02-05-1429 هـ, 07:17 مساءً
السلام عليكم ورحمة الله وبركاته

اخواتي العزيزات ..

انا حامل في الشهر الثالث .. وبالضبط في الاسبوع 11 وكم يوم.. امس كان عندي موعد في المستشفى ويوم سألت الطبيبه اذا يبين في هالوقت جنس الجنين .. قالت لي شو عندك قلت لها لا انتي قولي لي قبل ..قالت لي ولد .. قلت لها عندي 3 ولله الحمد..

هل ممكن يبين جنس الجنين في هالوقت .. وهل ممكن يكون خطأ..

صح اني انا كنت اتمنى بنت وزوجي بعد يتمنى بنت وأولادي بعد يتمنون ان الله يرزقهم اخت ... لدرجه اني لما قلت لولدي احمد 5 سنين قلت له في بطني ولد قلت يمكن يفرح عشان بيكون له اخو .. قال لا ماما قولي ل الله يعقه ويعطينا بنت .. قلت لا حبيبي الله عطانا الولد بيكون اخوك .. قال لي لا ماما انا قلت لج ابا بنت ..

انا ولله الحمد مب معترضه وراضيه باللي الله بيرزقني اياه بس ولدي قطع قلبي .. ومره كنا انا وزوجي نشوف المجد .. وكانا حاظين برنامج شطور اللي تقدمه بنت صغيره وساعات تسوي عصير ولا سندويش .. فا كانت تسوي سندويشات فا قال لي زوجي تخيلتها بنتنا ويالسه تسوي لنا .. والله هالكلام اللي متعبني

والله اني حبيته اللي في بطني حتى يوم قالوا لي ولد بس كنت اتمنى بنت .. تكون مثل صديقتي .. ويدلعها ابوها واخوانها يدلعونها .. اتمنيتها تكون محفظة قرآن تربي آجيال من حفظت القرآن الكريم.. ابغي امشط شعرها وتلعب بشعري .. تمنيت اني البسها الفساتين واختار لها فستان الزفاف .. واكون وياها وقت حملها وولادتها .. تعرفون زوجت الولد غير .. صح اني بحبها مثل بنتي بس بنتي حبها لي طبعا بيكون اكثر ..



بس حبيت افضفض .. وسأل هل يمكن يكون خطأ تحديد الجنس في هالوقت..

لا تحرموني من دعوه حلوه من قلوبكم الطيبه يمكن الله يستجيب لكم وتكون الطبيبه غلطانه..
02-05-1429 هـ, 07:43 مساءً
الله يرزقكـ أختي بالصالح إن شاءالله

انا لما كنت حامل في الأول قالت الدكتوره انه ولد وانا كنت في الشهر الثالث ...
تقريبا مثلكـ ... ولما دخلت الرابع قالت بنت والخامس قالت بنت ... قالت لها
طيب كيف قلتي بالشهر الثالث انه ولد ... قالت احتمال يكون خطأ وهذا شي
وارد والسبب هو الحبل السري

إن شاءالله رب يرزقكـ بنووووته حلوووه صالحه بإذن الله
02-05-1429 هـ, 07:51 مساءً
اذا الأشعة ثلاثية الابعاد أوربا عية مستحيل تخطأ
والله يرزقك اللي تتمنيه.
02-05-1429 هـ, 07:52 مساءً
ممكن يخطى والله يرزقك بالبنت ان شاء الله
02-05-1429 هـ, 07:59 مساءً
الله يرزقك الذرية الصالحة
02-05-1429 هـ, 08:04 مساءً
عادي احتمال كبير يخطا في الشهور الاولى
انا في حملي هاذا قالولي ولد وانا بنهاية الثالث
وبالخامس قالولي بنت والسابع بنت والثامن بعد بنت


فالتصوير ما يبين في الشهور الاولى لا تاخذين على كلامهم حتى الدكتورة تقولك في الموعد الياي بنتاكد أكثر من الاجهزه الداخليه
والله ينولج اللي في بالج ****لله

فديتهاااااااااااااااا


02-05-1429 هـ, 08:17 مساءً
أختي
الي أعرفه انه الاعضاء بها الفتره هذي تكون متشابه بالبنت والولد
يعني ماتقدرين تجزمين بها الفتره هذي أنه الي ببطنك بنت أو ولد

وان شاء الله يخطئ السونار وتكون بنووووووووته مثل القمر
وتفرحين بشوفتها ياااااارب ياكرررررريم
<<<< عندي بنت بس هم أبي بعد بنت موووووووتي بالبنات
والله لايحرمك ويرزقك بالبووووووته السليمه المعافاه
يااااارب ياكررررررريم
02-05-1429 هـ, 08:20 مساءً
الله يرزقك بالبنوته الحلوه يارب
02-05-1429 هـ, 08:32 مساءً
يوه جيتي على الجرح...
أنا بعد عندي اولاد وخاطري في بنت...
حتى زوجي وعيالي يبون بعد بنت....

الله يرزقنا يارب ببنات كاملات وتامات....
أنا سويت في الاسبوع الثامن...
وللحين ماسويت مره ثانيه...أنتظرهم يسوون لي موعد...
ومن كثر مافكر صارت احلامي مخربطه واحساسي كذلك...

أكثري من الدعااااااااااء....
02-05-1429 هـ, 08:47 مساءً
يارب يرزقني وياك وكل من تريد بنت

انا نفسك عندي ثلاثة اولاد وابوهم وهم يبون بنوته لدرجة عيالي يمسكون شعري ويمشطونه ويقولون لي نبي بنت هههههههه

وانا حامل والى الآن ماكشفت بس شكله ولد ,,,,,,,,,,,,,,,,,,


واذا ولد هذي هديه من رب العالمين ما اقدر حتى اوقل يارب يكون خطأ احس اني ماقبلت هدية الله

الله يصلحهم يارب ويبرون فينا ويرزقنا حريم عيال احن علينا من بناتنا
استغفر الله الذي لا اله الا هو الحي القيوم واتوب اليه


الساعة الآن 07:12 .

جميع الحقوق محفوظة - عالم حواء - 2015