السعودية - جميع دول الخليج
كتاب نكهة الاطباق
كتاب طبخ رائع يحتوي 16 قسما منوعا كل ماتتمنينه وأكثر ..جربيه لن تندمي
              

السعودية - جميع دول الخليج
كتاب نكهة الاطباق
كتاب طبخ رائع يحتوي 16 قسما منوعا كل ماتتمنينه وأكثر ..جربيه لن تندمي
إضافة رد
 
أدوات الموضوع انواع عرض الموضوع
قديم 04-02-1430 هـ, 12:25 مساءً   #1
Dream22

محررة برونزية
 
الصورة الرمزية Dream22
 
تاريخ التسجيل: 08-05-1424 هـ
المشاركات: 2,377


Lightbulb نصائح معمارية رائعة من ديوانية الي بيعمرون بيوتهم


السلام عليكم ورحمة الله وبركاته هذه اخواتي انا مجمعتها من اخواتي في الديوانية اتمنى انكم تستفيدون منها وتدعون لي ولهم
نصائح معمارية

جهازك فيه بلوتوث إذا مافيه لازم تجيبين وصلة بين الجوال والكمبيوتر
2- ترسلين الصور لجهازك
3- تروحين للمكان الي حفظتي فيه الصورة (مثلاً المستندات) وتروحين للصورة وتضغطين عليها مرتين بعدين بتطلع لك تحت الصورة خيارات إختاري المربع الي فيه فتح الصورة للتحرير
4- بيطلع لك فوق خيارات إختاري<< صورة
5- بتطلع لك خيارات ثانية إختاري<< تمدد وإنحراف
6- بيطلع لك مربعين مكتوب عندهم أفقي ورأسي غيري الرقم الي فيهم خليه مثلاً 50 وشوفي الحجم مناسب او صغري زيادة
7- إضغطي على مربع الإغلاق(إيكس) وبيطلع لك مربع يطلب منك حفظ التعديلات << حطي نعم وبس
9- وبعدين روحي لموقع التحميل بيصير فيه مربع مكتوب فيه إستعراض إضغطي عليه وإختاري الصورة الي تبين وبعدين أضغطي على تحميل
9- بتطلع لك الصورة وتحتها كلام إنسخي الكلام
10- وروحي للموضوع الي تبين وإضغطي على مربع الصورة بتطلع لك خانه إلصقي فيها الي نسختيه وإضغطي على إرسال الرد
وبس
الاخت اللي قالت توهم بالميدة
اهم شي لا تنسون الرش ضد العثة
اثناء الاساسات وبعدها
وشركة الرش والمقاول يحدد الاوقات متى..
شي ثاني زيارة المهندس بعد كل مرحلة مهمة جدا
نصيحة خواتي للي راح يبدون تحطون مهندس يشيك ورا المقاول
حنا بعد ما حطينا الاساسات جا المهندس واكتشف عمود ناقص
مع ان المقاول ممتاز ويمدحونه الجميع ..
خلصت الجبس وغلطتي اني كنت ادور اشكال جاهزة ماحاولت اصمم كان في بالي اشكال كثير وحلوة
بس كنت خايفة انها ماتظبط وصرت ادور اشكال جاهزة
بس بعد التنفيذ ماعجبتني بس ان شاء الله بعد البوية تطلع احسن
وغلطتي الثانية اني ماحددت اماكن الانارة على الجدران قبل التلييس عشان يمددون لها كهرب
وطبعا فيه غلطات كثيرة بس هذي ابرزها
أحب أطلع على كل شيء وأقرأ كثير كثير ما تصدقي أني من سنتين ونصف مافي صفحة في النت تتكلم عن البناء والديكور إلا قرأتها وكمان أي مشكلة لازم أسأل فيها مهندسين من النت وما نعتمد كلام المقاول وبالفعل فادوني كثير كثير لإننا نحن تورطنا في المقاول اللي سوالنا العظم الله يسامحه غلط غلطات كثيرة غير أننا كنا نجيب مهندس يشيك وراها ويأخذ الفلوس وكله تمام بصراحة ماعندهم ذمة ولا ضمير
من الأخطاء اللي عملها لنا تعرفوا ماعمل لنا المدخل ولا درج المدخل ايش رأيكم ولما كلمه زوجي يقول بعدين ونحن مصدقينه وبعدين ماصدقنا أنه يكمل الأساس ويروح أخرنا تقريبا سنة و8 شهور على بال ما خلصنا العظم تخيلوا
أختي غلا الروح بالنسبة لمراحل البناء كالتالي حسب معرفتي واللي عندها إضافة تقولها
العظم _ تأسيس الكهرباء _ تأسيس السباكة _ حلوق الأبواب _ حديد النوافذ _ التلييس - الجبس ماعدا الحمامات والمطابخ تكون بعد سيراميك الحائط _ اساسات الصباغة والبويه عشان ما تنعدم الأرضيات _ سيراميك الحوائط _ تركيب البانيوهات والمراوش الأرضية والكرسي العربي لو بتستخدمونه _ الأرضيات _ تركيب النوافذ_ الحديد ( الأبواب والدرابزين ) _ تركيب الأدوات الصحية وعمل فتحات اسبوتات _البويه _ الأبواب الخشبية ( إذا كنت بتجيبي ألأبواب مضروبة بويه جاهزة تخليها أخر شيء عشان ماتنعدم بس إذا كانت ماهي مضروبة بويه ممكن بعد النوافذ وقبل البويه بس نصيحة لا تشتروا الأبواب قبل النوافذ لإنه أخو زوجي أنعدمت عنده وزنية الباب عشان الهواء صار يدخل من النوافذ ويلعب بالأبواب وأضطر يجيب النجار مرة ثانية عشان يصلحها - تركيب اللمبات _ والتأثيث ( يارب متى نوصلها)

طبعا هذا اللي قدرت أتذكره وأي حاجة أتذكرها بقولكم عليها أهم شيء نفيد ونستفيد

أدعولنا نسيت أقولك غلا الروح ترى الأسعار عندنا متفاوتة فيه سيراميك شفته يوصل الواحدة 150 ريال بس أنا فرفرت كثير كثير ألين ما لقيت المناسب وبسعر مناسب وساعدني أنه جا التبليط عندي على اخر السنة الميلادية وكانت كل محلات البلاط الكبيرة عاملة تخفيضات يعني السيراميك اللي مشترياه ب25 ريال كان قبل شهر بس ب45 ريال واللي 35 كان ب55 ريال بس حظنا حلو أنه رخص
انصحكم تشوفوا وكلاء سيراميك رأس الخيمة عندكم لإنه بصراحة أسعارهم حلوة وبلاطهم يجنن ويحاكون البلاط الإيطالي بس المطابخ ما عجبتيني عندهم والأرضيات نفس شكل الإيطالي بس أسعارهم شويه كانت فوق الميزانية عندي فما أخذتها منهم ولا اسعارهم أرخص من الرخام طبعا 45 فما فوق

نسيت أقول مساحة الأرض عندي 620 بس ما بنيت غير 280 متر فيلا دورين والباقي تركته فاضي عشان ابني فيها شقق لعيالي الله يحفظهم وحاسه كده ومحنا قادرين نخلص ألا بالتعب والزر أمال لو بنيت كل الأرض ما ضنيت أننا نخلص ألا بعد عشر سنوات الحمد لله
بنات لا تنسوا تحطو المادة الكيميائيه تبع الحشرات تنخلط مع التراب وقت الميده وعد العظم لما يردمو البيت
بصراحة مادري ايش اقولك المساحة للمطبخ الداخلي مرة صغيرة وأنت اغلب شيء بيكون استخدامك ليه مادام لسه ما شطبتوا في إمكانية تكسروا الجدار وتكبروا شوي يعني خلوها 4.5 بدل 2 هذه وبتزبط يعني المطبخ المفتوح عادة بس حق مشروبات ومرطبات وفطور يعني مولازم يكون كبير بالحيل
بالنسبة للسقف المطبخ كنت زيك محتارة بس حطيتها جبس لإنه الشرائح أبدا مادخلت مزاجي حسيته زي حق المعارض والمحلات والحمامات حطيت جبس فقط كرانيش سادة وطالعة حلوة بس اشترطي على الجبس الخاص بالحمامات والمطبخ أنه لازم يخلطونها بمادة اسمها اسكادورا اظن هذه تحمي الجبس من الرطوبة والحرارة وعادة يحطونها للجبس لخارجي بس أنا خليتوهم يحطونها برضه للحمامات والمطبخ
انبهكم اخواتي اللي لسه في التصميم او ما بدأو العظم لازم تنتبهوا للحمامات ومقاساتها عشان ماتطلع معاكم صغيرة لازم ماتكون أصغر من 2* 2 ولا تعتمدو انه المهندس توزع معاه في الخريطه بعدين حتلاقونها مرة ضيقة ومحتاسين في توزيع الطقم فيها زي ماحصل معايا

ولازم تنتبهو زين للتوزيع من البداية من الخريطه ولما يعملو العظم تشيكوا الأماكن بنفسكم وكمان لما تعملوا السباكة خذوا معاكم طباشير وعلموا الأماكن اللي تبغون تحطون المغسلة الكرسي البانيو بدقة وراعوا أماكن فتح الباب الشباك وحلو لو تخلو مكان السخان مخفي فوق الباب أو في الزاوية

واستغنوا عن السخان في المطبخ لإنه يشوه المطبخ وخلو الماء السخان في المطبخ يجي من أقرب حمام له

وكمان راعو في الكهرباء تسليك الإنتركم وجرس للشغالة بدل ما تنادي بصوتك وتتعبي والدش لازم تحددوا زين الأماكن اللي بتحطونه فيه لإنه لو عملتي توصيله بعدين بيطلع مشوش
اشوف البورسلان أحسن من السيراميك ويعطي فخامة وكمان السيراميك فيع عيب لو نخدش وتكسر جزء بتبان طبقة الفخار البنية اللي تحت وتشوه الأرضية بس البورسلان أقوى و يكون طبقته بيضه وماتبان
أنا كل أرضيات أخذتها بورسلان
ماعدا الحوش أخذته تراكوتا
أختاري الوان فاتحة بيج واصفر فاتح وخشبي يعني روحي خذي ليك لفة ولفتين على المحلات ولاتشتري على طول لإنه في اشياء تعجبك من أول نظرة بس بعدين تغيري رأيك وخذي عينات وراجعي كلامي في أول المشاركة عن الأرضيات ممكن تستفيدي منها
والبلكونه انا صلحت على مدخل النساء بلكونه تجنن غايتي انها تعطي شكل للواجهه وفعلا الكل منجن على واجهتنا بسبب البلكونه الشبه دائريه والتقويس اللي على مدخل الرجال اعطى شكل جمالي للواجهه
واللي ماعندها خدامه مثلي تخلي جلستهم في الدور العلوي والدور الأول تخليه استقبال ويجلس نظيف على طول
بصراحه صالتنا العلويه طالعه خباااال حطينا فيها بوفيه ونوافذ كبيره تجنن تدخل شمس وهواء واضاءه +باب البلكونه قزاز يفتح عالصاله وفيها ايضا قبه حجمها وسط وقزاز ملون وفي زاوية الصاله مدفئه حجر مو مشب لا مدفئه وياحلات شبت السمر فيها على فكره فيه مروحة شفط تسحب الدخان للسطح يعني البيت ماتشمون فيه ريحة دخان
بس انتبهوا احنا استعجلنا في بناء المدفئه خليناها للأرض وتمنيت اننا رفعناها شوي وخلينا رف سفلي للحطب بس يالله هي طالعه حلوه على كل حال
.........................
ولا تنسون زي ماقالوا الاخوات لازم المهندس يراجع شغل المقاول اول باول لان مقاولنا رغم انا شفنا شغله في بيت ثاني وعجبنا بس الله يهديه خرب علينا مدخل الرجال وحمام الاولاد واضطرينا نليس البيت كله عشان نعدل خطأه اللي رفض انه يصلحه وخسرنا زياده على اللياسه واحنا بنحط حجر فمافي داعي للياسه بس اضطرينا عشان نعدل الشكل الخارجي
وبالنسبه للطوب اخذنا طوب احمر عشان يعزل الحراره والبروده
نصيحة : انا كنت ارسم كل غرفه على وورقه مقاسها السنتميتر لكل متر واوزع كل شي الاثاث فيها غرف النوم الحمامات الصالات كل شي يتحدد من بدري لان جمال التصميم يكمله حسن توزيعك للاثاث بشكل يتناسب مع المساحات ..... ترى يا بنات هذه الطريقه مهمة و هي الطريقه اللي يستخدموها مصممين الديكور
بالنسبه لسخانات المويه خلوه واحد مركزي في سطح البيت يتوزع لكامل الحمامات والمطابخ
لان الحمامات بالسخانات القديمة شكلها بايخ
الدور الارضي وبالذات الصالة خلوا شبابيكها كبيرة واصله الارض
بالنسبه لشبك الحراميه احسه يبيخ المنظر الشتر احلى بكثير ولمعلوماتكم مافي شي يوقف قدام الحراميه بيت جيراننا دخلولهم حراميه بعد ما خلعوا الحديد من نقطه اللحام وفكوه ........الله الحافظ وبس

