البارح كنت اتكلم مع وحده من صاحباتي
عن العنايه بالنفاس والدوره
فكل وحده تقول أيش تسوي بوقت الدوره والنفاس
وورد ذكر بعض النقاط المجهوله عندي سابقاً
مثل الطلح السوداني والملحه الحمراء
وجلست افروفحط في النت حتى حصلت
على معلومات قيمه ومفيده عنها
وحبيت انكم تستفيدو معي :27:
الشاي===
مرمريه =قشر قهوة =نونخه =ينسون =دارسين = شيح =حبه سوداء =
كلها مقدار كوب واحفظيهم في علبه وسوي منه شاي واذا تبين حليه
القهوة====
نونخه = قشر قهوة =دارسين =زنجبيل طازج =قرنفل
خذي مقار ملعقه صغيره من كل نوع
اما قشر القهوة ملعقتين
وسويها قهوة عاديه
معبوط التمر ====
جيبي تمر مافيه نوى وحطيه على النار اضيفي عليه سمن اوزبده وحب رشاد وحبه سوداء
وحركيهم وحطيه في صحن اكليه مع القهوة
للنافس من ثامن يوم
الدوره من ثالث يوم لانه ينشف
شاي ينحف وينزل البطن ====
اكليل الجبل =مرمريه =شاي زعتر =بابونج =قشر رمان مطحون =شاي اخضر =
اخلطيهم واطحنيهم وخذي ملعقه في كوب ماء مغلي اتركيه يبرد واشربيه
مرتين في اليوم
الممنوعات
الملوخيه الباميه الغازات بانواعها الليمون الحوامض بانواعها الموز المانجوا البطيخ او الحبحب الايسكريم ولبارد عموما حتى الماء البارد
كثرة الماء يبرز البطن
اضيفي الي الاكل قليل من الفلفل الاسود مفيد جدا
ولا تنسي التحاميل والكبو ==== سبق اني كتبتهم
الكبو=للنافس في الاسبوع مرة
الدورة فقط اخر الدوره اذا لزم
هذي الاشياء ماتسويها البنت
غسول النافس==
كوبين دباغ كوبين قشر رمان مطحون او الارطاء كوب مره كوبين اكليل الجبل
اطبخيهم في ثلذاث لتر ماء ولما يغلي اتركيه يبرد وصفيه وعلبيه في علب الماء وحطيه في الحمام غسول لكي
للي جايبه طبيعي ===للخيوط ===
خواء جواء كوب مطحونه ناعم ==ربع كوب مره مطحونه ناعم ===كوبين زيت زيتون
اطبخيهم على النار ولما يبرد حطيه في علبه راح يتكون راسب تحت غطي في قطنه الزيت وحطيه شوي على الخيوط ولا تفتحين حيل وتكوني تحت البطانيه ومااااافيه مكيف
شويه وعلى مهل
غسول للدوره ===
كوب اكليل الجبل كوب قشر رمان عود لحاء البلوط اطحنيهم وحطيهم في علبه وكل ليله من قبل ماتخلص الدوره بيوم خذي ملعقه في كوب ماء ولما يغلي اتركيه يدفى وغسلي فيه ويعطي ريحه حلللوة
وهاذي طريق ثانيه
وكلهم فائدتهم جمه
بسم الله الرحمن الرحيم
إذا كنتي ..
1- على وش جواز أو توك متزوجة .. فإحتفظي بنسخة لأنها راح تنفعك بعدين إن شاءالله ..
أو
2- إذا كنتي على وش ولادة .. أو أنتي في النفاس الأن .. فالموضوع جاء بوقته بالنسبة لك ..
أو
3- إذا كنتي والدة من فترة وأهملتي نفسك بالنفاس , و زوجك غاثك يشتكي ويقول متغيرة .. فلا تخافين .. الحل هنا ..
كل ما في الموضوع إن هنا راح تلقين الحل النهائي .. لهذه المشاكل بإذن الله ..
1- وسع المنطقة ..
2- الإفرازات ..
3- ألم الظهر بعد الولادة ..
4- الهوا ..
والحلو إن الحل طبيعي مية بالمية .. ونتائجه مضمونة مية بالمية ..
وزوجك راح يحس بالتغير قبلك ..
بس أهم شي .. كل الخطوات تتم بسرية تاااااامة .. خليه يحس بالنتايج لحاله ..
