السعودية - 0534500470
الزيت السحري لتطويل
طول وكثافه ونعومه من اسبوع ونص الشاهد الله مجرب ومضمون الكميه محدوده
              

السعودية - 0534500470
الزيت السحري لتطويل
طول وكثافه ونعومه من اسبوع ونص الشاهد الله مجرب ومضمون الكميه محدوده
إضافة رد
 
أدوات الموضوع انواع عرض الموضوع
قديم 26-04-1429 هـ, 02:19 مساءً   #1
sea2011

عضوة جديدة
 
تاريخ التسجيل: 24-04-1429 هـ
المشاركات: 43


ماهى طريقة تشقير الوجه والجسم ..ساعدونى ارجوكم

اهلا كل اخواتى فى المنتدى

احب اشكركم جدا على كل مواضيعكم الجميلة اللى استفدت منها كتير كتير

واحب اطلب منك المساعدة وانا متاكدة انكم مش راح تبخلوا على بالمعلومة

انا اريد طريقة تشقير شعر الوجه وشعر الجسم بالتفصيل الشديد ...وماهى الادوات المستخدمة بالظبط ؟

واسماء الادوات اللى راح اشتريها عشان التشقير ..والطريقة بالظبط

وهل هناك اختلاف بين طريقة تشقير شعر الوجه وبين تشقير شعر الجسم ؟

ونوع ماء الاكسجين ما اسمه بالظبط ؟ ودرجته ؟ وهل هو نفسه ماء الاكسجين الطبى الموجود بالصيدليه ؟

وما اسم بودرة التشقير ؟ وهل لها درجات ايضا ؟

ارجوكم ساعدونى بشدة

جزاكم الله كل خير


sea2011 غير متواجد حالياً رد مع اقتباس إرسال الموضوع إلى الفيس بوك إرسال الموضوع إلى تويتر




26-04-1429 هـ, 04:13 مساءً
#3
اسفه حبيبتي ماعندي خلفيه بي ماحبيت امر وماارد للرفع لعيونك


توقيع



رد مع اقتباس
البندري العنزي غير متواجد حالياً  



26-04-1429 هـ, 04:58 مساءً
#5
اختي الموضوع سهل

انتي اذا رحتي للسوق
اتجهي لمحل التجميل وقولي ابي بودره تشقير للجسم

والانواع كثييييييييييييييييره بالهبل


فيه مثلن بودره بلوندور اللي يجي لونها ازرق << وهذي موجوده حتى بالصيدليات
وانصحك اذا تبين تشقرين شعر جسمك على اساس انه منطقه كبيره اشتري العلبه الكبيره قيمتها بحدود الخمس وخمسين ريال والمحلات النصابه يبيعونها بستين او خمس وستين
وتخلطين معه بيروكسيد بالاعشاب لونه اخضر فاتح وهذا يعتبر الاكسجين حقه وفيه منه بتركيز سته بالميه وفيه بتركيز تسعه بالميه وسته خفيف وتسعه قوي وقيمته اربع ريالات العلبه الصغيره اما العلبه العملاقه قيمتها 25 ريال ترا ما ادري يمكن غيروه بعد ارتفاع الاسعار
وعلى فكره هذا المشقر تراه حااااااار على الوجه وما يستعمل بكثره واذا حطيتيه يشقر الشعر وبعد فتره تطول الشعره ولازم تصبغينه مره ثانيه
والبيروكسيد افضل شي سته بالميه للجسم لاتخلينه يطول مره على بشرتك
وهذا اللي يستخدمونه المشاغل بتشقير الحواجب
وعندك كريم اسمه (كنت) يوجد بالصيدليات وهذا لشعر الجسم مخصوص كنا نستخدمه زماااااااااااان ايام القراوا << يعني يوم كنا قرويات
وهذا خفيف شوي اخف من بودره بلوندور ولون كرتونته ورديه وعليها صوره حرمه وترا حنا زمان كنا نشقر فيه حتى شعورنا يجي فيه عصارين تحطين منهم حسب الارشادات وتخبصين على بشرتك او شعرك << تذكرت زمان نسوي فيه خصل ايييييييييييييييييييييييه يازمن واختي يوم عرسها شقرت فيه شعر يدينها خخخخخخخخخخ هذي السالفه يمكن لها فوق خمس طعش سنه .<< اخلصي قاعده تقصين قصه حياتكم .
وفيه منتج اسمه جولان هذا بعد كنت استخدمه لتشقير حواجبي كرتونته اخضر وابيض وتلاقينه عند محلات التجميل وبعد الصيدليات وهذا يجي معه علبه صغيره زي الانبوبه وفيه اكسجين ابيض ومعه بودره بيضاء بعد تخلطينهم زي طريقه البلوندور وتحطينهم على شعر وجهك

