السلام عليكم
بسم الله الرحمن الرحيم
بما ان صور الورشة اختفت هنزلها تانى بالصور علشان خاطر عيونكم ياحواءات
باذن الله هنعمل ورشة علبة مناديل الكنبة من تانى بالصور
صورة العلبة
المطلوب:-
عدد 2 شلة او شلة 100 جرام انا عملتها بخيط الصوف
وفيبر او قطن للحشو وعدد 3 زرار دهبى علشان المخدات
وقطعة استك علشان تتدكى من اسفل العلبة طبعا بتكون مفرغه من اسفل
اخواتى انا هبدا الورشة الان ومتقلقوش انا شرحى مبسط ومفهوم باذن الله امشوا معايا خطوة خطوة
اولا اعملى 45 سلسة+ 3 سلسلة دول بنوع اول عمود يعنى مجموع الاعمدة 45 عمود بلفة وبتشتغلى دايما فى
رأس العمود
ثانيا:- هتشتغلى 8 سطور طبعا العمود بلفة ( الا هو البريد بلفة) وفى رأس العمود
ثالثا :- السطر التاسع هتشتغلى العمود بلفة خلفى علشان يعطيكى حرف العلبة وده فى السطر التاسع بس بمعنى سطر واحد
ودة طريقة العمود الخلفى والعمود الامامى
رابعا:- هتشتغلى بعد السطر الخلفى الا هو التاسع عدد 3 سطور كمان عمود بلفة واحدة( الا هو البريد بلفة)
خامسا:- هتعملى سطر كمان بس دة الا هنعمل فية فتحة المنديل بصى
هتشغلى 12 عمود ثم تشتغلى 20
سلسلة وتعدى عدد 20 عمود من الا موجود فى السطر الا قبله وتدخلى فى العمود 21 وتكملى باقى السطر
والصورة توضح كلامى
سادسا:- هتشتغلى السطر الا بعده عادى لما توصلى للسسلسة امشى عليها ال20 عمود وتكملى باقى السطر
سابعا :- هتشتغلى 3 سطور كمان عمود بلفة
ثامنا:- الحرف التانى للعلبة هتعملى سطر واحد عمود امامى علشان يعمل الحرف المقابل للعلبة
تاسعا:- هتشتغلى 7 سطور عمود بلفة وبكده نكون خلصلنا واجهه العلبة
سما كايرو @sma_kayro
عضوة مميزة
يلزم عليك تسجيل الدخول أولًا لكتابة تعليق.
وعليكم السلام
يسعد صباحك غاليتي سما كايرو
الله يعطيك العافية ياقلبي على هالمجهود الكبير في اعادتك لرفع الصور من جديد
جزاك الله كل خير وعساك دوم على القوة
يسعد صباحك غاليتي سما كايرو
الله يعطيك العافية ياقلبي على هالمجهود الكبير في اعادتك لرفع الصور من جديد
جزاك الله كل خير وعساك دوم على القوة
شكرا يا سما على سرعه اعاده الصور
وانا مشيت على الشرح هو فعلا واضح وسهل بس في مشكلة مش فاهمة يعني ايه اشتغل في راس العمود
انا اشتغلت زي ما انا متعودة بس لما الصور ظهرت شغلك شكلة احلى مليون مرة يعني باين طريقة راس العمود الي انا مش عارفاها بتدي شكل حلو
ياريت تشرحيلي ازاي لو تكرمتي
وانا مشيت على الشرح هو فعلا واضح وسهل بس في مشكلة مش فاهمة يعني ايه اشتغل في راس العمود
انا اشتغلت زي ما انا متعودة بس لما الصور ظهرت شغلك شكلة احلى مليون مرة يعني باين طريقة راس العمود الي انا مش عارفاها بتدي شكل حلو
ياريت تشرحيلي ازاي لو تكرمتي
الصفحة الأخيرة
ماشاء الله عليكي يا سما كايرو شغلك رائع وانا استفدت منك وعملت العلبه وطلعت حلوه وابغا اسوي محده ثانيه واحاول اضيف عليها اشياء او بغرز ثانيه