حبيباتي .. جاتني رسائل على الخاص تطلب مني برنامجي في تغذية اطفالي .. في عمرهم المبكره .. وهذا ردي عليهم .. قلت احطه ع العام عشان الكل يستفيد ..
وهذا لجدول اللي مستحيل اغيره .. لانه انا اتربيت عليه .. يعني اخذت الجدول هذا عن امي الغاليه .. والحمدلله صحتي وصحة اخواني جيده جدا .. عشان امي اسستنا غذائيا صح .. الله يسعدها ويطول عمرها ويخليها لي .
لما يكمل طفلي الاربع اشهر .. ابدا اعطيه سيرلاك .. وشوربة خضار فقط
اول اسبوع اعطيه كميات صغييره على ماتتعود معدته على الاكل .. الصباح وجبة صغيييره سيرلاك
والمسا وجبة صغيييره من شوربة الخضار .. اللي راح اكتب طريقتي في اعدادهم في الاسفل ..
والاسبوع اللي بعده ازيد الكميه واخليها عاديه ..
لما يتم الخمس اشهر .. ادخل له وجبه جديده ..
الفواكه .. اخليها وجبة عشا .. وطبعا كل اسبوع او اسبوعين ازيد الكميه شوووويه ..
وبعطيكم الجدول مفصل اكثر ..
الساعه 9 الافطار .. اعمله سيرلاك بالبرتقال .. يعني اعصر برتقاله وبدل مااذوب السيرلاك بالمويا اذوبها بالبرتقال ..
واليوم اللي بعده اذوب السيرلاك بعصير عنب طبعا فرش
اجيب صفايه صغيييره احطها فوق كاسه واحط عليها كم حبة عنب .. واعصر العنب بالشوكه لين ينزل عصيرها في الكاسه .. واذوب بيها السيرلاك
انا اقلك ليه برتقال وليه عنب ..
البرتقال يسبب اسهال الله يكرمك كثرته .. والعنب كثرته تسبب الامساك
كذا بيصير عند الطفل توازن .. لا امساك ولا اسهال .. يوم كذا ويوم كذا .. حتى طعمها جناااااااااااااان اسأليني :32: << كانت تشارك عيالها خخخخخ
الغذا الساعه 2 .. اعملي شوربة خضار .. اسلقي دجاجه .. وحطي في مويتها ( كوسا , جزر , بطاطس , قرع , جزر يماني وناس يقولولها بطاطا حلوة فاصوليا , بازاليا )
وبعد ماتستوي افرمي شويه من الدجاج المسلوق .. وحطيه والخضار في خلاط واخليه مطحون ..
وطعمه ترى لذييييذ عشان القرع والبطاطا الحلوة يحبوها الاطفال ..
وعلى الساعه 7 العشاء .. بتكون الفاكهه .. تفاح , موز , منجا , برتقال , مشمش , ممكن بطيخ كمان ..
اخلطيهم بالخلاط وخليه يستمتع بوجبه لذيييذه وتشبعه ..
طبعا بين الوجبات حليب وبسكوت الاطفال ..
وفي سن ال8 اشهر اعطيه الشوربة مرتين في اليوم ..
وبعمر ال9 اشهر ادخل له الزبادي بالفواكه ..
والحمدلله .. اطفالي في هذا السن ماشاءالله تبارك الرحمن مربربين وخدودهم تفتح النفس للبوس والعض تاكليهم اكل يناااث ههههههههه
بهذا الجدول ربيت اولادي غذائيا .. وبدون مبالغه لو اقولك ماشاءالله تبارك الله مناعتهم ممتازه .. حتى الانفلوزنزا تجيهم خفيفه ولله الحمد ..
وانتبهي من الاكل المعلب والله انه غير مفيد وطعمه مقززز
لو كنتي طالعه السوق او شي .. حطي وجبته في تبروير ..
اتمنى اني افدتكم .. ولو بالقليل :26:
وياعزيزاتي .. فيه امهات ترفض انها تدخل الاكل قبل ال6 اشهر و 8 اشهر .. وهذا رئيها اللي احترمه .. لكن هذه خلاصة تجربتي كأم لثلاث اطفال ..
ولو تلاحظو .. انا مااعطيهم الكميه فجاه كبيره .. بتدرج اضيف الكميه والوجبه .. ولما احس انه ماتعب من الاكل اللي اكله لان فيه اطفال مايناسبهم خضار معينه او فاكهه معينه .. فكل شي بالتدريج حلو
لو فيه شي كان هد حيلهم او ضرهم .. والحمدلله كله فضل من الله .. أي سؤال انا حاضره
ككنت انتظر ردك على احر من الجمر
يعني ابدا مع ولدي الشهر الجاي صح؟؟؟
ومشكووووووورة مرة ثانية