وفيه مشقر اسمه شام شرته اختي من مده ماهي بطويله حيل توها قبل شهرين من العطار قيمته الظاهر خمس طعش ريال وجربته مانفع معي الظاهر شعري تعود على المشقرات القويه مثل بلوندور بس انا من زمان مبطله بس حبيت اجربه تخبرين حنا الحريم فينا حب استطلاع ولقافه زايد مانتوب ابد

وابشرك توي مكتشفه بودره تشقير جديده لونها بني فاااااااااتح على وردي لقيتها عند محل يبيع اغراض تجميل بالجمله بس للاسف ماشريته قلت خلاص اعقلي يكفي تجارب بس ان شاء الله وبحول الله لا اشتريه واجربه تراه مو غالي حيل كميته كبيره وقيمته 45 ريال بس تخيلي ارخص من بلوندور
والبيروكسيد اللي يخلطونه مع البودره شفت مره مع سوريه تجي للبيت بيروكسيد لونه اصفر بغيت اطلبها تجيب لي من سوريا بس قلت اهجدي يابنت لاتنصب عليتس لانها ماتعلم بكم وحتى الاسم شايلته << ذهينه هاالسوريه

ف ياليت يابنات اللي تقرا كلامي الحين تدلني عليه ودي ادري وين يبيعونه ؟؟

وخاصتن بنات حايل


واي سؤال اختي انا حاظره ومن عينيااااااا الثلاثه ككككككككك


توقيع

لاشان حظك والليالي .. تحدْتك..!!
إصبر عليها ..والصبر زين لو طال
لاتنحني للوقت ..وتــروح هيبتْك
تصفق بك الأيام..من جال..في جال
وإن كان همك بالزمن .. بس لقْمتك
الفـول بـــريــــالين .. والخبز بريـــال

رد مع اقتباس
AMOOL66 غير متواجد حالياً  



26-04-1429 هـ, 05:25 مساءً
#6
يوووووه نسيت اقولك

الادوات جيبي صحن قزاز او بلاستك لان المعدن ما يصلح تخلطين فيه حنا دايم نخلط ب صحون البلاستيك ونخلطه بملعقه بلاستك بعد

انتبهي مو تخلطين بشي معدني
وحطي على الجلد مسحه خفيفه فازلين عشان الجلد يصير بينه وبين المشقر طبقه وما يتهيج ويحمر عليك ويلتهب وبعدين تصير لك بلاوي زرقا << ام الترهيب ياشيخه

ومافيه اختلاف بتشقير الجسم ولا الوجه بس لاتكثرين فازلين وياحبذا لو مسحتيه بقطنه شوي شوي لانه راح يوجعك لا تضغطين عليه قوه هذا بالنسبه للوجه لان الوجه حساس
وكانت طريقتي ايام الفسقه سابقا

احط بلوندور على حجتي << جمع لحواجبي

وبعدين اجيب قطعه كرتون المنديل واشيله زي ما يشيلون النير يعني بالكشط عشان مابي اضغط عليه قوه بالمنديل والاسفنجه وتضبط الحركه بس اهم شي لا تحكين الجلد بقوه وانتي تسوينها
او حتى لو عندك بطاقات ما تبينها اكشطي الصبغه بعد ما تنتهي المده << كنت اسويها ب بطاقات الشحن قبل ما ارميها
(( اتمنى تكونين فهمتي هالنقطه ))

وبعدها امسحيه مسح خفيف عشان البشره ما تتهيج زياده ولانها يمكن توجعك اليييييييين ما تروح الصبغه نهائيا عن الجلد والجسم صبي عليه مويا بارده ماهي حاره ولا دافيه

