16-04-1429 هـ, 11:36 مساءً
مرحــــــــــــــبا يا بنات حواء

كيف حالكم , ادخل بالموضوع على طول

مشكلتي بالوجه توسع المسام بمنطقة الخد

كثير استشرت اطباء جلديه ولكن ما في فايده يقولون الى الان ما في كريم مفعوله دائم

بالنسبه للمسامات الواسعه

طيب وش الحل ؟

قالت لي الدكتوره ممكن تصغيره ولكن برضوا راح تكون واضحه

الحمدلله انا ما اعاني من البثور

ولكن الظاهر منظقة الخد عندي دهنيه من كذا المسامات واسعه

كثير استخدمت كريمات وكريمات تحت اشراف طبي

وواصلت على التقشير بالكرستال تقريبا خمس جلسات كل اسبوعين مره

وهات يا دفع وهات يا مواعيد وضياع الوقت

وبعدها دخلت عندها كورس ثاني تحت جهاز جديد من احدث الاجهزه

فيها اربع مراحل شد وتقشير وليزر ومدري كمان مرحله الي بعدها كانت تجيب انبوب صغير

تشفط به جلد الوجه مدري وش سالفتها هالدكتوره

قالت لي كل هالاشياء ما راح تبين الا بعد ست شهور شسالفتها مدري

قلت يالله نواصل ونشوف اخرتها

الجلسه الواحده تكلفني 1000 ريال

وبعد ما خلصت تقريبا 6 جلسات وقفتني عن الجهاز طبعا الجلسات كل شهر مره واحده

بالاخير مر على السالفه اكثر من سنه وانا لسه ما اشوف ان المسامات وله بقع الشمس راحت

هالبقع الي محد يلاحظها ولكن انا من النوع الي اركز كثير

يعني ما يبين الا تحت ضوء الشمس نقط صغيره بنيه فاتحه ( نمش )

اما لما اكون بالبيت ما يبين شي يعني لازم النور يكون قوي

قلت قصة حياتي

المهم خلوني اقول لكم وش سويت بعد الفشل الذريع مع هالدكتوره

قلت اتوجه للمنتدى اشوف الخلطات ومعاناه وكل يوم طالعين على العطار اجيب الاغراض

وانا من النوع الي اواصل واحب اني اواصل دام البنات يمدحون اقول اكيد فيه نتيجه

ما كنت ابي بياض الحمدلله انا بيضه واشوي اصير برصه كفايه

ابي حل للمسامات والنمش

المهم في وحده كانت كاتبه عن خلطه طحينيه + مره مطحونه

بصراحه واصلت عليها أيام وايام

ما انكر ان بشرتي صارت ناعمه وورديه

ولكن المسامات كما هي

إلين ما جربت خلطه من عندي والله في كل بيت موجود

هااااااااااااا تراااا من عندي يعني ما بقول فلانه وله علانه

وما كتبت عن الموضوع الا بعد مرور اسبوع وثلاث ايام كل يوم احط منه

الخلطه يا خواتي

ليمونه حامضه + ملعقه من حليب نيدو بودره وبس

اخلطهم مع بعض

واحطه على الوجه

بعد رابع يوم

حسيت انقباض بالجلد شد شد شد

بعدها بثلاث ايام انقباض بالمسامات صارت اصغر لدرجه ان احس بشرتي صافيه ما فيها ولا نقطه

النمش اختفى سبحان الله صحيح الليمون عجيب

والحليب كمااااااااان

الآن اشوف بشرة الوجه خصتا عند الخدود والله اني ما عدت استخدم كريم اخفاء العيوب الي كنت احطه

وندمانه اني توجهة لعيادة جلديه

والله ان اكثر الدكاتره تبع الجلديه والتجميل ورااا القروش وكل جهاز ما وراه الا الخساير

ودايما يطلبون منك انتظار النتيجه على المدى البعيد وكان زين شفت شي

آلاف وانا اصرفها هناك

وبالاخير كاني لقيت الحل بثلاجتي والله قهر

بس الحمدلله على كل حال

والله يا بنات الي عندها المسامات ونمش تستخدم هالخلطه وتدعي لي بالخير ان الله يوفقني ان شاء الله

وينولني كل الي اتمناه ..

