كيفكم يابنات تأخر الحمل والله لكم وحشه من اولكم لاخركم يمكن تذكروني ويمكن لا
انا كنت من رواد هالقسم من اول مافتحوه الين ربي اكرمني بالحمل ماشاء الله
وراح اقولكم وش سويت يوم حملت يمكن يكون سبب لحملكم ان شاء الله :)
اول شي النفسيييييه يعني ريحي نفسيتك وانسي التفكير بالحمل لاتقولون صعب مانقدر
والله العظيم كنت اقول الناس يقولون انسى كيف اقدر انسى بس يوم تجاهلت الموضوع وحطيت براسي
انه لو لي رزق راح اخذه ارتاحت نفسيتي الحمد لله وجلست سنه كامله وشلت الموضوع من راسي وماصار حمل
والحمد لله على كل حال وطبعا انا من النوعيه اللي اكره اني اضل كل يوم بمستشفى وادويه وخرابيط يعني اروح شهر و8 شهور اطنش طبعا مشكلتي بتأخر الحمل انقلاب بالرحم وهرمون الحليب واحيانا هرمون الذكوره مايقصر يرتفع مع الحليب طبعا انا كنت ناويه اسوي عمليه لتعديل الرحم بس رحت لدكتور وقالي مايحتاج عمليه وعدله لي بالعياده وقالي انه شوي مرتفع لفوق هذا الكلام قبل احمل بأربعه شهور تقريبا واعطاني حبوب بارلوديل لتخفيض هرمون الحليب
استمريت عليها ياطويلات العمر ثلاث شهور وبعدين تركتها طبعا في خلال هالشهر اللي تركتها كنت مشغوله بتجهيز بيتي الجديد ودراستي وشلت الموضوع من بالي وقلت بعطي نفسي سنه كامله انبسط فيها واهتم بنفسي وبشرتي وشعري وبعد السنه لو ماصار حمل بتوكل على الله واعمل اطفال انابيب طبعا انا صار لي اكثر من 5 سنه متزوجه والله مااراد لي الحمل...المهم في خلال هالشهر كنت اخذ حبوب زهره الربيع المسائيه سمعت الدكتور جابر القحطاني يمدحها وقريت عليها انها تنظم الهرمونات وتصفي البشره طبعا انا كل همي وقتها البشره وكنت اخذ معاها حبوب غذاء ملكات النحل كرتونها اسود اخذتها تقريبا ب 110 من الصيدليه هذا كله اول شي..
ثاني شي واهم شي الاستغفار والله يابنات كنت اقرا مواضيع البنات هنا بالمنتدى اللي استغفروا وكان سبب في حملهم وكنت استغفر بس ماحملت بس لله في ذلك حكمه المهم طول هالشهر كنت كل ماطلعت مشوار انا وزوجي بالسياره اقوله استغفر ونجلس نستغفر لين نوصل لمكان معين وطريقتنا في الاستغفار كانت استغفر الله وأتوب اليه
الفتره اللي استغفرنا فيها ثلاث اسابيع تقريبا وبعدها سافرت وكانت الدوره متأخره ولاجاء ببالي الحمل قلت هي دايم تتأخر ولاول مره مااشتري اختبار الحمل المنزلي وقلت خلني انبسط واذا رجعت يصير خير واخذت عمره الحمد لله ودعيييت الله كثير في الحرم وشربت ماء زمزم بنيه الحمل وكنت تقريبا طول فتره السعي استغفر ولما رجعت لبيتي كانت الدوره متأخره 12 يوم وفي اليوم 13 من تأخرها نزل مني افرازات بنيه انا قلت جت الدوره وقلت الحمد لله على كل حال وطنشت جاء اليوم الثاني ماصار ينزل مني شي ولاحظت بهاليومين اني صرت كل شوي وانا بالحمام وانتوا بكرامه زاد عندي التبول جاء اليوم 14 وقلت اتوكل على الله واروح احلل اخاف لايكون حمل ويصير اسقاط لاسمح الله ورحت حللت وطلعت النتيجه حاااامل ماشاء الله تبارك الله :icon28:انا طبعا مااستوعبت ماتتخيلون كيف هاللحظه تصيرين كنك بحلم مو مصدقه وقلت الحمد لله والشكر واول ماوصلت البيت سجدت سجود الشكر لله ...اللهم لك الحمد على مااعطيت...
اتمنى يابنات انكم تدعون لي بثبات الحمل وان الله يرزقني طفل سليم متعافي ويصلحه لي ان شاء الله
والله يرزق كل محرومه اللي حبيت اوصله لكم لاتقنطوا من رحمه الله واللي له رزق ماراح يموت قبل مايأخذه
طبعا نسيت اقولكم زوجي كان عنده دوالي وضعف بحركه الحيوانات المنويه والحمد لله على كل حال..
الله يرزقكم جميعا ولاتنسونني من الدعاء واي سؤال انا حاضره :26:
دنيتي قربه @dnyty_krbh
محررة فضية
يلزم عليك تسجيل الدخول أولًا لكتابة تعليق.
1000 مبروك وربي اسعدتي قلبي ... والفال لنا ان شاء الله ..
بسألك اختي كيف كان الجماع بما ان الرحم مقلوب .. الله يخليك ردي انا مثلك ...
بسألك اختي كيف كان الجماع بما ان الرحم مقلوب .. الله يخليك ردي انا مثلك ...
ألف مبروك أسال الله العظيم أن يقر عينك بطفل معافا كامل الخلق والخلقة
وأن يرزق جميع أجواتي في كل مكان
سؤال بسيط أختي أيش ذا الحبوب (حبوب زهره الربيع المسائيه )
ومن فين اشتريتيها وبكم سعرها
وأن يرزق جميع أجواتي في كل مكان
سؤال بسيط أختي أيش ذا الحبوب (حبوب زهره الربيع المسائيه )
ومن فين اشتريتيها وبكم سعرها
الصفحة الأخيرة
ربي يثبت حملك ويرزقك بطفل معافى
أبغى أسألك زوجك أخذ علاجات
لأن أنا سبب تأخر الحمل هو زوجي
ربي يرزقني بالحمل الساليم المعافى هذا الشهر وكل متأخره بالحمل يااااااااارب