مادري كيف ابدا بالموضوع .....وما عندي مقدره ادبيه ......بدخل بالموضوع على طول
يمكن كثر الحديث بهالوقت عن الزواج ومشاكله .......وتعبنا من الكلام
بس حبيت الخص لكم خلاصة تجاربي وتجارب مجتمعي بكم نصيحه حلوه ومفيده
في البدايه حابه اسال كل بنت وكل شاب ما تعريفكم للزواج ...؟؟؟؟
يعني الاغلبيه خاصة البنات يعتقدوم او حاطين ببالهم ....زوج وفستان وسهرات وسفر وطقطقه .....وزوج طاير فيها
هذا شي طيب وما ننكره في بداية الزواج ........بس حطو ببالكم انها فتره وتعدي
يعني يتم الزواج ويبدا شهر العسل ....شهر ....شهرين ....3 ....4
وبعدين تبدأ الحياة الجديه .......وينقلب الحال...
تلاقين الزوجه ..........
ماما .....زوجي ماصار يهتم فيني زي اول
ماما .....ماصار يفسحني زي اول
ماما ......صار يهتم بشغله ويطنشني
وتلاقين الزوج.....
ابو فلان ......مو فاضيه لي بس تروح لاهلها
ابو فلان .......ما تعبرني وبس تهتم بالبيت
لحضه .......ياعروووس ياحلو ه :27:
ولحضه..... يا معرس الغفله :arb:
مو هذي الحياة .......ولا هذا هو الزواج
قبل الاتهامات والمشاكل .....لازم تفهمون يعني ايش زواج
يعني ايش رباط مقدس يجمعكم .......وبيت يلمكم
هذا بيت ......ومسئوليه ....واطفال
مو تمشيات ورومنسيات وسفرات وبس .
الزواج رباط مقدس فرضه رب العالمين كنواة للمجتمع ووسيله للتناسل والتكاثر ......والانس بالطرف الاخر
بالنسبه للزوجه .....
1-لاتحطين ببالك انك طول الوقت بتمين عروس ....وبس طلعات وتمشيات ....لااااا فيه اشياء ثانيه بتتبع هالزواج لازم تحطينها ببالك وما تستغربين وتقولين ليه وليه
2-لما تعدي فترة شهر العسل وتبدا الحياة الجديه .....وزوجك يبدا يشتغل ....ويكون لكل واحد فيكم وضيفته بالحياة الزوجيه ...
لابد تنشغلون شوي عن بعض ....مو معناته خلاص انتهى الحب ...لا ابدا بس الحين صار فيه مسئوليات ثانيه تشغلكم شوي كبري عقلك وافهمي الدنيا على اصولها
3-انتي الحين مسئوله عن بيتك مملكتك ....وعن زوجك ....وقريبا عن
اطفالك .....لا تتنازلين عن مملكتك ...ولا تسمحين لاحد يطلع عليها ولا يفسدها ولا يبعدك عنها
4-فيه اطفال بيجون بالطريق ......كوني مستعده لهالشي....ومستعده لتربيتهم
5-مو كل شي بالزواج اللبس والليالي الرومنسيه وقمصان النوم .....صحيح المظهر مهم ....بس فيه اشياء اهم .....حسن الاستماع .....التجاوز عن
الهفوات .....فن ادارة الحوار .....الكلمه الطيبه والوجه البشوش
6-راعي مستوى زوجك المادي ولا ترهقين ميزانيته
7-حاربي أي انسان يدخل بيتك ويكون بنيته هدم هالبيت ........سواء بالفتنه ولا بالغيبه ولو كان اقرب الناس
8-اسرار بيتك ملكك انتي وزوجك .......والسر اذا طلع لواحد ثالث ماصار سر
9-احذري صديقتك قبل عدوتك ولا تسلمين مفاتيح بيتك لاي بشر كان
10-لا تهدمين بيتك بيدك ......امك سوت ...اختك قالت ....مهما كان هذولا اهله ....زي ما تحبين اهلك هو بعد يحب اهله
11-لاتصيرين انتي والزمن عليه .....يرجع من الدوام عايف نفسه وميت تعب ....وتبدين انتي ...ولدك سوا ....الشغاله هربت .....ودني للسوق
.....لكل مقال مقام .....اعرفي متى تختارين الوقت المناسب لكل شي
12-كلماتك الحلوه اللطيفه تنثر عبيرها بالبيت ....مثل الصرا اللي ينزل عليها المطر ويرويها .......يعطيك العافيه ....الله يخليك لنا ولا يحرمنا منك
........انت تاج راسي ......كلمات بسيطه لكن مفعولها عجيب وسحرها دائم
اما الزوج ....
انت الحين اخذت بنت الناس من بيتها وهي معززه مكرمه .....يانك تعزها وتكرمها ....ولا خلها ببيتها
يعني اسمح لي ....لما يقولون اهلك اعرس وانبسط معليش انبسط بس اعرف انه ورا هالبسطه فيه بيت ومسئوليه ورعيه انت مسئول عنها ....يا تكون اهل لهالشي ولا لا تقدم عليه
ومع احترامي لكل ام او اخت بتزوج اخوها ......اهمس لهم واقول
اتقو الله في بنات الناس .......مو تجي وحده تقول زوجوه عشان يعقل ....معليش ستوب لهنا
اقولكم .....عقلوه وبعدين زوجوه وش ذنب بنت الناس تبلونها فيه .....واذا ما عقل وش بتسوي بعمرها
1-حط ببالك ان الزواج موكله شهر عسل .....شهر عسل وبعدين تجي الدنيا ومشاغلها .....يعني لما تنشغل عنك حبيبتك مو معناته ما تحبك ...لااا بس فيه امور ثانيه لازم تهتمون فيها
2- اذا تزوجت اعرف ان هالبيت انت مسئول عنه ......مو تهمله وتخلي همك اصدقائك وسفراتك وبعدين اذا ما عجبك شي تجلس تتهم زوجتك وانت فيك وفيك
3-رفقا بالقوارير ......منهج رسول الله صلى الله عليه وسلم ......اتبعه تسعد بحياتك ....الحرمه رقيقه كلمه تجرحها وكلمه تطيرها السماء .......انتي ملكة بيتي ....الله لا يحرمني منك ........يعطيك العافيه ....كلها كلمات بسيطه بس اثرها في قلب زوجتك يبقى طول العمر
4-احذر اصدقاء السوء اللي ماهمهم الا تعال معنا .....ولا امش نسافر .....ولا فلان زوجته متحكمه فيه .....اذا انهدم بيتك ما راح ينفعونك
5- لازم تراعي ان زوجتك تمر باوقات صعبه بحياتها .....دوره ....حمل ...ولاده ...نفاس ......احتويها ....حسسها انك مهتم وعارف معاناتها .....ولو بالكلام
6- ساعدها بالبيت ......اهتم بالاولاد شوي وخلها ترتاح لوساعه منهم .......اذا مرضت راعيها وجب لها الدواء بنفسك ....لاتقول انا رجل وعيب ومن هالكلام ....هالشي ما يعيبك ....العيب ان زوجتك تطيح مريضه وانت لاحياة لمن تنادي
7- تذكرها دائما ......وعبرها بهديه بسيطه .....الهديه تعني للزوجه شي كبير مهما كانت بسيطه
اتمنى يكون كلامي خفيف على قلوبكم :)
