السعودية - الرياض
للنقل وتوصيل العفش
للنقل والتوصيل والفك التركيب داخل وخارج الرياض 0562086518
                 

السعودية - الرياض
للنقل وتوصيل العفش
للنقل والتوصيل والفك التركيب داخل وخارج الرياض 0562086518
قديم 16-09-1429 هـ, 10:09 صباحاً   #1
$فجرالعيد$

عضوة فعالة
 
الصورة الرمزية $فجرالعيد$
 
تاريخ التسجيل: 27-01-1428 هـ
المشاركات: 556


للجـــــادات فقط ..كيف اعرف ان زوجي يحبني ؟؟؟؟

الكتاب باين من عنوانه ....


كيف حالكم يا اخواتي ؟؟؟وش اخباركم مع رجالكم برمضان ؟؟؟

يقولون ( زوجك جنتك و نارك ) والله الكلام قوي ...

ابتكلم معاكم بكل صراحة ..وابغاكم تفهموني و تعلموني ...هل هذا صح او لا ..بحكم ان ما عندي خوات متزوجات او اكبر مني ....اعتبركم انتم خواتي ...


يعني انا محتارة مرررررررة مع زوجي ...ساعات احس انه يحبني (بس مو من قلب ) و ساعات احس انه ...بارد و ما عنده عواطف ولا يعبر عن اي شيئ يشوفه جديد ...سواء لبس او طبخ او مكياج ...( كله واحد )...
وانا اتحمس بس على الفاضي ....
و اذا صار بيننا مشادة كلامية على اي سبب ...يبدأ ينرفزني و يذكرني بمواقف سابقة خلصت و سبق و اتفقنا ننساها ..يعني انا أطبق بس هو لا ...!!( هل ازواجكم كذا ؟؟)
واغلب المشادات الكلامية و النرفزة تجي من طرفين :

1- ( الفلوس) لاني موظفة ...( هو كمان نفس وظيفتي و اعلى من راتبي ) بس ما دري وش اللي قاهره ...مع اني ما اقصر و لاني بخيلة ...وهو يعرف الشيئ هذا ...بس لازم يقارني بوحدة من خواته ( معطية بطاقتها الصرافة لزوجها يتصرف بفلوسها على كيفه ) ...فأنا بنظره ...زوجة غير متعاونة ...

2- (طبيعته الباردة) ...ياناس اذا جيته بالهداوة ...قالي خلاص بكرا /بعدشوي/بعدين/....ولا يمشي الا اذا رفعت صوتي وصارت هوشة .....مثال / اذا تعطل شيئ بالبيت / اخراج القمامة (وانتم بكرامة) /اغراض من البقالة /.....تعبت منه يا ناااااس ...


شوفو كيف ...يعني حتى خناقاتنا مهي منطقية ابدا ...يعني انا اتكلم عن قضية ..والاخ يبدأ يتهرب منها و ينرفزني بقضية ثانية ...لحد مااااااااااااااااا ..انفجر و اولع و اجيب كل الكلمات ( الحلوة ) ....افهموها ....
وبعدين يقول لي ...انتي الي كلامك حاد وانتي ما تحترميني وووو .....طيب هو الي نرفزني ..ما كان في بالي كل هذا ...انا طبيعتي حساسة ...ولا تقولون تحملي و اسكتي ...لاني حتى لو اسكت يستمر بتعليقاته البايخة ...انا
جربت اسوي كذا ...بس جاني صداع و ضغط ...واذا رديت و عليت صوتي ...نخربها ,,,هالايام وصلت الى الضرب ...
تخيلوا ...ما عمره مد يده على احد ...و بعدين ...ازعل ...ابكي ...كله واحد ...ما يعرف يعتذر ...يسكت و يحس بالذنب ...مع اني اقرا بعيونه و تصرفاته علامات الندم والتاسف ,,,لكن بدون كلام ...ليييييييييييش ؟؟؟وشلون اخليه يتكلم ....انا صراحة زعلي كثير عليه من يوم ما تزوجنا بسبب تصرفاته ...يقولي انتي زعول وهذا قاهرني فيك و الحريم واجد ...

