20-01-1430 هـ, 04:14 صباحاً
(شوق الصحارى)
مرحبا لكل حواء
مرة سمعت عن التنظيف بالخل الأبيض قلت كيف ريحته ماراح تروح اذا استخدمته بس قلت اغامر
فعلا تفاجأت بالنتيجة انو مايترك اي اثر ولا ريحة .
ومن استعمالاته في تنظيف الجير أو التكلسات الملحية على اطراف البانيو تحطية على قطنة وتحطيها على
الجير لمدة عشر دقايق بعدين تشيليها وتمسحين مكانها وشوفي النتايج ومو بس من البانيو كمان من المغاسل
وغلاية الماء وعلى اي مكان يتجمع فيه الجير .بس انتبهي بعض انواع المعدن تتآكل من الخل .
وكمان لتلميع المرايا تحطيه في قارورة الرش وتخففيه بالماء وترشيه على المرايا وتمسحي بجريدة.
وكمان عشان تقضين على رائحة البيض والحليب من الأواني انقعيها لمدة خمس دقايق في الخل.
وبالنسبة لفرشة المطبخ المستخدمة لدهن المعجنات بالبيض لتعقيمعها اشطفيها وانقعيها في الخل المخفف بالماء.
وممكن تعقمي فرش المكياج وامشاط الشعر من خلال نقعها لمدة ثلاث دقايق في خل مخفف بالماء.
ونتائجة سريعة ومذهلة ويريحك كثير من الفرك خصوصا للي ماعندهم وقت حطي في كل مكان قارورة رش تحتوي على الخل المخفف بالماء وفرشاة.
وكمان فيه فكرة بسيطة بالجرايد حبيت اضيفها .احيانا نستخدم حافظات الأكل البلاستيكية أو أي علبة بلاستيكية
بس لمن نغسلها نلاحظ ان تبقى ريحة الاكل فيها مهما عرضناها لتهوية والحل انو اول ماتغسليها تجففيها وتحطي فيها ورق جرايد وتغلقينها كويس وتحطيها في الثلاجة لمدة ساعة بعدين تطلعينها وتشطفينها وبكذا تكوني تخلصتي من الروائح.
جربو وادعولي ياحلوين .
بااااااياااااات.
20-01-1430 هـ, 04:41 صباحاً

ومن نصايح البنات هنا صرت استخدمه للملابس البيضا
ونتايجه روووعة
وكمان تقدري تستخدميه لتلميع الخشب


20-01-1430 هـ, 09:46 صباحاً
جزاك الله خير الجزاء
20-01-1430 هـ, 09:47 صباحاً
اقتباس مشاركة  (مستنية الديوان)


ومن نصايح البنات هنا صرت استخدمه للملابس البيضا
ونتايجه روووعة

وكمان تقدري تستخدميه لتلميع الخشب
20-01-1430 هـ, 02:13 مساءً
وغلاية الماء
كيف استخدم معاها الخل وانظفها

اخفف الخل بالماء واتركه بالغلاية
او امسحه بالخل؟
20-01-1430 هـ, 02:48 مساءً
يعطيييييييييييك العافيه ...........

وتسلمي ع الموضوع المفيييييييييييد....
لاإله إلا انت سبحانك إني كنت من الظالمين
20-01-1430 هـ, 06:45 مساءً
اليوم جربته في الغلايه
صراحة رهيب
كنها جديده
20-01-1430 هـ, 06:45 مساءً
جزاك الله خير
20-01-1430 هـ, 07:08 مساءً
معلومة جديدة ان شاء الله نجربها وندعي لك
20-01-1430 هـ, 11:46 مساءً
(شوق الصحارى )
شكرا على تواصلكم .وياأخت عطور طريقة استخدامه للغلاية تخففينه بماء وتنقعينها فيه دقايق وبعدين تغسلينها عادي
واذا مانفع حطية بدون تخفيف واهم شي تتنتبهي عند استخدام الخل لاي شي مصنوع من المعدن لأنو فيه أنواع تتآكل
أو يسود لونها من الخل.ودايما استعمليه مخفف اذا مانفع ساعتها استخدميه بدون تخفيف.


الساعة الآن 01:29 .

جميع الحقوق محفوظة - عالم حواء - 2015