السعودية - الرياض
مكتب البروق
مطلوب خادمات بااعلى الاسعار والدفع فورى 0537840512
السعودية - الرياض
مكتب البروق
لدينا خادمات مدربات من كل الجنسيات 0537840512 0561653122
           
           
إضافة رد
 
أدوات الموضوع انواع عرض الموضوع
قديم 16-09-1429 هـ, 10:09 صباحاً   #1
$فجرالعيد$

عضوة فعالة
 
الصورة الرمزية $فجرالعيد$
 
تاريخ التسجيل: 27-01-1428 هـ
المشاركات: 556


للجـــــادات فقط ..كيف اعرف ان زوجي يحبني ؟؟؟؟

الكتاب باين من عنوانه ....


كيف حالكم يا اخواتي ؟؟؟وش اخباركم مع رجالكم برمضان ؟؟؟

يقولون ( زوجك جنتك و نارك ) والله الكلام قوي ...

ابتكلم معاكم بكل صراحة ..وابغاكم تفهموني و تعلموني ...هل هذا صح او لا ..بحكم ان ما عندي خوات متزوجات او اكبر مني ....اعتبركم انتم خواتي ...


يعني انا محتارة مرررررررة مع زوجي ...ساعات احس انه يحبني (بس مو من قلب ) و ساعات احس انه ...بارد و ما عنده عواطف ولا يعبر عن اي شيئ يشوفه جديد ...سواء لبس او طبخ او مكياج ...( كله واحد )...
وانا اتحمس بس على الفاضي ....
و اذا صار بيننا مشادة كلامية على اي سبب ...يبدأ ينرفزني و يذكرني بمواقف سابقة خلصت و سبق و اتفقنا ننساها ..يعني انا أطبق بس هو لا ...!!( هل ازواجكم كذا ؟؟)
واغلب المشادات الكلامية و النرفزة تجي من طرفين :

1- ( الفلوس) لاني موظفة ...( هو كمان نفس وظيفتي و اعلى من راتبي ) بس ما دري وش اللي قاهره ...مع اني ما اقصر و لاني بخيلة ...وهو يعرف الشيئ هذا ...بس لازم يقارني بوحدة من خواته ( معطية بطاقتها الصرافة لزوجها يتصرف بفلوسها على كيفه ) ...فأنا بنظره ...زوجة غير متعاونة ...

2- (طبيعته الباردة) ...ياناس اذا جيته بالهداوة ...قالي خلاص بكرا /بعدشوي/بعدين/....ولا يمشي الا اذا رفعت صوتي وصارت هوشة .....مثال / اذا تعطل شيئ بالبيت / اخراج القمامة (وانتم بكرامة) /اغراض من البقالة /.....تعبت منه يا ناااااس ...


شوفو كيف ...يعني حتى خناقاتنا مهي منطقية ابدا ...يعني انا اتكلم عن قضية ..والاخ يبدأ يتهرب منها و ينرفزني بقضية ثانية ...لحد مااااااااااااااااا ..انفجر و اولع و اجيب كل الكلمات ( الحلوة ) ....افهموها ....
وبعدين يقول لي ...انتي الي كلامك حاد وانتي ما تحترميني وووو .....طيب هو الي نرفزني ..ما كان في بالي كل هذا ...انا طبيعتي حساسة ...ولا تقولون تحملي و اسكتي ...لاني حتى لو اسكت يستمر بتعليقاته البايخة ...انا
جربت اسوي كذا ...بس جاني صداع و ضغط ...واذا رديت و عليت صوتي ...نخربها ,,,هالايام وصلت الى الضرب ...
تخيلوا ...ما عمره مد يده على احد ...و بعدين ...ازعل ...ابكي ...كله واحد ...ما يعرف يعتذر ...يسكت و يحس بالذنب ...مع اني اقرا بعيونه و تصرفاته علامات الندم والتاسف ,,,لكن بدون كلام ...ليييييييييييش ؟؟؟وشلون اخليه يتكلم ....انا صراحة زعلي كثير عليه من يوم ما تزوجنا بسبب تصرفاته ...يقولي انتي زعول وهذا قاهرني فيك و الحريم واجد ...

والله حالتنا هالايام تعبانة ...وجافة بلا رومانسية ..لا كلام عذب ...بلا اي شيئ ...مجرد اكل و نوم و اوامر وانترنت وطلعات للسوق و طلعات للمطاعم ...بس ...يعني ما فيها روح ...ما لها طعم ..كل واحد يؤدي الي عليه و بس ...كأننا بمكان عمل ...


تعبت وانا اكلمه ...خصص لنا ليلة ...بس كل يوم يقول يسهل الله ...ما بقى فيني امل ...

يعني واذا صار رايق ...اللعب و الدلال و الدلع و الحب ...كله لبنته ...الي عمرها 5 سنوات الله يخليها ..واختها الصغيرة

لها 7 شهور ...او يطلع مع اصدقاؤه كل ليلة ...