حددوا اماكن افياش الكهرباء وكيبل التلفزيون مقابل الجلسه وحسب احتياجكم

اختاروا نوعيه ممتازة للشبابيك يكون عزلها تام من الامطار والغبار وافضل شركة على الاطلاق بالمملكة شركة وينتك (( ترى عن تجربة ومو دعاية ))

طبقه عزل تحت البلاط في السطح ضروريه تخفف البرودة من الدور الثاني وهذه غلطتنا ما سويناها لان الغرف اللي ما في فوقها بناء تصير فريزر ايام البرد

في شي اسمه كوع ريحة في الحمامات نبهوا على السباك انه يضبطه لان تطلع روائح كريهه ما تنطاق من الحمامات

طبلون الكهرباء حددوا مكانه بحيث ما يكون في وسط الهول زي ما حصل مع البعض وشوه المنظر

تلفون السنترال حلو و عيبه الوحيد لو انقطعت الكهرباء ما يشتغل بس مو مشكله في جوالات

لا تنسوا تخصصوا اماكن في الجدران لدواليب العبايات

اللي حابين يعملوا الدرج الدائري في وسط الهول ويطل على الصاله انصحهم بدرج جانبي للخدمة
لانه عملي جدا انا سويته ونافعني كثييير لما يكون عندي ضيوف بالصالة زوجي ما يتقيد في حركته
وكل من شافه يندم انه ما سواه
الي ما يحبوا الشغالات مثلي انصحهم لا يخلوا غرفه الغسيل بالسطح لانه تعب طلوع ونزول
انا سويته بالدور الثاني عند درج الخدمة وسويت جنبه غرفه شغاله بحمامها للاحتياط لو جبتها
بالنسبه لمروحه الشفط في الحمامت نصيحة لا تعملوها في الجدران.... اعملوها قي سقف الحمام ..... مدري فاهمين قصدي او لا
لان الشفاطات العاديه تدخل الغبار والاتربه وتعدم الدنيا بس هذه لا وعن تجربة لان جاتنا موجة غبار شديدة اللي مسويين الشفاط في الجدران حماماتهم انطمرت بالتراب وانا ما واجهت هذه المشكلة والحمد لله
اللي مسووين المروش الصغير ابعدوا شباك الحمام عن حدود المروش شوية عشان حديد الستارة او الحاجز
لانه واجهت مشكله مع البعض وكان الشباك في مكان تثبيت حديد الستارة وصعب انهم ينقلوا الشباك بعد ما انتهى كل شي
حببيتي تصميمك حلو والله يعينكم ويساعدكم على بناه ويبارك لكم فيه وعندي ملاحظات بسيطه
المطبخ الخارجي لو تخلينه خلف المطبخ المفتوح يعني المطبخ المفتوح يكون فيه باب صغير يدخلك للمطبخ الثاني وىكون المطبخ الثاني مجهز بالشفاطات الكبيره ويكون فقط للنفخ والطبخ والقلي والطبخ الكبير ويكون فيه باب يفتح علي الحوش تدخلي منه الاغراض ولما تغسلي المطبخ تطلعي المويه برا وكمان وقت الطبخ تفتحيه تطلع الريحه برا والمطبخ المفتوح يكون لتقديم فقط وللخبز والطبخ اللي ماله ريحه وبكذا يكون عندك مطبخين
وكلهم قريبين منك لان المطبخ الخارجي المستقل احسه تشتت تصيرين يومك كله داخله طالعه حتى مواعينك مرات تطلعينها برا واذا احتجتيها داخل طلعت اتجيبنها واذا عندك شغاله بتهلك اضافه ان الجو عندنا مايساعد طبعا انا اكلمك عن تجربه بيت اهلي ارجو انك فهمتي قصدي
الملاحظه الثانيه غرفة الغسيل والكي اعمليلها حساب داخل البيت ولا تخليها فوق السطح اريح وانظف اذا كنت تغسلين بنفسك اريحلك واذا الشغاله يكون سهل عليك تشرفين عليها لانه اذا كانت فوق بتخبص الغسيل على كيفها انا ابدا مادخلت مزاجي غرف الغسيل اللي فوق
وفكره حلوه ان غرفة الشغاله تحت واذا داخليه افضل
نجي لدرج حلو لو الدرج يطل على غرفة المعيشه على طول اشرح ويعطي منظر افضل يعني يكون في وسط الصاله وغرفة المعيشه والدرج والمطبخ وغرفة الطعام ملمومين لانهم القلب النابض في البيت ومكان الحركه والحياه ****لله تكوني فهمت قصدي
انا ماعرف كم المساحه للارض لكن ارى ان البيت الملوم مريح نفسيا ويقرب العائله من بعضها اكثر من البيت الواسع مره والفخم اللي تحسي اذا جلست في مكان ماتدرين عن اللي في مكان ثاني
في شي مهم التكيف المركزي مره مريح وصحي اذا عندك مزانيه كافيه لاتفوتينه
ملاحظه ثالثه انا ماني مع الاخوات الي نصحوك بالغاء الصاله العلويه لانه مهما كانت صغيره تخلي المكان شرح احسن ماتطلعي على غرف على طول
هذاراي وانت ام الذوق ارجوا ان ماكون اطلت عليك وبالتوفيق حبيبتي
غلا الروح :بالنسبة للميزانية ما ابغى أحطمك
حطي ميزانية واتعبي وتطلع بعدين كلها مضروبة زي اللي حاصل معانا يعني لازم تتعديها فأحسن شيء تعملوا حساب الزيادة لإنه انتي بتحطي في الميزانية اشياء ولازم تطلع لك اشياء منتي عاملة حسابها
على سبيل المثال لا الحصر : نحن عاملين حساب أعمال العزل المائي مبلغ معين بس من هبالتنا اضطرينا نعمل العزل 3 مرات ليه
لإنه نحن بلطنا سطوح البيت في الأول من فترة قبل 8 شهور تقريبا فقلنا لنفسنا عشان نوفر خلينا نعمل العزل للسطوح وحمامات الدور الأول كلها والبانتري طبعا ونخلص ولما بدأنا الحين نبلط طبعا الحمامات قبل ما نبدأ شفنا العزل ( إذا انخدش خلاص ما في فايدة منه ) خرب قمنا كررنا العمل ( هبالة ) خلصوا سيراميك الحائط رجع طبعا اتخدش رجعنا عملناه مرة ثالثة أيه رأيك في شغل الهبالة هذه
وهكذا دواليك
يعني عن نفسي استغنيت عن الشفاطات السقفية لإنها بتكون مكلفة من ناحية انها تضطرني اعمل سقف ساقط لكل الحمامات والمطبخ وهذا مكلف بحد ذاته خلاص تجي الغبرة وأنظفها في الأخير هي حمامات وممكن بسهولة تتنظف
استغنيت عن واجهة الحجر لإنها بتكلف كثير والصبغ ارخص
اسغنيت عن العزل الحراري مع أني كنت مصرة كثير عليه لإنه في جدة ما عندنا برودة بس الحرارة ونحن المكيفات في الصيف 24 ساعة شغالة عندنا وأنا في الدور الأرضي في شقتي الان وفوقي ناس يعني عزل يعني هي هي سواء في عزل أو مافي المكيفات شغالة شغالة ونفس الصرفيه
فأحسن شيء انتي قبل كل شيء تعملي ميزانية تقديريه لكل مرحلة حسب متوسط الأسعار اللي عندكم
وتعملي زيادة شوي للطوارئ وبعدين تشوفي كم اللي عندكم وحتكفي ولا لا وإذا شفتي أنها ما بتكفي تنازلي عن بعض الأشياء اللي ممكن تأخرونها بعدين تقدروا تعملوها مثلا انا أجلت الدور الأرضي وتشطيبه ماعدا مجلس واحد والمطبخ شطبتهم والباقي بعدين عشان أقدر أخلص وأحول وأوفر من الإيجار

حبيبتي الاشياء الغير اساسيه هي اللي ما تدخل اساس البناء بس انها تكمله ...وتأجيلها مؤقتا ما منه ضرر
الكماليات بشكل عام مثلا عندك تبليط المسابح ....... والديكورات الداخليه يعني مو لازم اعمل مدفأة وعادي تتأجل....النافورة.... المبالغة في الجبس والنقوش والزخارف المكلفة وتلبيس العقود بالجبس ....... مظلات الجلسات الخارجية في الحديقة ..المكيفات مو لازم في كل الغرف بس اللي تحتاجوها.....الدواليب الداخليه في الجدران عادي ممكن تتأجل شوي
بس طبعا لو في امكانية انا افضل ان كل شي يتم قبل السكن
المطبخ صراحة مهممممممم جدا يتعمل من الاول بعد الانتهاء من التشطيب على طول لا تقولوا يتأجل
بالنسبه لارضيه المطبخ طبعا افضل شي وبلا منازع البورسلان المطفي او المعتق عشان ما يزحلق وكمان عملي اكثر من السيراميك واحلى ما فيه ان مافي فراغات بين الحبات ومافي ترويبه اللي لونها
دايما يتغير وتتوسخ
اما عيوب الدرج اللي في وسط الصالة في حاله عدم وجود درج ثاني للخدمة بتصير الشغاله طالعة نازله قدامكم ولو في عندك صديقاتك بالصالة ما يقدر زوجك يتحرك في بيته يقعد محبوس فوووق

عيب ثاني وهذا الكلام للجمييييييييع سامعين الجميع ترى الدرج الدائري مكلف جدااااااااا
مو بناه قصدي الرخام يكلف مبلغ جامد اعتقد كلفنا بس الرخام17000 غير الدرابزين مع ان الجانبي يقول زوجي كلف كله من تحت لفوق 1000 ريال وبرضه رخام شايفين الفرق صح النوع يختلف بس حتى لو كان نوع الرخام غالي برضه في فرق لان الغلا في قص الرخام

انا عندي درج دائري بالهول جنب الصالة وسط البيت معطي انشراح وجمال وماله اي عيب لان عندي درج خدمة يوصل لكل الادوار وللملحق
أرضية ألمطبخ : الأفضل بورسلان اسباني مطفي

الأبواب : عندك خيارات عدة سنديان أو ماجنو افريقي للأبواب المداخل

والسويدي ( لو تختاريه للداخلي ) لازم يكون النوع الممتاز منه ومن غير عقد ولا زم تشترطي وتشوفيها بنفسك
وإذا عندك ميزانية ممكن تخليها سنديان أو ماجنو

الدربزين : ممكن خشب أو حديد مشغول أو استنسل استيل مع زجاج يعني انتي وذوقك أو حتى زجاج مع حديد مشغول أو زجاج مع خشب
نات نسيت اقول لكم ان التشطيب اغلى من العظم بنسبة 20 %
ولا تنسون تخلون الكهربائي يمدد لجرس انذار الحريق مهم وللأنتر فون ويكون بكاميرا
واما هواية الحمام الاحسن تكون بالسقف اشيك وانظف وفرقها عن العاديه 400 ريال
بس بيت الملك مايغلى عليه ولاااااااااا؟
يابنات انا للحين دايخه بارضيات الدور اللي تحت ودي بشيء شيك وسهل التنظيف (يعني مايبي مسح دايم ) وانقذوني بالالوان والله احترت ودي بالسكري بس خايفه يصير قديم وش رايكم ؟تذكرت حاجة صح بسيطة بس لازم نعمل حسابها أعمال الرش الحشري تنعمل مرتين أولا قبل الأساس وبعدين قبل الكبس والردم داخل البيت وتنظيف الخزان بعد العظم عشان الماء يستخدم في البناء وموتور الماء والخزان العلوي والأبواب الحديدية المؤقته
عيوني شفاط السقف له فتحة في الجدار على بره .......... يعني شكله يصير كانه فتحه مكيف في السقف والسقف كله يتغطى بالجبس عشان تتغطى الاسلاك والهوز اللي يمر الهواء من خلاله على بره والفتحه اللي بره يكون لها غطاء مايل وفيه شبك صعب اني اوصف الشكل بس اكيد حتشوفيه بالمحلات اللي تبيعه
بالنسبه للدهان الصراحة انا مالي في التعتيق بس ما يمنع هذا اني اعطيك رأيي