والله حالتنا هالايام تعبانة ...وجافة بلا رومانسية ..لا كلام عذب ...بلا اي شيئ ...مجرد اكل و نوم و اوامر وانترنت وطلعات للسوق و طلعات للمطاعم ...بس ...يعني ما فيها روح ...ما لها طعم ..كل واحد يؤدي الي عليه و بس ...كأننا بمكان عمل ...


تعبت وانا اكلمه ...خصص لنا ليلة ...بس كل يوم يقول يسهل الله ...ما بقى فيني امل ...

يعني واذا صار رايق ...اللعب و الدلال و الدلع و الحب ...كله لبنته ...الي عمرها 5 سنوات الله يخليها ..واختها الصغيرة

لها 7 شهور ...او يطلع مع اصدقاؤه كل ليلة ...

والله اني انقهررو ودي ابكي ..وبكيت ومليت .. وعجزت الاقي له حل ...


هل هذي حياة ؟؟؟ هذي اقرب للموت ...لكن الحمد لله على كل حال ...


يعني تصرفاته كذا ..تخليني احس انه ما يحبني ...بس يجي يضيع وقت بالبيت و يلبي طلباتنا الضرورية و يطلع...


هذه الايام نعيش انا وياه حالة زعل و افتراق .. .وصلت الى انه ضربني ..لانه يوميا بعد التراويح يطلع و ما يجي الا الساعة 1 ,,و يقعد مع بناته و بعدين يكلم صديقه يسهر معاه ...او يضيع وقت ..وبعدين ينام ...هل هذي حالة ؟؟؟

الضرب ما كان مقصود او مؤلم ...بس مجرد اهانة من الاخ ...



المهم ....كل هذا مو هامني ...لاني تعودت ...و قاعدة ادعي اليليل و النهار ...ان الله يفرجها لي و للمسلمين ...


اللي هامني شيئ واحد ....هل هو يحبني من جد او لا ؟؟؟

او يعني وشلون اعرف مدى حبه لي .؟؟؟ قوي او ضعيف ...؟؟؟

واللي زوجها يحبها مررررررررررررة ..؟؟؟هل يصير بينهم هالخلافات و المشاكل ؟؟او لا ؟؟


الله يعافيكم ساعدوني على هالسؤال ...؟؟؟ يحبني ولا ما يحبني ؟؟؟( اتكلم كأني مجنونة ) بعذري ...



طيب ...واذا بغيته يحبني مررررررررررررررررررررة ( يعني ما يفكر بالزواج علي ) وش اسوي له ؟؟؟

السعودية - الرياض
للنقل وتوصيل العفش
للنقل والتوصيل والفك التركيب داخل وخارج الرياض 0562086518


$فجرالعيد$ غير متواجد حالياً رد مع اقتباس إرسال الموضوع إلى الفيس بوك إرسال الموضوع إلى تويتر


قديم 16-09-1429 هـ, 10:20 صباحاً   #2
ام مقبل ..

محررة برونزية
 
الصورة الرمزية ام مقبل ..
 
