تجهيزات الشتاء للأطفال أطعمه وغذاء ملابس حمايه ووقايه ..>>>تم دمج عدة مواضيع متشابهه

العسل بالبصل حلووو جدا لمرضى الربو...مرة قريت انها وصفة شعبية انجليزية ومعتمدة عندهم للربو..
اما بخاخات الربو..استخدمها لولدي يوميا..الي هو الوقائي..وبصراحة ما احس انه مفيد.. يعني على طول يتعب
والترويش..مرة في الاسبوع بسسسسسسسسسس..والدفاية جوا الحمام..وانتم بكرامة..واذا خلصت مروشته على طول بعد ما اجفف جسمه بالحمام ادهن صدره وبطنه وظهره كللله بالفازلين او زيت الاطفال..نصحتني فيه دكتورة اطفال ..تقول يسكر مسامات الصدر ويحميه من البرد بعد الاستحمام..وبعدين البسه واجفف شعره والبسه قبع وبعدييييين نطلع من الحمام..
واحرص على الفيتامينات عشان تقوي مناعته..فيتامين زيت كبد الحوت مع البرتقال..ريحته حلوة وطعمه مقبول ومناسب للاطفال من سن
سنة وفوق حتى البالغين..وملعقة عسل على الريق حلوة للاطفال فوق سنة..تقوي المناعة..
ولا تتركينه بدون شرابات على السيراميك..عوديه عليه..ضرووووووري..
موفقة حبيبتي..والله يحفظهم ويشفيهم و يخليهم لنا ااااااارب

الله يعين انا ماحب الشتاء واحس انه طويل لاني انتظر طلعته
وبالنسبه للعيال الله يكون بالعون انا كنت اعاني من ولدي بشكل ماتصدقين وكل يوم مسعفينه وينقص الاكسجين عنده الى ان رحت للدكتور عبدالغني فتيح والحمدلله هذاك يوم وهذا يوم ارتحت ومارجعته علشان ادوية الوقايه وبنتي الصغيره لحقتها على طول نفاسي كان بالمستشفى انا والدتها بالشتا وسويتلها موعد وانا منومه معاها لانه عليه زحمه لازم موعد والموعد القريب بعد اسبوعين المهم رحتله وعطاني ادويه وموعد والحمدلله الى اليوم مارجعته روحيله وارتاحي

صوت الغلا
مين هالدكتور اللي ما يفهم بالطب اللي نصحك هالنصيحة
يا قلبي انتبهي ترا البلميكورت يستخدم فقط لمدة 3 ايام كل 12 ساعة يعني بس 6 جرعات
وتراه كورتيزون وكثرته ابدا مو كويسه تسبب تسمم في الدم وزيادة ضربات القلب وتشنجات

انا اولادي راعين صدور والتهاب رئوي
احسن حل في الشتاء ما يطلعون من البيت ابدا الا للضرورة
واذا طلعوا يكونون متدفين زين اهم شي الصدر والاذنين
والتحميم مره بالاسبوع ويالله وطبعا الملابس البسهم داخل الحمام وجفف شعورهم
وبعدين اطلعهم من الحمام وعلى سرايرهم في غرفة مدفيه

اذا بنتك فوق السنة جربي لها العسل ملعقة الصبح على كاس مو ية او حليب دافي وثانية بالليل
مرة كويس يفتح الشعب الهوائية عندها

ايضا ابرة الانفلونزا كويسه تخفف بعد مشيئة الله من الزكام والتهابات الصدر والله يعينا ..

والاخت اللي بتستخدم البلمكورت يوميا حرااام هذا كرتيزون ..

ماهي طريقة البصل مع العسل