غرف الطعام اشوف يناسبها اللون العودي لو انها كبيرة ....وهذا اللون متخصص

لغرف للطعام لانه يفتح الشهية.... لو الغرفة واسعه حيكون رائع ويعطي فخامة

وفي اللون النبيتي(( مابين العودي والفوشي)) كمان هذا رائع

وممكن تدهني جدار واحد بس غامق اللي فيه الشفنيره والباقي اوف وايت
اما الصالون انا اشوف احلى لون هو الاوف وايت القشدي يعطي رقي للصالون

وسمعت ان في اشكال طالعة جديدة لدهان الجدران والتعتيق
المهم الشبابيك الافضل انك تحددين اماكن فرش الغرف وخاصه غرف النوم لانه يمكن توزعينها وتكون الشباك الي بينفتح بيضيع عليك مكان السرير او الدولاب او غيره واذا استقريتي على التوزيع اختاري اماكن الشبابيك والاذوق من رايي الشبابيك الطويله النحيفه احسن واذوق من الكبيره لانها احلى في الشكل العام للغرفه والمبنى يعني عرض متر او متر وربع وطول الجدار وبعد بشوي كذا ثانيه يعني شباكين بنفس الغرفه ونفس الجداروبينهم مسافه يمكن تحطين فيها التسريحه او طاوله فهمتي على
والواجههه ترها مهمه جدا وزين انك انتبهتي لها بدري لان الكتله الخارجيه للمبنى هي الي تحدد الشكل المبدئي للواجهه
بالنسبة لأطقم خزفية دام انها عاجبتك ليه ما تأخذين منهم وخاصة انهم عندكم في ينبع مصنعهم والله انا حتى بانيوهاتهم عجبتني بس قالوا انهم حيتأخروا علينا على بال ما يجيبوا الطلبية من ينبع فأخذنا من البدر والجاكوزي فكرت فيه بس حسيت أني ما حستفيد منه كثير وغيرت وبأخذ كابينة بخار أحسه يفيدني وبناتي أكثر يعني عندي بانيو بزاوية إضافة لكابينة بخار
وعلى فكرة مصنع البدر نفسه يعمل جاكوزي بأسعار ارخص بكثير أنتي روحي المعرض اللي قلتلك عليه وتذهلي من أسعارهم وعلى فكرة نحن أخذنا الكتالوجات منهم وتفرجنا على الأشكال عندهم بس ورحنا مباشرة للمصنع لإنهم كمان ارخص من المعرض ايه رأيك
بالنسبة للجبس اللي يتحط في المطابخ والحمامات يقولون انه لازم يكون جبس فرنسي عشان يتحمل الرطوبة والحرارة

وحسب ما سمعت من زمان أن كيس الجبس الفرنسي 50 ريال والجبس السعودي 5 ريال شفتو الفرق كيف
المهم قلنا لنفسنا ليه ما نعمل حركة ثانية وتوفر شوي وهو اننا نضيف لها مادة اسمها اسكودورا وهذه تضاف للجبس الخارجي ( الديكور الخارجي ) حتى تحميها من الرطوبة والمطر والحرارة يعني نفس العوامل وعملنا كده في المطبخ والحمامات
ترى ما ادري هل هي طريقة صحيحة ولا لا نحن الحين بس نبغى نخلص ونحول وندور على اي شيء توفر معانا فجاتنا الفكرة هذه ونفذناها على طول بس سألت واحدة خبيرة بالديكور قالت انها صممت لبيوت كثيرة جبس عادي في المطابخ والحمامات وماتغيرت معاهم وقالت لي حتى أنه لو تغير لونه ودهنتيه بويه 5 مرات كل سنتين ثلاث بيطلع معاك ارخص مما لو عملتيه بالفرنسي فنحن صرفنا نظر على طول عن الفرنسي
الدواليب اللي في غرفتنا مخصصين لها غرفه صغيره 3*3 وتفتح على غرفة النوم بقوس
والدواليب حقت العيال حطيناها في سيبهم اللي يودي للحمام لانه طويل يعني الدواليب على يمين السيب وفي النهاية يكون الحمام تكرمون
بالنسبه للجبس انا رحت لمحلات ديكور وقعدت اتفرج على شغلهم وجمعت افكار وفريت الفلل القريبه في الرياض واقتبست بس ماقصيت ولزقت يعني قلدتهم لاني ماحب الشيء المكرر احب التميز
اما القبه فإنتي عكسي انا عندنا قبتين وحده في الصاله العلويه صالة المعيشه وحجمها وسط وخليناها زجاج معشق ومع الجبس طالعه جنان والثانيه فوق بيت الدرج ونفس الحركه
اما قبتكم فاحس الجبس المغربي قديم الكل صلحه وفيه ناس راسمين في اسفل القبه من جوى مثل شكل الحجر والفتحات ياللي فيها حاطينها زجاج معشق طبعا ملون بس طالعه تجنن وترى الالوان تلعب دور
1-لاتعتمدون فقط على المهندس في تصميم الخارطه لازم تفرضون عليه رغبتكم في شكل البيت

2-اي شى تبغينه لازم يحطه في الخارطه من البدايه مثل الفجوات الجداريه, النافوره,موقع جهاز التحليه مثلا

لاني وقعت في نفس مشكلة الاخت غلا الروح قال المهندس اللي تبغينه من فجوات قولي للمقاول بعدين, طبعا ما صار من اللي بغيته شى

3- الاشراف الهندسي على البناء ضروري والاشراف على الديكور من قبل مصمم مهم جدا عشان التقليل من الاخطاء

4-عندي غرفة البنات الارضيه اخترتها من ايلامس بني حجريمع الوان ثانيه طبيعيه , تخيلو الحين ناويه اصبغ الجدران لون وردي عشان بنتي,شوفوا تناقض الالوان بس مضطره اتحمل غلطي لاني ما خططت من البدايه زين
البنات الي مابعد ركبوا فتحة التصريف الي في الحمامات نصيحه لا تغلطون مثلي انا حطيت بلاستك لون سكري ارخص وعشان يمشي مع لون الصحي لكن بعد الترويب مسك اللون فيها وطلع شكلها غلط نصيحه حطوا استيل صافي ايطالي بس تراه غالي ماعليه لانك بترتاحين للابد وانا مفكره مستقبلا بغيره للاستيل
واول مرحله بعد العظم مثل ما قالت لك الاخت رتوش
تحديد اماكن افياش الكهرباء
والتمديد للكهرب والسنترال واي نضام حمايه داخل الفيلا كا لحمايه ضد السرقه
والانظمه الصوتيه ان حبيتي
ثم اللياسه واهم شي تكون بطريقه القده للحصول على افضل النتائج
وقبل اللياس فيه شي اسمه( الطرطشه) وتعتبراول مراحل اللياسه
وان كنتي بتحطين الواجهه حجر اوجزء منها تراه مايليس
لان الحجر ما يحتاج لياسه
ومتر التلييس عادة ب 5 بدون مواد
ويستخدم فيه اسمنت بحريني وتخلط بماء عذب
لتكون الياسه تمام وناعمه
حددي اماكن اطقم الحمامات ومجلى المطبخ وكل شي يتعلق بالسباكة قبل ردم الارضيه
وهذه الخطوة تتم مع الكهرباء في فترة وحدة لان كل شي يرتبط بالثاني
مثلا عند كل مغسله تحتاجي فيش كهرباء وعند مواسيير المجلى من تحت تحتاجي برضه فيش لمكينه طحن بقايا الطعام الديسبوسر وهذة ممتازة ............ وفيش لغساله الصحون لو ودك تشتريها
ولو بتشتري جاكوزي برضه يحتاج فيش يعني مثل هذه الشغلات
تحديد اماكن الافياش والسويتشات تبدا في مرحلة الكهرباء واذا ما اخترتوا راح يتصرف العامل من حاله وعلى كيفه

مو فاكرة مين الاخت اللي سألت عن اماكن الافياش بس طبعا التحديد يعتمد على طريقه الفرش

انا خليت العامل يركبها في اسفل الجدار لانهم عادة يركبوها طايرة شوي على فوق ومنظرها اكيد

مو حلو مع الاسلاك
وزعي فرشك على التصميم وحددي كل شي ولا تنسي ان يكون عندك في كل مكان 220,110 للاحتياط وفي المطبخ بالذات مراح تتلخبطي بينهم لانك حتختاري شكل 220 ابو ثلاث فتحات للامان
واضاءة جداريه لدواليب المطبخ العلويه .......وفيش للفرن الكهربائي للي بيركبه
اخت استرخاء الجبس احسن شيء المغاربة بس غاليين وشغلهم يكون مميز لو انك تبغي تسوي شغل الحفر والنقوش بس لو كنتي تبغي تسوي حاجات عادية وسمبل ممكن اي واحد يزبطه لك بس يكون شغله نظيف اتوقع الأسعار اللي قلتيها عالية وخاصة بأصحاب محلات ديكور لو تعاملتي مع العمالة بيكونون ارخص ما يتجاوزوا 40 _ 45 ريال للمتر هذا للجبس الساقط أما الكرانيش والقبب هذه حسابها غير يعني بالمتر الطولي ( الكرانيش ب 9 ريال ) طبعا هذه اسعارنا في جدة ما دري كيف عندكم

أخواتي تذكرت شيء لما تكلمتوا عن الأفياش والكهرباء بالنسبة لإضاءة السبوتات انتبهوا لا تخلوها كلها تولع وتقفل مع بعضها ( يعني سلكها واحد) لا خلوها على سلكين بحيث تكون واحدة ايوه وحدة لا
فهمتوني يعني لو تبغوا تفتحوها كلها ممكن ولو تبغوا اضاءة خافتة ممكن وبكذا يكون صرفية الكهرباء قليلة وانتبهوا لإنه فيه كهربائية اغبياء لما تقوليلهم هذا الكلام يعملولك صف كامل مع بعضه والصف الثاني مع بعضه لا فهموهم زين
بالنسبه للافياش انا من راي يجب ان تكون في متناول اليد وقريبه بالنسبه للغرف
اما اذا في مخططك حابه ان يكون في تلفزيون بلازما معلق بالحائط يجب ان تحددي
وين ودك تحطيه بالضبط علشان تحطي الفيش خلفه وما يبين الاسلاك نازله او طالعه
سبب تكسر البلاطات مو عيب في التركوتا ..لا...عيب المبلط لانه اكيد ترك فراغات تحت البلاطة وهذا هو سبب الكسر......
لازم تحرصوا بعين قوية على المبلطين انهم مايتركوا فراغات تحت البلاط لا في الجدران ولا الارضيه مو خذني جيتك بلط وامشي.. لا... شدوا عليهم لان بعضهم الغش في دمهم والعياذ بالله
صح كلام رتووش البلاط إذا تركت فراغات تحته لم تمتلئ بخلطة الإسمنت يتكسر بسهولة اي كان نوعه وسمكه

