19-11-1429 هـ, 01:42 صباحاً
السلام عليكم

بنات انا من حملت وشعري في حاله ما يعلم بها الا الله بااااااااااهت وتساقط وتقصف وباختصار يلوع الكبد

استخدمت طريقه كانت تسويها لنا امي وحنا صغار روووووووووووعه روووووووووووووعه بمعنى الكلمه وربي كانت شعورنا مضرب مثل في الكثافه واللمعه وخواتي شعورهم حرير ماشاء الله فتخيلوا وربي اختي اللي اصغر مني كأنه اللي في الدعايه لدرجة ان جاها عين وامتلت فروتها بالصدفيه والاكزيما الله يشفيها وحسبي الله على اللي ماتذكر الله
<< اجل محد مستخدم الخلطه خخخخخخخخخخ

بس كبرنا وتركنا هالاشياء وانعدمت شعورنا الله يخلف راح تعب امي خساره

المهم

نجي للمتطلباات .. ولو سمحتوا ياللي تصبغون لحد يحرجني اذا تصبغين وتبين تبدلين الحنا حطي بداله روب او سدر لا يقلب لون شعرس وتنشبين في حلقي هههههههههه

هي عباره عن

حنا .. ملعقة حلبه .. زيت اللي تستخدمينه (( امي كانت تستخدم زيت الزيتون )) بيضه .. ماي للعجن

بس انا استخدم الان زيت جدايل من عبدالصمد قرشي اللي لونه احمر .. او زيت النارجين العلبه الخضرا مو الباراشوت

بنات الحنا لازم تجيبينه من مره ثقه لأنه لو كان نوعيته مهيب زينه ينفش الشعر .. انخليه بالمنخال عشان يصير تاعم وينخلط

اخلطيه مع ماي وملعقة حلبه مطحونه وشوي زيت يعني نصف بياله او ثلاث ارباع اذا كان شعرك جاف الين يصير زي خليط الكيك او اثقل شوي وخليه ناقع طول الليل ..

الصباح اضيفي له بيضه وخمريها ساااعه بعد وبعدين حطيها على شعرك وركزي على الجذووور ومديه على الشعر ولفي على راسك نايلون عشان يتشبع الشعر بس للأمانه انا ما ألف امل منه واتركيه على شعرك اقل شي 4 ساعات

وبعد ماتغسلينه (( بالمااااااااااااي فقط )) ادهنيه بكريم زبدة الرخال اللي هو الكريم الابيض القديم اللي غطاه اسود بس لالالالا تكثرين عشان مايدبق

واتركيه على شعرك ساعه ساعتين على راحتك << انا اسوي كذا لأن شعري انعدم من الصبغ والاستشوار والسبريه ايام الكليه واغسله بالشامبوووو واتركه ينشف طبيعي

شوفي بعدها شعرك كيف بيطلع واستخدميه مره بالاسبوع واستمري عليه واللي تقول ريحة حلبه في اختراع اسمه بخور وخمرية شعر بلا كسل

وهذي خلطه معروفه عند اهل امي بينهم فقط واللي يعرف كيف شعور الهاجريات يفهم قصدي

تكفون بنات اللي تستفيد من هالخلطه تدعي لأمي الله يفك سحرها ويشفيها الله لا يوفق من كان السبب

واي استفسار انا بالخدمممممه
استغفر الله العلي العظيم و اتوب اليه
19-11-1429 هـ, 01:47 صباحاً
مشكوووووره يالغلا...والله يشفي امك ويخليها لكم ويفك سحرها....
اللهم آغفر لآبي وآختي وآجمعنآ بهم في جنآت آلنعيم ..آللهم في كل دقيقة تمر عليهم وهم في قبورهم آسألك آن تفتح لهم بآباً تهب منه نسآئم آلجنه لآ يسد آبدآ يً آرحم آلرآحمين
آللهم آحفظ لي آمي وآبنآئي وزوجي وآخوتي وآحفظني لهم يً رب آلعآلمين
19-11-1429 هـ, 01:49 صباحاً
نسيت اقول لكم شي
اذا تبين لون شعرك يميل للأحمرار اطبخي مع الماي كركديه وخليه يبرد واضيفيه للحنا بدل الماي يعني يكون كركديه


واذا تشكين من التقصف وتبين تحدين منه اطبخي مع الماي قهوه عربيه (( البدو يسمون التقصف مشقره )) ممتاز سبحان الله تلايم الشعره

اذا كنتي تشتكين من تساقط الشعر اطبخي مع الماي شاااهي والشاهي معروفه انه يقوي الشعره في الجذور

هذي توي اخذها من مامي يوم قلت لها اني كتبت الوصفه للبنات قالت قولي لهم عن هذي بعد

اتمنى تستفيدون منهاااا ولا تنسون الدعوه الطيبه ولو بظهر الغيب
استغفر الله العلي العظيم و اتوب اليه
19-11-1429 هـ, 01:52 صباحاً
الله يعطيك العافيه

والله يشفيها يارب







19-11-1429 هـ, 01:59 صباحاً
مشكوووووره يالغلا...والله يشفي امك ويخليها لكم ويفك سحرها....
19-11-1429 هـ, 02:04 صباحاً
مشكوره والله يفك سحر امك ان شاء الله
19-11-1429 هـ, 02:07 صباحاً
العفو حبيباتي .. وخبروني بالنتايج لو استخدمتوها
استغفر الله العلي العظيم و اتوب اليه
19-11-1429 هـ, 02:36 صباحاً
الله يفك سحر امك ويخليها لك ويخليك لها ويتم حملك ومشكره شكل الخلطه روعه بس ينفع اضيف سدر
ولدت الحمدلله
19-11-1429 هـ, 02:41 صباحاً
الله يوفقك ويفك عن امك السحر

واعجبتني معلومة الشاهي لان شعري ضعيف
19-11-1429 هـ, 02:43 صباحاً
جزاك الله خير والله يعطي امك العافيه ويفك سحرها بقدرته سبحانه


طيب الروب ينفع بدل الحنا ؟ والسدر ما يغير الشعر المصبوغ ؟

واذا كنت استخدم خلطت ازيوت واستخدمت طريقت تنفع مع بعض ولا تاثر على الشعر وترهقه

واسفه كثرت اسئلتي


اخترنا لك هذا الموضوع:

اقرئي المزيد »

الساعة الآن 06:30 .

جميع الحقوق محفوظة - عالم حواء - 2015