والله اني انقهررو ودي ابكي ..وبكيت ومليت .. وعجزت الاقي له حل ...


هل هذي حياة ؟؟؟ هذي اقرب للموت ...لكن الحمد لله على كل حال ...


يعني تصرفاته كذا ..تخليني احس انه ما يحبني ...بس يجي يضيع وقت بالبيت و يلبي طلباتنا الضرورية و يطلع...


هذه الايام نعيش انا وياه حالة زعل و افتراق .. .وصلت الى انه ضربني ..لانه يوميا بعد التراويح يطلع و ما يجي الا الساعة 1 ,,و يقعد مع بناته و بعدين يكلم صديقه يسهر معاه ...او يضيع وقت ..وبعدين ينام ...هل هذي حالة ؟؟؟

الضرب ما كان مقصود او مؤلم ...بس مجرد اهانة من الاخ ...



المهم ....كل هذا مو هامني ...لاني تعودت ...و قاعدة ادعي اليليل و النهار ...ان الله يفرجها لي و للمسلمين ...


اللي هامني شيئ واحد ....هل هو يحبني من جد او لا ؟؟؟

او يعني وشلون اعرف مدى حبه لي .؟؟؟ قوي او ضعيف ...؟؟؟

واللي زوجها يحبها مررررررررررررة ..؟؟؟هل يصير بينهم هالخلافات و المشاكل ؟؟او لا ؟؟


الله يعافيكم ساعدوني على هالسؤال ...؟؟؟ يحبني ولا ما يحبني ؟؟؟( اتكلم كأني مجنونة ) بعذري ...



طيب ...واذا بغيته يحبني مررررررررررررررررررررة ( يعني ما يفكر بالزواج علي ) وش اسوي له ؟؟؟


$فجرالعيد$ غير متواجد حالياً رد مع اقتباس إرسال الموضوع إلى الفيس بوك إرسال الموضوع إلى تويتر




16-09-1429 هـ, 10:20 صباحاً
#2
من جهه يحبك او مايحبك هالشي ماراح يحسه الاانتي

بس ماعجبتني سالفه انه يبيك تعطينه بطاقتك ويتصرف بفلوسك مو حلوه منه ابد

وكل زواج فيه مشاكل سواء كبيره او صغيره

الصغيره ملح الحياه

موفقه وطمنينا عليك


توقيع


رد مع اقتباس
ام مقبل .. غير متواجد حالياً  



16-09-1429 هـ, 10:27 صباحاً
#3
متري والله انا مو متزوجة بس اختي متزوجة واعرف عن علاقتها من طقطق لسلام عليكم
ابدا ابدا ابدا موب كذا حتى اللي يقربون لنا زي مثلا بنات عمتي ابد ماهم كذا
في اخت زوج اختي وربي تصرفات زوجها زي تصرفات زوجك بالضبط بس الفرق انها ميب موظفه بس زي تصرفات زوجك وفي الاخير هي قالت خلاس مااقدر اتحمل ليش؟؟؟؟؟؟ لانه ضربها مو ضرب يعور ... لا بس ضرب لمجرد الاهانه
وتبي الطلاق
ومره تكلمت معها تقول خلاس بنى حاجز بينا مستحيل يروح وصار انسان جدا عادي بالنسبه لي
وهو يبي يرجعها علشان بناته الثنتين مو علشانها هي وهي عارفه هالشي
والله هذا حالها
بس اتمنى يكون زوجك يحبك
وانا اعتقد ان الوحده تعرف اذا زوجها يحبها ولا يكرهها
ولا عاديه عنده مجرد زوجه لايحبها ولا يكرهها

واسفه اذا تلقفت لاني ماني متزوجه بس حبيت ارد
ادعي لي اتزوج


توقيع

ادعوا لي يابنات ان الله يرزقني بالزوج عاااااااااجلا غير آجل مليييييييييت وانا انتظر هالمعرس الي مايبي يجي

اللهم عجل بنقلي واجمعني بـ أمي وأبي واخوتي فقد جفت الدموع وتعب القلب من الفراق
رد مع اقتباس
ملوووووكة غير متواجد حالياً  



16-09-1429 هـ, 02:59 مساءً
#4
الرجل مايحب المراة النكدية واذا صاريعلق عادي طنشي خليه يحس انك ثقيله مهوب كل كلمه تردين عليه ورجال مايحب الحرمه الي ترد عليه والبطاقه اسمحيلي يبغي ياخذة علشان يتحكم فيك و بس وزو جك احسه ماعنده ثقه في نفسه كانه بس يبغي يفرض شخصيته وبس يمكن واقع تحت تاثير زملاء الي يعلقون عليهم وبس لان بعض زملاء يغارون اذا شافوا الرجل زوجته متوظفه وخليك ثقيله وبالتوفيق


توقيع


رد مع اقتباس
يمامه تو غير متواجد حالياً  



16-09-1429 هـ, 03:20 مساءً
#5
الله يسخره لك ويصب محبتك في قلبة صبــــــــآ
تدرين اين المشكله ؟؟