بالنسبة للرخام : أنا زيك ما احب الروزا والواحه ايش رأيك في الكريم مارفل روعة بصراحة وما يعلى عليه وإذا حاجة ارخص عندك البرلاتينوالإيطالي اعتقد سعره 150 ريال والكريم مارفل 250 ريال
ودي تروحين لطريق الخرج بتلاقيين كل انواع الرخام ومحلاته هناك
بس روحي بدري من العصر لانهم ما يفتحون بعد صلات العشاء
وبتشوفين الي ما شفتيه في التخصصي
تراني انبهرت يوم رح, وبالنسبه للكريم مارفييل تراه انواع يعني
كله فرنسي لكن من عيوبه انه حساس جدا على الرطوبه يمتصها بسرعه
ويبقع بعدين ولو رحتي للملحم الي في طريق الخرج عند 4مستويات من( الكريم مارفييل)
تختلف وفقا للمعان ودرجة المساميه وامتصاص الرطوبه وكل وحده بسعر
يبداء من 250 للمتر للبلاط الى 350 ايضا للبلاط وليس الالواح
اما الالواح فحدث ولا حرج شي لا يوصف جمالا وسعرا
ولكن مهندسنا يقول ان فيه رخام اسمه( بوتشينو )ايطالي افضل في المواصفات من (المارفيل)
واقل قابليه للكسر بعد التركيب لقلة المساميه فيه ورحت شفته عند (دار مار)
ايضا في طريق الخرج تحسين انه ذوق وراقي وارخص من( المارفيل)
لان متره ب240 ريال للبلاط وفيه منه الواح
ولما سالت عنه في المحلات مره مدحوه وقالو ان سبب ارتفاع سعر( المارفيل)
ماهولزيادة جوده بقدر ما هو مسالة عرض وطلب واقبال من الناس عليه
وليش نخفض سعره دام فيه اقبال عليه !!!الي قلو ها الكلام عندهم النوعين المارفييل والبوتشينو ولا وده اننا ناخذ الا مارفييل اربح له
وانا ابحث لقيت هالموضوع وااايد حلو .. خاص للأفياش الكهربائية ... لكلمن سألت عنه :

بسم الله الرحمن الرحيم
سنتطرق لموضوع هام جدا في عملية تصميم كل منزل وهو المفاتيح و الأفياش الكهربائية من حيث مواضعها و مواصفاتها القياسية وما يختص بالسلامة.......هذا الموضوع منقول من مجلة المسكن- العدد17 .......أحببت ان أنقله لكم لما فيه من فائدة
يمكن وصف عملية اختيار المكان الصحيح للمقابس (البريزات) بالسهل الممتنع لأن التحدي ينبع بتحديد و تركيب هذه النقاط الكهربائية قبل أن تعيش في مسكنك و تعرف احتياجاتك الشخصية لهذه المقابس, لذا إن بدا لك أن عملية أن اختيار أماكن هذه المقابس بالمسألة السهلة و أنه يمكن للكهربائي أن يحدد هذه النقاط بنفسه فننصحك أن تتراجع عن هذه الفكرة, و الأفضل أن تقوم بجولة مع المقاول الكهربائي في أرجاء المسكن لإختيار أماكن المقابس الصحيحة لتجنب أي خيبة أمل في المستقبل, و القاعدة المثالية تقول ((اجعل مقابسك الكهربائية ملائمة و سهلة للأستعمال, و متوارية عن الأنظار ثانيا)) وهذا يعني أن تطلب من الكهربائي المختص أن يقوم بتركيب المقابس بالقرب من حلوق الابواب قدر المستطاع ولكن بعد أن يقوم المقاول أو المصمم الداخلي بتقدير المسافات التي ستمتد اليها الزركشة الداخلية و خصوصا حول الأبواب, و الأسباب الجوهرية في أختيار هذا المكان للمقبس الكهربائي سببان:

1) اذا افترضنا و قمنا بوضع هذه المقابس على الجدران في الأطراف أو الوسط فلن يكون هناك مكان للوحة جدارية أو قطعة فنية يمكن تعليقها.

2) يميل أغلب الناس حالما يدخلوا لأية غرفة مظلمة ان يقوموا بمد أيديهم محاولين البحث عن المقبس الكهربائي بالقرب من الباب و ليس بعيدا عنه.

و من الجائز أن يتسائل أحدهم : إنني بحاجة لأكثر من مقبس كهربائي في الغرفة الواحدة. و هذا أمر طبيعي فيمكن أن يقوم الشخص بتجميع هذه المقابس في مجموعة واحدة فاذا كانت هناك أكثر من أربعة مفاتيح كهربائية فاطلب من الكهربائي أن يقوم بتركيب علبتين فوق بعضيهما و بتوازي لا في صف واحد إذ سيصعب عليك تذكر مكان أي زر أو مقبس.


سلامة المقابس الكهربائية

تعتبر المقابس الكهربائية في جدران المساكن مهمة للغاية ويجب الإهتمام بسلامتها حتى لا تتسبب بحدوث صدمات كهربائية أو حرائق لا سمح الله.
أسباب تلف المقابس
يمكن أن تتدهور المقابس بسبب عامل الزمن و الإستعمال المتكرر, فنجد أن الفتحات داخل القابس تتوسع فعندما نوصل جهازا بهذا القابس لا يتم التلامس المطلوب و نجد أن توصيلتنا غير ثابتة داخل القابس. و بأي حركة بسيطة من السلك الموصل بالقابس سوف تزداد حرارة القابس مما قد يتسبب لا سمح الله بحدوث حريق و خاصة اذا كان القابس مغطى بستارة قريبة.

كذلك قد يحدث أن تكون الأسلاك الداخلية المغذية للقابس مرتخية و غير موصلة مما فديمكن أن يسبب معه احتماء القابس وقد يصدر الشرار المسبب للحرائق.
التعرف على المقابس التالفة
1- اذا كان المقبس يصدر حرارة أو شرار أو دخان.
2- اذا كانت توصيلة أجهزتك لا تثبت في المقبس.
3- اذا كان هناك وميض وإضاءة غير ثابتة للمصابيح الموصلة بهذا المقبس.
اذا وجدت أي من هذه الحالات فاستدع كهربائيا مؤهلا لإستبدال المقبس

لسلامتك لا تقم بالإجراءات التالية:

1) لا تفصل التوصيلات من المقبس بسحبها بزاوية فذلك قد يكسر أجزاء المقبس البلاستيكية و يظهر الأجزاء المعدنية المكهربة.

2) لا تفصل التوصيلات من المقبس بسحبها من السلك فذلك قد يتلف التوصيلة.

3) التأكد من دائما من أن توصيلة جهازك قد تم ادخالها بالكامل في المقبس.

4) لسلامة الأطفال أغلق المقابس الغير مستخدمة بالأغطية العازلة التي تتوفر في الأسواق بأنواع عديدة.

5) لسلامة الأطفال تأكد من الإشراف عليهم عند استخدامهم للألعاب التي تحتاج لتوصيل كهربائي.


المواصفات القياسية لمواضع المفاتيح و الأفياش الكهربائية

ترتفع العناصر الكهربائية عن مستوى الأرضية على النحو التالي:

أ- صندوق المفاتيح الرئيسي (الطبلون) 1.5 م

ب- مفاتيح السخانات 1.2 م

ت- الأفياش الكهربائية 30 سم

ث- أفياش التلفاز و التليفون 30 سم

ج- مفاتيح الإضاءة 1.2 م

ح- أفياش و مفاتيح المطبخ 1.4 م

- جميع الأسلاك الكهربائية تكون داخل أنابيب pvc من الدرجة 40 و الحد الأدنى لقطرها 15ملم.

- أسلاك المكيفات و أسلاك الإضاءة و أسلاك التلفاز و الأجراس تكون معزولة عن بعضها البعض.

- لا يتم استخدام الوصلات ما بين الأسلاك الا من خلال صناديق الوصل.

- جميع الأفياش و المفاتيح الكهربائية الخارجية تكون من النوع المقاوم للماء و الأوساخ.


وفي نهاية المطاف تذكر دائما أن ما يبدو لك واضحا و بديهيا فإنه من الجائز أن لا يبدو كذلك للكهربائي .

أخبر الكهربائي عن أماكن قطع الأثاث و التي من الجائز أن تؤثر على أماكن المقابس فمثلا إن خصصت مساحة لأحد المقاعد أو الطاولات فتأكد من مناقشة أبعاد ارتفاع المداخل الكهربائية و احتياجاتك, سواء أردت ان يكون المقبس الكهربائي فوق المقعد أو قريبا من الأرض.

إن التخطيط المدروس يوافق ما بين المقابس و المداخل الكهربائية و ما بين التشطيب الداخلي. ففي المطبخ يفضل أن تكون المداخل الكهربائية بالقرب من الكاونتر و حوالي كل 65 سم, وهذا يعني أنها ستتوزع على طول محيط الكاونتر, و لتجنب اختلاف وضعية المقابس مع تصميم السيراميك فإنه من الأفضل أن تتواجد مع الكهربائي لتتأكد من هذا التوافق (البعض يفضلون أن تتجمع المقابس بجوار بعضها ) إما تحت أو فوق كبائن المطبخ و بهذه الطريقة فإن المقابس ستكون متوارية عن الأنظار و سهلة الإستعمال, و المداخل الكهربائية ضرورية في تصاميم مطابخ الجزيرة و المكان الأفضل لها على الأطراف.

و من الواجب أن تكون المداخل و المقابس الكهربائية في الحمامات محمية و معزولة جيدا و على بعد 1 م من المغسلة (خطورة قرب الكهرباء من الماء معا) و اذا كنت تعلم تماما المكان الذي تود أن تخصصه لمقابسك الكهربائية فمن الأفضل أن تخبر الكهربائي بهذه الإختيارات لأن البعض يفضل أن يرى هذه المداخل بالقرب من المرآة و البعض يحبذها على جدار جانبي.

أما لباقي غرف المسكن في حال كان الأثاث منظما بحيث يبتعد عن الجدران فيفضل أن تكون المقابس الكهربائية قريبة من الأرض.

بس احسن تستعجلوا تجيبوا الكهرباء لأنه تجربوا منها الأسلاك والتوصيلات قبل البويه لأنه لو في حاجة مش مزبوطة تصلحوها من الحين

وترى البلدية والشركة تبهدلكم وتأخركم كثير نحن لنا أكثر من 8-9 شهور مقدمين وتوها جاتنا
جيراننا مشطبين ومخلصين من سنة والى الان ما نقلوا بسبب أنه الكهرباء ما جاتهم مع انهم في حي بنص البلد

اهلا بنت امها وابوها
المطابخ الأيطالية اللي في بيت الأباء رووعة بصراحة انا دائما لما كنت اروح عندهم عشان السيراميك ادخل القسم اتفرج وزوجي يجرني يقول مش وقته على فكرة اظن نفس المطابخ بتنباع في الرياض عند شركة اسمها المدى للسيراميك وفي الخبر كمان بس ناسية اسمهم يمكن النخبة مش متأكدة

بالنسبة للدرج اشوف احسن شيء لها الرخام ويتحمل
بالنسبة للرخام انا اشوف انه احسن منه على الأطلاق هو الأيطالي وطبعا في اشكال والوان كثيرة منه بس حسب اختياركم والقطع الكبيرة الألواح ( اوبن بوك ) تناسب المساحات الواسعة واذا كانت المساحة صغيرة او متوسطة اشوف البلاط انسب طبعا الألواح اسعارها اغلى من البلاط
وهناك من يفضل نوع يسمى الروزا ( برتغالي ) يجي فيه على خربزي وهذا برضه سعرالحلو منه غالي
بالنسبة للأرخص في الرخام أظنه السعودي والعماني والمصري والتركي ( بس الجرانيت السعودي غالي جدا )
انا اشوف الأرخص والجودة هو التركي

المارفيل هو نوع من انوع الرخام ( فرنسي ) يسمى الكريم مارفيل
مشكورة
قمرااا الرخام اللي وصفتيه ماشاء الله حلو .....الروزا الوردي بعروق ولخبطة كثيرة هو المزعج
اما هذا حلو

اما عن تنظيفه استخدمي منظف الصحون فيري مثالي لتنظيف الرخام ولطيف عليه <<<قاعدة تسوي دعاية
وفي منظف ارضيات برضه اسمه فت انا استخدمة تحطي غطاء واحد في حوض الموب.. تعرفي الموب؟
الممسحة ام خيوط قطنيه طويله..... وتعبي الحوض مويه... بس غمسي الممسحة واعصريها في عصارة الحوض وامسحي
الاخوات اللي مايعرفون البروفايل ترى هو كذا عباره عن عجينه لونها مثلا ابيض بس مو ابيض الناصع لا وفيه منها الوان بس محدوده وماعجبتني الوانه المهم هو عجينه تنحط على الجدار وتتواسى وتمخش ومن مميزاته انه مايتأثر بالعوامل الخارجيه ويعمر وممكن لو مليتوا من لونه تضربونه لون ثاني اما مساوئه انه ماينشال الا بالدريل وبصعوبه ينشال
اما الحجر خصوصا النوعيه اللي إن شاء الله بنحطها هو بالمسامير يثبتونه ومتى ماخرب شيء منه شلنا الخربان وبدلناه بغيره جديد ومن حسناته ايضا انه يشكل عازل عن الحراره والبروده وممكن نبدع في ديكوره واللي عجبني فيه ان فيه انواع منه لونه ابيض ناصع اللي احب لاني ماحب البيوت الملونه وخصوصا اللي لونها كريمي مدري وش عجبهم في هاللون يقولون يتحمل الوسخ ؟
ومن عيوب الحجر انه غالي بس مو اغلى من الرخام طبعا وفي نوعيات منه تجمع تراب وخصوصا جونا معروف بالاتربه الدائمه بس احنا اخترنا اللي مايشيل تراب ولا عناكب والله ييسرها علينا وعليكم
اذكره ان جوتن افضل من حيث الجوده والجزيره انا صلحت كل البيت من عندهم لان عندهم اشياء غريبه وحلوه ماهي عند جوتن وقلت لك اني صلحت من عندهم الشانتكس والستوكو والشامواه واما الساده حلوه الوانهم بس كان بربع لمعه وبسرعه توسخ

في مسألة أحب أنبه عليها:

و هي أن هناك من الأشخاص من يأكل المال الحرام و كأنه يشرب ماء... الوازع الديني ضعيف لديه

هذا إذا ما كان معدوم... لا يوجد لديهم ضمير يؤنبهم على سرقة الناس و أكل أموالهم بغير و جه حق..

