السلام عليكم 000000000
000تلقيت دعوة لأكون ام زائرة في روضة بنتي يوم الأربعاءوفكرت وش اسوي 000 طبعا كانت وحدتهم الإسبوع هذا وحدة صحتي وسلامتي والإسبوع اللي قبل وحدة الرمل 00فسويت لهم برنامج يشمل الوحدتين وبدأت بوحدة الرمل 000
سويت لهم عمل فني بالرمل عباره عن بلونه واعبيها بالرمل وازينها حتى تصير مثل الدمية
وهذي صورتها
وعملت لكل طفله وحده حبيت افرحهم بها لأن البنيات يحبون الدمى 000وهذي صوره جماعية للكل
اول ما دخلت عليهم سلمت عليهم وعرفتهم بنفسي وتعرفت عليهم وحده وحده وقلت لهم عشانهم اخذوا وحدة الرمل اني سويت لهم عمل فني بالرمل 00
طبعا اخذت اغراض العمل هذا وسويته عندهم تطبيق عملي حتى يعرفون وشلون سويته 00
واعطيتها بنتي خليتها تسلمها لمعلمتها قلت هذي ذكرى من بنتي للفصل 00
الصراحة المعلمة اعجبت فيها مررررررررررره 00ماتتخيلون 000 حتى راحت توريها للمشرفه حقتهم 00وللمعلمات الباقيات 00وماتتخيلون وشلون كبر راسي 00خخخخخخخ00 لما قالوا لي بناديك لما يكون عندنا نشاط 00مايدرون اني سارقه الفكرة 000 هههههه
ولإرجاع الفضل لأهله بعد الله سبحانه وتعالى 0000انا اخذت الفكرة من اخت وضعت صورة هالعمل في تجمع امهات الروضة 000والأخت اسمها (وسونه الحلوة)
وهذا رابط الصفحة 00
http://forum.hawaaworld.com/showthread.php?t=1426832&page=12
ملاحظة00 قبل ماتعبون البلونات بالرمل لازم تعبونها هواء قبل حتى تكبر شوي ثم تفرغون الهواء منها 00حتى لما تعبونها رمل تصير كبيره شوي ويصير فيه حيز تقدرون تعبونه 00واختاروا البلونات السميكة شوي حتى لاتتفجر معكم او تخرب
بعدها قصيت عليهم 00قصة عن النظافة وانها طريق للسلامة طبعا بأسلوب مبسط وبكتاب مصور 00وتفاعلو معي البنات بشكل ماتتصورونه 000حتى ان معلمتهم جلست تسكت فيهم حتى اقدر اكمل القصة 00
وهذي القصة اللي قصيتها عليهم 00
بعد القصة طلبت منهم انهم يغسلون يدينهم لأننا حنسوي طبق صغير على قدهم 000 فطلعوا على مجموعه مجموعه وغسلوا ورجعوا
ولو تلاحظون انا سويت ترتيب البرنامج كذا عن قصد لأننا بعد القصة اللي كانت تحكي عن طفل مهمل وعنيد وغير نظيف وعاقبة اهماله ووساخته وانه صار مريض وضعيف 00
فبعد القصة قلت لهم اننا بنسوي اكل الحين بس قبل الأكل وش نعمل فهم استنتجوا لي بعض الإستنتاجات من بينها اننا نغسل ايدينا 00
بعد ما اكتملوا 00 فرشت لهم سفره ووزعت عليهم خبز توست مقطعته بالكأس00 وجزر شرائح00وخيار مكعبات 00وزيتون شرائح 00ولبنه 00 وملاعق لدهن الخبز باللبنة 00 واعواد اسنان حتى يشيلوا الجزر والخيار والزيتون 00
وطبعا خليت المعلمات يشتركوا معنا 00 حتى يحسوا بالألفة
وهذي بعض صور الطبق الصغير 00هذي اللي سويتها انا اول
وهذي بعض اعمال البنات 00
وهذي صورة جماعية للبنات مع عملهم 000
بعد ما اكلنا كلنا 000طلعوا يغسلون 000 بعدها لعبنا لعبة الإكتشافات باللمس 00 بس ماصورتها للأسف
وطريقتها 000
جبت كيس غير شفاف وجمعت فيه اغراض بسيطه من البيت 00امشي واحط في هالكيس 00
وكل بنت تدخل يدها في الكيس من غير ماتشوف وتمسك لها غرض وتعرف وش ذا الغرض من خلال اللمس وتقول اسمه بعدين تطلعه ونشوف صح عليها ولا لأ 00اذا صح تمسكه معها 00واذا غلط تتركه في الكيس 00
ونشوف اكثر وحده جمعت اغراض 00بس البنات ماشاء الله كثيرات 00فخليتهم يكتشفون على مره وحده بس
بعد اللعبة وزعت عليهم الهدايا 00طبعا خليت بنتي هي اللي توزع على صديقاتها 00
والهدايا كانت عبارة عن التلوين بالرمل 00 وادوات الطبيب 00 حتى اربطها باللي اعطيتهم وعشان وحدتهم الرمل 00والصحة والسلامة
طبعا ماصورت الهدايا بعد لأن كل وحده لها ذوقها الخاص ولو تكون الهدايا مرتبطة بوحدتهم يكون احسن 00وهذ رأأي الشخصي وكل وحده واختيارها وذوقها
بعدين صورتهم وسلمت عليهم وطلعت
ملاحظة 00 طبعا بنتي هي اللي تشيل وتحط معي ونشيطه لأخر حد وهذا يعطيها ثقه اكبر في نفسها 000لما كنت اقص عليهم القصة كنت اسألهم بعض الأسئلة 00مثلا هل انتم تطيعون والديكم 00 تهتمون بنظافتكم 00واقولهم ان بنتي ماشاء الله عليها تسمع كلامي وتطيعني وتحب النظافة 00ومن هالكلام
عاد لو شوفتوها بعد ذا الكلام كانت جالسه عادي ولما سمعتني اتكلم عنها ارتكزت ولا احد قدها 00 وهذا يعزز الجوانب الإجابية عندها 000 فلا تهملون هالنقطة
واخيرا اشكر اخواتي اللي ساعدوني واعطوني الأفكار واولهم الأخت)tvhs123( والأخت (ياكايدهم وغايضهم )
والأخت والأخت (بلورة الشرق) 000اخواتي في ملف امهات التوأم 00
والى لقاء اخر ان شاء الله 000واي استفسار انا حاضرة 00
من جد ابدعتي
بس تصدقين ماقد سمعت عن الام الزائره الا منكم
اتوقع بالغربيه مافي