07-07-1428 هـ, 01:47 صباحاً
السلام عليكم...

بنتي عمرها سنتين وابغى اوديها حضانه بس تكون لغتهم الاولى انجليزي ,,,

واتمنى انها تكون بشرق الرياض وياليت تقولون كيف اقساطهم

ولو مافيه بشرق الرياض اقرب شي للشرق

وشكرا
07-07-1428 هـ, 03:16 صباحاً
عزيزتي فيه مدرسة الملك خالد العالمية في طريق النهضة خلف تايوتا الي أول طريق خريص بعد كوبري الخليج بالنسبة لأقساطهم ماعندي خلفية ...
07-07-1428 هـ, 02:51 مساءً
شكرا ياقلبي تسلمين

محد يعرف بعد مدارس ثانيه؟؟
07-07-1428 هـ, 03:06 مساءً
ياهلا..
يسعدني جدا ان اشارك بموضوعك..
انا كذلك كان ودي ادخل ولدي وبحثت لقيت في الروضة مدارس النهضة العالمية..ابد شارع احسن بن علي قبل بنك الراجحي الجديد لفي يمين وبتلي تجي المدرسة على ايديك اليسار..
بس لي تعليق انا دخلت لها صدمت..
المبنى ماهو مؤهل ابدا الدربزين حق الدرج يتهزهز والبيبان مالها يدات !!!!! ماادري هم بيصلحون او هم وضعهم كذا..
عزيزتي في مدارس التميز بشارع الكهرب بعد عطار العود لفي يمين يمدحونها مررة بتعليم العربي ولانجليزي والدين مره ممتازين رحت بشوفيهم بس لقيتهم مسكرين اول اسبوع من الاجازة..
وفيه Day Care الي في مستشفى الحرس هذا ولدك يطلع بلبل بالانجليزي شوف عيني حتى يعلمونه قطع البامبرز ويعلمونه اشياء كثير بس انو ماتحسب لولدك انه درس يعني مو معترف فيها..
الظاهر قصطهم بالشهر 750 (((( مو متأكدة))))والي يدرسونهم كلهم اجانب..
أمممممممممممممم
وش بعد ...اول ما اتذكر راح افيدك..
سلامتك
07-07-1428 هـ, 03:38 مساءً
مشكوره يا قلبي

بالنسبهday care حقت الحرس فعلا ممتااازه جدا ,,,

بس الي اعرفه ان بس موظفين المستشفى هم الي مسموح يحطوا اطفالهم فيها ,,,

ياليت تقولين لي اذا معلومتي صحيحه او لا ؟؟
07-07-1428 هـ, 03:40 مساءً
انتي ولدك كم عمره؟؟؟

وشو قررتي تدخلينه أي مدرسه؟؟
07-07-1428 هـ, 04:57 مساءً
انا اعرف Day Care قريب من حي الريان مره ممتاز وهو داخل كامب اجانب بس المشكله عليه زحمه ماااااااااره لازم تستنين دورك اذا تبينه عندي الرقم راسليني على الخاص
وفيه الملك عبد العزيز بالسليمانيه مبناهم روووووووعه وفيه وحده هنا مدحت لي المدارس المتحده العالميه بس ما ادري وين موقعها وعندي ارقامهم اذا تبين
07-07-1428 هـ, 06:55 مساءً
شكرا ياقلبي وانا ارسلت لك على الخاص

وياليت لو احد عنده بعد خيارات ثانيه
07-07-1428 هـ, 10:54 مساءً
بنات كم اقساط مدارس الملك عبد العزيز العالميه
08-07-1428 هـ, 02:12 صباحاً
اقتباس مشاركة  (أم نوف ونايف)
مشكوره يا قلبي

بالنسبهday care حقت الحرس فعلا ممتااازه جدا ,,,

بس الي اعرفه ان بس موظفين المستشفى هم الي مسموح يحطوا اطفالهم فيها ,,,

ياليت تقولين لي اذا معلومتي صحيحه او لا ؟؟
عزيزتي ..
نعم يقبلون اطفال من خارج الحرس....هذا الي سمعته من امهات كانوا عيالهم بالحرس وكاتوا يشوفون عيال ثانين اهلهم مايشتغلون بالحرس..
و***** الله بنتابع الموضوع معك..


الساعة الآن 05:05 .

جميع الحقوق محفوظة - عالم حواء - 2015