يعني و أنت في أي مرحلة من مراحل البناء قد تصادفين أشخاص (يأكلون من تحت لتحت) و أنتِ (يا

غافل لك الله..

في بيت أهلي بعد ما حسب معلم اللياسة (أو معلم البوية) حساب عمل اليد أعطى أخوي الورقة عشان

يشوف الحساب راجع أخوي الحساب وجد الحساب صح، لكنه عارف ألاعيب مثل هذي النفوس اللي ما

تبالي من اين تاكل (نسأل الله السلامة)...

راح بنفسه و متر البيت متر متر و اكتشف أنه زاد أمتر من عنده، ما أدري كأنه قال أنه حسب

الأمتاراللي زادها المعلم طلعت قيمتها فوق الألفين ريال!! (ما أقولكم تحت لتحت)

عدل أخوي المكتوب في الورقة و اعطاها العامل (طبعاً المعلم ما قدر يقول شيء) و أخوي اكتفى

بالتعديل عشان يوريه أنه واعي و ليس مغفل.

لكن فيه نقطة أريد أنبه عليها أي خطأ تكتشفيه من الخطأ الدخول مع العمال في نقاش حاد أو مشاجرات

قد تؤدي لطردهم.

و تخسري عامل ورى عامل و شغلك يتوقف و صاحب الضمير المنتظر قد لا تجديه بسهولة فريحي

بالك ..

أهم شيء يحس العامل أن صاحب البيت صاحي مو نايم.
.............
و بالمناسبه هذا الموضع وجدته في أحد المواقع يتكلم فيه عن الغش في بناء الفلل:

العمار قطعت من نار ؟ . هذا المثل الذي توارثناه عبر الأجيال لا يستشعره إلا الذين مستهم نار العمار ؛ فأنت تدفع عرق جبينك فيزداد ضغطك وتصبح في حالة نفسية لا يعلمها إلا الله ومرد ذلك مئات الآلاف التي تدفعها والعمال الذين تلاحقهم يمنة ويسرة يقبلون توجهاتك ويعملون بتوجهاتهم وأنت مجرد بنك متنقل يصرف شيكات وكل يوم في محل شرق وغرب ، شمال وجنوب وأخرها عيوب تظهر ويا ليت ويا ليت ؟
إن أكثر الفئات العاملة التي ترفع ضغطك هما الكهربائي والسباك لأنك تحتاجهم في كل مراحل البناء من القواعد إلى أن تسكن فأنت تحترق وهم غير مبالين فقد تفاجأ بعدم وجودهم أثناء صب السقف أو كرسي المنزل ومع ذلك هم أيضاً أكثر الفئات العاملة سرقة لك .
السرقة ليست قضية فهي لا تمثل نسبة كبيرة قياساً إلى تكلفة البناء لكنها في نفس الوقت تصيبك بالقهر فكيف يضحك عليك ويسرقونك بهذا البساطة ويحسبونك ساذج إلى هذا الحد وإليك الفئات التي يمكن لها أن تسرقك وكيفية السرقة :
مقاول البناء
مقاول البناء لا يمكن أن يسرقك مادياً إلا عن طريق زيادة أمتار البناء بعد الانتهاء وهذا يمكن تلافيه بإحضار وسيط يقوم بالتمتير لكن هناك طرق قد يستخدمها المقاول لتقليل التكاليف التي يتحملها هو منها على سبيل المثال عدم استخدام جهاز ........ مما يجعل السقف غير متماسك بشكل جيد فيصبح قابل لتهريب المياه . كما أن المقاول قد يستخدم خشب قديم مما يوفر عليه أموال كثيرة وقد تخسر كميات من الإسمنت بسبب الخشب القديم .
الخرسانة الجاهزة
بعض شركات الخرسانة الجاهزة تتلاعب بالكميات فمن المعلوم ان خلاطة الإسمنت تحمل ما بين ثمانية أمتار إلى اثني عشر مترا مربعاً من الإسمنت فقد تأتي حمولة الخلاطة عشرة أمتار مربعة من الإسمنت بينما هي في حقيقة الأمر لا تحمل سوى تسعة أمتار فقط ولا يمكن لأحد أن يكتشف هذا النقص لذى عليك أن تختار شركة اسمنت معروفة في السوق ولها سمعتها .
الكهربائي
الكهربائي هو أحد اكبر الذين يسرقونك وكيفية ذلك هو أن الفيلا تحتاج ما بين 18 إلى 25 لفة سلك مختلف السماكة لكنك قد تفاجأ بأن الكهربائي يطلب منك ما يقارب من أربعين لفة سلك أو أكثر ويوهمك أن الفيلا تحتاج إلى اكثر من ذلك مما يعني أنه كسب منك ما يقارب ثلاثة الآف ريال أو أكثر حسب تكلفة لفة السلك وهي في هذا الوقت مرتفعة جداً فمثلا 6 ملم سعرها 154 ريال و 4 ملم 98 ريال . وبإمكانك ملاحظة السرقة وذلك بالمتابعة اليومية وعد البكرات المستهلكة فستجدها أقل بكثير مما اشتريته .
السباك
في بداية البناء لا مجال له بالسرقة والسباك يسرق ما خف وزنه وغلي سعره . بعد الانتهاء من العظم يعد لك السباك قائمة طويلة من الطلبات تتضمن مواسير وأكواع ومحابس وغيرها ولكثرة العدد فأنت لا تستطيع حصر المواد المستهلكة ، والسباك إذا أراد سرقتك فإنه يضع طلبات لا تحتاجها الفيلا فمثلا من ضمن الطلبات محابس قروهي وهي غالية الثمن مقاس ثلاث أرباع بوصة وعددها حسب عدد دورات المياه والمطابخ وقد تجد من ضمن الطلبات محابس قروهي بوصة واحده بنفس العدد وقيمة المحبس هذا 115 ريال فإذا فطنت له فإنك في الحقيقة لا تحتاج إليها فإما محابس ثلاث أرباع البوصة أو محابس بوصة واحدة كذلك السباك يطلب أشياء فوق حاجة الفيلا فكوع النحاس مثلاً يطلب 20 وحاجة الفيلا منها حسب عدد دورات المياه والمطابخ وقس على ذلك .
البويهجي
الذي يبني المنزل عادة لا يكون متواجد وقت ذروة العمل وهو من الصباح إلى الظهر والبويهجي إن كان عقده معك عمل بدون مواد فإنه يطلب براميل بويه حسب نوعها أساس أو لمعة أو معجون فوق حاجتك ويتصرف بالباقي أما إن كان عقده معك بالمواد فعادة يكون وكيل لماركة معينة مشهورة فتجد البويه مغشوشة بنوع آخر رخيص مما يتسبب بتقشر البوية بعد زمن ليس بالطويل لكن بعد ما يقبض وتنتهي علاقتك به .
تنبيه هام
يجب عدم إعطاء الثقة الزائدة في العاملين بمختلف الفئات وفي المقابل يجب عليك عدم التشكيك بهم خاصة بالتصريح بل كن فطناً فقط وراقبهم دون أن يشعروا بك وإذا سرقوك فاتهم نفسك بالتقصير ولا تتصادم معهم لأنك المتضرر الوحيد . خاصة بعد اكتشاف السرقة قبل نهاية عملهم ففي هذا الحالة صارحهم واتفق معهم بخصم مبلغ معين .
لا تنسى توقيع العقود مع العاملين بمختلف الفئات ويفضل صرف مستحقاتهم عن طريق شيكات حتى تثبت استلامهم الدفعات وحاول أن تكون الدفعات متوازنة بحيث تجعل العاملين يبحثون عنك وبمجرد أن تطلبهم تجدهم يسبقونك إلى الموقع .
سعود بخصوص الجبس كلما كان بسيط كلما كان اذوق واجمل وماينمل وحتى مريح للنظر وللنفس........ومشكورة حبيبتي على الافادة
بالنسبة للأبواب في طور البحث لسه ؟ انا ترى اقعد سته شهور ادور وابحث متعبة جدا صح لأنه نحن نشتغل على اقل من مهلنا يعني السيراميك شهر دورنا للجدران والشهر الثاني للأرضيات والرخام نص شهر
الأبواب اللي حطيتيها لونها حلو بس موديلها عادي جدا فيه نعومي بس شوي احلى من كده وهذا اللي متعبني اني ماني لاقية شيء نعومي وجديد

تعرفي أنا مستنية كثير معرض البناء اللي حيكون في الحارثي بعد شهر ونصف تقريبا 13 ربيع الأول لأنه بيعرضوا اشياء حلوة وجديدة
وبعدين شوفي المحلات اللي قالت عنها أم سعود وخذي لفة انا لسه حشوف وقت واروح لها حاسه بيكون فيها شيء مميز
بالنسبة للنوافذ تراها غالية شوفي اللي كتبته في الصفحة السابقة ترى ما تتجاوز لو كانت المنيوم نوع طيب وكويس 350 وهذا لو دبل جلاس اما العادي يكون 250 نحن هنا حنتعامل مع شركة اسمها السعد والقطاع حيكون سرايا وزجاج مفرد 250 للمتر واظن بيرخص كمان شويه
شركة السعد عنوانها بجنب المانع على نفس الخط اللي فيها شركة الزاهد للتراكتورات على طريق مكة اظن قبل الهلال الأحمر السعودي
أم سعود : تعرفي محل اسمه المتسوقون ياريت تدليني على عنوانه
الله يسعدكم يابنات والله أخجلتوني أنا بس حبيت أفيد وعلى ماقالوا زكاة العلم نشره
بالنسبة للألوان المناسبة لكل مكان في البيت هو فعلاً سؤال يتكرر كثير بين كل فترة وفترة في هذا المنتدى ومنتديات ثانية كثير
بس اكيد إنك لاحظتي إنه ماقد حصل إن أحد جاوب جواب شافي وشامل إلا إن وحدة مثلاً تقول أنا اخترت كذا وكذا عارفة ليش ؟
لأنه بكل بساطة في عالم الألوان مافي شيء اسمه هذا اللون دائماً يصلح وهذا اللون دائماً مايصلح
مثلاً الجدار البيج حطيه سادة في شقة ومع فرش عادي صار جداً عادي صح ؟
لكن إذا حطيتيه في مكان واسع وأضفتي بعض الديكورات ودخلتي عليه بعض الألوان الراقية أصبح جداً كلاس صح ؟

طيب أنا بقول لك على الطريقة اللي ساعدتني أنا باختياراتي لألوان بيتي وهي طريقة سبق إني قرأت عنها واقتنعت فيها ونفذتها

يقول لك امسكي مجلات ديكور مختلفة وبستايلات مختلفة واجلسي وانت رايقة ومروقة اتفرجي على المجلات وضعي إشارة عند كل صورة تعجبك وبعدين اتركي المجلات فترة كم يوم
ارجعي مرة ثانية ومرة ثانية سوي نفس الحركة وبتلاقين إن اختياراتك تغيرت
وكل ما كررت العملية هذي بيتضح لك إيش الألوان اللي بتريحك أنت وتعجبك أنت

كمان فادني موقع Better Homes & Gardins لأنه فيه نصائح حلوة وفيه اختبارات للشخصية تحدد لك أنسب الألوان والديكورات المناسبة لبيتك تفضلي الرابط

هذا لتحديد اللون المناسب لشخصيتك:

Quiz: What's Your Color Personality?


