1 كيلو دقيق ( الأفضل يكون دقيق أبيض زي الكويتي )
1 بيضة كبيرة
2/1 حليب
2 كوب ماء دافئ ( وممكن زيادة حسب الحاجة )
1 م ط سكر
رشة ملح
الطريقة
نخلط الملح مع الدقيق و نسوي حفرة فيه ونضيف السكر البيضة والحليب والماء ونعجن حتى تتكون عجينة طرية ( ممكن زيادة دقيق أو ماء حسب حاجة العجين ) نكور العجين وندهن السطح بشوي زيت
ونغطية بفوطة رطبة ونتركه من 1 ساعة إلى ساعتين وكل ما طالت مدة راحة العجين كل ما صار الخبز أحسن
( وهذا السر في طراوة خبز البراتا لأن جربت طرق كثيرة ومقاديرها مختلفة بس ما تصير طرية لكن لما سألت واحد في محل صنع هالخبز أعطاني نفس المقادير المعروفة لكن الفرق إن العجين يترك يرتاح بين كل خطوة والثانية )
نقطع العجين لكور وندهنها بالزيت ونغطيها ونتركها ترتاح 2/1 ساعة إلى ساعة
نفرد كرة العجين باليد على سطح مبلل بالزيت
سوي بكف اليد اليمنى زي شكل فم البطة – الأربع أصابع فوق والإبهام تحتها – وكف اليد اليسرى نفس الحركة بس خليها مقلوبة – الإبهام يصير فوق – وازي اليدين جنب بعض وارفعي العجين – يكون إبهام اليد اليمنى تحتها والأربع أصابع اليد اليسرى هي الي تحت – إرفعي العجين من طرفها عن الطاولة وإرجعي رديها مكانها مع ضرب العجين بالطاولة وغيري مكان الأصابع وخذي جزء ثاني من العجين وسوي نفس الحركة – لحد ما تتمدد العجين وتصير رقيقة
شديها من أطرافها مع رفعها شوي علشان تصير أرق
إطوي 3/1 العجين الأيمن للوسط –
و3/1 العجين الأيسر عليه
وبعدين الطرف اللي فوق
والطرف اللي تحت وتصير زي البقشة
رصيها على جنب فوق بعض لما تخلص كل الكور
حمي التاوة ولما تسخن حطي ملعقة صغيرة سمن قي – الأفضل يكون نباتي – دالدا أو الأصيل
خذي بقشة ومديها شوي عالطاولة
حطيها عالتاوة وحمريها شوي