بدأ..

قمت على طول نظفت بيتي وسويتلي قرفه واخذت تمر وبدأ الطلق يالطيييف
والله يا بنات اني امشي وانا راكعه من قوة الطلق ووووووووووو شي رهيب
طبعا في وقت متفاوت بين كل طلقه..

السبت 17-11-1429
الساعه 4:30
صحيت زوجي للصلاة وراح يصلي ورجع وقال صحيني للدوام قلتله لا تروح لاني تعبانه..

وطبعا مانام وقعد صاحي معايه وانا ادور في هالبيت واشرب يانسون واكل تمر
الاخ اللي هو زوجي قاعد عل youtube وطالع في عرضه جنوبيه ورافع الصوت ومستمتع
رحت انسدحت عالسرير وجاء عندي قالي اوديك قلت لا وتجيني طلقه تهزني وهو خاااايف
مدري وش يسوي يقول تحملي >> اذا عالطلق بسيطه ...

طبعا زاد الطلق وصار اقوى الساعه 7:30 تسبحت وسشورت شعري ولبست
لانه صار ينزل دم صافي..
دقيت على امي الساعه 8:30 وقلتلها عالدم قالت روحي خلاص

ورحت مدينة الملك فهد الطبيه وصلت الساعه 9 تقريبا ..
كان عندي موعد في نفس اليوم سبحان الله -طبعا طول ماحنا رايحين وانا اتلوا من الطلق
وصلت عالطوارئ على طول ودخلت وقلت انا تعبانه الظاهر ولاده>>كل هذا وتقولين الظاهر ولاده


كشفت علي دكتوره حسبي الله عليها نفسها شينه وقالت 4 سنتي خلاص
طبعا الطامه الكبرى قالوا مافيه دكتوره فيه دكتور بيولدك قلت لاااااااااااااااااا
دكتور لا قالت مافيه الا دكتور خلاص انتي وقعي واطلعي على مسؤليتك
اولدي بأي مستشفى ..
(ياهوووووووووووووووووووووووووو وووه ركزي في اللي تقولينه 4 سنتي وتبيني اطلع
تبيني اولد بالسياره)
دقيت على زوجي وقلتله وسوالي سالفه وقال تصرفي بس لا يولدك دكتور

وقتها الله يسرلي ممرضه سعوديه بنت حلال اسمها اريج عسل عسل عسل
وكلمت زوجي وتفاهمت معه واقنعته ان ماقي الا دكتور
المهم عطوني لبس الولاده ولبست عباتي وطلعت لغرفة الولاده
كانت الساعه 10 صباحا تقريبا
ودخلت الغرفه رائعه وتشرح الصدر وفاتحين الستاير والنور داخل الغرفه

المهم قالتلي الممرضه اللي بتقعد معي سوي بول (اكرمكم الله) عشان تحليل
وبعدين جلسوني عالسرير وركبولي الاجهزه (ياشينها)
وقعدت اطلق ..

اللي يضحك بالموضوع ان الممرضه اللي معي حامل وشكلها يا بالثامن او التاسع

المهم جاء الدكتور اللي وقعت عالاوراق انه هو اللي بولدني
وفتح المويه وقالي ان شاء الله عالساعه 2 الظهر تكونين ولدتي
قلت يارب..
تقريبا الساعه 11:30 او 12 جت الدكتوره منال الله يجزاها كل خير
وقعدت تسألني كم سؤال وكشفت علي وقالت ان شاء الله مايجي الساعه 4 العصر
الا تكونين ولدتي
قلت يالطيف..
طبعا سألتها انتي بتولديني قالت ايه انا
وجت الممرضه اريج بعدها على طول
وقالت: انا قلتلها تولدك
قلت الله يجزاك خير الجزاء
...
طبعا قعدت اطلق واطلق واطلق الى الساعه3:30
خلاص صرت احس انه في شي بيطلع وماقدر امنعه
قالتلي الممرضه اذا الم مع براز لا تدفعين
وانا اقول مااقدر بيطلع نادي الدكتوره بسرعه....