وهذا لتحديد الديكور المناسب لشخصيتك:

What's Your Decorating Personality?



وفي هذه الصفحة تجدين بقية إختباراتهم مثل ألوان الغرفة المناسبة لشخصية طفلك وستايل غرفة النوم المناسب لشخصيتك والكثير من الاختبارات الأخرى المفيدة أنا بصراحة أعشق هذاك الموقع

House & Home Quizzes



أنا عن تأثير الألوان من ناحية نفسية فالكل يعلم أن الألوان الحارة ( الأحمر والبرتقالي ومشتقاتها ) تزيد من نسبة الأدرينالين مما يجعل الشخص أكثر نشاطاً وعصبية
<< هذا السبب خلاني أصرف نظر عن صبغ غرفة نومي باللون العودي مو ناقصني زوجي يجلس يعصب علي كل شوي هههههه بس برضه بحط إن شاء الله بعض اللمسات منه لأني أموت على اللون العودي ومشتقاته

يقولون كمان إن اللون الأحمر والعودي ومشتقاتهم مثاليين لغرف السفرة الرسمية لأنها تعطي فخامة وتفتح من الشهية أيضاً << هذي المعلومة خلتني ما أحطه نهائي في البانتري اللي عندنا في دورنا مو ناقصني سمنة

الأخضر كمان مناسب لغرف السفرة لكن أبداً مو على الطاولة يعني بالجدار أو الستارة أو السقف أوكي لكن المفرش أو الصحون أو الكاسات أبددددداً يقولون نفسياً وبدون شعورالواحد يشوف الأخضر على الأكل يتذكر العفن الغريب ليش طيب ما يتذكر الخضار ماني عارفة ؟؟؟؟

اللونين الأزرق السماوي والزهر الفاتح رائعين لتهدئة الأعصاب بعض السجون في أميركا أضافت اللون الزهر في ديكورها لتهدئة المساجين ويقولون إن التجربة كانت ناجحة !!
لكن من الخطأ إن الغرفة كاملة تكون زهر أو أزرق سماوي بعدين تسبب الإكتئاب فمن الصحي إضافة لون حيوي معهم وأنسب شيء إضافة اللون الأخضر الهاديء

وحدة قريبتي دارسة ديكور وطبعاً دارسة تأثير الألوان فاختارت لغرفة نوم ولدها اللونين الأخضر والأزرق لأنهم أنسب شيء للولد وقالت إنها لو جابت بنت راح تخلي غرفة بنتها زهر وأخضر لأن أهم شيء عندها الناحية النفسية للطفل وهي مقتنعة إن أي لونين ممكن المهندس الشاطر يحطهم بطريقة حلوة ومدروسة

اللون الأصفر جداً رائع لتنشيط الوظائف العقلية فهو أنسب شيء لو كان عندك غرفة للمذاكرة أو مكتبة أو على أقل تقدير في ركن الدراسة من غرفتهم أضيفي بعض اللمسات من اللون الأصفر . لكن حذاري من الإكثار من هذا اللون في غرفة النوم لأنه يجعل الأطفال متوترين طوال الوقت

هذا اللي أذكره الان كان عندي كتاب عن تأثير الألوان بس سلفته وحدة ولسع ما خلصت منه
المتسوقون هذا عنده أبواب ودرابزين صح ؟ صحيح ذكرتيني فيه مدري شلون راح عن بالي هذا أهل زوجي كانوا مسويين عنده باب مدخلهم كان مرة حلو شغله بس مررررة غالي
أظنه بطريق المدينة بس فوق يعني إن كانك رايحة لمركز الحارثي يجيك على اليسار بس يبي لي أتأكد من زوجي من العنوان وأرد لك إن شاء الله
ورغدان سألت جارتي امس قالت ان بويتهم من رغدان لكن الدهانين ماضبطوها وماطلعت تمام واليوم ان شاء الله بروح لها عندها جمعة حريم وبشوف دهاناتهم واعطيك خبر
امس كانت عندي ثنتين من جاراتي واغلب سوالفنا عن الدهانات والجبس والديكور لانهم كلهم بيوتهم جديده وتوهم ساكنينها
ونصيحه للي بتصلح الدرابزين زجاج واستيل لان وحده منهم حاطته في بيتها وتذمه تقول يبي له نظاااافه على طول اي شيء يبان فيه
اخت مضاوي
الله يعينك ولا يحرمك الاجر ويرزق بولد الحلال الي يستاهلكويسكنك بالرياض قولي آآمين
والفيصليه عمري مارحت لها اللهم بس قاعة الافراح رحت مره وندمت اني رحت عن جد مهزله
والمملكه بالمثل ماحب اروح لهالاسواق فيها تعري وقلة حياء الله يهدي الجميع
شهود
الاشياء الي تمنينا اننا من اول حسبنا حسابها هي المغاسل تمنينا من الاول بنيناها وخلصنا من حوسة العمال من جديد يعني بالبلك وتخلين الي فوق مفتوح لان الرخام بيجي فوقه والمقدمه خليها مفتوحه عشان تحطين درفتين خشب تعطي شكل حلو للمغسله
والشيء الثاني احنا سلكنا للشتر بس راح عن بالنا ان لازم نركبه قبل الالمنيوم فركبناه بعد الالمنيوم وطلع شكله مو مره لان الصندوق حقه صار واضح من برى وحلاته يكون مخفي
وعندي غلطه اني ماحطيت مغسله في حمامي خليتها برى المشكله انه ضروري يكون فيه مغسله جوى خصوصا وقت الوضوء وفيه مكان لها بس لازم تكسير وحوسه
ومن ضمن اغلاطنا اننا رفعنا مدخل السياره وللحين نعاني سيارتنا لازم تحك اذا دخلناها
المدفئه خليناها بزاوية الصاله والمفروض انها تكون في الوجه لانها الحين قيدنا في ترتيب الكنب وغير كذا هالايام تدخل نامس للبيت واصلا مالها داااااااااعي بس قراده
واذا تذكرت شيء برجع واكتب لك
عاشقة النورس
صح انتي طلبتي مخططات لبيوت صغيره ؟؟
شوفي المخطط الي نزلته في الديوانيه الثانيه لانه ينفع لدبلكس مساحته صغيره واذا تبين العلوي رسمته لك
وولدك نفس ولدي حتى العمر واحد الله يصلحهم ياااااااارب مدري كيف اتعامل معه الظاهر انه بدى يراهق؟؟
والمغسله هي لكسان مع حديد ويخرم لها في الجدار عشان تثبت ومن فوق احنا خليناها فاااااااضيه عشان الرخام بيجي فوقها وان شاء الله فهمتي علي؟
جوانه
حياك الله وبياك وان شاء الله تتواصلين معنا هنا ؟
هلا بنات
هذا مقطفات جمعتها من النت وكانت بعضها مقابله مع صاحبه مركز سار فوزيه المختص بالديكور
اترككم معها عشان تستفيدون

بالنسبة لالوان غرف الطعام المتعارف علية ان تكون من درجات العنابي او الطوبي والخمري لان هذة الالوان تفتح الشهية وتساعد على الهضم واذا كنت لا تحبين
ان تدهني كامل الجدار بامكانك اضافتة كما سبق في البانوهات او تحت البوردر او في حائط واحد فقط
الغالية نيارة
ان العلاقة بين الاضاءة واللون علاقة قوية فبامكان اضاءة سيئة ان تحول الحرير الغالي الى قماش رخيص او الخشب الاصلي الى خشب تقليدي
لذلك ينبغي القيام بتجربة الاضاءة قبل تركيبه لمعرفة تاثيرها على الوان الفرش وبامكانك الرجوع الى مجلة البيت المثالي عدد فبراير فهنالك مقال يشرح هذا الموضوع
شرح مفصل
انواع الخامات للمنزل تختلف فمثلا الصوالين والصالات الرئيسية رخام او بورسلان او سيراميك معتق حسب المقدرة المالية للشخص
غرف الاطفال والمعيشة والنوم الرئيسية يفضل الباركية لانه صحي اكثر من الموكيت ودافي في الشتاء افضل من السيراميك وكذلك للمكتب
الالوان المناسبة لغرفة النوم الرئيسية هي الخربزي المعتق او البيج المصفر المعتق او التفاحي والازرق الفاتح والموف وكلها معتقة ولا نستطيع
ان نحدد لون بعينة لان هذا راجع للذوق الشخصي ولكن ابتعدي عن الالوان الغامقة او الاحمر بدرجاتة لانه مثير للاعصاب

الاخت ابداع : انتشر في الاونة الاخيرة التعتيق وهو جميل ويعطي احساس بالفخامة اما الالوان فتتحدد حسب المفروشات ومساحة الغرف فالغرف
الصغيره يفضل لها الوان فاتحه اما الكبيره فيمكنك استخدام الوان غامقه او فاتحه


مرحبا بالغاليه همسه
نحن كذلك اسعدنا التعرف عليكما انتي والاخت نياره وكانت الاوقات التي قضيناها معكم من اجمل الاوقات
بالنسبه للعامود من المهم معرفة موقعة وحجمة ولكن عموما هنالك قانونان للتعامل مع العيوب اما بالتمويه مثل ان تدمجية في مكتبة او تقومي
بعمل ديكور مكتبة خشبية يكون هو من خلالها او بالاظهار كان تقومي بالرسم علية او تغطيتة بحجر بشكل جمالي او بتلبيسة بورق حائط او اذا كان في صالة
تقومي بعمل كنبة تدور حوالية كما هو النظام في اللوبي بالفنادق عموما لدي العديد من الصور ولكن للان لم اعرف طريقة ارفاق الصور بالرد

بالنسبه للتعتيق اذا كان بلون واحد وفاتح يفضل ان يشمل الغرفة كلها واذا كان لديك في الغرفة بنوهات جبس بامكانك استخدام لون افتح او اغمق كذلك
لوكان لديك برواز جبس بارتفاع 90 سم بامكانك استخدام لون غامق تحت وفاتح بالاعلى واذا احببت الفكرة ولم يوجد لديك برواز غطي منطقة التقاء اللونين
بشريط من ورق الجدران كذلك اذا احببت عمل حائط مختلف يمكنك ذلك ولكن يجب ان يكون الحائط معتق بلون وباقي الحيطان معتفة كذلك باللونالاخر ويجب
ان تكون البؤرة الارتكازية للغرفة في هذا الحائط او مقابلة لة مثلا اذا كانت ؤرة الغرفة الارتكازية مدفأة او مكتبة او مكتبة تلفزيون او مراة بكونسول يجب
ان يكون اللون الغامق على هذة الجدار او مقابل لهاوليس على يمينه او شماله
-بالنسبة لالوان غرف الطعام المتعارف علية ان تكون من درجات العنابي او الطوبي والخمري لان هذة الالوان تفتح الشهية
وتساعد على الهضم واذا كنت لا تحبين ان تدهني كامل الجدار بامكانك اضافتة كما سبق في البانوهات او تحت البوردر او في حائط واحد فقط

الاخت ام الهيلان: الوان السيراميك والبوية لديك حيادية اي بامكانك استخدام جميع الالوان وهذة هي اقتراحاتي لك
غرفة الصالون 6 في 5 اعتمدي الكنب الكلاسيكي مع ادخال قطعة واحدة من الكنب الامريكي تكون في وسط الجلسة وذلك لنوحي بالفخامة ثم الراحه استخدمي ا

لوان الانقليش كولور وهي العنابي والزيتي والكموني مع البيج ابتعدي عن وضع قطع اثاث في منطقة الباب المفتوح عاى الصاله لكي تسهلي الحركة للداخل والخارج من الصاله
اما بالنسبة للصالة ضعي الجلسة الرئيسية في منطقة الشباك الدائري ولكن راعي ان تضعي طبقة بلاك اوت في ستارتك حتى لا تتسبب حرارة الشمس
في تغيير لون القماش بعد فترة
ثم بامكانك ان توزعي جلسات صغيرة في ارجاء الصالة حسب تصميمها
غرفة الحريم اعتمدي الكنبات الامريكية مع قطعة واحدة كلاسيك لنحقق الراحة ثم الفخامة ( عكس الصالون )
راعي ان توازني اثاثك مع الشبابيك اي ان كان الشباك في وسط الجدار ضعي القطعة الرئيسية تحتة تماما ثم وزعي الباقي حولها


الاخت soso2
نعم لان المساحة صغيره ولو صبغت كل منطقة لون معنى كذا حددتيها للعين وبينتي انها صغيرة ولكن توحيد اللون يعطي احساس
ان الاماكن الصغيرة اكبر قليلا واذا رغبت اضافة لون اخر بامكانك استخدام لون للاسفل للمنطقة كلها على ارتفاع 90
سم ثم لون افتح للاعلى وتغطية منطقة الالتقاء ببوردر من ورق الجدران او الخشب او الجبس

------------

انتي أثرتي موضوع من اهم المواضيع اللي يحتاج لها الواحد في منزله ومن خلال مقارنات قمت بها شخصيا تاكدت انه كل نوع منهم يصلح لمنطقة معينة
الرخام :- انواعه لاحصر لها ويمكن التلاعب فيه بسهولة من الموردين
يركب في المجالس الدرج ممكن في غرفة النوم الرئيسية
طبعا ملاحظة الأخت بأنه لونه يصسر باهت صحيح لكن هذا لرخام معين مثل الرخام العماني مع ان ألوانه من أروع الألوان
لكن بعد فترة يعمل حفر ويبهت وممكن تشوفينه على الواقع في مسرح شاطئ الراحة بأبوظبي
طبعا علشان توصلين لرخام جيد وبسعر مناسب خذي الرخام التركي وحاليا في نوع اسمه (ببتشينو)
وطبعا الاسباني والايطالي افضل وافضل مثل (الكريما مارفل)
في النهاية ماأنصح من خلال الاستشارات والخبرة بتركيب الجرانيت داخل المنزل وبامكانج تظيفين لمسة جمالية
راقية على المساحات الواسعة منه باضافة رسومات ليزر .