تاريخ التسجيل: 08-01-1428 هـ
المشاركات: 2,189

مميزه 8-1428هـ
مميزه  8-1428هـ


من جهه يحبك او مايحبك هالشي ماراح يحسه الاانتي

بس ماعجبتني سالفه انه يبيك تعطينه بطاقتك ويتصرف بفلوسك مو حلوه منه ابد

وكل زواج فيه مشاكل سواء كبيره او صغيره

الصغيره ملح الحياه

موفقه وطمنينا عليك



ام مقبل .. غير متواجد حالياً رد مع اقتباس

قديم 16-09-1429 هـ, 10:27 صباحاً   #3
ملوووووكة

عضوة مميزة
 
الصورة الرمزية ملوووووكة
 
تاريخ التسجيل: 22-03-1429 هـ
المشاركات: 2,455


متري والله انا مو متزوجة بس اختي متزوجة واعرف عن علاقتها من طقطق لسلام عليكم
ابدا ابدا ابدا موب كذا حتى اللي يقربون لنا زي مثلا بنات عمتي ابد ماهم كذا
في اخت زوج اختي وربي تصرفات زوجها زي تصرفات زوجك بالضبط بس الفرق انها ميب موظفه بس زي تصرفات زوجك وفي الاخير هي قالت خلاس مااقدر اتحمل ليش؟؟؟؟؟؟ لانه ضربها مو ضرب يعور ... لا بس ضرب لمجرد الاهانه
وتبي الطلاق
ومره تكلمت معها تقول خلاس بنى حاجز بينا مستحيل يروح وصار انسان جدا عادي بالنسبه لي
وهو يبي يرجعها علشان بناته الثنتين مو علشانها هي وهي عارفه هالشي
والله هذا حالها
بس اتمنى يكون زوجك يحبك
وانا اعتقد ان الوحده تعرف اذا زوجها يحبها ولا يكرهها
ولا عاديه عنده مجرد زوجه لايحبها ولا يكرهها

واسفه اذا تلقفت لاني ماني متزوجه بس حبيت ارد
ادعي لي اتزوج



ادعوا لي يابنات ان الله يرزقني بالزوج عاااااااااجلا غير آجل مليييييييييت وانا انتظر هالمعرس الي مايبي يجي

اللهم عجل بنقلي واجمعني بـ أمي وأبي واخوتي فقد جفت الدموع وتعب القلب من الفراق
ملوووووكة غير متواجد حالياً رد مع اقتباس

قديم 16-09-1429 هـ, 02:59 مساءً   #4
يمامه تو

محررة ذهبية
 
تاريخ التسجيل: 17-01-1429 هـ
المشاركات: 4,270


الرجل مايحب المراة النكدية واذا صاريعلق عادي طنشي خليه يحس انك ثقيله مهوب كل كلمه تردين عليه ورجال مايحب الحرمه الي ترد عليه والبطاقه اسمحيلي يبغي ياخذة علشان يتحكم فيك و بس وزو جك احسه ماعنده ثقه في نفسه كانه بس يبغي يفرض شخصيته وبس يمكن واقع تحت تاثير زملاء الي يعلقون عليهم وبس لان بعض زملاء يغارون اذا شافوا الرجل زوجته متوظفه وخليك ثقيله وبالتوفيق



يمامه تو غير متواجد حالياً رد مع اقتباس

قديم 16-09-1429 هـ, 03:20 مساءً   #5
الواضحــةالصريحة

محررة
 
الصورة الرمزية الواضحــةالصريحة
 
تاريخ التسجيل: 20-01-1429 هـ
المشاركات: 1,610


الله يسخره لك ويصب محبتك في قلبة صبــــــــآ
تدرين اين المشكله ؟؟

وظيفتك الرجل مايحب تكون زوجتة مثلة يكون حاسس بالنقص وانها مثلة
بالمال والوظيفة

حسسي زوجك بانه كل شئ بحياتك وانك بدونه ولاشئ <<<<<بالكلام طبعا
تواضعي قدامة
ابتسمي بوجهه بيني له انك مشتاقة له وانه يهمك حسسية باهميتة عندك

وان شاء الله يذوب عندك



الواضحــةالصريحة غير متواجد حالياً رد مع اقتباس

قديم 16-09-1429 هـ, 03:31 مساءً   #6
~¤§مبدعـــــــه§¤~

محررة ماسية
 
الصورة الرمزية ~¤§مبدعـــــــه§¤~
 
تاريخ التسجيل: 08-01-1428 هـ
المشاركات: 5,460


اهم شي بالمووضوع

انا كنت مثلك تعلمت القناعه وعلمته


والحمد لله مشت حياتي احسن عن اول

مافي مثثثثثثثثثثثثثل القناعه لكلا الطرفين

والحب شي ماا يعرفه احد غير الزوجه

والله يديم الود





يارب نولني اللي ببالي عاجلا لا اجل يارب امين

يارب اعطني فرحا يجعلني اخر لك ساجده لك باكيه لك شاكره
~¤§مبدعـــــــه§¤~ غير متواجد حالياً رد مع اقتباس

قديم 16-09-1429 هـ, 04:30 مساءً   #7
لمارا

عضوة فعالة
 
الصورة الرمزية لمارا
 
تاريخ التسجيل: 12-01-1426 هـ
المشاركات: 586


الله يكون في عونك ويسخر لك زوجك يارب



أستغفر الله وأتوب إليه

بنات الله يحقق لكم ما تتمنون أدعوالي أكمل دراستي
لمارا غير متواجد حالياً رد مع اقتباس

