Dominique

Dominique @dominique

عضوة فعالة

خلطة زيوت للشعر كنت ابيعها والحين لكم هدية

العناية بالشعر

قوة بنات

انا مابي شي منكم الا تدعولي لو نفعت معاكم بان الله يسهل علي اموري

انا من فترة كنت ابيع هالخلطة ووايد وايد شروا مني مرتين وثلاث وقالوا حق رفيجاتهم وربعهم

بس حاليا تبعت وماني قادرة اسوي الزيوت لأن يتعبون ولازم نعبيهم بغراش وننظفهم وتعالي طحني المكونات وصفيهم زين ومادري شنو

تعب وحوسة الصراحة


حاليا بس موجهة اهتمامي حق خلطات الحنة للبيع وبس

اما الزيوت تركتها من زمان

فقلت افيدكم يمكن وحدة فيكم حابة تجربها


بس لااااازم تتقيدون بالشروط المكتوبة

وولا وحدة فيكم تقول مانفعتني بعدين وبالاخير تكون مو ماشية صح

انا ترى مالي ذنب ومن الحين اللهم قد بلغت اللهم فاشهد



اولا
اسم الزيت

( خلطة مجربة )
لأن جربته على نفسي وعلى اختي قبل لا ابيعه
ولو ماشفت نتيجة فظيعة جان ما فكرت ابيعه




التعليمات :
لازم تحطون الخلطة اول اسبوع بشكل يومي
ساعتين - 3 يوميا بس لكم يالكبار
وساعة - ساعة ونص بس يوميا للبنات الصغار
هالاسبوع علشان الفروة تتنظف عدل من الشوائب وتتغذى تغذية صح من الزيت

وفي الاسابيع الباجية تستعملونها بنفس عدد الساعات
لكن 3 مرات في الاسبوع بس
وهالاسابيع الباجي علشان يستفيد الشعر من الزيت على هداوة ورواق وما تتعبين عمرج ولا تملين يوميا

لأن لو صار الشي روتيني ويومي بتملين


وبتشوفون النتيجة بالنعومة واللمعة من اول استعمال
ونتيجة انبات الشعر وتطويلة بتبدي معاكم من ثاني الى ثالث اسبوع
كلوحدة وحسب طبيعة فروة راسها



الحين :
طول فترة اللي تستعملين فيها الزيت لازم تسوين التالي :

1- ممنوووووووع تمشطين شعرج واهوا مبلول
لأن البصيلات بتكون مفتوحة ومتوسعة بفعل الماي الحار فراح تطيح الشعرة وجنه العيد .

2- لما يكون شعرج معقد ومتشابك دايما تمشطين اللي تحت وتفككينه بعدين تصعدين لي فوق وتمشطين .

3- الزيت ممنوووووووووووع تنامون فيه ولا ترى بييب نتيجة عكسية ويطيح الشعر بدل لا يتقوى .

4- لو بتحطين بلسم لاتحطينه على جذور الشعر مباشرة
فركيه بايدج ودهني فيه الشعر من بره واطراف الشعر لاتدهنين الفروة بالبلسم .

5- دايما لما تغسلين شعرج وتخلصين فتحي الدوش على الماي البارد ورشي على راسج
علشان تنكمش المسام وتتسكر .





هالزيت يكفيج تقريبا شهرين الى 3 اشهر ويمكن اكثر لو التزمتي بطريقة استخدامه
وانا زودت لكم المقادير لأن ادري فيكم كسالى ومالكم خلق كليوم تسوون الخلطة .
وطبعا تحاولون تدورون برطمانات زجاااااااااااااااج
مو اي نوع ثاني
زجاج بس لأن البلاستيك بيفرز مواد تضر الزيت مع الوقت وطول مدته


الحين مقادير الزيت ( كلها تلقينها بالحواي ) :
1- ...................كوب زيت الحبة السودا ( حبة البركة ) .
2- ...................كوب زيت الجرجير .
3- ...................نص كوب زين باراشوت الازرق السائل .
4- ...................7 ملاعق زيت خروع .
5- ...................7 ملاعق زيت لوز .
6- ...................ملعقتين طعام من بذور حبة البركة المطحونة طحن ناعم .
7- ...................ملعقة طعام حلبة مطحونة ( ماراح تبين ريحتها نهائيا ) .
8- ...................ملعقتين طعام سعتر مطحون .
9- ...................ملعقة طعام حرمل مطحون طحن ناعم .
10- .................ملعقة طعام بذور سفرجل مطحونه .
11- .................فصين ثوم مهروسين ومحموسين الى ان يصير لونهم اشقر .
12- ................. ملعقة طعام سدر مطحون .