الجرانيت :- يعتبر أفضل شيء وبدون منازع لمدخل الفله والدرج الخارجي ويتحمل تقلبات درجات الحراره
ولايتشرب السوائل علشان شذي يستخدمونه في المطابخ بجوار المغسله والفرن لكن مايعطي فخامة الرخام
( معناته كل شيء له مكان معين)
أخيرا بالنسبة للخشب أو الباركيه طبعا أنا أنصح بالفينل لأنه طبي وراقي وفيه كل درجات الخشب
وممكن تركبينه في أي مكان (غرف النوم ، الممرات ، حتى الصالة الرئيسية ) وموجود في محلات كاربت لاند في الامارات

انتهى
روحي إختي لمحلات طريق العروبة بتلاقين فيه محل نقوش المنزل عنده كم شكل لدواليب العبايات حلويين بعد أنا فصلت عند واحد بجنبه على نفس الشارع إسمه مفروشات أصاله بتلاقين الدولاب على يمينك أول ما تدخلي المحل طبعا أنا عدلت فيه غيرت لونه وغيرت علاقاته وسويته مخبن جلد لأنه موضه الحين .
بعد فيه دولاب عبايات غيييييرشكل على طريق الملك عبد العزيز جنب النافع بكم محل المحل كبييير وعندهم مداخل للبيوت حلوة وأسأليه على الدولاب بيوريك إياه.
إذا مو مستعجله صورت لك دولابي ونزلته إذا طلع بعد 15 يوم وانتي فصلي عليه إذا عجبك أكيييد بيكون أرخص.
سرالالم
العفو اختي بصراحه خجلتيني الله يجزاك الجنه
بالنسبه لغرفتك مقاربه لغرفتي انا غرفتي مساحتها خمسه في ثمانيه تقريبا ولا قسمتها بجدار لانه راح يصغرها انتي خليها مفتوحه على بعضها بس نسقي مكان السرير والكمدينات والتسريحه بالنسبه للدولاب انا فاتحه غرفه صغيره ثلاثه في ثلاثه تقريبا وتفتح بقوس جوات الغرفه يعني بتكون على يمين السرير هذي للدواليب ونهاية الغرفه يعني جنوب السرير بيكون مكان التلفزيون وافكر احط لي مكيتب صغير على قدي من ايكيا عشان احط جهازي عليه واتابع عالم حواء
بس عندي مشكله وهي عندي ثلاث شبابيك اثنين يطلون على الشارع وكبيره ونازله باقي لها عن الارض ثلاثين سانتي يعني تفضح وش اسوي بها ؟؟
معليش اختي طلعت عن الموضوع
الحمام وش رايك تصغرينه اذا فيه امكانيه وتخلين جزء دواليب؟
والجاكوزي ممل ويبي له عنايه ونظافه وحوسه خليه بانيو ذوق وخلاص
ووضع الكابينه انا سمعت زيك والله اعلم
..................
دانه الحي
وعليكم السلام اختي وياهلا وسهلا
والحمدلله انكم خلصتوا من اللياسه على خير والله يعينكم على التشطيب هو مكلللللللللللللف بس ممتع إن شاء الله وانا من قبل نرسم المخطط واحنا نلفلف في هالفلل واللحين كلها امباعت
وبالنسبه للجبس انا كنت متخوفه اني مااتوفق بس الحمدلله بفضل الله ثم المنتدى قدرت اجمع افكار وارسم طبعا الحين الضيوف كثرت يعني اقل عزومة تسوينها في بيتك يكون عندك عشر حريم على الاقل


انا احط عباياتهم في علاقة طويلة حاطتها في سيب طويل على يمين مدخل منزلي

بس المشكلة بعظهم تحب تطبق عبايتها فتروح الله يهديها تشيلها جمبها او تخبيها على كيفة تحت كنبة او جمب طربيزة و لا تبغا احد من اللي استقبلوها يشيل عباتها ماادري ليه؟


في فكرة حلوة امكن اسويها ان شاءالله في بيتي الجديد اذا الله اراد

وهي تفصيل دولاب كبير ينفتح بطريقة السحب الجانبي ويكون شكله الخارجي مراااااااااااااااااااايه كبيرة ويكون الدولاب داخل الجدار عند المدخل بحيث اللي يشوفه يحسبه مرايا عادية على كبر الجدار لكن هو دولاب وطبعا العلاليق تكون شياكة وعلى كل علاقة رقم بحيث تعلقين العباية كانها فستان
وتاخذ الضيفة رقمها طبعا ورقة شياااااكة حلوة
وفيه رفوف تحتية او جانبية اللي تحب تطبق عباتها هي حرة
انا اهم شي عندي لمن يجوني ضيوف كثير ان العبايات ماتتكوب في العلاقة العادية او تترمى في كل مكان
على حسب ضيوفك كمان في ضيوف تفتح النفس مرتبة وضيوف
في فكرة حلوة مرة وحدة صاحبتي سوت حفلة وجوها نااااااس كثير وشقتها صغيرة


جابت وحدة حبشية اجرتها بالساعة خلتها بس مسءلة عن العبي وطبعا شيكتها وخلتها في الاستقبال في الصالة وطبعا قدها مجهزة ارقام واكياس وكل وحدة تحط عباتها مع الرقم (زي طريقة الافراح)
وعبياتهم حطتها في كرتون كبير جلدته وحطته في سيب صغير جمب غرفة عيالها عشان يكون شكل البيت نظيف مرتب وماتترمى العبايات في كل مكان
قمراا بالنسبه للبراويز افضلها من اسفل فقط في المجالس الرسميه يعني شريط عضي ومن تحته براويز عشان ما تقيدك في تعليق اللوحات هذا لو حبيتي
انا فكرت اعملها وزوجي كلم الجباس وبعد ما غيرت رأيي لقيته بدأ الشغل وخلص صالون الرجال
الشكل طلع حلو واعطى رسميه للمكان وميزه عن بقيه البيت فخليته
بس طبعا لو عملتيها ما اعتقد انها تمشي مع صرعات الديكور التعتيق والمكسيكي والذي منه
يعني البويه السادة تناسبه اكثر
جبس اللي بالسقف لو تغيريها افضل
الشبابيك خليها عاكس زي ماقلتي وخليها بالطول لا تصغريها انا احب الشبابيك الطويله احسها تشرح المكان وطبعا البلاك اوت لابد منه في الليل
سر الالم ...الابواب السادة حلوة ومريحه في المسح بس تناسب الشقق اكثر... انا سويتها بالملحق
اما الفلل تكون فيها شي بسيط يحليها ويفخمها مو لازم حفر كثير ونقش وخرابيط
الجالس ينحط زجاج مع الخشب والا لا؟؟ مافهمت ايش هو الجالس
بس لو تقصدي ان الابواب الخشب ممكن يتعملها زجاج ايوه ممكن ليش لا
انا عملت ابواب المطبخ خشب مع مربعات زجاج مقسى وبعضها مربعات مرايا تعطي شكل فخم وذوووق
المداخل انا احب الخشب بس انه مع مرور الوقت ينعدم من الشمس والرطوبه
في حديد صلب شفته عند شركة المتسوقون قبل لا ينقلوا منعندنا ((الشركات العدله كلها نقلت الله يسامحهم))
شكله حلو وكانه خشب وقوي جداا ... ترى هذه الابواب غيرابواب الامان .. الامان محل ثاني
ريت يا اختي قمرا توضحين النقطه هذي
والشيء الثاني احنا سلكنا للشتر بس راح عن بالنا ان لازم نركبه قبل الالمنيوم فركبناه بعد الالمنيوم وطلع شكله مو مره لان الصندوق حقه صار واضح من برى وحلاته يكون مخفي
سرالالم
تمنيت ان الكتلوج معي عشان اوريك الصور شفتي الابواب اللي تجي لونين لون سنديان والثاني لون خشبي غامق وفيه مثل التشكيله اللي تشبه عين الكتكوت بس هو عموما مافيه اي بروزات مدري وصلت الفكره ولا لا اا
والصوره اللي نزلتيها بصراحه ماعجبتني احسه قديم ولا فيه اي ابداع
وترى الدعوه ترجع لذوق الواحد ممكن اللي يعجبني مايعجبك والعكس

انا افكر اسوي اللي فوق ساده مثلكم واللي تحت بس المداخل والصاله ويكون تعتيق مثل اللي في النت واذا لا بصرف نظر وانا ان شاء الله بصلح بويتي جوتن وبشوف اللي قلتي عنه وماقصرتي الله يخليك لنا

بالنسبه للجبس خلاص بغيره
والشبابيك الظاهر بسوي مثل ماقالوا لي البنات الله يجزاهم خير ومشكوره على المعلومات الحلوه
والتسريحه انا مكبره المغسله اللي في مدخل الغرفه وحاطه على جنبينها دواليب طويله عشان اخزن فيها اغراضي كلها من مكياج وكريمات وزيوت واستشوار ولفافات شعر واما الاكسسوارات بخليها على التسريحه اللي بحطها في غرفة النوم ولا راح اتكلف فيها
والبراويز صرفت نظر اخاف تقدم واورط فيها غير الغبار ممكن يتجمع فيها ومثلك عارف ماعندي خدامه
والسيراميك او الحجر ماراح يكلف ؟؟
واما الصوره حلوه ومميزه والدرابزين انا مو مقتنعه البته باالستانلس ستيل اللي مع الزجاج المشغول احلى بس اختاري شيء مو متكلف وسط اناعيني على واحد شفته هنا في قسم الديكور ومخزنته يارب القى زيه
...................