وبدأت تجهز الممرضه اللي معي عدة الولاده والمقصات
وقفلت الستاير وجت الدكتوره وصارت اهي والممرضه يقولون ادفعي
وانا يا حول ماعاد فيني الحيل –ادفع ادفع ادفع
قالت خلاص الراس طلع كمان ادفعي
وقعدت ادفع بكل قواي العقليه والجسديه
حتى طلع سعود الساعه 4:15 فديته الله يحفظه ..

اخذوه ولبسوه وخيطتني الدكتوره بسرعه ماحسيت الا اخر كم غرزه..
وجابولي سعود عشان ارضعه ورضعته شوي ورجعوه لسريره
وماطلعوني من غرفة الولاده الا بعد ساعه من الولاده
بس الله يهديهم في حاجه سلبيه فيهم
تخيلوا غرفة الولاده بارده ثلج وخلوا ولدي مفكك ورجلينه طالعه
بغيت انجن ولا حولك احد
بعدين جت وحده ولفته زين...


بعدين عطوني غيار وقالوا قومي الحمام غيري والبسي عشان تروحين الغرفه
تشطفت ولبست ولبست عبايتي وطلعوني على الغرفه
طبعا قبل ماادخل
ودوني انا وولدي الى الحضانه لانهم مادخلوه لحد ماتأكدوا ان الاسماء متطابقه
بعدين دخلوه وودوني انا للغرفه
وماشاء الله عنايه واهتمام ولا اروع..
كل شوي وحده تجي تقيس الحراره والضغط
ولما قفلت الزياره جابوا ولدي وخلوه عندي
وجت حقت الحضانه واخذت الجوال وقعدت تصوره تقول عشان الذكرى..

وخلته عندي وقالت اذا تبغين تنامين قوليلي عشان اوديه الحضانه
والحلو انه كل وحده لما تخلص فترتها قبل ماتروح تجي تقولي:
انا بروح وفي وحده ثانيه بتخدمك
واللي بتمسك الفتره بعدها تجي تسلم وتبارك وتقول انا موجوده اذا تبغين دقي عالجرس...

اليوم الثاني جابوا الفطور الساعه 6
وجتني وحده مخصصه للرضاعه تقول انها من ايام حرب الخليج وهي بالسعوديه
وقعدت تعلمني كيف ارضع ولدي وتحرص عالرضاعه الطبيعيه..

وجاني بعد دكتور الظاهر انه سعودي وقعد يسأل كيف صحتي بعد الولاده وكيف وكيف (الاسئله المعروفه)..
المهم اني ماشفت منهم الا كل خير
صراحه نظافه واهتمام ورعايه ولا اروع
حتى الدكتوره عسسسسسسسسسسسسسسسسسسسسسسسسسسسسس ل..
الساعه 4 طلعت من المستشفى ووصلوني لحد باب السياره وطبعا امي كانت مرافق معايه
وكانت تبغى تشيل الولد ورفضوا جدا
قالوا لا ماما تشيل الا هو انا ...
طبعا لما وصلت باب السياره ركبت وقعدوا يوادعوني وياوادعون البيبي
الحاجه السلبيه في المستشفى التكيف يجيب الموت باااااااااااااارد
واكلهم بعد بااااااااااااااااااااارد

والحمدلله انها تيسرت

اسأل الله ان ييسر لكل حامل وان يهون عليها الم الطلق والولاده..

