07-08-1429 هـ, 06:55 مساءً
سلام عليكم بنات وحريم
ومساكم الله بالخير

كيف حالكم مع يوم الاحد المشمس بشده خخخخخخ
ها صمتو القضا قبل مايهل علينا رمضان؟؟ انتبهووو ترا بعدين مايمديكم
المهم
نجي للاساس

زي منتو عارفين من خلال احدى مواضيعي الدراما اللي تصير لي مع الدراسه والكليه اللي مامنها خير
بعطيكم رابط موضوعي قبل شهور وشوفو الفرق بين حالي ذيك الايام وحالي الحين

http://forum.hawaaworld.com/showthread.php?t=1145895

سلمكم الله كنت راسبه بمواد كثيره الترم الاول مع اني اجتهدت بالدراسه وتعبت بالسهر لكن لاني انتساب واول سنه بهالكليه حست الدنيا شوي <<قويه شوي هذي

بنات وقسم بالله ان حالي بهذي الاختبارات تغييير مررره
مارح تصدقون قديش صلاة الوتر باللييييل قبل اذان الفجر فادتني
سبحااان الله والله النتيجه حقت الاختبارات جات زينه واحسن من اول الحمدلله
نجحت بكل المواد الا ماده <<(الماده هذي حاله مستعصيه اغلب البنات رسبوا فيها) بس الحمدلله على كل حال.
خلوني اقولكم كيف كنت اسوي
كنت ابدا المذاكره الساعه8 ولا9 العشا واجلس ساعه كامله على صفحتين من كثر مالدروس غريبه علي ومااستوعبها وتجي الساعه 12 وانا يمممممممممممممممممه لسه توني ببداية الكتاب ومتى بنام !!
واجلس اتنقل بين الكتب واشوفلي شي افهمه واطلع فيه من هذي المذاكره ,تقريبا اغلب المواد الماده الوحده اكثر من كتاب .
وكانت تجي الساعه ثلاثه 3 الفجر وانا في يأس وهم لا يعلم فيه الا الله خاصة ان انا راسبه بشلة مواد الترم الاول
يعني المفروض اشد حيلي بالترم الثاني
وقلت خلاص مافيها مستحيل اخلص الكتب خلوني اروح اصلي الوتر وادعي ربي
واستمريت على هذي الحال طول ايام الاختبارات كل ليله قبل صلاة الفجر اصلي ركعتين وادعي من قلب
وطول الطريق وانا رايحه للكليه اقول (ربي اني لما انزلت لي من خير فقير) 100 مره
واستغفر 100 مره بعد
وتوكلت على الله وانا عارفه ان المعلومات اللي براسي مستحيل انجح فيها
لكن الحمدلله ربي عوضني وسهل علي وعرفت اجاوب على الاسئلة من ضمن اللي ذاكرته.
بنااااااااات الدعاء والاستغفار لازم معاهم توكل
اذا استغفرتي وذكرتي الله كثير وتوكلتي عليه قلبك يصير قوي وتصيرين قادره على تحمل مشاكل الحياه ومواجهتها
ولا تصيرين ساخطه شوفو انا جيتكم واقولكم ناجحه وانا راسبه بماده, بس من فرحتي بنجاحي بالمواد الباقيه معتبره نفسي ناجحه

ملاحظه : (ربي اني لما انزلت لي من خير فقير) مو بس تقولها اللي تبي تتزوج ..هذا الدعاء للرزق بشكل عام وان ربي يوفقك ويسهل عليك.

هذا برنامج بسيط وماياخذ وقت مشيت عليه وقت الاختبارات وشوفو كيف كانت النتيجه
اشحال لو نداوم على صلاة الوتر والدعاء ونتوكل على الله بكل شي !!
07-08-1429 هـ, 07:08 مساءً
جزاك الله خير

ةربي يتمم علييك
07-08-1429 هـ, 07:12 مساءً
جزاااااااك الله الف خير

(ربي اني لما انزلت لي من خير فقير)
إستغفر الله الذي لا إله إلا هو الحي القيوم واتوب إليهاللهم يامسبب الاسباب يافاتح الابواب ياسامع الاصوات يامجيب الدعوات ياقاضي الحاجاتارزقني بالزوج الصالح ووفق بيننا وارزقني ماتمناه وكل من قال أمين .
07-08-1429 هـ, 07:18 مساءً
ماشاالله عليك

ربي اني لما انزلت الي من خير فقير

07-08-1429 هـ, 07:23 مساءً
ما شاء الله عليك

بس أحب أنبه لشيء ....

الادعيه ما نحدد كم مره نقولها إلا بنص شرعي ..

يعني مثلا آية (رب اني لما أنزلت إلي من خير فقر) ما ورد بنص شرعي إنها تكرر كذا من المرات .. وإنما هو دعاء عام ..

بالتوفيق أختي
07-08-1429 هـ, 07:59 مساءً
اقتباس مشاركة  (أ.د/فوائد)
ما شاء الله عليك

بس أحب أنبه لشيء ....

الادعيه ما نحدد كم مره نقولها إلا بنص شرعي ..

يعني مثلا آية (رب اني لما أنزلت إلي من خير فقر) ما ورد بنص شرعي إنها تكرر كذا من المرات .. وإنما هو دعاء عام ..

بالتوفيق أختي
اهلين ..
اي قلبي فاهمه عليك
انا لما قلت 100 مره مو القصد انها تكرر 100 كشرط او شيء هذا القبيل...
بس الواحد لازم يعود لسانه على تكرار الاذكار والادعيه والايات مهما كان العدد واكيد الزياده فيها اجر لنا وفايدة في الدنيا والاخره.
تسلمين قلبي على التنبيه
وبنات جزاكم الله خير على الردود.
07-08-1429 هـ, 08:02 مساءً
جوزيتي خيرا الله يفرج همي
07-08-1429 هـ, 08:02 مساءً
ماشاء الله تبارك الله

اولا": مبرووووووووك النجاح المفروض نسوي لك حفله في المنتدى
لان نجاحك والله انجاز بالنسبة لوحده انتساب

ثنانيا": شكرا على ذكر تجربتك اللي راح تفيدينا كلنا يالغالية وجزاك الله عنا كل خير

ثالثا" : ادري طولتها وهي قصيرة بس تحمليني
صيغة الدعاء "ربي إني لماانزلت الي من خير فقير "
تراي كنت غشيمة بس تعلمت من البنات هنا وحبيت انبهك

والله يوفقك يارب وفالك التخرج والوظيفة
ربي إني لما انزلت إلي من خير فقير
ربي إني مسني الضر وانت ارحم الراحمين

يافتاح افتح لي كل باب خير،يارزاق صب علي الرزق صباصبا،يااغني اغنني بفضلك عمن سواك،يارحمن يارحيم ارحمني برحمتك الواسعه

لم ولن اكون بدعاااائك ربي شقيّا
07-08-1429 هـ, 08:03 مساءً
ماشاءلله ربي يوفقك حبيبتي ,,
ماتعرفين كيف كلامك عطاني حماس وقوة
وتعرفين مافي احد ماله مشاكل كلنا ضعفاء عند ربنا ومالنا غنى عنه
والله يوفقك دنيا واخره
ودعواتكم لي ياخوات
07-08-1429 هـ, 08:11 مساءً
جزاك الله خير....ووفقك بدنيتك


الساعة الآن 08:06 .

جميع الحقوق محفوظة - عالم حواء - 2015