سحر هل القوس من بدايه الغرفه لنهايتها قصدي كبير لان السرير اكيد حيكون في الجدار الكبير وحيكون بينه وبين الغرفه الثانيه 1.6 م...هل قدام السرير فتحة بعرضه والا لا؟ لان السرير 2*2 م
نصيحة قبل لا تقرري اي شي اعملي مثلي
ارسمي على ورقه كل الجناح بمقاسات 1 متر= 1سنتيمتر وحطي كل التفاصيل بدقة فيها مكان القوس
وعرضه ووزعي الاثاث فيها السرير 2*2 سم الكومودينو اعطيها اقصى حد 70 *70ملم
التسريحه حددي موقعها 50 تقريبا * ؟ على حسب طول تسريحتك ولاحظي المسافه بين التسريحة والسرير يمكن تكون 90 سم ....قريبه مرة

وشوفي المساحة الباقيه كم ... وزي ماقلتلك بيبقى بعد طرف السرير 1.6 م ولازم يكون قدامه مفتوح
ومن بعد جوانب السرير للجدار 1.4 يمين و1.4 يسار
ومن بعد الكومودينو للجدار 70 سم

عندي في الهول جدار دائري فيه4 شبابيك طوليه جايه من الدور العلوي لتحت
وبين كل شباك وشباك بناء 10 سم وكلها نفس المقاس ..... شكلها حلو مو وحش بس بقولك شي
بالنسبه لشركة وينتك اللي سوتلنا الشبابيك سعر الزجاج ارخص من سعر البي في سي
يعني كلفتنا هذه الاربع اكثر مما لو كان شباك واحد كبيييييييير لان الغلا في البي في سي مو الزجاج
اسالي لوكان الالومنيوم نفس الشي فالافضل تخليه شباك واحد كبير ارخص
ومنطقة الكراج خليتها تراكوتا سادة بنفس اللون اللي في الحوش ومنطقة الزراعة بعدين افكر اعملها حجار طبيعية وزرع وجلسة مسقوفة يعني حتركها الحين خلينا نهتم بالداخل بعدين نشوف اللي برا
الله ييسرها عليكم انا مليت من حق الجبس يطول مايخلص وانتبهي من اللحين حددي الاشياء اللي بتصلحونها بالجبس مثل الاقواس لاني يوم خلص من السقف كان فيه مدخل يودي لحمام الرجال وكان نفسي يحطه جبس ناعم فقال ليه ماقلتوا من اول اللحين الجبس حق السقف نازل
ومقدر اصلح قوس
والارضيات ممديك عليها وكل ماتتأخرين احسن يمكن ينزل جديد
مسبح +جاكوزي ((حق الحدائق طبعا ))...جلسة حلوة حول المسبح مكان للشوي
الجزء المزروع خليه بشكل تلال ..... ممرات فيها اضاءة ارضية ......مكان للالعاب كرة سلة مثلا وتنس وطائرة يعني متعة للاولاد والمراجيح للصغار
يتنسيق حلو اتخيل انه بتطلع روعه وجنة في الارض
ممكن تعملي بيت شعر فيها ..........الحدائق جدا ممتعة وبالذات لو كانت مرتبهالسلام عليكم عسولاااات
يالله فتحت الموضوع واستفدت منو كتير والله
الله يعطيكم العافية
احنا دحين في مرحلة وضع البلوك
وعجبتني فكرة السخان اللي في السطوح اللي قالت عليه الاخت رتوش
والشبابيك طبعا زي ماقالت رتوش ونتيك ماعليها خلااااااف
وفكرة تجريب السيراميك
واحنا راح نخلي البيت كله سبيلت وصحراوي كبير في القبة في وسط البيت
وعجبتني فكرة الشفاطات اللي في السقف عشان الغبار والتراب ان شاء الله زوجي
يرضى يسويها على الاقل في حمامات الضيوف عشان ماتتغبر بسرعة
بس بنات ايش رايكم
احط بانيو صغير في حمامات الضيوف والا لا ؟؟
مساحة الحمامات الله يكرمكم مترين واربعين x متر وتمانين
واحط مغسلة فيه والا تكفي المغاسل اللي برا ؟؟
عموري ياعسل الخلاطات كروم اسمها LCM اتوقع صيني بس نوع ممتاااز وبعض الصناعات الصينيه تحسنت و صارت تضاهي الماركات العالميه ...اخذناها صيني وقلنا هذه من الاشياء الي ممكن تتغير بعدين وقتها اعلانا افلاسنا هههههههههه
الاسعار ما افتكرها والله ودورت على الفاتورة ((الفواتير كلها حطيناها في ملف كبير)) بس مالقيت غير حق البوديه وسعره 150 ....اتوقع الخلاطات حق المغاسل 90 ريال بس مو متأكدة
قربت على السنتين وماشاء الله كانها جديدة من مسحة وحدة تلمع اخذت نوع كروم مطفي مره حلو
ونوع لامع
لدي أرض مساحتها 500 م أريد أن ابني عليها فيلا راقية جدا ً مع مسبح

كم يبلغ تكلفتها كاملة

مع العلم أنني أنا وزوجتي ولدي طفلان
الجواب
بما انك ترغب في فلة راقية جداً لا حظ راقية جداً فإن التكلفة قد تكون في حدود 600 الف ريال تزيد او تنقص حسب الطلبات، ولكن عزيزي حدثني ماهو المطلوب في الفيلا الراقية جداً ، فلقد انتهى احد الأصدقاء من فيلا بمساحة 450م وبها مسبح صغير في الخلف وبمواصفات ممتازة وكلفتها النهائية 550 الف .

ما هي الراقية جداً من وجه نظري الراقية جداً التوب ما يلي :

ـــ العظم يكون التسليح فيه عالي ، والخرسانة من الشركات الكبرى ، والبناء جدارين بينهما صوف صخري ،الدفان يستخدم فيه الرمل ، العوازل الأرضية للخزان والقواعد والميده والأرقاب من شركات متخصصة .

ــ التكييف يكون مركزي للمبنى وهذا مكلف وهو التوب في مواصفات التكييف ومن مؤسسات معروفة ، يأتي تكييف اقل وهو تقليد المركزي المسمى (كونسيلت ) ، ويأتي اقل وهو ( السبلت ) ، والاخير الشباك .

ــ التشطيبات قد تكلف مبالغ طائلة حسب الطلبات واضرب لك مثل فقط هناك ابواب للفيلا الداخلية قد تكون تكلفتها كبيرة جداً وقد يصل المتر الى اكثر من 2500 ريال من شركة رزوم ، وقس على ذلك الرخام واعمال الجبس والدهانات والابواب والالمنيوم والدربزين ، والمغاسل وغيرها ، فأسعارها تتفاوت بشكل كبير .

ـــ الواجهات حجر كريم من اجود الأنواع المتر 135 ريال للمتر من شركات متخصصة ، او رخام حسب الطلب ، او بويات بروفايل . التحديد صعب لإن الخيارات متعددة ومتنوعة وهناك فارق كبير بين بعض الأسعار ، فلو يحدد من يطلب النواع والطلبات ونعطيه السعر التقريبي للتكلفة .

بقي ان اذكر ان التصميم الراقي جداً يبدأ بالتالي :

المهندس الكفؤ الذي يوظف ما تريده في المبنى وبطريقة ابداعية جميلة .

السباكة هناك شركات متخصصة في التمديدات المميزة ومنها شركة انبوب التي تستلم منك من المخطط الى التسليم ومبلغها غالي شوي ، وكذلك تمديدات الكهرباء هناك افضل نوع هو التمديد بالمواسير الخفيفة السماكة بدلاً من الليات الحمراء العادية ، بعد ذلك تاتي الطلبات من انظمة الدش والهاتف والسنترال واشياء كثيرة قد لا تفيد التفصيلات دون ان نسمع الرغبة من الشخص المستفيد .
لكن معلومه على الطاير
البروفايل تكسيه خارجيه نوع من الدهانات( الشبيه بالمعجون بعدين يمررون عليه لوح زي المشط علشان يتخطط)
ماليه الشوارع يعني اغلب الفلل حاطين منها ميزتها انها عمليه جدا وتتحمل الظروف الجويه عندنا
وتراه سماكات فيه الي 3 ملم وفيه الي 5ملم ويفرق السعر الرخيص 22 ريال للمتر اما جوتن الغالي منه ياصل 29 ريالللمتر
لكن ترى فيه شي جديد الي هو التعتيق بالمعجون الخفيف جدا يبان من قريب كانه بويه ساده هو الدارج هالحين لكنه اغلى لقيته متره ب60 ريال عند الدهانات العربيه
هلا اختي ام عزيز
ترى في البناء الحديث ما يحتاج عمود
بس يكون التسليح قوي
حنا الدرج دائري بدون عمود
اسألي عن هالنقطة اذا كنتو ما بديتوجبل الشمس سؤالك طبعا عن بلاط الجدران انا افضل لحمامات لغرف النوم البلاط اللامع و المطفي بلمعة بسيييطة بس مو معتق.. وحمامات الضيوف الرسميه تكون مطفيه تماما او معتتقه افخم

اما الارضيات ماينفعلها اللامع ابدا لان كل نقطة مويه عليه لو نشفت و ما تمسحت تعمل اثر بس يتمسح يروح.... وهذه غلطتي في حمام الصاله مع انه حلو بس متعبني <<<< لكل جواد كبوة

السعودية - جميع دول الخليج
كتاب نكهة الاطباق
كتاب طبخ رائع يحتوي 16 قسما منوعا كل ماتتمنينه وأكثر ..جربيه لن تندمي


Dream22 غير متواجد حالياً رد مع اقتباس إرسال الموضوع إلى الفيس بوك إرسال الموضوع إلى تويتر


قديم 04-02-1430 هـ, 01:02 مساءً   #2
داليا بنت المدينه

عضوة نشيطة
 
الصورة الرمزية داليا بنت المدينه
 
تاريخ التسجيل: 18-11-1429 هـ
المشاركات: 310


تسلمين على المجهود انا بصراحه كان نفس اتابع الديوانيه لكن عددصفحاتها كثير
و***** الله بستفيد من اختصارك



[IMG]http://www.*******.com/up/uplong/a8112901865071622.gif[/IMG]

[IMG]http://www.*******.com/up/uplong/a22112918476089158.gif[/IMG]
داليا بنت المدينه غير متواجد حالياً رد مع اقتباس

قديم 04-02-1430 هـ, 02:04 مساءً   #3
أدعوا لي

عضوة
 
تاريخ التسجيل: 21-05-1429 هـ
المشاركات: 168


أرجو تثبيت الموضوع موووووضوع رئع جدا حنا الان جالسين نعمل الخريطة أفتينا كتيييير علما أني لم استطع قراءةالموضوع كامل روووووووووعة


أدعوا لي غير متواجد حالياً رد مع اقتباس

قديم 04-02-1430 هـ, 02:23 مساءً   #4
يمامه تو

محررة ذهبية
 
تاريخ التسجيل: 17-01-1429 هـ
المشاركات: 4,270


جزاك الله خيرا علي تلخيص وتم حفظه في ملف



يمامه تو غير متواجد حالياً رد مع اقتباس

قديم 04-02-1430 هـ, 02:36 مساءً   #5
@ شي ثاني @

عضوة فعالة
 
الصورة الرمزية @ شي ثاني @
 
تاريخ التسجيل: 06-11-1427 هـ
المشاركات: 557


جزاك الله خير موضوع جدا مفيد



@ شي ثاني @ غير متواجد حالياً رد مع اقتباس

قديم 04-02-1430 هـ, 03:44 مساءً   #6
الحمد الله
Registered User
 
تاريخ التسجيل: 07-01-1428 هـ
المشاركات: 1,762


جزاكي الله خيـــــــــــــــــــــــــرال جزاء
تم حفظ الملف


الحمد الله غير متواجد حالياً رد مع اقتباس

قديم 04-02-1430 هـ, 03:52 مساءً   #7
وجووودي

محررة فضية
 
الصورة الرمزية وجووودي
 
تاريخ التسجيل: 01-03-1429 هـ
المشاركات: 3,475


جزاك الله خير ياعسل

الله يعطيك العافية اختصرتي لنا الموضوع



وجووودي غير متواجد حالياً رد مع اقتباس

قديم 04-02-1430 هـ, 04:13 مساءً   #8
جوجو بيبي

محررة
 
الصورة الرمزية جوجو بيبي
 
تاريخ التسجيل: 20-04-1426 هـ
المشاركات: 1,052


جزاك الله خير



جوجو بيبي غير متواجد حالياً رد مع اقتباس

قديم 04-02-1430 هـ, 04:44 مساءً   #9
Dream22

محررة برونزية
 
الصورة الرمزية Dream22
 
تاريخ التسجيل: 08-05-1424 هـ
المشاركات: 2,377


اشكركم اخواتي على دعواتكم


Dream22 غير متواجد حالياً رد مع اقتباس

قديم 04-02-1430 هـ, 05:42 مساءً   #10
a7bekm0t
Registered User
 
الصورة الرمزية a7bekm0t
 
تاريخ التسجيل: 23-11-1427 هـ
المشاركات: 310




ألف شكرِ


a7bekm0t غير متواجد حالياً رد مع اقتباس

إضافة رد








تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع


الساعة الآن 09:16 .


شات عالم حواء
تابعونا على Google+
تابعونا على instagram
تابعونا على twitter
تابعونا على Facebook