السعودية - جدة
أم عمر عرض100
دلكة سوودانية حلاوة ساونا شغل حلوووو نظافة نعوومة
              

السعودية - جدة
أم عمر عرض100
دلكة سوودانية حلاوة ساونا شغل حلوووو نظافة نعوومة
إضافة رد
 
أدوات الموضوع انواع عرض الموضوع
قديم 02-05-1429 هـ, 09:48 صباحاً   #1
hakeemman

عضوة جديدة
 
الصورة الرمزية hakeemman
 
تاريخ التسجيل: 27-04-1429 هـ
المشاركات: 74


الأعشاب و الشعر ...استكمال ما بدأناه

بعد السلام عليكم ....أتمنى الا اكون ضيفا ثقيلا عليكم فى منتداكم الموقر ... وهذا ملف قد كنت بدأته فى احد المنتديات الموقرة الاخرى ...و احببت ان اكمله معكم ..عسى ان افيدكم ..او استفيد منكم ...واحببت ان اجعل هذا الجزء هو الثمانيه اجزاء التى كتبتها فى المنتدى الاخر ..ثم نكمل ما بدأته باذن الله ....لتكمل الاستفادة وتتم النتيجة ...طبعا ساختصر حتى لا يطول الموضوع ...واتمنى ان تستفيدو ...ولاى اسئله او اضافه او اعتراض انا مستعد و شكرا لكم ..
بدأت قصة هذا الملف من حوالى سنتين لما لقيت بنتى ..قربت تصلع ..طبعا مامتها قالت لى يا دكتور الناس تقول ايه ..باب النجار ..اقرع .....قلت لها وده كلام ..طبعا فى فرق بين العلم و التجربة ...الخلفية العلمية كانت معروفه بس الجانب التجريبى كان مكتملشى لسه ..وانا بطبعى لما بحب اركب حاجة ..لازم اكون واثق منها علميا و بحثيا وكمان بحاول استخدم اسرع واقوى حاجة ..طبعا الحمد لله خدت شاى اعشاب لمدة ثلاث شهور مع دهان للراس ..وبفضل الله كانت النتائج اقوى مما توقعت ..وتقل شعرها وصار كثيف بنسبة عاليه جدا مما كان عليه وخرجنا الحمد لله من الازمة ...وتتابعت بعد كدة الحالات و الابحاث و التجارب ..وبعد كل ده قررت اعمل فيل للى استنتجته بحثا و قراءة و تجربه ..علشان احطه بين ايديكم و طبعا استحملونى ...الملف هيكون طويل حبتين بس باذن الله موسوعه وارجو عدم نقله لاى منتدى تانى الا بحفظ حقوق الكاتب ..الملف متعلق بمسأله سقوط الشعر و قلته اكثر منه تنعيم او تحسين مظهر ..ويمكن ربنا يسهل ويكون لنا كلام عن الجزء ده برضو ..
نبدأ ونقول ...من خبرتى و تجاربى تبين ان علشان اتخلص من سقوط الشعر و ضعف نموة و خفته و ضعفه ...فى سبع جوانب لازم نتكلم عليها ...كل جانب يلزمه نوعيه من الأعشاب بتجيب نتايج كويسه واحيانا كويسه جدا فيه ...باذن الله كل مرة نتكلم على جانب من الجوانب علشان الملل و الزهأ ...واتمنى الاخوات يجربو بنفسهم مع التاكد من نوعيه الاعشاب لان للاسف الشديد احد اهم اسباب فشل نتايج الاعشاب هى غشها لانك بتستعملى اعشاب مش هيه اللى مكتوبة وموصوفه ..كم من حاله اطلب منها شراء اعشاب تجيب لى حاجات تانيه خالص لان العطارين للاسف معندهمشى اى علم مجرد بيع و بس ..و المتخصصين مبيبيعوش اعشاب ..الا قليل منهم ...معلش تقلت عليكم ..نتكلم عن الجانب الاول ...واصبرو معايا شويه :
##(الجانب الأول)...وهوة الجانب الهرمونى فى الموضوع ...فمعظم المتخصصين و خبراء الاعشاب و الاغذية فى العالم بيعزو مسالة تساقط الشعر و الصلع (غير الجينى) الى تحول هرمون التيستستيرون فى الجسم الى حاجة اسمها داى هيدروتستيستيرون ...المشكله ان هذا التحول وهذه المادة بتروح لبصيله الشعر تدمرها وتقودها زى مبيقولو الى التقاعد المبكر ...تقول اخت ناصحة طيب منحاول نمنع هذه التحول ونريح نفسنا
...اقولها برافو عليكى ...تسال اخت ناصحة تانيه طيب هوة فى اعشاب لكدة ....اقولها طبعا ..وكل منجى مركبات منع التساقط بتعتمد عليها ...نقول الاعشاب وهقولكم ازاى تستخدموها بس عاوزكم متملوش وتنامو منى ...
1- عشبة البلميت المنشارى ودى من طايفه النخيل زى نخل الزينه كده ودى صورتها
http://www.nbbd.com/godo/cns/Brochur...awPalmetto.jpg