قديم 16-09-1429 هـ, 05:19 مساءً   #8
أم عثومي
تاجرة
 
الصورة الرمزية أم عثومي
 
تاريخ التسجيل: 13-09-1428 هـ
المشاركات: 2,204






يا اختي باين ان زوجك طيب فلا تخسريه

مع اني اقرا بعيونه و تصرفاته علامات الندم والتاسف ,,
هذي ميزة له الحمد لله لا تقولي ابغاه يعتذر هذي مستحيل

مستحيل تلاقي رجال يعتذر الا فيما ندر

لا تكوني نكدية وسعي صدرك واذا بدا ينرفزك اسفهيه وغيري الموضوع

صدقيني كذا بتصرفاتك راح تخليه يكره القعده بالبيت والقعده معاك

ما طلع القمامه عادي خليها عند الباب كيفه

ماجاب اغراض البيت كيفه

انتي سوي اللي عليك وذكريه

والباقي لا تشيلين همه

انا اعرف هالنوعية من الرجال

اللي ما يسوون بشئ الا بطلوع الروح

هم لو تطلبين منهم طلب مرة وحده او تكررينه مية مرة بصراخ وهواش

نفس الشئ عنده.. لو كان بيسويه بيسويه ولو ما اهتوى ما سواه

يعني ازعاجك له ما جاب الا انه ينفر منك انتي

انصحك تغيري طريقتك معه

لانه مع الوقت تقلل من محبة زوجك لك

دعواتي لك بالتوفيق


أم عثومي غير متواجد حالياً رد مع اقتباس

قديم 16-09-1429 هـ, 06:06 مساءً   #9
$فجرالعيد$

عضوة فعالة
 
الصورة الرمزية $فجرالعيد$
 
تاريخ التسجيل: 27-01-1428 هـ
المشاركات: 556


الله يجزاكم خير و يوفقكم ....طمنتوني ...

شكرا لك و الله يوفقك يا ام عثمان ...طمنتيني واجد ...


اقولك هو ما يهمه فلوسي ...بس دايم يحاول ينرفزني فيها ...


لانه هو عنده اكثر مني ...



والي مجنني اكثر انه حنون و عطوف في بعض المواقف ...واحيانا ما يتحمل نفسه ....يطول صوته ...يمد ايده ..

واذا ناقشته ..قال ( انتي طلعتيني عن طوري ) يمكن معه حق ...


بس هو ما يحس انه هو كمان مطلعني من طوري ...



يعني المرأة مسكينة لازم هي الي تنازل و تتواضع و و تضحي علشان يحبها ..

بس اذا كان هذا الشيئ ما يقدر بصورة واضحة ...يصير مجهود ضائع ...

الي قاهرني انه ما يعرف يعبر ....

يعني ما ادري كم مدى حبه لي ؟؟؟


الله يعين بس ....تعبتكم معاي مشكورين حبايبي ...


الله يسخر لي و لكم ازواجكم ...قولوا امين ؟؟؟



ابحاول اطبق الي قلتولي عليه والله يعين ان شاء الله و يفرجها من عنده ....


$فجرالعيد$ غير متواجد حالياً رد مع اقتباس

قديم 16-09-1429 هـ, 06:13 مساءً   #10
pink fo0ofo0o

كبيرة محررات
 
الصورة الرمزية pink fo0ofo0o
 
تاريخ التسجيل: 25-03-1429 هـ
المشاركات: 8,511


الزواج حبيبتي يمر بمراحل وأنتم آلآن بمرحلة الروتين

لذلك تكثر مشاكلكم يبغالكم تجددون أشتياقكم لبعض

يعني أذا ممكن كانوا أهلك ساكنين بعيد تروحيلهم لحد بعدالعيد تقوليله أبغى أزورهم

زمنها عشان تشتاقون لبعض شوي وتهداء المشاكل <<<<<<<<<< لاتفهمين كلامي معناته أزعلي لا أنا بريئة من الشي ذا


pink fo0ofo0o غير متواجد حالياً رد مع اقتباس

إضافة رد







أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع


الساعة الآن 08:38 .


شات عالم حواء
تابعونا على Google+
تابعونا على instagram
تابعونا على twitter
تابعونا على Facebook