( لاحظوا المقادير مافيها زيت زيتون )
لاتحطون زيت زيتون لأن ينشف الشعر حتى لو مفيد بس ينشف الشعر وحار على فروة الراس




تخلطون المقادير كلها مع بعض وتخلون الزيت يتخمر اسبوع في مكان مسكر ( لا بارد ولا حار )

ولما تبون تستعملونه لايكون تحطونه بالثلاجة ترى انا بعدين مالي شغل لو ماياب نتيجة
ولا تحطونه في مكان حار
خلوه في حرارة الغرفة لأن هالدرجة راح تكون مناسبة لفروة راسكم اولا
وبعدين ماراح تخرب الزيت.


المهم

الاستعمال :
اولا : تسوين مساج حق راسج لمدة دقيقتين او 3 .


ثانيا: تاخذين قطنة وتغمسينها بالزيت وتفركين فيها فروة راسج ( مو تصبين الزيت بايدج وتغرقين شعرج )
بس بقطنة مغموسة بالزيت وتفركين الفروة بس.


ثالثا : تاخذين شوية زيت بايدج وتفركين اطراف شعرج على شان التقصف يروح وينعم .


رابعا : حقكم انتوا يالكبار تحطونه يوميا من ساعتين الى 3 ساعات لا اكثر ولا اقل وبعدين تغسلون شعركم عادي,
حق النبات الصغار تحطونه من ساعة الى ساعة ونص وبعدين تغسلونه عادي.


خامسا : يفضل انكم تلبسون قبعة نايلون علشان لا ينشف الزيت بسرعة .



سادسا:

سبوح الهنا ياريتني كنت انا :icon28:

النتيجة المبدئية المرضية بتشوفونها بعد شهر باذن الله وكلما طولتي باستعمال الزيت كلما زادت الفايدة طبعا
لاتنسون التغذية
ترى تفاعلها مع استخدام الزيت وايد حلوة وتمام التمام

انا جربتها على نفسي واستفدت
شعري طال بشكل كبير وسريع
ومن ثاني اسبوع من الاستعمال بديت احس بمنبت الشعر الصغير صوب يبهتي .



وتستاهلون بنات

يعطيكم العافية على طولة بالكم وقراية الموضوع الطويل
198
159K

يلزم عليك تسجيل الدخول أولًا لكتابة تعليق.

تسجيل دخول

ام الوسيم
ام الوسيم
مشكوره الله يعطيك العافيه
سارة نور
سارة نور
الف شكر لك ياعمري
وجعله الله في ميزان اعماللك
وبالفعل انا جربت زيت الزيتون ونشف شعري زيادة
وشكلي بوقف عنه وراح اجربطريقتك
بعد مااجمع الأغراض
ويارب تنفع معاي
zuba
zuba
شكرا على الخلطة الروعة ...جزاك الله خيرا

سؤالي عن
الحرمل
و بذور السفرجل

من وين نجيبهم ؟؟ من العطار؟؟
إكليلة الورد
إكليلة الورد
مشكورة حبيبتي بس بسألك بعد الزيت عادي ناخد شور بالشامبوا ؟؟

وتفضلين اي نوع شامبوا للشعر الدهني والجاف؟؟

أنا استعمل كلير بس احس عدم شعري

ياريت تفيديني اذا عندك فكرة

وجزيتي خيرا
لمى3
لمى3
تسلمي اختي ممكن الغي السرفرجل وزيت حبه البركه لانه يسببصداع لي

وماهووووووووووو الزعتر ورق والا تبع الفطائر؟؟؟؟

جميع الاغراض عند العطارين يابنات

وفقك الله وحقق مرررررررررررادك