27-11-1429 هـ, 11:56 مساءً





السلام عليكم ورحمة الله وبركاته..
هالمرة حابة افيدكم عن غسالة المواعين LGوالصراحة انا انصح بالغسالة كثير خصوصا للي عندهم اطفال وما عندهم خدم..لانها تخدم كثير وتشيل عنك ثلاث ارباع وقت وقفة المواعين..

اول شئ اللي عندي ماركتها ال جي..
اخذتها من اكسترا..
السعر 2300 تقريبا.."طبعا السعر يرتفع حسب الضمان"
خطها 220..
هاذي صورتها في المطبخ..



طبعا انا ماجت عندي الا بهالشكل لاني لو دخلتها زيادة ماعاد اقدر افتح بابها..فخليتها بشكل زاوية..
لازم تكون قريبة من حوض الغسيل علشان تمديدات الماء..
تحتاج تمديدين واحد لادخال الماء وواحد تصريف للماء..الشغلة سهلة بس تحتاج سباك لها..
الازار حقتها كلها بالعربي والكتالوج بعد..
وهذا شكل المنيو حقها..


تختارين درجة الغسيل اللي تحتاجين..فيه جرس يرن اذا خلصت الغسيل..فيها رز تأمين ضد عبث الاطفال بالازرار..
تقدرين تختارين نص الحمل اذا ماكانت مليانة مواعين..وطبعا يخيرك ايهم تبغين تغسلين الرف العلوي او السفلي..
فيها خيار تاجيل الوقت..يعني تحددين له متى تبدأ تغسل بعد ساعتين او ثلاث..حسب اختيارك..
كثافة الرش انتي تتحكمين فيها اما كثيف او عادي او خفيف..
انا غالبا اختار نظام الغسيل او تو ماتيكي وهالخيار يشتغل من نفسه بدون ما تحددين اي خيارات اخرى..واحيانا اختار غسيل ناعم ..واضغط عقبه توفير الوقت"يقلل الوقت شوي"..

الزر اللي مكتوب عليه طاقة..اهو اللي يشغل الغسالة..واللي مكتوب عليه تشغيل وتوقف اهو اللي يشغلها وممكن توقفينها باي وقت وتفتحينها..
فيه رز مكتوب عليه توفير الوقت اذا ضغطتي عليه يقل الوقت اللي تستغرقه الغسالة في الغسيل..

27-11-1429 هـ, 11:57 مساءً

وهذا شكل الرف العلوي وهو فيه مواعين..


فيه مكان للاكواب وللصحون الصغيرة"مثل صحون القهوة التركية"وبعد ما تصفين طبقة من الاكواب تنزلين عليها رف وتصفين طبقة ثانية فوقها..بهالشكل..




وحتى من الجهة الثانية نفس الشئ..



وهذا الرف العلوي بشكل عام..شايفين وش كثر تستوعب مواعين"غالبا اشغلها مرة واحدة باليوم بس..



وهذا شكل الرف السفلي..


وهذا شبك الملاعق والسكاكين ويطلع بروحه ممكن تصفين الملاعق فيه وترجعين تطلعينه وقت ما تبين تصفينهم بالدرج..
27-11-1429 هـ, 11:57 مساءً
الصراحة تغسل كل شئ من الزجاج للميلامين للتيفال للقدور حتى المعدن..يعني القدر احطه فيها ما تغير ولا شئ..




وحتى البلاستيك الرقيق مثل اللي بالصورة..وحتى اللي فيه لمعه مثل فناجين القهوة التركي..حطيتها وما لاحظت تغير او بهتان..


مكان الملح فيكون في اسفل الغسالة تحت الرفوف..
وهذا مكانه..

ويجي معها محقان بلاستيك.. لوضع الملح..

هذا المكان اللي ينحط فيه الصابون ومساعد الشطف"الملمع" ويكون في باب الغسالة طبعا..الصابون تقريبا تحتاج ملقعة كبيرة..



اللي مربع ومفتوح مكان الصابون وفيه منه بودرة وشئ سايل..وهذا لازم تعبينه في كل غسلة..
واللي مدور مكان ملمع الشطف تفتحينه وتحطينة فيه..وما يخلص الا كل شهر تقريبا..

هذا الزر اللي يشغلها لك..


وبعدها تختارين برنامج الغسيل بتحريك هذا المؤشر..


طبعا الغسالة وهي تشتغل تبين لك كم درجة حرارة الماء بالداخل ..وكم باقي من الوقت علشان تخلص دورتها..وتبين لك اهي باي مرحلة من الغسل..شطف او تجفيف..بهالشكل..
27-11-1429 هـ, 11:58 مساءً
وهاذي صورة المنظفات حقتها..


الكرتون الملح..
واللي بعد الابيض هذا صابون سائل"للحين ماجربته"
واللي لونه اخضر هذا مساعد الشطف..
واللي لونه احمر هذا صابون بودرة..
غالبا اشتري منظفاتها من جيان او التميمي..
اتمنى يكون شرحي واضح ووافي..واي سؤال انا بالخدمة..

دعواتكم لي..

28-11-1429 هـ, 12:04 صباحاً
يعطيك العافيه انا عندي مثل غسالة بالضبط بس انها ما تنظف الاكواب الزجاجيه والصحون وتطلع مشهبه وحتى ما تجففها ما ادري ليش ياليتك تساعديني
لااله الا انت سبحانك اني كنت من الظالمين
28-11-1429 هـ, 12:46 صباحاً
اقتباس مشاركة  (رمانة الرياض)
يعطيك العافيه انا عندي مثل غسالة بالضبط بس انها ما تنظف الاكواب الزجاجيه والصحون وتطلع مشهبه وحتى ما تجففها ما ادري ليش ياليتك تساعديني
انتي تحطين مساعد الشطف"الملمع" لاني اول ماشريتها ما حصلته وما حطيته ومثل ماقلتي كانت تطلع الكاسات مو ناشفة وتبقع عليها الموية بس بعد ما حطيته لا والله تطلع تلمع وناشفة..
او يمكن تكثرين الصابون اكثر من الحاجة..
28-11-1429 هـ, 01:12 صباحاً
اختي متى شريتيها ومن أي مدينة

تعبت وأنا أدور عنها ويقولون لي خلصت
28-11-1429 هـ, 01:37 صباحاً
كما عهدتك


تستاهلي الشعار


بارك الله فيك وحرم جسدك على النار


جعل ماتقدميه في ميزان حسناتك

موفقة

متى ما غابت عنكم مزايا إنسانة فحللوها وسامحوها
28-11-1429 هـ, 02:01 صباحاً
انا استخدم فنيش 5 في 1 ولا احط الملع لانه فيه الملمع والا لازم احط الملمع
لااله الا انت سبحانك اني كنت من الظالمين
28-11-1429 هـ, 04:32 صباحاً
ماشاء الله.... الله يبارك لك فيها
الكلمه الطيبه صدقه قل خيراً او اصمت


الساعة الآن 06:19 .

جميع الحقوق محفوظة - عالم حواء - 2015