وظيفتك الرجل مايحب تكون زوجتة مثلة يكون حاسس بالنقص وانها مثلة
بالمال والوظيفة

حسسي زوجك بانه كل شئ بحياتك وانك بدونه ولاشئ <<<<<بالكلام طبعا
تواضعي قدامة
ابتسمي بوجهه بيني له انك مشتاقة له وانه يهمك حسسية باهميتة عندك

وان شاء الله يذوب عندك


توقيع


رد مع اقتباس
الواضحــةالصريحة غير متواجد حالياً  



16-09-1429 هـ, 03:31 مساءً
#6
اهم شي بالمووضوع

انا كنت مثلك تعلمت القناعه وعلمته


والحمد لله مشت حياتي احسن عن اول

مافي مثثثثثثثثثثثثثل القناعه لكلا الطرفين

والحب شي ماا يعرفه احد غير الزوجه

والله يديم الود


توقيع



يارب نولني اللي ببالي عاجلا لا اجل يارب امين

يارب اعطني فرحا يجعلني اخر لك ساجده لك باكيه لك شاكره

رد مع اقتباس
~¤§مبدعـــــــه§¤~ غير متواجد حالياً  



16-09-1429 هـ, 04:30 مساءً
#7
الله يكون في عونك ويسخر لك زوجك يارب


توقيع

أستغفر الله وأتوب إليه

بنات الله يحقق لكم ما تتمنون أدعوالي أكمل دراستي
رد مع اقتباس
لمارا غير متواجد حالياً  



16-09-1429 هـ, 05:19 مساءً
#8
يا اختي باين ان زوجك طيب فلا تخسريه

مع اني اقرا بعيونه و تصرفاته علامات الندم والتاسف ,,
هذي ميزة له الحمد لله لا تقولي ابغاه يعتذر هذي مستحيل

مستحيل تلاقي رجال يعتذر الا فيما ندر

لا تكوني نكدية وسعي صدرك واذا بدا ينرفزك اسفهيه وغيري الموضوع

صدقيني كذا بتصرفاتك راح تخليه يكره القعده بالبيت والقعده معاك

ما طلع القمامه عادي خليها عند الباب كيفه

ماجاب اغراض البيت كيفه

انتي سوي اللي عليك وذكريه

والباقي لا تشيلين همه

انا اعرف هالنوعية من الرجال

اللي ما يسوون بشئ الا بطلوع الروح

هم لو تطلبين منهم طلب مرة وحده او تكررينه مية مرة بصراخ وهواش

نفس الشئ عنده.. لو كان بيسويه بيسويه ولو ما اهتوى ما سواه

يعني ازعاجك له ما جاب الا انه ينفر منك انتي

انصحك تغيري طريقتك معه

لانه مع الوقت تقلل من محبة زوجك لك

دعواتي لك بالتوفيق


رد مع اقتباس
أم عثومي غير متواجد حالياً  



16-09-1429 هـ, 06:06 مساءً
#9
الله يجزاكم خير و يوفقكم ....طمنتوني ...

شكرا لك و الله يوفقك يا ام عثمان ...طمنتيني واجد ...


اقولك هو ما يهمه فلوسي ...بس دايم يحاول ينرفزني فيها ...


لانه هو عنده اكثر مني ...



والي مجنني اكثر انه حنون و عطوف في بعض المواقف ...واحيانا ما يتحمل نفسه ....يطول صوته ...يمد ايده ..

واذا ناقشته ..قال ( انتي طلعتيني عن طوري ) يمكن معه حق ...


بس هو ما يحس انه هو كمان مطلعني من طوري ...



يعني المرأة مسكينة لازم هي الي تنازل و تتواضع و و تضحي علشان يحبها ..

بس اذا كان هذا الشيئ ما يقدر بصورة واضحة ...يصير مجهود ضائع ...

الي قاهرني انه ما يعرف يعبر ....

يعني ما ادري كم مدى حبه لي ؟؟؟


الله يعين بس ....تعبتكم معاي مشكورين حبايبي ...


الله يسخر لي و لكم ازواجكم ...قولوا امين ؟؟؟



ابحاول اطبق الي قلتولي عليه والله يعين ان شاء الله و يفرجها من عنده ....


رد مع اقتباس
$فجرالعيد$ غير متواجد حالياً  



16-09-1429 هـ, 06:13 مساءً
#10
الزواج حبيبتي يمر بمراحل وأنتم آلآن بمرحلة الروتين

لذلك تكثر مشاكلكم يبغالكم تجددون أشتياقكم لبعض

يعني أذا ممكن كانوا أهلك ساكنين بعيد تروحيلهم لحد بعدالعيد تقوليله أبغى أزورهم

زمنها عشان تشتاقون لبعض شوي وتهداء المشاكل <<<<<<<<<< لاتفهمين كلامي معناته أزعلي لا أنا بريئة من الشي ذا


رد مع اقتباس
pink fo0ofo0o غير متواجد حالياً  



إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع


الساعة الآن 04:46 .