مافي داعي للإعلانات في المجلات والصحف المحلية
أدري إني طولت .. بس عشان أوضح كل شي ..
كل اللي أبغاه منكم , تطبقون الموضوع بالحرف .. لاتخربطون أبدا .. عشان تشوفون النتايج الممتازة ..
و إدعولي .. دعوة حلوه .. إذا شفتوا النتايج ..
وألحين إتفضلوا ..
السر هو " حطب الطلح السوداني " ..
تلقين " حطب الطلح السوداني " عند العطار ..
وجيبه من عطار كويس ومضمون ..
وطريقة إستعماله هي :
1- تطلبين من العطار يكسرها لك كسر صغار , أكبر من قطع العود بشوي ..
2- تجمرين الفحم , وتحطين كسره عليه وتجلسين على كرسي مفتوح من النص ..
3- تستخدمين كل مرة 4 - 5 قطع .. وتجلسين لمدة 20 دقيقة كل مرة ..
بس قبل لا تقعدين إدهني نفسك بزيت السمسم .. الأفخاذ والمنطقة الحساسة ..
تتدهنين المنطقة من الخاااااااج بس .. بزيت السمسم .. المنطقة والأفخاذ ..
و تربطـيـن شرشف قديم على خصرك .. وتجلسين على الكرسي اللي يكون مفتوح من النص .. " تلقينه عند محلات البلاستيك "
والشرشف عشان مايطلح الدخان برا ..
و كل ما حسيتي إن الكسرة خلصت .. تغيرينها .. يعني من 4 إلى 5 كسر في كل مرة ..
ملاحظة .. الدخان مثل الحطب العادي .. يعني حاولي تقعدين في مكان فيه تهويه .. مثلاً في حمام السطح " عزك الله "
أنا كنت أجلس وأشغل مروحة الشفط ... وما أسكر الباب كله .. وأحط كمامة من الورق على فمي وأنفي"تلقونها بالصيدلية" ..
النتائج من أول مرة هي ..
*** بتحسين براحة في ظهرك ..
*** بتلاحظين إن النفاس رجع .. مع إنك كنتي مفكرة إنك خلاص خلصتي ..
بس ياحبيبتي .. البلاي اللي طلعت هذه كانت كلها فيك .. وإنتي ماااتدرين ..
أغلب الحريم يقولون : أنا نفاسي قليل .. ولا تقولك : أنا من اليوم الـ 15 نشفت مثلاً !!!
وما يدرون إن هالشي إن ماطلعوه بالنفاس وإهتموا بأنفسكم
شوي .. وشوفون إفرازات وأحيانا نقط " دم
4- بعد ماتخلصين تتغسلين بموية داااافية , وتلبسين شورت .. عشان تضل المنطقة داااااافية ..
5- تسوين هالشي 5 أيام ورا بعض من كل دورة ..
6- بعد كذا تسوينها لمدة ثلاث دورات , يعني تسوينها أيام الدورة بس .
.
7- طبعاً هالشي تسوينه بالليل .. وفي الصباح تغلين قشر رمان مطحون مع ماء ..
بمقدار " 3 ملاعق كبيرة من قشر الرمان مع كاس وربع ماء , وتخلينه يغلي لمدة 5 دقايق "
ويستخدم كغسول دافي للمنطقة الحساسة .. قشر الرمان .. يستخدم آخر يومين من الدورة فقط ..
8- في آخر 5 أيام من كل دورة .. تخلطين ملعقة عسل طبيعي مع نصف ملعقة رشاد مجروش, وتاكلينها على الريق , وقبل الفطور بساعة ..
9_ إشربي مغلي الأعشاب وقت الدورة والنفاس وهو ملعقة صغيرة من " زعتر " من العطار", دارسين "قرفة" , زنجبيل " ..
10- إستخدمي غسول " جرجيت ريسيب " كل يوم قبل وبعد العلاقة الزوجية.. ماعدا أيام الدورة .. " تلقينه في الصيدلية .. وهو غسول طبيعي"
يعني الغسول يستخدم كل يوم , وأيام الدورة يوقف , وتستخدمين " حطب الطلح + الرشاد والعسل + مغلي قشر الرمان "
وكلها ثلاث دورات وراح ترجعين عروس ..
وبتودعين الإفرازات , وبترجع ثقتك بنفسك ..
اتمنى من اي وحده عندها معلومه
ماتبخل علينا بيها