حبيت أكتب هنا بعض الأمور اللي حلو لو نتقيد فيها عشان تطلع غرف أطفالنا حلوة وناعمه
ومات كون زحمة بالرسومات والألوان.. وما تكون مريحه للعين..
أولا....
حددي لك لونين على الأقل إلى أربع الوان متناسقة وما تكون صارخه..
ثانيا...
إذا بتصبغين الجدران بلون غير الأبيض أو السكري فيستحسن يكون الأثاث أبيض..
واذا بتخلينهم بدون ألوان فبامكانك تختارين الغرفه ملونه..
أنا أفضل لون الخشب الفاتح..
وما أحب تكون عليها رسومات طفوليه.. لأني بعد ما تكبر بنتي لازم أغيرها.. وأنا ما شريتها غاليه الا عشان
تستمر معها ونغير في المفرش والاكسسوارات..
ثالثا..
بالنسبه للأرضية الباركيه أفضل من السراميك لأنه أخف بروده بالشتاء..
أما إذا بتخلينه موكيت..فالألوان الساده أفضل من اللي عليها رسومات.. أنا شخصيا أحس اللي عليها رسومات تصلح في غرف الألعاب..
أما غرف النوم فتكون سادة ولونه مش حساس للأوساخ وتضيفين لها زوليه عليها رسومات طفولية..
رابعا..
اذا كان في الغرفه نافذه واحده حطي لها ستاره مقلمه بالألوان اللي اخترتيها..واصبغي الجدار المقابل لها
بنفس ألوان الستاره ونفس التقليمه وباقي الجدران تكون ساده بأحد أخف الألوان
أو مربعات ..على حسب الستاره اللي تلقينها..
خامسا..
الاكسسوارات.. ممكن تحطي رفوف بالألوان اللي اخترتي و تحطيها على جدار فاضي وتملأيها بالتحف والبراويز
الملونة بنفس الالوان..
وممكن تضيفي اسم طفلك علىالجدار ..أنا سويتها بنفسي لأني ما أدري وين ينباعو..
واذا كانت الغرفه لبنوته ممكن تضيفي فوق السرير تل زي الناموسية..طبعا اذا كان السرير مو تحت النافذة..
وحزم الستاره ممكن تجيبي سلسله وتعلقي عليها ميداليات للأطفال وحاولي تكون من نفس الالوان..
وبعض المناظر اللي تحمل صور شخصيات محببه للطفل بس لا تكثرين ..
ولو كان سرير الطفل سليب هاي من دون راس فمكن تغيرين من فتره لفتره بالرأس..
سبق وشفتها في لمتد تو و في نكست للأثاث..وللاولاد على شكل كورة..
هذا اللي لحقت أكتبه بزيدكم بعدين ..
والي عندها أفكار ياليت تنورنا ويكون هذا الموضوع مرجع للي بتزين غرفة طفلها..
تسلمين يالغاليه
وان شاء الله اقتبس بعض الافكار لغرفه بناتي