http://www.gaiaherbs.com/images_herbs/SawPalmHOTW.jpg
دى بتنتج حاجة زى البلح كدة شوفتوها فى الصورة ...دى فيها الجزء الفعال ...خلاصة الثمرة دى ..دى من اقوى الاعشاب فى وقف التحول اللى احنا قلناه ...ونفس الفكرة دى و بنفس الطريقه بتشتغل فى التهاب البروستاتا (موضوع كبير تانى) ..طيب ازاى استخدمها ..شوفى يا ستى ممكن تاخدى جرعة يوميا من الخلاصة فى صورة نقط او كبسولات او اقراص للخلاصة المجففه ..انا نفسى كنت عامل منها لوشن للشعر وكان بيجيب نتايج كويسه جدا بالذات مع اعشاب تانية ...ممكن برضو تبقى فى صورة شامبو بخلاصة مركزة و يستحسن انها تتاخد داخليا ..يعنى شرب و خارجيا يعنى دهان باى صورة ...بس تكون خلاصة مركزة ...(هنبقى ان شاء الله نعمل ورشة عمل نشوف ازاى تحولى منتجات الاعشاب لشامبو وكريم وكدة) ..
2- عرق السوس (وده اسمه الصح) ...ده تانى عشبه بتشتغل بنفس الطريقه..طبعا مش هقولك اشربيها داخليا لانها شويه مضاعفات الامن ان تستخدم موضعيا كخلاصة فى صورة شامبو او لوشن ..طبعا تحضير خلاصات الاعشاب له طرقه و اسلوبه الصحيح ....فى اوروبا لقيت منتج من خلاصة عرق السوس بيستخدم فى علاج اكزيما الفروة و سقوط الشعر منتج اسبانى و مشهور ...و بدأ الاطباء يستخدموه فى مصر كوصفات صيدلانيه ...الغريب ان سعره غالى جدا ...بس نعمل ايه همه يفكرو احنا ندفع مع اننا عندنا العرق سوس بببلاش ....
3_ الشاى الاخضر ...بيحتوى على مواد اسمها الكاتيكينز بتشتغل بنفس الطريقه ..نعمل خلاصة مركزة و نشربها ..(بالاضافه طبعا لفوايده الاخرى) ..ويستحسن نعمله غسول للراس ..زبس تاكدى ان اللى معاكى شاى اخضر ...او نحطة فى صورة شامبو يومى حتى لو بتستخدميه داخليا ...عاوزكم لما تشتروا الشاى الاخضر من اى عطار تعملو تجربة بسيطة ..ارمى ورقة كاملة فى نص كوب ماء و سيبيها عشر دقايق مثلا وبعدين قارنيها بالصورة دى علشان تتاكدى انه شاى اخضر
http://www.herbalextractsplus.com/im...en-tea-bsp.jpg)
...يبقى تناولى كبسولات البلميت المنشارى و استخدمى الشامبو او اللوشن بتاعه وكمان شامبو عرق السوس ....وكمان لوشن الشاى الاخضر مع شربه ....هتحسى فعلا بفرق كبير جدا ...بالذات مع ما سنذكرو من اعشاب
______________________________ ______________________________ ______________________-
.كنا اتكلمنا فى المقال الفائت عن الجانب الاول من جوانب مقاومة سقوط الشعر القويه بالاعشاب ...وهنا نتكلم عن الجانب التانى ..وهو الاعشاب المقاومة لسقوط الشعر و التى تعمل على تقويه البصيلة و تحفيز نموها و انبات الشعر الضعيف ...عن طريق مقاومة الكود الجينى ...و الجانب ده خلو بالكم مهم جدا ...لانه بيتعامل مع سقوط الشعر الوراثى فى الانثى و الصلع فى الرجل ...طبعا جين سقوط الشعر جين مرتبط بالجنس يعنى فى رجل اصلع بس مفيش امراه صلعاء ..بيسموها متساقطة الشعر ...وده من حكمة ربنا ان جين الصلع محمول على الكرموسوم الذكرى (Y)ولما كانت الانثى لا تحمل هذا الكرموسوم ده فلا يمكن ان تكون صلعاء ..بس متساقطة الشعر ...الكود الجينى ده كود يحمله الجين يعمل على سقوط الشعر برفع مواد معينه فى الجسم او بتحفيز هرمون معين او بتقليل هرمون آخر ...فصدك يعنى ممكن الصلع الوراثى يتعالج ...مقدرشى اقول اه ..بس اقول انه يمكن الحد منه و مقاومته ..بالذات فى النساء ..
## العشبة الاولى هى الحلبه ...طبعا هتستغربو ..ويمكن بعضكم قرا عن كدة بس مكانش متخيل انها حقيقة علمية او ليها اساس علمى ..هوة بصراحة طريقع عملها مش واضحة حتى الان ..بس لقو انها فعلا بتقاوم هجوم الجين الشرس على البصيله ..و فى كل طب الدنيا بيستخدموها لهذاالغرض (بالاضافة الى اغراض اخرى فى منتهى الاهمية لربما تناولناها فيما بعد) ..الطب الفرعونى و الطب الهندى و الطب الصينى حتى الطب العربى ....و الطب الغربى برضو بدا و الم تكن معتمدة بعد ..ككثير من العلاجات العشبية الفعالة ...احد النظريات بتقول انها بتقلل تكوين الكولستيرول اللى ارتفاعه بسبب اى خلل جينى يقود الى موت البصيله وده طبعا لمحتواها من ماده فعاله جدا و رائعه اسمها (الديوسجينين)ودى بيسموها فى اوروبا كلها ((البروجستيرون الطبيعى))وعلى فكرة العالم الامريكى بيفخر انه عنده نبته اسمها ((اليام)) YAM وفخورين قوى بمحتواها من الديوسجينين و احنا نستورد مركبات اليام ((بيسموها البطاطا الحلوة )) و فى كتابه الرئع ((جرين فارماسى)) للدكتور جيمس ديوك صرح انه بالتحليل تبين ان محتوى الحلبه الشرق اوسطية اعلى من محتوى اليام بتاعهم فى هذه المادة ..سبحانك يا رب ..وهنا ملاحظة غريبه فعلا ...كل الاعشاب اللى بتخفض الكولسترول ..بتمنع تساقط الشعر ....بس الحلبه لها تاثير رائع فى المجال ده ...