...فكرة حلوة ومرتبة لـ تغليف هدايا المواليد والرفاعة (من تصويري الخاص) ...

السلام عليكم ورحمة الله وبركاته ؛؛

هذا أول موضوع لي في هـ القسم .. وان شاء الله يعجبكم :42: ؛؛

الفكرة كلها في هالموضوع انك تلفين ملابس الـ بيبي بطريقة الرول وتربطينها
بشريطة مناسبة والأفضل تاخذين من الشرايط المكتوب عليها " Baby Boy - Baby Girl "

ترتبينها بطريقة جميلة ومتناسقه في السلة أو الصندوق
( شفت مرة فكرة وهو انك ترتبين هدايا المولود في جلاسة للطفل أو
بانيو ؛؛ الحلو في الفكرة انها الهدية منها وفيها تستفيد الأم منها كلها )

وطبعاً لازم لمسة من ابداعك بطريقة تزيينها ممكن تضيفين ألعاب للمولود
أو مستلزمات الحمام من شامبو وكريم ..

وآخر شي تغلفينها بورق سولوفان أو ممكن قماش تل أو شيفون وشرايط
تناسب لـ لون الهدية ...

واللي تحب تقدم بس رفاعة - فلوس - للمولود راح تلاحظون في الصور
طريقة حلووة وسهلة لتقديمها وبأمكانك تقدمينها لحالها بنفس الطريقة
وهي انك تجيبين تحفة صغيرة أو صندوق صغير ولونه يناسب لجنس المولود
وتحطين ورد مجفف وفوقه الفلوس وتكون ملفوفه بطريقة حلوة
ومرتبة بالشرايط ...


ملاحظات :

1/ لازم ماتنسين تشيلين السعر من على الملابس والهدايا ؛؛ قد صار لي
مره كذا واضطريت اني أفتح الهدية وأشيل أسعارها وأغلفها من جديد :09: .

2/ إذا كنتي شارية ملابس للمولود حاولي تكبيرين المقاس شوي لان بعض
الناس الله يهديهم تجيب له قطعه مقاسها نيو بورن أو من 0-3 شهور !!!
اكيد الأم تكون مقضيه للبيبي فانتي خذي مقاس 3-6 ولو أكبر مافي مشكلة .

3/ راعي وقت الجو بمقاس ملابس الطفل اللي اشتريتيها ؛؛ مثلاً :
لاتاخذي مقاس 6 شهور صيفي وانتي عارفة انه بعد 6 شهور بيكون الجو مررة بارد
واذا مالقيتي شي يناسب الجو أفضل حل تاخذين مقاس سنه ؛؛ لان لما يكمل
المولود سنه من عمرة بيكون الجو تقريباً نفسة وقت ولادته .


هذي الصور كلها من تصويري الخاص وكلها شغل يديني لمواليد قرايبي
وان شاء الله يعجبكم ويساعدكم لو بفكرة ::


...:: لاتنسوا تقولون ماشاء الله تبارك الله ::...


الهدية (1) :
























:
: