عرفت اني حامل بالصدفه..من يومين بس..

شهر 5..كان شهر غير كل الشهور..بدايته كان عيد ميلادي..العمر يجري..وانا اجري ورا الابر ولحبوب..متى بحمل.:06:.يالله..خلاص راح اسوي تلقيح صناعي..رحت للدكتوره من غير مايعرف زوجي..خلاص يادكتوره..انا ما ادري وين المشكله فيني ولافيه..قررت اسوي تلقيح..شجعتني الدكتوره اختصار للوقت والجهد..الدكتوره صديقه مقربه الى قلبي..شافت الحال اللي انا فيه وين كنت ووين وصلت..الوجه ذابل..العين حزينه..وحالتي حاله..انصحتني اهدي نفسي واطول بالي وان كل شي بيد رب العالمين حتى التلقيح ماينجح الا باراده الله عز وجل..
فعلا..كنت اقرا قران عشان احمل..اقوم الليل عشان احمل..اتصدق وانتظر الحمل..يعني حتى العبادات انتظر وراها الحمل..
من بدايه شهر 5 وانا ولله الحمد بديت اقرا سوره البقره يوميا..واحيانا الصافات وسوره مريم..استغفر بعد كل صلاه..كنت اقوم قبل الفجر واصلي القيام..ما كنت ابغي الا اني اتقرب لله ..

اخذت كلوميد وابره تفجيريه..وتجهزت ليوم 18-5-2008 موعد التلقيح..زوجي ما يعرف الا عن موعد التلقيح مايدري اني اخذت كلوميد وابره..ذكرته بالموعد..تفاجأت انه يجهز شنطه السفر..صعقت..قالي مع السلامه ماراح اتأخر اكثر من يومين..
اتصلت في الدكتوره وكنسلت الموعد..خير..ربي استجاب دعائي في الليل..يارب اذا كان خير يسرلي الموضوع واذا كان شر ابعدني عنه..وفعلا ابعدني عن التلقيح..لكن مازال بعض الحزن في قلبي..لان الالم استمر في جنبي..بسبب الابره التفجيريه..مو مشكله تعودنا على الالم..
رجع زوجي ثاني يوم..استقبلته كأني عروس.. قالي انتي خذتي علاج هالشهر..قلت له لا..:Dخلاص بنأجل الموضوع ليبعد الصيف..قالي والتلقيح..قلت له مو مشكله خلنا نسافر ونغير جو..بعدين يصير خير..صار الجماع طبيعي..من غيرتفكير بالحمل من غير ضغوط..
عاده اقعد احسب ساعه بعدين اقوم اغتسل هالمره ما حسبت شي.:35:.لاني شلت فكره الحمل من بالي..ابغي اسافر..
في يوم الجمعه31-6-2008 سافرت عن طريق البر.واول ما وصلت هناك شفت نقط من الدم نزلت علي..ما اهتميت..اكيد من التعب..في يوم السبت1-6-2008 بالليل قررنا نرجع..حسيت ظهري يعورني والم في بطني..موعد الدوره بعد 4 ايام..هذا ألمها..
وصلت بلادي ونزل علي دم..قلت لزوجي هذي الدوره قدمت كم يوم من التعب..نمت ..والفجر..اختفى الدم؟؟
الساعه 9 الصبح نزلت نقطه..استغربت..من غير ما افكر..طرشت الشغاله تجيب لي تحليل حمل ..حللت..طلع خط واضح والثاني خفيف..طلعت وشفت زوجي داخل البيت ناديته وقلت له شوف كم خط..قالي خطين..قلت له انا سقطت...؟؟؟؟؟؟؟؟؟؟؟؟؟؟
رمى التحليل ع الارض وناظرني باستغراب.:32:.قلت له ودني حق الدكتوره يمكن تقدر ترفعه لي..
طول الطريق وانا سرحانه..هل انا حامل..سقطت..ولا هرمون الابره هذا..
لما وصلت قالت لي السكرتيره حامل..قلت لها أي..قالت لي كم متأخره عليج؟ قلت لها لا باقي لها اربعه ايام وتنزل..فتحت عيونها وضحكت ضحكه استهزاء..ياماما مايصير تحللين قبل الدوره هذا من الابره التفجيريه بين
خطين..تحبطت..قالت لي انتظري دورج..طبعا طول فتره الانتظار وانا حاطه يدي على قلبي احاول اهدي من سرعه دقاته..طلعت المسبحه وقعدت استغفر..يارب صبرني ..
جا دوري..دخلت ع الدكتوره..وقفت تمد ايدها تبغي تسلم..وانا مديت ايدي وعطيتها التحليل..شوفي يادكتوره هذا شنهو..اممممممم..مبروك انتي حامل..دكتوره مو من الابره..لا لا..انتي عديتي ال14 يوم من الابره التفجيريه صار لج 4 ايام..ان شاء الله اكيد..تعالي نسوي سونار..امممم بطانه الرحم سميكه حلو هذا دليل حمل..والدم من الاكياس الموجوده.ومن الارهاق...عادي باعطيج 4 حبات دفستون..وتعالي لي بعد اسبوع
قلت لها لا انا موحامل..ابغي احلل دم..وحللت دم..وطلعت حامل,...تبارك الرحمن
سبحان الله..والله اني مو مصدقه..ربي لك الحمد والشكر..
الله يثبته لي يارب..ويرزقكم جميعا..
ملاحظه....السكرتيره حصلت على عقاب وخصم عشان مره ثانيه ماتفتي في شي ماتعرفه:hahaha: