السعودية - ?§?„?¯?…?§?…
?¹?„?§?¬ ?§?„?´?¹?±
?¯?ƒ???ˆ?±?© ?„?¹?„?§?¬ ?§?„?´?¹?± ?§?„???§?„?? ?ˆ?§?„?…?¬?¹?¯ ?ˆ?§?„?‡?§???´ ?¨?§?„?¨?±?ˆ?????† ?ˆ?¨?§?­?¯?« ?§?„???‚?†???§??
              

السعودية - ?§?„?¯?…?§?…
?¹?„?§?¬ ?§?„?´?¹?±
?¯?ƒ???ˆ?±?© ?„?¹?„?§?¬ ?§?„?´?¹?± ?§?„???§?„?? ?ˆ?§?„?…?¬?¹?¯ ?ˆ?§?„?‡?§???´ ?¨?§?„?¨?±?ˆ?????† ?ˆ?¨?§?­?¯?« ?§?„???‚?†???§??
إضافة رد
 
أدوات الموضوع انواع عرض الموضوع
قديم 13-05-1429 هـ, 10:14 صباحاً   #1
اهم وحده في حواء

محررة
 
الصورة الرمزية اهم وحده في حواء
 
تاريخ التسجيل: 06-06-1428 هـ
المشاركات: 1,191


Wink أسألها بالله صوته عالصبح يجنن لذي الدرجه؟ تقول يوووه بس

صباح الورد والفل والياسمين .. ومسا العود والعنبر

الا صدق يازين الاصوات عالصبح ولا الليل احلى ؟!



الشاعر يقول :

حبيبي آسف ازعجتك .. حلو صوتك قبل ماتنام
سمعته وانشرح صدري .. وكاني شفتك بعيني
حلو كل الكلام اللي .. يجي من مبسمك أنغام
يونسني وينعشني .. ويجلي كل ما فيني
خذاني الشوق لك ياذوق .. الا ما حلا ورود الشام
الا يامتعة ايامي .. مع شهوري على سنيني



يمكن الشاعر اخبر ويمكن انت يالي تقرى أخبر وماودي اقول يمكن انتي بعد اخبر ولا اقول عادي ؟؟!


ياشين نية بعض ناس بالموضوع وهو مااكتمل < فيس يقول لو صبر القاتل على المقتول مات لوحده

المهم بس

لنا مده وانا وصديقاتي بهواااااش فوق العادي ماني قايله نقااش لان الموضوع تعدى النقاش من مده للأسف


وصار فيها :_
انتي معقده
ولاتسوين لي فيها تستحين
وتذكرين وش قلتي عن صوت فلان
ونقول ياعالم موضوعنا ترى غير تقولك ممكن بس فيه ناس تحسب الكل مثلها
وعند هالحد يتفجر الموقف بكلمة وش قصدك ؟! مع وقفه التحدي الي يصير الشيطان فووق راسها يسوي علامة النصر

طبعا مجموعتنا فيه ناس متزوجه وناس عزابيه
العزابيه تتكلم من واقع احلامها وامنياتها وجزء من وجهة نظر منطقيه احيانا طبعا كون الموضوع بالنسبه لها مازال نظري
والمتزوجه يايكون دفاع عن تجربه او انه حسره على شي تمنته وماحصلته
والبعض يحاول التغلب على الحده ويقول لكل وضع حالته


الموضوع اساسا مو جديد يعني ناقشناه قبل يوم كنا نتكلم عن حالات محدده صارت لصديقاتنا الي صاروا الحين اطراف تناقش معنا وتناقش بحده ببعض الاوقاات

طيب دامه قديم وش رجعه ؟؟!!


الي رجع الموضوع على طاولة النقاش مره يا طويلات العمر والشوارب


هذا واحد متصل على الشيخ يقوله : ياشيخ انا زواجي باقي عليه اسبوعين
قاله الشيخ بارك الله لك ورزقك الذريه الصاله
قال اصبر ياشيخ : انا طلقتها :
قاله : كيف يصير زواجك بعد اسبوعين وانت مطلقها
قال : محد يدري انا طلقتها واهلها مايدرون
قاله : كيف ؟؟
قال : كنت اكلمها وعصبتني وطلقتها والحين العالم تجهز للزواج وانا مدري وش اسوي
قاله : الحين ياولدي صارت ماتحل لك ولا لها رجعه الا بعقد جديد لانك مادخلت عليها
فلازم تاخذ ابوها وتروح المحكمه وتعقد من جديد وتعتبر طلقت منك مره
قال : ياشيخ مافي طريقه اردها والعالم ماتدري
قاله : لاااا


ولااحد يسوي لي فيها شيخ ويناقشني بالحكم مو انا الي افتيت السالفه جاتنا كذا


طبعا على طووول بعد هالسالفه :
وحده: شفتوا انا قلت لكم من الاول المكالمات ذي مالها داعي
وحده ثانيه : مو شرط اذا هو مطفووق مو الكل مثله
وحده ثالثه : واذا هي غبيه زعلته وهم توهم تستاهل
وحده رابعه : يمكن تحسب نفسها تموون لاصارت عروس
وحده خامسه : يعني ابوها يرضى يرجعها ؟!
وحده سادسه : طيب اذا عنّد وش بيصير وضعهم قدام العالم والدعوات موزعه
وحده سابعه : طيب اذا كانت تكلمه وابوها مايدري تصير مصيبتين انها تكلمه وانه مطلقها
وحده ثامنه : نسمع ونسلم << انتوا كم وحده بالضبط ؟
وحده ووحده ووحده تبدا كذا وتنتهي بالشوش ؟!


نجي للموضوع عن وش بالضبط ؟؟

كلامنا عن المكالمات بعد الملكه . مو كل الناس تملك وتتزوج بعدها بمده بسيطه
فيه ناس تملك وتجلس كم شهر وتتزوج وناس تاخذ سنه وناس تاخذ اكثر
وناس تملك وموعد الزواج مفتوح على التسااهيل
يعني القضيه شرعا مفروغ منها هي حلال


بس الي مو مفروغ هو فايدة الموضوع

ناس تقولك حنا مجتمع مايصير عندنا خطبه وتعارف وعلاقات بعد الخطبه ومدري وش عشانها حرام
ففترة الملكه تصير مثل هالفتره بس حلال < الله من زين التفكير

وناس تقولك والله انها احلى مده بالزواج كله

وناس تقولك والله اني تحسفت على كل كلمه قلتها ايام الملكه

قبل تاخذون موقف خل اقولكم وش صار ببعض العالم الي تهاوشوا فووق


من الي يدافعون عن الموضوع دفاع مستميت وانه حلو ومدري وش وحده عاشته صدق
اذكرها يوم تكلمني تقول ارسل لي ورد عالصبح عشان مكالمتنا امس كانت تجنن
ويوم ثاني تقول اهداني اغنيه
وبالعيد كانت تقول احلى عيد مر علي لانه اول من عيد علي
وهو تقول انه كان يقولها ان ايامه صارت احلى
وتو يحس بقيمة جواله
وماابي احد يصحيني الا انتي
وياعيد ذيك السنه الوردي وطبعا تزوجوا بعطلة الحج


هذا مثال حلو وبيني وبينكم وقتها كنا نقول ياحظها بقوووه وللحين الله يسعدها يارب.


لكن الثانيه والي كانت تدافع بعد عن الموضوع واظنه من باب الكبرياء اكثر من اقتناع والكل يطالعها بنص عين ماوده يجرحها ومجموووووعة فيساات تطالعها وتقول من متى ترانا عيال قريّة ولكن يعرف اخيّه
هي كاانت من النوع الي يهتم بنفسه بشكل مو طبيعي وبسم الله عليها مره مملوحه والكل كان يتوقع لها اكثر من كذا والله
ملكت واخذ الرقم اخونا بالله وكلمها
من المكالمات الاولى كان يخوف اذكر يوم تقولي كنت اقول للبنات الله يعينها هذا وهي مادخلت بيته هذا كلامه

مدري ثقه زايده ولا وش سالفة اهله او يمكن من باب كلن يشوف الناس بعين طبعه وهذي فكرتنا عنه وقتها
كان لادق ولقاه مشغول مع مين ؟ ومن كان يكلمك واحلفي < خير يابو الشباب وش احلفي
ولاقالت امي تنادي ولا شي قالك قولي لها انا اكلمك < وش الذوق الزايد ذا

ويثووور لادرى انها رايحه مكان ومااستأذنت منه < وش تستاذن تراها ببيت ابوها
فالاول كانت تستحي وتخاف وماكانت تروح مكان بعدين صارت ماتقوله

ومره بعد مالبست بتروح زواج واحد يقرب لها حلف انها ماتطبه ورجعت من نص الدرج تقول لو دريت مارديت
يقول انتي قلتي الخميس ماقلتي الاربعاء < يلعن ابوالمخ الي عندك

