08-12-1429 هـ, 09:10 مساءً
السلام عليكم ورحمة الله

وكل عام وانتم بخـــــــــير

اكتب لكم بليلة العيد وفرحتي بالعيد لم تكتمل

والسبب من يومين يدق علي رقم من موبايلي بعد منتصف الليل طبعاً انا اكون نايمه

في اليوم الثاني ارسل رساله (( فلانه ردي )) كاتب أسمي

طبعاً فكرته واحد من اخواني او زميلاتي أو اي احد يعرفني ومحتاجني في شيء

المهم دقيت طلع الي رد بنت وقامت ترفع صوتها علي وتقول وش تبغين إخلصي إخلصي

وصكت الخط في وجهي ..................

انا فكرتها وحده تستخف دمهااااا وماعرفت وشلون ... بس لوانها فعلاً تمزح كان رجعت تتصل وتقول

انا فلانه ..........صح

المشكله ماعرف لي أعداء ابداً .. بس الظاهر في هالدنيا ماحد يسلم ...

انا ابي اعرف من هي ... لانها اكيد تعرفني .. وليه تسوي كذا

ابي اعرف الرقم باسم مـــــــــــــن .. دقيت على موبايلي للأسف مافادوني قالو بس أذا صار فيه تهديد

نبلغ الشرطــــــــــه .

والأمر تافه مايوصل ...

ياليت تساعدوني كيف اعرفهاااااااااااااااااا والي تقدر اكون لها ممنونه
08-12-1429 هـ, 09:26 مساءً
انا مره صار لي كذا

كان رقم يتصل بس ماارد لاني مااعرفه
ثم جتني رساله تقول

فلانه كيف الحال ردي

قلت اكيد وحده من البنات ، دقيت الا يطلع رجال

يالله رجال ويعرف اسمي
لا و بعد اسمي مميز و صعب


سألته من وين جبت الرقم ، قال وحده عطتني الرقم وقالت ازعجها
قفلت الخط وجلست صياح ذيك الليله

قامت اختي تبي تفزع واتصلت ع الاتصالات قالوا مانقدر نعطيك بأسم مين الجوال ،اشتكي بالاماره اول


اتصلت اختي على المزعج وزفته وقالت اوريك انت واللي عطتك الرقم شغلكم بقسم الشرطه

الاخ خاف واعترف
قال انا لقيت الرقم بجوال شريته وحبيت استهبل

اخخخ يالقهر كل الاكتئاب والقلق و الشكوك اللي سببها لي وبالاخير طلع الاخ يستهبل



بس النكته في الموضوع انه يرسل كول مي خخخخخخخخخ ياعيب الشوم بس


الزبده :

ترى لا موبايلي ولا الاتصالات
مابيعلمونك الرقم بأسم مين
الا اذا كنتوا تعرفون احد يشتغل فيهم ممكن

بس الغريبه ليه هذي تنفخ عليك
كان ارسلتي ليها مسج وقلتي انتي اللي مزعجتني وش تبين بالضبط

كل ماهممت بـ بوح حزنيَ / أخجلنيَ قولِه ( وبشر الصابرين)
08-12-1429 هـ, 09:49 مساءً
حتى انا يااااااااامااااا و ياما تعذبت من التلفون


صرت ما ارد على رقم غريب + اذا احد ارسل لي رسالة بإسمي ارد اكتب : مين المرسل ؟



المجانين كثار اللهم لك الحمد


بس موبايلي ماقد اشتركت فيها انا فما اعرف وشلون نصلح
08-12-1429 هـ, 11:45 مساءً
ماكنتوش ومرسى الأحلام

جزاكم الله خير على الأفاده

انا نفس الشيء مارد ابداً على ارقام غريبه بس ارسل بأسمي ويوم اتصلت طلعت بنت

انا صراحه خايفه انها تضرني او تدبر لي بلوووووه وانا ماني ناقصه مشاكل

اللهم اجعل كيدها في نحرهاااا

ماكنتوش انا ارسلت لهاااا الي يبني يتصل انا بالنسبه لي مابي شيء عقبهااا ماتصلت ابد

ولا بعد يوم نفخت علي حولهاااا اصوات بناااات ميتين ضححححححححححك

انا ودي وحده تعرف احد في موبايلي وتساعدني

والله يفرج عنها كربه من كرب يوم الفيامه ويدخلهااااا الجنه من غير حساب
08-12-1429 هـ, 11:55 مساءً
اغلب من يعبث بالهاتف ويقوم بالاتصال بالارقام العشوائيه ليسوا اصحاب الشريحه الحقيقين لذلك تقوم شركات الاتصال بين فتره واخرى بتحديث بيانات البطاقات المسبقة الدفع لكن اذا كانت تشحن باستمرار ولم يكون هناك اتصال على مراكز الخدمه للمشغلين لطلب خدمات اضافيه فالشركات للاسف لاتقوم بايقاف البطاقات وتبقى باسماء عماله غادروا البلاد بفيزه نهائي


اذا كان هناك ازعاج من رقم باستمرار يمكنك التوجه او من ينوبك الى اقرب مركز شرطه او الى اقرب اماره لللمحافظات ودعي الباقي عليهم
قريبا توقيع جديد
09-12-1429 هـ, 07:39 مساءً
عادي ماعلييك طنشي

انا خرب جهازي وداه زوجي المحل وقال صاحب المحل بنوديه وكاله

واعطاني جهاز بديل من عنده

تخيلي جهاز بنت كل اسماء صديقاتها واخواتها واقاربها وكل ارقامهم ورسايلهم وحتى الالقاب اللي بينها هيه وصديقاتها
حتى رقمها هيه


يعني تخيلي لو طاح هذا الجوال بيد واحد او وحده ماتخاف الله كان بيزعجون هذولي البنات
او المتزوجات ويسببون مشاكل بينهم

لانو حتى الاالقاب موجوووده

بس قبل ماارجعه للمحل سويت له فورمات ومسحت كل شئ الله يستر ع الجميع

فكل وحده بتبيع جوالها تمسح ع الاقل ارقام بنات الناس




فخليها عنك ولا عاد تردين

اذا ارسلك ردي قولي من المرسل اذا مارد او ردت طنشييه


كل من تشوف توقيعي او تشغله .. تدعي لي بالشفاء والذرية الصالحة عاجل غير آجل يارب العالمين ~
09-12-1429 هـ, 07:46 مساءً
لو ماعاد دقت عليك

خلاص لا تفكري بالموضوع

والله يستر عليها ما عليك منها

والله يشغلها بعمرها مثل ما اشغلتك

تحياتي لك

09-12-1429 هـ, 07:55 مساءً


.

.

تلاقينها أخت وحده من صديقاتك حاقدهـ عليك والا بتهبل بكـ


الله يحفظك من كل شر خيتو
09-12-1429 هـ, 08:12 مساءً
بتصير كثير وحده من زميلاتك بايعه جهازها والاسماء تكون منسوخه على ذاكرة الهاتف.. اي شخص يشتري الجهاز من المحل يحصل الاسماء بالارقام ...
08-03-1430 هـ, 07:25 صباحاً
انا في خدمتكم زوجي شغال في الاتصالات اي وحدة تبي اي خدمه تطرح موضوعها وانا في الخدمه


الساعة الآن 08:58 .

جميع الحقوق محفوظة - عالم حواء - 2015