انتبهي اهم شي طريقه الازاله لازم بمويا بارده

واذا على الطريقه :: فهي كا التالي

اخلطي البودره مع البيروكسيد الين يتجانسون مع بعض كويس ويصير عندك شكل كريمي

وامسحي مسحه خفيفه على جلدك بالفازلين وحطي من الصبغه بس

وفيه طريقه حلوه للحواجب كنت اسويها زمن الفسقه <<< الحين طفرانه خخخخخخخ

كنت ارسم حواجبي يعني احط خط على الحواجب والكان اللي ابي احدده يعني اضبط الرسمه وبعدها اجيب الصبغه حقت بلوندور واحط من فوق وتحت بس المكان اللي رسمت فيه ما اقربه و كل شوي افتح شوي على المكان اللي مشقر اذا شفت الشعر خلاص صبغ ووصل لدرجه التفتيح اللي ابيها اكشطه شوي شوي ببطاقه الشحن وبعده اغسله بمويا ومرات امسحه بقطنه فيها مويا باره بس كانت بشرتي تتهيج بالاوقات الأخيره من زمن الفسقه عشاني اشقر كثير
فكنت على طول اروح للمغسله واصب المويا عليه وانا مغمضه عيوني


على فكره اختي تراها توذي العيون فلا تدخلينها لعينك واذا دخلت غسلي عينك بمويا كثيره لانه حاااااااااره ومضره<< مجربه الاخت خخخخخخ

واذا تبين استفسار اخر اسالي لايردك الا كيبووردتس



(((( نصيحه اذا ودك بالتجربه على مناطق صغيره وتقليلن للخسائر الماديه اشتري من الصيدليه المظاريف اللي قيمتها ثلاث ريال لبلوندور وعلبه بيروكسيد صغيره يمكن ثلاثين مل وجربي احسن يمكن تكون بشرتك حساسه للانواع ذي ف تكونين ما تخسرتي كثير <<< اسمعي نصيحه اختس تراني انقرصت كثير من ها الامور


رد مع اقتباس
AMOOL66 غير متواجد حالياً  



26-04-1429 هـ, 06:30 مساءً
#7
عزالله كفيتي ووفيتي ياموله والاخت اللي تسأل ولك ياامول عادتا اذا صبغنا الحواجب ببلوندر تقلب صفراء تخرع ولاخفاء هاللون المرعب وجعل الحاجب من لون الجلد جيبي وانا اختك صبغة كليستون لون بني او بندقي وحطي منه شوي مع البيروكسيد وحطيه على الحواجب بعد الصبغ لمدة ثواني وشوفي شلون يختفي اللون الاصفر بس هاه مو تطولين الصبغه على الحواجب وبعدين ترد كلها غامقه وكنك يابو زيد ماغزيت ثواني بس وامسحيه واذا مفاد كرري صبغه بكلستون لثواني مع دوده وسلامتكن ياحلوات


توقيع




رد مع اقتباس
نوره البنوره غير متواجد حالياً  



26-04-1429 هـ, 08:37 مساءً
#9
شكرا اوى يا امووووووووووووووووووووول .... بجد استفدت من طريقتك يا قمررررر

ربنا يخليكى يا رب ويحققلك كل اللى فى بالك ويسعد ايامك ويفرح قلبك يارب

وبشكر كل اخوتى اللى مروا بالموضوع وياريت اللى عندها معلومات تانية او طريقة تانية تفيدنا


رد مع اقتباس
sea2011 غير متواجد حالياً  



27-04-1429 هـ, 09:53 صباحاً
#10
يوووووووووووووووووه ياكثر نسياني


نسيت اقولك كيف توزعينه على الحواجب

بعد ما تشكلت عندك عجينه كريميه جيبي عيدان الاذاني وخوذي شوي وابدي حطي على حواجبك اللي تبين تشقرينها طبعن من تحت وفوق


واختي اللي قالت عن كليستون صادقه
الله يذكرتس بالشهاده ذكرتيني

هذا يسمونه اطفاء للون

دايم اسويه لخواتي اذا خصلت لهم

واستعملي اشقر رمادي حلو للاطفاء

اختي معليش كل خطوه كتبتها لك برد والله اني نسايه ما ادري وش كتبت وش ما كتبت حتى اختي الله يجزاها خير ذكرتني ب الاطفاء للمعه البلوندور مع اني كنت ناويه اكتبها بس العجله واكتب ولا ارجع اقرا اللي كتبته




رد مع اقتباس
AMOOL66 غير متواجد حالياً  



إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع


الساعة الآن 02:50 .