02-09-1429 هـ, 05:08 مساءً
مراااااحب

اتمنى تساعدوووني

انا توي عروس ومو عارفه انظم وقتي تعب احس البيت حوسه
وكمان رمضان جاء
من جد حايسه ومااحب اشتغل وزوجي مقابلني مااخذ راحتي

ومن غير التعليقاااات
قبل في بيت اهلى عندنا شغاله بس كنت اساعد في البيت واعرف الحمد لله

اللحين ماادري نسيت كل شي
ساعدوووني مين عندها حل
لو جدول لترتيب البيت يكون سهل
تكفوووووون ساعدوووووووووووني
02-09-1429 هـ, 06:28 مساءً
حبيبتي انا بعد اول ماتزوجت كنت حايسه في شغل البيت مع اني متعوده عالشغل ببيت اهلي لكن بعد الزواج كل شئ يصير عليك
والمسؤليه تزيد, افضل نظام في رمضان اللي مشى معاية اني اصحى اصلي الظهر وارتب البيت من تكنيس وغسيل حمامات واحط الغسيل في الغساله وابدا تجهيز الاكل واشرف على الغسيل واحاول اني انشره قبل المغرب , بتحسيه صعب في البدايه لكن مع الوقت راح تتعودي عليه وتنجزيه في وقت اقل, اتمنى اكون افدتك وموفقه يالغاليه
02-09-1429 هـ, 09:13 مساءً
حبيبتي
انا طريقتي سهله
مع السحور انظف البيت واغسل الحمامات والملابس ( غسالتي اوتوماتيك ) تريحك جدا وبعين اصلي الفجر وانام
واقوم اصلي الظهر واريح نفسي الى صلاة العصر وبعدين ادخل المطبخ احضر الفطور
اما الاكل اجهز كل خميس ( سمبوسة - سبرنج رول - تنظيف الخضار تجهيز الاسبوع كله )
بس الي يتعب المواعين وخاصة انا عندي ولد عمره سنه ومتعبني
اتمنى تستفيدين
02-09-1429 هـ, 09:40 مساءً
اختي حاولي ماتستخدمون كل الغرف
انتي تقولين انك توك متزوجه يعني ماتحتاجين الا لغرفة المعيشه والنوم وحمام ومطبخ
المجالس كنسيها وامسحيها وتكفيها اسبوع لاتستعمليها
غرفة المعيشه قبل نومك اكنسيها ورتبيها تصحين انتي وزوجك تلقينها نظيفه ومرتبه
المطبخ حاولي اول باول كل ماستعملتي صحن اغسليه لاتخلينها تتجمع
وحاولي اذا طبختي ماتوصخين وراك عشان توفرين تنظيف
الفرن حاولي يبقى نظيف
الغسيل بس انتي وزوجك يعني مره بالاسبوع
خليه الثلاثاء عشان الاربعاء والخميس والجمعه اذا يتطلعون او احد جاي تحصلون ملابس
الطبخ في رمضان حاولي تزيدين الكميه عشان يكفيكم تستعملونه كذا مره
بالمختصر حاولي تمشين على جدول ونظام لين تتعودين عليه من نفسك
اتمنى اني افدتك
02-09-1429 هـ, 10:08 مساءً
الله يعينك
03-09-1429 هـ, 02:26 صباحاً
يالله توك عروس وما تعرفين ترتبين البيت تعالي شوفي جدولي وقولي لي وش رايك فيه
اولا انا عندي عيالي بين بنات واولاد 9 ما شاء الله ولا قوة الا بالله وعندي الفطور يتجمع اخوان زوجي وعيالهم عندنا يوم عندنا ويوم عند اخوانه وكل يوم لازم انسوي فطور عشان زوجي ما يحب ياكل الا من اكلنا الي نسويه فا ترتيبي على النحو التالي :

في الليل وانا احظر السحور اسوي الحلى والف السمبوسة واعجن للفطاير واحطها بالثلاجة وبعد ما اتسحر انا وابو الشباب والشباب اقوم انا وبنتي الله يحفظها لي عمرها 14 سنه وننظف المجالس والحمامات وانتم بكرامة ونبخرها ونقفلها وبعد الصلاة

ننام الين صلاة الظهر ونقوم ونقوم الصغار ونفطرهم ويرجعون ينامون والكبار كل واحد يروح له في لزوم

نبدا ء في تحظير الفطور من شوربة واطباق رئيسية ووقت العصر نصلي وتروح بنتي وتقوم خواتها واخوانها وتغيرلهم ملابسهم

وتهتم فيهم وانا عاد شغلي في المطبخ احظر باقي الفطور وارجع للغرف والصاله وارتبها بشكل سريع و نمد السفر

ويجون الرجال ويفطرون وبعد كذا تبتدي الحوسه والمواعين وتنظيف المطبخ الي ياخذ له تقريبا من ساعة ونص الى ساعتين

نرتاح شوي وبعدين اروح للمسجد واصلي وبعد التراويح اجي واكمل شغل البيت قبل لا احد يدخل علي وثاني يوم يكون في برنامجي غسيل الملابس والكوي لاني ما اقدر اخليه يتراكم عشان عيالي صغار ويحتاجون غيار على طول
واسوي فطور بسيط يعني ما اكثر اصناف لاني اكون هلكانه من اليوم الي قبله وهذا حالي طول شهر رمضان
فخلي الدلع ورتبي وقتك على حسب حاجتك

ما اقول الله لا يحرمنا اجره ويقبل منا الصيام والقيام ويجعلنا من عتقائه
03-09-1429 هـ, 03:07 صباحاً
جزاكم الله الجنه كل من رد علي \
الله يعطيكم العافيه ماقصرتوا

حمستوني
04-09-1429 هـ, 12:18 صباحاً
الله يعينك
اللهم اصلح اولادي وزوجي وحقق لي مناتي قولوا
امين
04-09-1429 هـ, 02:05 مساءً
حياااتي لعيااالي يالله من كلامك حبيتك مدري ليه حسيت انك مكافحه ماشاء الله عليك


الساعة الآن 11:18 .

جميع الحقوق محفوظة - عالم حواء - 2015