كل تجاربكم بالتوفير ،، والميزانية اكتبوها خلونا نستفيد

السلام عليكم ورحمة الله وبركاته

هلا وسهلا خواتي

طبعا واضح من العنوان وش ابي اوصلكم

يعني كل وحده تدخل وتكتب طريقتها في التوفير بكل شئ الميزانية كيف توزعها والعيد والإلتزامات المدارس وغيره
ولو فيه جدول اكتبيه بدون كتابة كم المصروف عشان كل وحده تقيس على نفسها والمبلغ اللي معاها

ويالله انا راح ابدأ بنفسي

انا اجمع راتبي وراتب زوجي وبعدين ابدأ اقسم

زوجي : اعطيه مبلغ ويكون مصروف شامل كل شئ مع البنزين والقطات ولو يبي يباشر على احد بس اسبوعيا احسن من اني اعطيه شهرياً (( لأن زوجي يصرف الفلوس بسرعه بعدين يتوهق باقي الشهر ))

قسط السيارة ، مقاضي البيت ، فاتورة التليفون الثابت ، الخدم ، بنزين السيارة ، فاتورة جوالي ، فاتورة الكهرباء ، ملابس عيد او اغراض المدارس ، ايجار البيت


بعدين نجي للباقي تحطين لك مبلغ ثابت يوميا يعني 30 ريال وتصرفينها على العيال مثلا مصروف المدرسة بالإضافة لو فيه طلبات ثانيه

مقاضي البيت طبعا كل جمعه تروحين تشترين اللي ناقصك حق اسبوع كامل

فاتورة الثابت والجوال والكهرباء هذي تنشال كل شهر عشان تدفعينها بالشهرين مره

اغراض المدرسة او ملابس العيد اشتري بس بعقل مو تنزلين كأنك اول مره تشوفين سوق ؟؟ :mad:

ـــــــــــــــــــــــــــــــــــــــــــــــــــــ

وسلامتكم طبعا عندي افكار كثيره بس لو حسيتكم تحمستوا بأكتب لكم الاشياء الباقيه

ويالله خلونا نشوف همتكم