شاكره لكم حسن القراءه
أم سعود

السعودية - جميع دول الخليج
كتاب نكهة الأطباق
يتوفر الكتاب الرائع ذو الوصفات الشهية في عدد من المدن تجديها في الموقع


كادي وريحان غير متواجد حالياً رد مع اقتباس إرسال الموضوع إلى الفيس بوك إرسال الموضوع إلى تويتر


قديم 04-02-1430 هـ, 07:13 مساءً   #2
ام الزايدي

عضوة نشيطة
 
تاريخ التسجيل: 27-12-1429 هـ
المشاركات: 371


الحمدلله على السلامه والف مبروك
والله يخليلك سعود


ام الزايدي غير متواجد حالياً رد مع اقتباس

قديم 04-02-1430 هـ, 07:18 مساءً   #3
ااابكي بصمت ااا

محررة
 
الصورة الرمزية ااابكي بصمت ااا
 
تاريخ التسجيل: 05-01-1429 هـ
المشاركات: 1,500


مشاء الله والف مبروك ... بس طلقك شكله بارد مره البكر تتا خر .الف مبروك وعقبالي



ااابكي بصمت ااا غير متواجد حالياً رد مع اقتباس

قديم 04-02-1430 هـ, 07:21 مساءً   #4
بنت منيرة

محررة
 
تاريخ التسجيل: 12-01-1428 هـ
المشاركات: 1,059


الف الف مبروك والله يجعلة من مواليد السعادة



بنت منيرة غير متواجد حالياً رد مع اقتباس

قديم 04-02-1430 هـ, 07:22 مساءً   #5
شو عبالي

محررة فضية
 
تاريخ التسجيل: 10-03-1427 هـ
المشاركات: 3,255


الف مبرررررررررررررررررررروك ويتربى في عزك

مره يعجبني اسم سعود

ما شاء الله عليه



سبحان الله وبحمده سبحان الله العظيم
القران بصوت العريفي " http://www.islamway.com/?iw_s=outdoor&iw_a=outquran&id =11800&type=rm
شو عبالي غير متواجد حالياً رد مع اقتباس

قديم 04-02-1430 هـ, 07:31 مساءً   #6
غيودة الامورة

محررة ذهبية
 
الصورة الرمزية غيودة الامورة
 
تاريخ التسجيل: 28-06-1428 هـ
المشاركات: 4,093


الحمد لله على السلامه



غيودة الامورة غير متواجد حالياً رد مع اقتباس

قديم 04-02-1430 هـ, 07:35 مساءً   #7
نجمة الحفلة

كبيرة محررات
 
الصورة الرمزية نجمة الحفلة
 
تاريخ التسجيل: 22-07-1427 هـ
المشاركات: 6,523


الحمد الله على السلامه.....
والله يخلي لك سعود....



يااااااااااارب لك الحمد والشكر حتى ترضى ولك الحمد والشكر اذا رضيت ولك الحمد والشكر بعد الرضى
نجمة الحفلة غير متواجد حالياً رد مع اقتباس

قديم 04-02-1430 هـ, 07:38 مساءً   #8
خلخوله77

محررة ماسية
 
الصورة الرمزية خلخوله77
 
تاريخ التسجيل: 24-03-1429 هـ
المشاركات: 5,020


الحمدالله على السلامه قصتك حلوه


الله يجعله يحج بك


خلخوله77 غير متواجد حالياً رد مع اقتباس

قديم 04-02-1430 هـ, 07:41 مساءً   #9
ابتســـــام محمد

كبيرة محررات
 
الصورة الرمزية ابتســـــام محمد
 
تاريخ التسجيل: 18-12-1429 هـ
المشاركات: 8,472


الف مبروك يتربي بعزكم


ابتســـــام محمد غير متواجد حالياً رد مع اقتباس

قديم 04-02-1430 هـ, 07:43 مساءً   #10
مضيعه زوجها

عضوة فعالة
 
الصورة الرمزية مضيعه زوجها
 
تاريخ التسجيل: 28-07-1426 هـ
المشاركات: 950


الحمدلله على السلامه والف مبروك
والله يخليلك سعود

وابو سعود





اللهم صل وسلم على محمد
مضيعه زوجها غير متواجد حالياً رد مع اقتباس

إضافة رد







أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع


الساعة الآن 05:05 .


شات عالم حواء
تابعونا على Google+
تابعونا على instagram
تابعونا على twitter
تابعونا على Facebook