الجميل انها بتعمل توازن هرمونى فى الجسم و اللى يسبب خلله ايضا سقوط الشعر برضو بسبب الديوسجينين دى ..ويمكن ده سبب استخدامها الشائع فى تظبيط الدورة و نزولها لما تتاخر ...محتواها العالى من الاحماض الامينية المفيده للشعر زى الليسين و التيروسين وغيرهما المهمة فى تكوين الشعرة مساعد اخر فى مقاومة الجين ..فيها كم نوع من الفيتامين كلها مفيدة للشعر و الفروة .( ريبوفلافين و بانتوثينيك اسيد بيروديكسن والفوليك) كل ده مزايا جبارة فيها ...الجميل انها بتحتوى على تركيز عالى من السيلينيوم ودى زى منتو عارفين مادة مضادة للاكسدة و كل مضادات التاكسد بتقى من سقوط الشعر ..عاوز اختصر و اقول ان احدث ابتكارات شركات الاعشاب الاوروبيه كبسولات الاساس فيها خلاصة الحلبه المجففه...مع بعض الفيتامينات الاخرى و اللى اثبت التجارب انها بتجيب تاثير كويس جدا على المدى الطويل ...عارف نكم زهقتو بس عاوز اقول حاجة اخيرة ..ان من الاعشاب اللى بتقوى تاثيرها فى المجال ده الجسنج السيبيرى و ده فى عده ابحاث
##طيب اتناولها ازاى ...طبعا خلاصة مجففة فى كبسولات اساسى ....خلاصة سائله دهان للشعر يوميا...شامبو بخلاصة الحلبه لو ممكن ..وكنت مرة طلب منى صديق شامبو يمنع سقوط الشعر ..فعملتله شامبو بخلاصة الحلبه و عرق السوس ..لمدة شهر ...و الله يا جماعة بعد اسبوع كان بيالف شعر فى الشامبو ...مش بس لانه منع السقوك بشكل ملحوظ ..كمان لانه منعم للشعر و دى حقيقة فعلا ...وزمان كانو بيغسلو رؤسهم بماء الحلبه علشان التنعيم ...بس ده مش وقته ...
##اساسى قبل متاخدى اى عشب تعرفى ممارس الاعشاب اللى بيتابعك ايه بتاخدى من ادويه لان الحلبه من الاعشاب القويه اللى بتتفاعل مع ادويه معينه ..وكفايه عليكم كده ..ونكمل بقيه اعشاب الجانب ده المرة الجاية .
______________________________ ______________________________ _-_____________________
استكمالا لملف لملف الاعشاب و الشعر ...اللى اتمنى تكونو استفدتو منه ..واللى طبعا احب انكم تكونو جربتو اللى بتقروه لانه يا جماعه ..المسألة مش كلام و رغى و بس لازم اى تركيبه تقروها نجربها (بس تكون من متخصصص طبعا) طبعا ده بيعرفنا حاجات كتير ..اولا شكل الاعشاب ..ثانيا كيفية التعامل معاها ..ثالثا طرق تحضيرها ...طرق استخدامها الصح ..تركيزها ..بصراحة حاجات كتير ..ومن خلال ورش العمل و التدريب الى بعملها لبعض دارسى الاعشاب بلاقى ناس فعلا عندهم موهبه انا نفسى بستفيد منها ...وزى ما قال النبى رب حامل فقه الى من هو افقه منه ...احيانا بعض الناس يقول حاجة اثناء التدريب تلفت نظرى و تعلمنى حاجة جديدة لان المجال ده فعلا مجال راقى و عالمى و مفيد ...
..اتكلمنا قبل كدة عن جانبين بتلعب فيها الاعشاب دور اساسى لمنع سقوط الشعر و زياده كثافته (تقله يعنى بالبلدى) ...الاول الاعشاب اللى بتمنع السقوط الهرمونى و الثانيه الاعشاب الى بتضاد الكود الجينى ...وياريت حد هاوى يقولنا تجربته و محاولاته و ابداعه علشان يكتمل الجانب النظرى و العملى
##الجانب الثالث : الأعشاب التى تمنع سقوط الشعر و تزود كثافته من خلال زياده الدورة الدمويه لبصيله الشعر و تحفز نموه : ودى مجموعه كبيرة من الاعشاب هنتناولها فى كذا مقاله نبدأ بعشبه جميله جدا وموجوده فى الوطن العربى و انا نفسى بزرعها فى بعض المزارع هنا الا وهى عشبه ((القراص اللاسع )) او ((الحريق )) او (( النتل )) او (( الأنجرة بلهجة بعض البلاد)) ...
دى صورة
http://www.shee-eire.com/Herbs,Trees...nettle-003.JPG
ودى صورة
http://www.humboldtredwoods.org/images/nettle.jpg
ودى صورة
http://www.herbalremediesinfo.com/images/nettle.jpg
علشان تبقو ملمين بالشكل العام ..وده مهم جدا علشان متقعوش فى الغش
_العشبة دة بتشتغل بطريقتين فى منع التساقط و تحفيز النمو بشكل ملحوظ ..اولا بالطريقه الاولى اللى ذكرناها فى الجانب الاول ..و التانية انها بتحتوى على شعيرات ومواد كيماويه بتحفز جدا بصيله الشعر ...زى الهستامين و الاسيتيل كولين و غيرها ..علشان كدة بيسموها القراص لان كل اللى بيلمسها بيحس بقرصة نظرا لتوارد الدم الشديد اللى بتعمله ...طبعا خلى بالك لما تلمسيها فريش لانها فعلا بتلسع جدا ...كتير من الشركات العالمية بتستخدم خلاصتها كمنبتات للشعر ...حتى بعض الصبغات للحناء بتضيفها لمعالجة سقوط الشعر برضو ...
-هنستخدمها ازاى : طبعا الجزء الفعال هوة الورقه و الجذور ....هنعمل خلاصة من ى منهما او كلاهما ...هنستخدمها كغسول يومى لبصيلة الشعر و نسيبها على الاقل ساعنين لحد متمتص ....او نستخدم الخلاصة الجاهزة ودى بنحضرها هنا او ممكن تشوفيها عند اى متخصص عندك ...ممكن نتستخدم الشامبو المحتوى على الخلاصة بشكل مركز ..طبعا بالاضافة الى تناول العشبة عن طريق الفك ككبسولات او خلاصة سائلة فى صورة نقط ...
-انصح بخلط خلاصتها مع خلاصة البالميت المنشارى اللى اتكلمنا عنه فى الجزء الاول وكذلك خلاصة عرق السوس لما نستخدمها للشعر ...طبعا مع خلاصة الحلبه اللى اتكلمنع عليها فى الجزء الثانى
-نخلى بالنا انها بتقوى شويه فعل مدرات البول و القلب ...و طبعا مرضى الحساسية يكونو حذرين لاحتواءها على نسبه عاليه من الهستامين
ودمتم سالمين
______________________________ ___________________
اتمنى ان الاخوات يستفدن مما اكتب ..و مازلنا مع ملف الأعشاب و الشعر وامازلنا نتكلم على الأعشاب التى تزيد من طول الشعر و كثافته وتمنع تساقطه بشكل جيد و ملحوظ و عن تجربه من خلال الجانب الثالث وهو تحفيز البصيله و تنبيهها على النمو و كنا تكلمنا على الجانبين الاول و الثانى قبل ذلك ....ذكرنا المرة الماضيه عشبة القراص اللاسع .....نذكر ههنا عشبة غايه فى الاهمية و تاريخيه ...وكم كتب عنها من مقالات و كتب ...بل ان اسمها يوحى بالقداسة لانها سميت نسبه الى مريم العذراء ((مارى)) حتى قيل انها اخذتها معها فى رحلتها لمصر مع المسيح عليه السلام...مش عاوز اطول ..ما يهمنى هنا ان اقول ان العشبه هذه تحتوى على زيت طيار من اقوى الزيوت و انفعها يحتوى على عدد من المواد المحفزة لنمو الشعرة ليس خارجيا فقط ..يعنى دهان و لكن داخليا و خاجيا ..تحتوى على السينيول وده من المنشطات القويه موضعيا و داخليا و البورنيول و غيرها ...وهذه اخد الاجزاء التى اعطيها فى مجموعه الشعر دائما لانى فعلا احبها ...طبعا لا استطيع ان احصر الكم الهائل من المنتجات التى تضيفها لتراكيبها ...وهى بالفعل مجربة ومعظم الشركات الاوروبيه تستخدمها
## كيف استخدمها : العشبة تستخدم داخليا مثل الشاى تماما مرة الى مرتين يوميا ...عاوز اقول حاجة مفيدة جدا انها من اقوى الاعشاب للتنبيه الذهنى و تقويه الذاكرة ..ومعلش اسمحولى اقول ان احد اكبر متخصصى الاعشاب فى امريكا الان يستخدمها فى الوقايه و علاج الزهيمر ودى فايده ممتازة حتى لو ل استخدمتيها فى صورة شامبو لانها تمتص جيدا عن طريق الجلد..طبعا شامبو من الاخلاصة المركزة ضرورى جدا و الحمد لله احنا بنزرعها هنا و ننتج الخلاصة مركزة وبصراحة بتبقى متعه ...استخدى الزيت الاساسى بتاعها ((بس احذرى من الغش )) لانصعب تلاقيه بسهوله وهوة موجود فى شركات فى مصر ...اضيفى طبعا هذا الزيت لاى زيت حامل يعنى تخففى الزيت لازم و ياريت يكون فى زيت زيتون...او تحطيه فى قاعدة شامبو او كريم ...كل دى طرق مفيدة نسيت اقول ان اسمها العربى ((حصا اللبان)) و خلو بالكم من الغش ...ودى صورتها للايضاح
http://www.essentialoil.in/images/rosemary.gif
ودى
http://www.bigoven.com/uploads/rosemary.jpg
ودى جافة
http://images.jupiterimages.com/comm...1/23370111.jpg
طبعا الاستمرار و المتابعه قاعدة فى استخدام كل الاعشاب ....ودى بعض الوصفات السهله اللى هديهالكم و تحاولو تعملوها ...علشان ايدكم تاخد على التركيبات ..
200 جم شامبو جونسون اطفال +120 نقطة زيت الروزمارى الاصلى ودى تتخلط جيدا واستخدميه شامبو مرتين لتلات مرات اسبوعيا مع تدليك الفروة و سيبيها فترة
__100 مل زيت زيتون +100 مل زيت جوجوبا +3 مل زيت روزمارى رائع لمنع سقوط الشعر و تنعيمه
وشكرا ليكم و اى سؤال انا موجود و اتمنى تراجعو الاجزاء الثلاثه الاولى ودى روابطهم
واسف على الاطاله ودمتم سالمين
______________________________ ________________
السلام عليكم :
أتمنى أن الأخوات و الأخوة فى المنتدى يكونو مستفيدين من الموضوع و لو فى اى اقتراح اتمنى تضيفوه و تتفضلو بيه ...وللعلم يا جماعة هذا الملف لم يسبقه ملف مثله فى تصنيفه و تجريبه ...و الحمد لله . و اتمنى تكون المشاركات و الأسئله على نطاق أوسع حتى تعم الفائدة ..بالنسبه لبعض الأخوات اللاتى سألن عن ورش العمل ..والله يا جماعة انا مش فى المملكة و لا الامارات ..واحنا هنا بنعمل ورش عمل فعلا وان كانت صغيرة علشان اقبال الناس على تعلم العلم الصحيح للاعشاب مازال ضعيفا ..بنحاول نعمل ورشه عمل فى الكويت او الامارات مع خبيرة الاروماثيرابى الاخت الفاضلة دينا الجارم..اتمنى نصل لصيغه ..
مازلنا فى القسم الثالث و هى الأعشاب التى تزيد من كثافة الشعر و تمنع سقوطة عن طريق تحفيز البصيله ..وكانت اخت سالت سؤال جميل ..وماذا يعنى تحفيز البصيله ..علشان تفهمى حضرتك لازم تشوفى الصور دى ...معلش بتعمق شويه بس لازم الاخوات يكون عندهم خلفيه طبيه خفيفه عن اللى بيستعملوه
http://biology.clc.uc.edu/fankhauser...040labeled.JPG
اللى فات صورة واقعيه بصى و شوفى الهير فوليكل عليها سهم و مكتوب hair follicle



دى صورة كروكى هتلاقى سبحان الله الشعرة بيغذيها ارترى ((شريان)) و عصب وفين ((وريد)) دى بتغذى البصيله اللى قلنا عليه ...وظيفه العشبة تزويد الدم الوارد للبصيله ويمكن لاحظتو فى الصورة الاولى ازاى بتموت البصيله ...دى و ظيفه كل المركبات سواء كانت عشبية او كيماوية ..منع البصيله من الوفاه..طبعا لسه متكلمناش عن العشبة ..عشبة اليوم من اشهر و اجمل و اغنى الاعشاب بالفوايد و هيه عشبة الزعتر ....قريت امبارح احدث علاج لمنع تساقط الشعر تحت التصنيع بعد التجارب السريرة يحتوى على خلاصة الزعتر او الزيت الاساسى للزعتر ...طبعا الحمد لله من زمان و انا بدخل الزعتر فى منتجاتى ...و احسن و اقوى و اهم علاجات القشرة و الفروة الدهنية هيه خلاصة الزعتر ...يكفى ان اقول ان الثيمول وهيه المادة الفعالة فى الزعتر اقوى من الفينول بحوالى عشر مرات و دى حاجة ممتازة ..بس خلو بالكم بدون كل مشاكل الفينول ....يعنى هيطهر فروة راسك و يحفز بصيلتك لانه بيزود توارد الدم جدا ...ويعالج القشرة و كمان الاكزيما الدهنية فى الفروة ....غايه فى الجمال ......
**هنستخدمه كالعادة داخليا و خارجيا ....داخليا كمشروب او كبسولات الزعتر و خارجيا دهان للفروة مع تركه فترة و التدليك او لوشن مركز او شامبو مركز ....ارجوكى خلى بالك من الغش ...واحنا هنا بفضل الله بنعمل الخلاصة و اللوشن و الشامبو ...وعاوزكم تتعلمو ازاى تحضرو حاجاتكم فى البيت .....نستخدمه يوميا مرة و احدة ......طبعا فوايد الزعتر عاوزة محاضرة كامله بس انا طولت ...وشكرا بس هديلكم صورته كاخر حاجة علشان تتعلمو تشوفو العشب و متتغشوش
______________________________ ________________
بعد السلام عليكم ...اتمنى يكون فى استفادة من الملف ده و شكرا للاخوة و الاخوات اللى بعتو لى رسايل ...و معلش على التاخير لانى كان فى ورشة عمل صغيرة فى القاهرة كانت لازم تتدرس ....
ما زلنا فى الحديث عن الأعشاب المزيده للشعر و المانعه لتساقطة من خلال تنشيط بصيله الشعرة التى هى الأساس فى تحفيز و نمو الشعر ...قلنا عشبتين هما حصا اللبان و الزعتر ...والحمد لله نتائجهم ممتازة جدا ..المهم الاستخدام و الطريقه الصحيحة ...هنتكلم اليوم عن عشبه من امهات الاعشاب ...و التى لها دور ممتاز جدا اذا استخدمت صح فى منع سقوط الشعر و تصفيفه ...وكمان لمعانه ..اذكر فى احد المرات طلب منى فى شركة عمل عينه لوسيون للشعر مانع للتساقط و ملطف و مانع للجفاف ...وكنت حينها فعلا فى زحمة شغل ..فعملت تركيبه كان فيها كمية من خلاصة المريمية كبيرة ..ثم اضفت بقيه الاعشاب ...و سبحان الله كانت النتائج كويسة جدا اكثر مما توقعت ...بالمناسبة كانت اخت بتقولى انت ازاى بتقول عن نتائج غير متوقعه هل التركيبة مش بتبقى مكتوبه او منقوله ...طبعا نصيحة لاى اخت متنقلشى تركيبة وخلاص لازم العلم بالمكونات ثم الاضافة او الحذف على حسب الحاله ..لان مجال التراكيب مجال (( ابداع)) و ليس نقل ...ودى زى اى موهبه طبعا بس اى موهبه تحتاج لدراسة ...تعالو نشوف اولا صور المريمية الصحيحة..و طبعا هيه انواع كتيرة جدا ...
ده نوع
http://www.gardenaction.co.uk/images/sage_purple.jpg
وده نوعhttp://www.milkandhoneyfarm.com/garden/images/sage.jpg
وده نوع مطحون http://www.fromnaturewithlove.com/images/SagePwd.jpg
وهيه بتكون مغبرة طبعا ملاحظة جدا و رائحتها مميزة ..
الملاحظ اننا لو قارنا المريمية بحصا اللبان هنلاقى فى بعض تشابه فى التركيب و المريمية تزيد ببعض المركبات ...المريمية تحتوى على السينيول المنشط جدا..حمض الروزمارينيك برضو بالاضافة الى مادة اسمها الف و بيتا ثوجون ((ودى تتاخد بحذر عن طريق الفم)) و بماانها تحتوى عاى فلافونيدات فده ميزة ممتازة للجلد و البشرة وكمان اشياء اخرى ..كل ده مع بعضه بيخليها ممتازة موضعيا لنمو الشعر ((عن تجربة)) ..بعض الابحاث بتقول ان مفعولها بيزيد مع خل التفاح و ده طبعا صحيح لما يحتويه خل التفاح على مواد مضاد للقشرة و منظفه لفروة الراس التى قد تكون احد اهم اسباب سقوط الشعر ....
__ الاستخدام : خلاصة المريمية فى صورة لوسيون او شامبو مركز يدلك الفروة يوميا
__قد يضاف خل التفاح 10 مل / 100 مل خلاصة يكون مفيد(( بس للشعر الجاف بلاش ارجوكم)) خليها للدهنى و الفروة الدهنية لو سمحتو
__ يفضل اضافة خلاصة الروزمارى التى تكلمنا عنها سابقا و طبعا الزعتر مع خلاصة المريمية
__طبعا خلاصة الحرق او القراص التى تكلمنا عليها سابقا من المقويات جدا لتاثيرها
__تستخدم بحذر داخليا ...اى عن طريق الفم لما تحتويه من ثوجون منشط جدا لخلايا المخ وغير مسموح لمرضى الصرع و نحوه ..و من الجميل ان العالم بدا يستخدم المريمية فى الوقايه و العلاج من الزهيمر ((مثل الروزمارى)) ..وحتى فى تقويه الذاكرة ...وبعض مجانين الموضه الاجانب بيستخدموها للاحلام المثيرة و الانفعاليه علشان يكون فى اكشن فى الاحلام ..وده ربما لانها منشطة لخلايا الدماغ
اتمنى نجرب و نستفيد و نتعلم مع بعض ......و دمتم سالمين
______________________________ ________________
بعد السلام عليكم ...أتمنى الناس تكون مستفيدة من هذا الملف و اتمنى الأخوات يكونو بيحاولو يجربو بانفسهم ..لأن زى مبيقولو التجربة خير برهان ...وصدقونى يا جماعة الملف ده لم يسبق بفضل الله فى موقع و لا منتدى ..لانه نتاج بحث و تجارب عمليه على متطوعين ..و تجارب فى شركات ..ولذلك ارجو عدم نقله الابارفاق اللينك الخاص بالمنتدى ..وشكرا للأخوات االى سألو و استفسروا و اتمنى يزيد الحوار فى الردود العامة علشان الجميع يستفيد ..
النهاردة هنتكلم عن عشبة من ملكات الأعشاب ...و الغريب ان العشبه هذه اتى اسمها فى كل الثقافات يعنى جات فى البرديات المصرية الفرعونيه و الكتب الصينية و الفارسية و الهندية ...و الأغرب ان حتى الان مش عارفين العشبة دى بدأت فى الظهور فين فى العالم و بعدين اتنقلت ..عشبة غامضة و مفيدة جدا و يمكن فى مرة هعملكم ملف عن اعاجيبها ..بس هنقتصر اليوم عن الكلام عنها فى جانب الشعر ...العالم كله الان اوروبا و امريكا و كندا كلهم بيعملو عليها ابحاث و بيدخلوها فى منتجاتهم و بيستخلصوها ...لان طبعا الاستخلاص الصح هوةو الذى يعطى فائدة العشبة كاملة ...العشبة دى هية ((الفلفل الأحمر)) او (( الشطة )) او هتلاقوها بالانجلش (cayenne) او (capsicum) و ليها اسماء اخرى ...طبعا كلكم يعرفها ...
=العشبة تحتوى على حاجة اسمها كابسيسين هية التى تعطيها الطعم الحار ((الحراق)) ..بالاضافة انها غنية بفيتامين سى و الف و الحديدو الكبريت...
= بتشتغل ازاى: كل العشابين و خبراء الشعر فى العالم بيتقفو انها بتزيد توارد الدم الى بصيله الشعره و ده بيحفز نموها ..احدث الابحاث بتقول انها بتزود حاجة اسمها ((العامل المزيد للنمو المشابه للانسولين اوI.L.G.F ..ودى لها دور فى طول الشعر ...البحث ده فى اليابان و جايب نتايج جيدة على المتطوعين ...بطريقه توارد الدم دى بيعالجو بها الام المفاصل و غبرها ((لزقة الشطة)) .....طبعا للاضافة لمحتواها مما ذكرنا على فيتامين سى المضاد للاكسدة و الكبريت المهم جدا لغلاف الشعرة و الحديد الهام برضو لنمو الشعرة فى اخر البحاث ..نجد انها توليفه رائعة فى عشب واحد ..سبحان الله من اشهر التركيبات الموجود ها الشطة تركيبة ((تونوسكالبين )) المشهورة ..وبتجيب نتايج كويسة ..ولينا برضو تركيبة ((هير ماكس ))...
=الاستخدام : اجمل طريقه لاستخدامها هيه الخلاصة الزيتيه التى قاعدتها الزيتيه زيت الزيتون لانها متعددة الفوائد و بتحمى من الالتهاب الذى قد ينجم من الكابسيسين و بيزود فعله ...تستخدم مرة يوميا مع تركها على الشعر ..الناس اللى فروتها حساسة تعمل اختبار حساسية قبلها ..يمكن استخدام الخلاصة الخليه ودى ممتازة لان الخل نفسه مقوى لبصيله الشعر فى بعض الابحاث ((بس بيجفف الشعرة احيانا ))...الخلاصة الكحوليه من اشهر الخلاصات المستخدمة فى هذه العشبة واقواها ((بس برضو بتجفف الشعرة))فخلو بالكم ..
=نخلى بالنا من العينين ...و نغسل اليد جيدا بعد الاستخدام لانها بتلهب العين جدا لو لمستها ايدك بعد الاستخدام ...
=لازم تكون الشطة الحراقة ...الغير حراقة لا فائدة فيها ..
=الاستمرارية فى استخدام اى تركيبة هى مفتاح النجاح ..بالذات مع مع اسلفنا من اعشاب
=الفروة الملتهبه لا يفضل فيها استخدام الخلاصة لسقوط الاعشاب فخلى بالك من سبب السقوط وده فى اخر الابحاث ايضا
=اخر الابحاث تؤكد انها تكون اقوى تاثيرا مع خلاصة فول الصويا و الحمد لله عملنا تركيبة بخلاصة الشطة و الصويا و بعض الاعشاب الاخرى وهى جيد فعلا .
دى صورتها اتماما للفائدة http://www.peacehealth.org/kbase/med...am/cayenne.jpg
http://www.zlittle.com/wp-content/up...nne-pepper.jpg
وشكرا لكم و دمتم سالمين و اتمنى من الجميع المداخلة و الحوار و السؤال
______________________________ _________________

نكمل ما نحن فيه ..الأعشاب التى تمنع التساقط و تزيد من كثافته من خلال تنشيط البصيله وزيادة تدفق الدم اليها ..عشبة اليوم ربما تكون عشبه غريبه عليكم و لكنها مشهورة عالميا و تاريخيا جدا ..اسمها عشبة (الجابوراندى) ...اسمها باللاتينى (بايلو كارباس ) يعنى مزيد الشعر او منشط الشعر ..وده دليل على ثقلها التاريخى فى موضوع الشعر لدرجة انهم اشتقو اسمها من مفعولها ..طبعا مش هندخل فى فوائدها الطبية الاخرى لانها ممكن تاخد ملف لوحدها ..
_كيف تعمل العشبة : هذه العشبة تسبب ما يسمى توسيع (vasodilatation) للشعيرات الدموية المغذية لبصيلة و غلاف الشعرة ..بالطبع يزيد توارد الدم فتزيد تغذية الشعرة وتبتدى تتحسن خصائصها ..الجميل ان هذه العشبة دائما تذكرنى بعقار (المينوكسيديل) وده من اشهر العقارات العالمية فى منع التساقط ..بس عن تجربه و صدقونى البدائل العشبية بتعطى نتيجة احسن منه ...ومعلش اذكر لكم حاجة لطيفه كدة عند المينوكسيديل ده ..اصلا الشركة المنتجة كانت تجرى تجارب عليه كدواء مخفض للضغط من خلال توسيعه للاوعية الدمويه الطرفيه ..فوجئوا ان المتطوعين اللى بيجربو عليهم بدا شعرهم ينمو اسرع ..و الذى كان منهم اصلع أحس بشعر خفيف بدأ ينمو فى مكان الصلع ...طبعا لما وجدا ذلك عرفو انهم تسويقيا سيجنو الملايين من العقار اذا كان للشعر عنه اذا كان للضغط ...فنزلوه كعلاج للشعر موضعى علشان يزيد اثره ..(طبعا غريبه) ..الغريب ان نفس الموضوع حصل مع نباتنا الجميل ..كانو بيستخدموه حقن تحت الجلد لبعض الحالات وجدوا ان الشعر بيكثف و يزيد ...تشابه غريب سبحان الله ..ومن يومها استخدم موضعيا لهذا الغرض ..من اجمل المعلومات بالنسبة للنبات ده ان الدولة المشهورة عالميا فى انتاجه هى البرازيل ..منعت اى نقل او بيع بذور او شتلات لاى منطقه فى العالم حتى تنفرد هية بانتاجها ..وهناك قانون يجرم ويسجن من حاول نقله خارج بلاده ..هوة ده المحافظة على الثروات القوميه ...العرب بيبيعو ثروات نباتيه ضخمة ..و ترجعلهم اضعاف اضعاف اثمانها منتجات مستخلصة منها ..طبعا الخلاصة هيه اللى بتباع من البرازيل لجميع انحاء العالم وده اللى احنا عاوزينه .
_طبعا هتستخدمى الخلاصة العشبية كدهان موضعى لفروة الراس مع تدليكه تدليك خفيف حتى تمتص ...طبعا بعدها بتحسى ببعض العرق فى الراس لانها بتزود التعرق لانها بتفتح المسام و تزود توارد الدم ..طبعا المادة الفعاله فيها هى البيلوكاربين ودى مادة مشهورة جدا ومنها قطرات للعين تستخدم فى علاج الجلوكوما كما هو معروف
_ما اجمل ان تضاف خلاصتها لخلاصة الزعتر او حصا اللبان او يستخدما بالتبادل او سويا .وتجرى ابحاث الان فى امريكا لزيادة فعاليتها مع خلطها بخلاصة البلميت المنشارى التى تكلمنا عليها و بعض الفيتامينات كالبيوتين ..وباذن الله بعد ميخلص الملف هنبقى نولف مع بعض مجموعة قوية من التوليفات بغرض تعويدكم على كيفيه ابتكار التراكيب .
_من اشهر تركيباتها (التونوسكالبين) مع خلاصة الشطة و غيرها ..وانا بنعملها مع الشطة و الزعتر وعرق السوس و غيرها تحت اسم هير ماكس ..وبعضهم بيضيف لها خلاصات اخرى
-عاوز اقول معلومة رائعة ...ولكنها تحت التجريب ...ولكن لا انصح طبعا بتجربتها شخصيا لان الخلاصة لا زم تتاخد داخليا بحذر جدا ...المعلومة بتقول ان خلال سته شهورالى ثمانيه شهور تعيد خلاصة الجابورندى المقننه لون الشعر من الابيض الى البنى الداكن و الاسود (عارف انكم متمنين حاجة زى كدة..وانا نفسى بصراحة نفسى فى كدة لما بدر من شعر ابيض وراثى فى رأسى )..وسابحث بنفسى و الحمد لله انا عندى الخلاصة و ساحاول التجربة وربنا يعلمنا ..
_دى صورها اتماما للفائدة ..مع انى لم اتكلم عنها بتوسع ولكن خشية الملل
http://www.rain-tree.com/Plant-Image...aborandi-1.jpg
http://www.dkimages.com/discover/pre...5/50073955.JPG
وآسف على الاطالة و اتمنى تكونو استفدتم ..ودمتم سالمين
______________________________ ___________________


hakeemman غير متواجد حالياً رد مع اقتباس إرسال الموضوع إلى الفيس بوك إرسال الموضوع إلى تويتر




02-05-1429 هـ, 01:13 مساءً
#2
أنا شعري بيتساقط بالهبل وخصل وأنا ألان بأرضع لي 4شهور و نصف من وقت الولادة وتغذيتي مش ولابد أعمل إيه؟ خاصة إن نفسي بتغم عليه من الأكل وماهو المكمل الغذائي الذي أستطيع إستخدامه بإعتباري مرضع؟؟؟؟؟؟؟؟؟؟


رد مع اقتباس
فاطمة ملابس غير متواجد حالياً  



02-05-1429 هـ, 02:52 مساءً
#3
أنصحك اخت فاطمة بالتالى :
_كبسولات السوبالميتو عن طريق الفم
_كبسولات بانتوجار فهى مكمل غذائى ممتاز
_ استخدام زيت الزيتون النقى دهان يوم و يوم
_ احد خلاصات الاعشاب التى تكلمنا عليها مفردة او مجموعة ..وتابعينى باذن الله ستجدى تحسنا ملحوظا جدا باذن الله


رد مع اقتباس
hakeemman غير متواجد حالياً  



03-05-1429 هـ, 12:33 صباحاً
#4
و لا تنسى طبعا الخضروات و الفواكة سيما التمر كمصدر للفيتامينات و المعادن


رد مع اقتباس
hakeemman غير متواجد حالياً  



03-05-1429 هـ, 12:40 صباحاً
#5
لوسمحتي ياختي ممكن تفيديني اناشعري اصبح يتساقط بشكل موطبيعي لدرجة صار فراغات فيه وكل هذ من يوم سويت رجيم ابغى اي شي يفيدني بس ياليت ميمتن ابد وجزاك الله خير


رد مع اقتباس
عاشقة زوجها بجنون غير متواجد حالياً  



03-05-1429 هـ, 05:51 صباحاً
#7
جزاك الله خير


توقيع

اللهم اعني على ذكرك وشكرك وحسن عبادتك

وصل وزني 65 كيلو بسهولة والحمد لله


رد مع اقتباس
humna غير متواجد حالياً  



03-05-1429 هـ, 07:38 صباحاً
#8
المشاركة الأصلية كتبت بواسطة عاشقة زوجها بجنون مشاهدة المشاركة
لوسمحتي ياختي ممكن تفيديني اناشعري اصبح يتساقط بشكل موطبيعي لدرجة صار فراغات فيه وكل هذ من يوم سويت رجيم ابغى اي شي يفيدني بس ياليت ميمتن ابد وجزاك الله خير
نفس المشكله


توقيع

أناسعـودية وفي عيشتي تنعمـت
رمز السعوديـة سيف وللكيف دلة
محبوبتـي صحراء وفي حبها همت
أعشــق سهولها والرجوم المطلة
يكفـي اني من نجــد تعلمــت.
ان الخضـوع لغيـر ربـي مذلـة

رد مع اقتباس
mama_k_2008 غير متواجد حالياً  



03-05-1429 هـ, 11:21 صباحاً
#9
الأخت ماما ...هذا البرنامج التالى مفيد جدا
_كبسولات السوبالميتو عن طريق الفم كبسولة ثلاث مرات يوميا
_كبسولات بانتوجار فهى مكمل غذائى ممتاز
_ استخدام زيت الزيتون النقى دهان يوم و يوم
_ احد خلاصات الاعشاب التى تكلمنا عليها مفردة او مجموعة ..دهانا موضعيا على الفراغات و بقيه الراس


رد مع اقتباس
hakeemman غير متواجد حالياً  



06-05-1429 هـ, 03:30 مساءً
#10
صراحه موضوع مفيد وليت كل المواضيع الي حطيتها هنا تثبت لانها مفيده ومن شخص ذا خبره


رد مع اقتباس
عباتي تاج راسي غير متواجد حالياً  



إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع


الساعة الآن 09:04 .