طيب عشان ما تجي كل وحده وتسئل وش نوع بشرتي

انا بشرتي مركبه يعني دهنيه عند الخد وعند الجبين والباقي عادي او شبه جافه بس مو كثير

بالنسبه للحساسيه لا والله انا بشرتي مو حساسه

وبالنسبه لكيفية او وقت استخدامي لهذي الخلطه

كل يوم بس بالاول اغسل وجهي بصابون الخاص للوجه اي صابون انا استخدم صابون كلير اند كلير

وبعد ما اجفف وجهي بفوطه ناعمه احط الخلطه ولمجرد يجف اجي ابلل اصابعي ماء

واحرك على وجهي بالاصابع كاني اسوي لي تقشير

وبس اغسله بماء العادي وبعدها اخذ قطنه واحط فيها ماء ورد واوزعه على الوجه

وبس قمة الانتعاش .

عسى الموضوع يفيد الي عندهم نفس المشكله

وشكرا ,,
16-04-1429 هـ, 11:42 مساءً
الله يجزاك كل خير يارب
16-04-1429 هـ, 11:44 مساءً
الله يهنيك بشرتك......ولك جزيل الشكر
16-04-1429 هـ, 11:46 مساءً
مشكوره على طرح تجربتك ياالغلا
ممكن سؤال كان فيك كلف ؟ وراح مع الخلطه والا بس نمش؟؟
الله يسعدك
( اللهم ارحم والدي ونورله قبره واجمعني به في جنتك)
16-04-1429 هـ, 11:49 مساءً
اقتباس مشاركة  (لي الله!!)
الله يجزاك كل خير يارب
أجمعين ان شاء الله

نورتي الصفحه يا قلبو
16-04-1429 هـ, 11:50 مساءً
اقتباس مشاركة  (Best Rose)
الله يهنيك بشرتك......ولك جزيل الشكر
ويهنيك بحياتك يارب

العفو يا حياتي
16-04-1429 هـ, 11:54 مساءً
اقتباس مشاركة  (الجورى2222)
مشكوره على طرح تجربتك ياالغلا
ممكن سؤال كان فيك كلف ؟ وراح مع الخلطه والا بس نمش؟؟
الله يسعدك

العفو يا قلبو
لا شكر على واجب
لا والله ما كان فيني كلف بس نمش
انتي جربيه اسبوع يمكن ينفع للكلف برضوا
بصراحه الخلطه هذي تنور الوجه وتنعمه بعد
والليمون سبحان الله فوائده كثيره
ان شاء الله ينفعك وتدعين لي
جربيه يا اختي دام متوافر عندك
وان ما جابت نتيجه على الاقل اهتميتي ببشرتك طوال الاسبوع
وبتحسين بتحسن ملحوظ ان شاء الله
16-04-1429 هـ, 11:57 مساءً
مشكوره ماقصرتي
بس الطحينه والمره كم المقادير
17-04-1429 هـ, 12:01 صباحاً
الله يوفقك دنيا وآخره ويجزاك الف خير
ويهنيك بصحتك وعافيتك
دعووووووووه من كل قلبي
لانك شلتي هم عن قلبي انا مثل حالتك دفعت وسويت اخر شي تقولي الدكتوره
مافي علاج للمسامات
وان شاء الله تفيدني هالخلطه
وراح ادعي لك طووووول عمري لو جابت نتيجه معايه
17-04-1429 هـ, 12:01 صباحاً
ماشاء الله عليكى يا قلبى ولا قصرتى ولا تركتى مجال للاسئله
لكن انا رخمه وهسالك نوع الليمون ايه؟؟؟؟؟؟؟؟؟؟؟؟؟؟
يعنى مفيش فايده تشرحى ماتشرحى لازم نسال ياعمرى
انا بهزر معاكى اوعى تزعلى
انتى فعلا عندك حق الليمون اصلا تحفه لانقباضات الوجه والنيدووو ولا احلى فى النعومه والتبييض
اشكرك من كل قلبى على الوصفه وربنا ينولك كل اللى تتمنيه


الساعة الآن 03:18 .

جميع الحقوق محفوظة - عالم حواء - 2015