مرحبا بالغالياااات
اليوم يابناات عندنا صينية البطاطس باللحم والبرغل <<< حشاء معلمه تلقي درس ...
الصينيه طيبه مررره ماتاخذ وقت كثيير وهي من تأليفي ومن البارح اعصر افكاري واحط واضيف
الين تم الاخراج اليوم وبشكل مرضي للجميع
المقادير والطريقه
نقطع 3 حبات بطاطس متوسطه الى شرائح نغسلهم ونصفيهم ونملحهم
ونصفها بالصينيه جميع القطع الكبار والصغار
نجهز لحم مفروم ونحمسه بشوي زيت ونضيف بصله وثوم مفرومين وبهارلت وفلفل اسود وكمون وقرفه ناعمه وملح
ونقلب لحد مايستوي
ونضيفها على البطاطس مع شوي كزبره مفرومه
نضيف عليهم ثلث كوب برغل مغسول ومنقوع بالماء لمدة 10 دقائق
نضيف حلقات فلفل رومي
بالخلاط
نخلط علبة كريمة الخفق الصغيره و3 ملاعق جبن سائل
ونصبهم على الصينيه
ونرشهم بجبن موزاريلا
وبعد كذا نلف الصينيه بالقصدير وندخلها فرن حار لمدة ساعه فقط ثم تحمر من فوق
وعلى طوول قطعتها وقدمتها ومثل ماتشوفون ماشاءالله متماسكه وحلوووه
وهذي صورتها وانا اتغدى
وإن شاءالله تعجبكم
وبألف هنا وعاااافيه
ماشالله تبارك الله ررووووووعـــــــــــــة ..
وترى الطبق لي ..
وتســـــــلم الأيـــــــــــــــــــــــااادي
يعطيك العاااافية يا غااااااااالية وبانتظار المزيد :26: