07-05-1429 هـ, 07:24 صباحاً
السلام عليكم اخواتي العزيزات ,,

حبيت نستفيد من معلومات بعض بالنسبة لمكان حركة الجنين وبالتالي نوع الجنين ,,

لأني سمعت ان اذا كانت اول حركة فوق بجانب السر ولد ,
واذا كانت الحركة طول فترة الحمل اكثرها على اليمين ولد ,

واذا كانت الحركة بدايتها تحت عند المثانة بنت ,
واذا كانت الحركة اغلبها طول فترة الحمل بالأسفل بنت ,

خلينا نستفيد من تجاربكم يالغاليات ,
07-05-1429 هـ, 07:28 صباحاً
وعليكم السلام فدى ..

كل اللي قلتيه أنا مثلك سمعته ..

وسمعت كمان إن البنت تكون ع الجوانب ,, وتحت .. تخلي بطن الأم بالعرض ..

أما الولد .. يخلي بطن الأم طويل .. ويكون بالوسط ..

الله يعين .. أنا بصراحه دخت من كثر ما أسمع عن هالأشياء ..

الله يعافي السونار ..
07-05-1429 هـ, 07:30 صباحاً

بالنسبه لي انا بكريه وماعندي خلفيه

بس اللي سمعته مثل اللي قلتيه

وانا ماشاء الله مافي مكان مايتحرك فيه

ولا ادري قالولي بنت ولا ادري هو صدق والا لا

والمشكله اكثر الحركه تحت واليمين

يعني يحيــــــــــر
07-05-1429 هـ, 07:31 صباحاً
الله اعلم
<امن يجيب المظطر اذا دعاه ويكشف السؤ >
ربي اني مسني الضر وانت ارحم الراحمين
اللي تطيح عينها على توقيعي تدعي لي يارب يفرج ضيقتي ويشفيني يارب
07-05-1429 هـ, 07:32 صباحاً
انا اذكر كانوا البنات يقولون شي عن الحركه ويوم شافتني ممرخه تعالج قالتلي عكس البنات وطلع كلامها صح ماشاءالله وانا كنت بالرااابع اتوقع ان حركته تكون باليمين
07-05-1429 هـ, 07:37 صباحاً
مشكورين خواتي على المرو ر

تصدقون احب اتسلى بالحديث عن هالمواضيع ,, احس تفتح النفس, والا اشرايكم ؟؟
07-05-1429 هـ, 07:38 صباحاً
اختي لاعبة تنس شنو قالتلك الممرخة ياليت تفيدينا بالتفصيل الممل ومشكورة,
07-05-1429 هـ, 07:39 صباحاً
أختي
مو شرط الكلام الي سمعتيه ترى كلنا سمعنا مثله
وازيدك بعد
أنه إذا كانت الحركه على طوول باليمين فـ الجنين ولد مو بنت مثل ماقلتي
وإذا الحركه بجهة اليسار فـ الجنين بنت

وخالتي من اول ماحملت أغلب الحركه باليمين وبـ الاشهر الاخيره تحولت لليسار
وعن نفسي

هالحين الحركه دائما بجهة اليمين والحركه فووق
واحس بشوية تكوع

وجنس الجنين ما حبيت أعرف نوعه
07-05-1429 هـ, 07:45 صباحاً
انا الحركه بكل مكان تحت فوووووووووووووووووق اول حركه على شكل نبض عند السره وانا قالو لي ولد والله اعلم والحين حركته باليسار واليمين وفوق وتحت ماشاء الله كل يوم بجهه
07-05-1429 هـ, 08:20 صباحاً
أنا سمعت نفس اللي قلتيه ..

الله يتمملنا على خير

وولد أو بنت .. أهم شي الخلقة الكاملة


الساعة الآن 12:49 .

جميع الحقوق محفوظة - عالم حواء - 2015