والله اذكر كانت تبكي بحرقه تقول ياربي وش اسوي والله اماني عارفه اتعامل معه

يوم جا يوم زواجها كاانت نحييييفه ووجها اسووود من الهم والله ماكان احد يتصور انها لاصارت عرووس بتصير كذا على حلاها مثل ماقلت كنا متوقعينها تطلع احلى عرووس فالمجموعه

وتقول كانت الفتره فيها اوقاات حلوه ومثل ماقلت اظنها كبرياء بس لانه زوجها
هذي هي متزوجه الحين وعندها بنت والله مااطيق سيرته



يتبع
[/color]




" ما أروع أن تبتسم وأنت في قمة الألم "
اهم وحده في حواء غير متواجد حالياً رد مع اقتباس إرسال الموضوع إلى الفيس بوك إرسال الموضوع إلى تويتر




13-05-1429 هـ, 10:16 صباحاً
#2
ومن القصص الي كنا نسمعها وكانت تغذي نقاشنا وماعشناها طبعا :

العروس الي يوم زواجها منزله راسها مستحيه قالها زوجها الحين كنتي تكلميني والحين تسوين مستحيه < الله يقطع وجهك على هالكلمه هذا وضع وذا وضع يالئيم


والثاني الي مسوي ثقه ويبيها تتكلم بإباحيه ويوم تقول مااقدر يقولها تستحين مني انا
< من متى المعرفه ياابو الشباب تراك تو ماملكت


انا مافي شي يرفع ضغطي الا لاجاك واثق من نفسه ويقولك لابغيتي شي قولي لي لاتقولين لااهلك انتي خلاص زوجتي
لاياشيخ عسى بس ماكلفت على عمرك ويوم قررت انك زوجها
دارين انك زوجها بس لحظة تفكير صغيره يالذكي انها بالبيت عندها اهل واخوان ولها نظاام معين
وتراها تستحي اذا على بالك لاصارت متزوجه تشيل برقع الحيا
حتى لو صارت جريئه معك فبعض الامور لايمكن تصير كذا مع اهلها
يعني تخيل نظرة اهلها وانت جاي جايب لها شي هي موصيتك اياه
ابو الوضع الي هي فيه بيقولون مره ماصدقتي هذاا خوانك مالين البيت



ولا الي يقول لها اكلت من مطعم وعجبني العشا وبما ان اهلك مو راضين انك تجين تتعشين معي بجيب لك عشا
يااخي عااارفين نيتك زينه
وعاارفين انك رومنسي
بس مخك ذا متوقع ان هالاميره عايشه بالقصر لحالها
مافي عشرين ادمي معها بالبيت
وحتى لو مافي الا امها وابوها شكلها بااايخ وانت جايب لها عشا لحالها ولو حسبت حسابهم غير انه تكلفه مااتوقع انها بتتهنى فيه وهم يطالعونها يامبتسمين مسوين فاهمين الامور
ياناقدين وماودهم يقولون يعني مررره منت قادر تصبر لين تتزوجها وتاخذها بنفسك
قولها انك تمنيتها معك والاحساس يوصل



يعني مافي تقدير وبعد نظر من يملّك على طوووول يجيك مدرعم حقوقي
والله ياعليهم تصرفاات تحرج بشكل مو طبيعي
الوحده تتمنى الارض تنشق وتبلعها

بس لحظه فكر لوانها اختك وخطيبها سوى كذا الضحكه البايخه الي بتصير على وجهك
اذا تحبها اعفيها منها واعفي بنت الناس من ضحك اخوها



ورغم كل ذا انا مااقول انه ماله ايجابيات وترى فيه لحظات حلوه كثير
الشعور انه فيه احد يسال عنك يدورك ولاتعبتي كل شوي يدق وسلامات ومدري وش
وهو يوم يقولك صحيني كانه بيضيع من دونك وبيروح عليه دوامه ومستقبله
وتضبطين المنبه ولاحتى تواصلين كلش ولا المستقبل عاد
يقالك انك صرتي مسؤوله عنه ترى احساس مررره حلو على قولتهم



واحد الله يسعد قلبه يقول لها بعد الزواج تدرين انه يوم كنتي تدقين تصحيني اوقات اكون صاحي
واسوي نايم عشان احسسك انك انتي الي صحيتيني
يقول والله مره يوم دقيتي وانا احمي السياره
تقول مت ضحك على نفسي بس وقتها كنت انام مرتاااااحه بعد مااصحيه واقول الحمدلله بس ماراحت عليه نومه

فيه ناااس والله ودك تحطهم على راسك وناس تقول يالله الجنه دام هذا حظي من اولها


ووحده تقولي كنت ايام الملكه حاطة أغنية : الي كان من أبلك انت وانت مش جنبي ماكنتش عايشه بيه
تقول والله يالنغمه كانت تطلّع قلبي من مكانه
وكنت ابتسم من اسمعها ولارديت ارد وانا اضحك
وكان يستانس على صوتي وانا فرحانه باتصاله
وحتى لاصحاني اتصاله من النوم كانت تصير حكايااااات
لان النغمة اساسا تهيئك نفسيا حتى وانتي توك صاحيه من النوووم


يعني بهالفتره حتى التفاصيل يصير لها طعم : النغمه , الإسم بالجوال , الرسايل , الأغاني , الشعر

وه بس

الحين عاد يجونك بناات ذكيااات مدرعمااات الي تقول مااااالي دخل انا ماعندي مكالمات والله لاتزوجته وصرت ببيته يصير خير

اقولها الموضوع ماعاد بيدك بالكامل مثل اول

هذي عاد وحده اعرفها :

تقول يوم الزواج يوم دخلنا الفندق طالعني بحقد وراح وخلاني

تقول والله كان ودي الارض تنشق وتبلعني واطالع بنفسي وش فيني غلط واتذكر الزفه والي صار وش سويت !!

وماجا الا بعد الصلاه غيرت ملابسها وصلت وهو توه يجي
ولا كلمها ولا كلمه
البنت مستحيه ماتقدر تقول شفيك وولد الناس ولا كأنه يشوفها
وبتل اليوم الي بعد كااامل على الحاله لين اكلت عمرها
ثالث يوم الصبح قرر يعفو عنها قالها بس بسالك سؤال : ليه يوم اقولك كلميني تقولين لا
تقول قسم بالله ماتوقعت ذا الموضوع 3 ايام وهي تغلي وبالاخير يطلع كذا
قالت له كنت مستحيه
قال لها ولو انا زوجك وارسل لك اختي 3 مرات وتردينها 3 مرات
مافكرتي اولا ان طاعتي واجبه وثانيا وش شكلي قدام اختي وزوجتي تقولي لا 3 مرات
4 شهور مملكين والولد حااقد عليها والله زين ماطلقها
وبيني وبينكم معه حق


يعني السالفه صارت تطلع من اليد اوقاات كثير وكل حاله لها ظروفها


انا سمعت من البنات كثيييير وبعضه اوجع راسي والله ومع ذلك بسمع رايكم ياحلوات يمكن تقولون شي مامر علي

وش وجهة نظركم


رد مع اقتباس
اهم وحده في حواء غير متواجد حالياً  



13-05-1429 هـ, 11:36 صباحاً
#3
اقول يا اختي ترا فترت الملكه اوالخطوبه ماهي مقياس ابدددددددددددددا لمعرفة الشخص الي تبي ترطبطين به بس الواحد يدعى كثير ويستخير الله اولا واخيرا واحس معظم ا لازواج يعرفون بعضهم بوضوح بعد الزواج وتظهر السلبيات في كيلا الطرفين


رد مع اقتباس
لؤلؤه في بحر غير متواجد حالياً  



13-05-1429 هـ, 12:25 مساءً
#4
الله على التحلييييييل

تصدقين اسلوبك رااااااااااااايق

دخلت جو معك

يا ليتك صديقتي بس

انا الصراحه ما كلمت أل إيه أل مستحيه

الا يا ليت الايام ترجع واكلم واكلم واكلم الييييييييييييييين اشبع من السواليف

اتوقع هالايام ما تنعاد ابدا


توقيع


ربي احفظها وحسن خلقها وخلقها وسهل حملها وولادتها وصب محبتها في قلوبنا صبا

رد مع اقتباس
جالكسي2007 غير متواجد حالياً  



13-05-1429 هـ, 12:26 مساءً
#5
لولوه في بحر
اكيد ماهي مقياس

بس الواحد يعيشها لانه ماتتكرر

بعدين الوحده تتفائل بالخير فيهبمعنى تفائلو بالخير تجدوه

وياااااااااااااااااااااااااااا ارب يوفق كل البنات بالصالح اللي يعرف ربه ويراعيه


رد مع اقتباس
اهم وحده في حواء غير متواجد حالياً  



13-05-1429 هـ, 12:27 مساءً
#6
ماشاءالله مااوجعتك يديك وانتى تكتبين
على العموم انا ضد انا الملكه تطول لانها تطلع ماصخه يعنى حدهم 6شهور والى بيقعد سنين وشوله يخطب بالاصل
والتوفيق من رب العالمين
يعنى لا نقول بينهم مكالمات ولا شي


رد مع اقتباس
بايسون تلقيمة غير متواجد حالياً  



13-05-1429 هـ, 12:28 مساءً
#7
جالكسي

اي والله نك مانتي بعيه عني الحيا حرمنا اشياء واجد

تصدقين انه لاذحين زعلان عليه اني ماكنت اعطيه فيس كثير


رد مع اقتباس
اهم وحده في حواء غير متواجد حالياً  



13-05-1429 هـ, 12:31 مساءً
#8
ماشاءالله عليك يا اهم وحدة والله موضوعك حلوووو وسواليفك احلى وكلها من وقع الحياة>>لااا ياشيخه
واسلوبك حلو والله ضحكتيني في بعض المواقف ..الله يعطيك العافيه
وبما انك طلبتي أراءنا فاابشري بالخير..من واقع تجربتي انا من ضمن المجموعه اللي تايد الجوال بعد الملكه
لانها فترة حلوة وايام حلوة اذا الوحدة مااستغلتها بالشي الحلال متى تبي تستغلها
خاصة اذا كان خطيبها اوبالاصح زوجها _لانهم مملكين _هو اللي طلب هذا المفروض ترحب
..ياااه ذكرتيني بايام الملكه يالله وش زينها
اذكر لما خطبني زوجي ووافقت , بعده بايام جاب لي هديه جوال >>مخطط الرجال من قبل
طبعا عطاة اخوي وماقصر اخوي جابه لي وقال يقول لك المملوح افتحي الجوال يبي يكلمك
انا بصراحه طرت من الفرح مو بالكلام لا بالجوال شريحه ورقم مميز ولا جهاز وش زينه
مستانسه ماخليت وحده من صديقاتي ماقلت لها .. بس زوجي الوسيم رفضت اكلمه
قلت الى ان نملك يصير خير وهو كل يوم مكلم على اخوي يقوله يارجال خل اختك تفتح الجوال
ونفس الحكايه الى ان ملكنا وبعده على طول دق وانا لسا مافتحت وراح دق على اخوي قال عاد خلاص ملكنا ياخي قلها تفتح الجوال
وجاني اخوي قال تراك ابلشتينا ياختي افتحي الجوال وفكينا ماعندي شغله الا انتي , وانا بصراحه كنت مرتبكه وخايفه
ولمافتحت الجوال وعلى طول تررررررررررررن وانا انخرع واقعد اتراعد وعجزت ارد يجي اخوي الملقوف ويرد
ولا ينخرع الرجال :بسم الله انت وش عندك مادقيت على جوالك,وش اللقافه ..وماقصر اخوي قال:ياخي وش اسوي ابطيت تدق >> تكفى يابرئ الا وجه نكبه
واشوف الاخت مي ناويه تكلم تناظر الشاشه ومبلمه الظاهر انها مثل مايقولون مستحيه ,ولايجيه يطيح فيه هواش _زوجي_
ويقوله لاعمرك ترد يالله عطيني مرتي اخلص علينا, ولا يناظرني اخوي ذيك النظرة اللي خلتني كبر النمله من الفشيله
ويقول كلمي رجلك يامرة ,ويروح ومن هنا عاد بدت الايام الورديه ياسلااااام عليها ,,
وبالعكس دامهم مملكين مافيها شي انهم يكلمون بعض منها يعرفون بعض اكثر ويكونون بهذي الفترة مستحين شوي
فيحاول كل طرف انه يكسب الثاني وتكون علاقتم صارت اقوى شوي ..وجه نظري طبعا ومن واقع تجربه
وننتظر البقيه


رد مع اقتباس
جمر الغضى غير متواجد حالياً  



13-05-1429 هـ, 12:37 مساءً
#9
ياعيني عليك ياجمر الغضى حركااااااااااااااااااااااااااا اااااااااات ماشاء الله

ياويل حالي على اخوك صار ملطشه عندكم

ولا زوجك على بالك جاب الجوال لك لله مو علينا ياابو الشباب



والله انك صادقه انه ايام ورديه ليتهم يفرحون باتصالاتنا ذحين مثل اول

بس المشكله اول مدري مافيه مواضيع الحين تصكرين وفي جعبتك من الحكي ماللله به عليم

ننتظر اراء الفتيات الغافلات اقصد الفاضلات


رد مع اقتباس
اهم وحده في حواء غير متواجد حالياً  



13-05-1429 هـ, 12:49 مساءً
#10
ااااااااه على ايام الملكه ورومانسيتها ومكالماتها الا ليتها تعوووووووووود


رد مع اقتباس
عايشه بنت فاطمه غير متواجد حالياً  



إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع


الساعة الآن 06:58 .