يارب فيه ناس بالدنيا كذا!! ادخلي وبتشوفي العجب

بصراحه انا عضوة جديده وكنت دائما اكتفي بالقراءه فقط بس الحين حبيت اشارك معاكم عشان تفيدوني ولو بنصيحه او حل لمشكله صديقتي المسكينه (هي بنت اختي)



هي طيوبه وحركه والحق يقال جميله جدا وسعيده بحياتها تزوجت قبل كم سنه وراحت بعيد عن اهلها اهلها

بالمدينه المنورة وهي راحت للشرقيه مع زوجها ساكنين بسكن حلو وراقي بس بعيد عن العالم هالسكن بمنطقه بعيده شوي

المهم البنت كونت علاقات طيبه بالسكن وتعرفت علي ناس كثير بس كانت وحده منهم كثير تزورها وتحاول تدخل بها

بزياده !! امها وزوجها حذروها منها ونبههوها من عواقب التداخل ونزع الكلفه بين الناس بس هي الله يهديها ما

تسمع الكلام وعلئ نياتها وهذي مصيبه بها الزمن

هذي الجارة خربت علئ بنت اختي وسببت لها مشاكل مع الجارات الثانين بعد صداقه 7 سنين تخيلو بس




الحين بنت اختي صارت تكرة بيتها وتكرة السكن وبالقوة ترجع من المدينه لما تروح لاهلها واهل زوجها هناك


حتئ علاقتها بزوجها وبالاولادها خربت مو زي اول

ودايم حزينه وسرحانه وتفكر

قلنا لها ماهي مشكله ايش يعني جارة اهم شي زوجك واهلك بس قالت انا بغربه والجارات خلاص ما صاروا يحبوني والي قاهرها اكثر تقول ابغئ اعرف ايش قالت عني هي الجارة

قاطعتها وسلطت اكثر من 20 حرمه يقاطعوها حتئ اولادها بالحديقه ما يكلموهم الاطفال ولايلعبوا معاهم !!



انا شايفه انه الامر فيه غيرة حريم وبس شكل صاحبتها تغار منها فاخربت عليها

الحين اللي صار صار وانتهينا بس كيف تقدر تعرف الحكي اللي انتشر عنها وبعده الناس قاطعوها


والاهم ابغئ نصيحه منكم كيف اقدر اهوون عليها

يابنات وصل الامر للمنتدئ اللي هي مشتركه فيه وكل جارتها بداو يتكلمون عليها ويرسلوا لها وسخه علئ الخاص وهي ماتعرفهم ويقهروها بكلام ويضايقوها


يابنات احذروا الصديقات والجارات ترا الزمن تغير والسعيد من وعظ بغيرة

هي بس فاتحه قلبها وبيتها للكل وتخبر الجارات بسفرتها وملابسها وبس تتكشخ وتتدلع وهم غاروا منها وخربوا عليها

انا خايفه انها مسحورة او شي من هالقبيل لانه البنت متغيرة بالمرة بس مع الاذكار والقران احسها تتعدل وترتاح

تتوقعون عين اللي فيها لانها تهدي بالمرة لما تسمع القران


الحين نصايحكم لها ولاتنسونها من الدعاء