أحلل دم وللا أستنى؟؟؟

بنات اقلطو...........
تعالو احكيلكم على حاجة...

الفترة اللي فاتت كلها سويت التحاليل المنزلية وما حكيت لزوجي ولا شي...
ما أبغاه يتعشم...
وكل مرة اسوي التحليل واكتب عليه التاريخ واخبيه...

امس جبته (اللي هو زوجي) وقلت له ابغى اتكلم معاك في موضوع
انا ما خبيت عليك عشان شي... يكفي انا اتعشم ويخيب ظني... بس احنا الاثنين صعبة
وبصراحة مو قادرة اخبي عليك وابغاك تشاركني

قلبه طاح برجوله... قالي خير ايش صاير؟؟
وحكيت له القصة من طقطق لسلام عليكم... والبقية بعد الفاصل...



بنات بحكيلكم عن اعراضي بالتفصيل لعل وعسى تطلع مضبوطة:
- احس بغثيان وموعان .. يجي فجأة وكم دقيقة ويروح
- على طول احس جسمي حاااااااااار ودايما احس الدنيا مولعة لدرجة اني انام بالاندروير بس ولمن اصحى واقوم اطبخ وارتب البيت البس من فوق بس ويكون شباح ويالله طايقة نفسي
- حلماتي لمن امسكهم يعوروني
- وتقريبا من اسبوع ونص وعندي افرازات بيضاء شفافة .. بس اول امس خفت شوي وامس نزل علي الزهري على بني فاتح
- وبطني يعورني من تحت واوقات احس بسخونة في البطن من تحت.... وساعات احس بنخز في الجهة اليسار... مع انه مبيض هذا الشهر اليمين مو اليسار!!!
- احس انه مالي خلق جماع بالمرة ... يعني ابغى بس ماعندي حيل <== حلوة ما عندي حيل ههههههههههههههه
- ابغى اضل نايمة طول الوقت <== هذا اللي شاطرين فيه
_ مالي خلق شغل البيت <== كثري منها
- زيارات وروحات ومناسبات وعزايم ... كله اعتذرت عنه ... ابغى اروق محتاجة استقر..ما ادري احس ان المود مو مزبوط
- ملابسي لمن البسها احس بطني من تحت البناطيل بالعافية لمن تسكر ... لانه اغلب بناطيلي (لو ويست) لمن اقعد احس تضغط علي كثيييييييييييييير
(مرة رحنا اتعشينا برة وكنت لابسة جينز لو ويست... وماقدرت... اكلت نص الصحن وفكيت الزرار والسحاب .... تخيلو خرجت من المطعم والسحاب مفتوح ورحنا على بيت اهل زوجي (شقتهم قبال شقتي ) والسحاب مفتوح... وزوجي يقولي مبين من تحت العباية انه مفتوح!!... وانا اقوله مو قادرة اتنفس طيب!! <== شوفو قوة العين)
- لمن اصلي واركع احس البنطلون يحزق علي مرة... ولمن اكون ساجدة واجي اقوم اوقف احس بغثيان وابغى ارجع
-اوقات احس برفة في قلبي ونفسي ينقطع

شوفو كل هذا وبالاخر ما اطلع حامل!!
الحمدلله يا رب
كل حاجة كنت اقول سوء تغذية... الا الملابس قلت يمكن انا تخنت وللا حاجة !! <== كيف ما تيجي!! (لا احد يسألني)

عدنا بعد الفاصل............
بنات انا وريت زوجي التحاليل اللي سويتها....
كان يطلع لي فيها خطين بس الخط الثاني يختلف...
همه ثلاثة...
الاول 2-7-2008 هو مافي خط ثاني... بس كان بيشاور نفسه يطلع وللا ما يطلع
الثاني 5-7-2008 طلع خط بس خفييييييييييييييف بالمرة
الثالث 7-7-2008 طلع اغمق (شوي) من اللي قبله بس برضه خفيييييييف
......
لمن وريتهم لزوجي قالي بكرة الصباح سوي كمان واحد (لان الثالث سويته على العصر)
وعشان نقطع الشك باليقين اوديكي نسوي تحليل دم

اليوم سويت الرابع 8-7-2008 طلع اغمق من حق امس بدرجة ... بس لسة يعتبر خفيف...
وزوجي لمن شافه طلع اغمق شوي... ابتسم وقالي مبروك حامل
انا قلت له ما حيطلع الخط غامق الا لمن يعدي موعد الدورة... وموعدها بكرة... وبصراحة انا نفسي انقطع وانا اسوي تحاليل وماني قادرة استنى
بس شي بيني وبين نفسي يقولي خلي تحليل الدم بكرة 9-7-2008 في نفس موعد الدورةوشي ثاني يقولي سوي التحليل اليوم واتوكلي على الله... والله صبري نفذ....


ايش رايكم يا بنات ... اسوي تحليل الدم اليوم؟
وللا استنى؟.... بصراحة مو قادرة استنى ... <== تسأل وترد على نفسها!!
وخايفة يطلع سلبي ويجيني احباط...!!


دلوني.. ايش رايكم؟