السعودية - الرياض
مكتب الوسيط
مطلوب خادمات من جميع الجنسيات بأفضل الاسعار 0557976521 0569239132
السعودية - الرياض
حجامة النساء بالرياض
د ندى محمد أخصائية الحجامة ,إبر صينية,لسع نحل (زيارات منزلية)
           
           
إضافة رد
 
أدوات الموضوع انواع عرض الموضوع
قديم 16-04-1429 هـ, 11:36 مساءً   #1
ســــــــــماء

عضوة
 
تاريخ التسجيل: 15-12-1428 هـ
المشاركات: 183


وأخيرا لقيت الحل للمسام الواسعه والكلف وبقع الشمس

مرحــــــــــــــبا يا بنات حواء

كيف حالكم , ادخل بالموضوع على طول

مشكلتي بالوجه توسع المسام بمنطقة الخد

كثير استشرت اطباء جلديه ولكن ما في فايده يقولون الى الان ما في كريم مفعوله دائم

بالنسبه للمسامات الواسعه

طيب وش الحل ؟

قالت لي الدكتوره ممكن تصغيره ولكن برضوا راح تكون واضحه

الحمدلله انا ما اعاني من البثور

ولكن الظاهر منظقة الخد عندي دهنيه من كذا المسامات واسعه

كثير استخدمت كريمات وكريمات تحت اشراف طبي

وواصلت على التقشير بالكرستال تقريبا خمس جلسات كل اسبوعين مره

وهات يا دفع وهات يا مواعيد وضياع الوقت

وبعدها دخلت عندها كورس ثاني تحت جهاز جديد من احدث الاجهزه

فيها اربع مراحل شد وتقشير وليزر ومدري كمان مرحله الي بعدها كانت تجيب انبوب صغير

تشفط به جلد الوجه مدري وش سالفتها هالدكتوره

قالت لي كل هالاشياء ما راح تبين الا بعد ست شهور شسالفتها مدري

قلت يالله نواصل ونشوف اخرتها

الجلسه الواحده تكلفني 1000 ريال

وبعد ما خلصت تقريبا 6 جلسات وقفتني عن الجهاز طبعا الجلسات كل شهر مره واحده

بالاخير مر على السالفه اكثر من سنه وانا لسه ما اشوف ان المسامات وله بقع الشمس راحت

هالبقع الي محد يلاحظها ولكن انا من النوع الي اركز كثير

يعني ما يبين الا تحت ضوء الشمس نقط صغيره بنيه فاتحه ( نمش )

اما لما اكون بالبيت ما يبين شي يعني لازم النور يكون قوي

قلت قصة حياتي

المهم خلوني اقول لكم وش سويت بعد الفشل الذريع مع هالدكتوره

قلت اتوجه للمنتدى اشوف الخلطات ومعاناه وكل يوم طالعين على العطار اجيب الاغراض

وانا من النوع الي اواصل واحب اني اواصل دام البنات يمدحون اقول اكيد فيه نتيجه

ما كنت ابي بياض الحمدلله انا بيضه واشوي اصير برصه كفايه

ابي حل للمسامات والنمش

المهم في وحده كانت كاتبه عن خلطه طحينيه + مره مطحونه

بصراحه واصلت عليها أيام وايام

ما انكر ان بشرتي صارت ناعمه وورديه

ولكن المسامات كما هي

إلين ما جربت خلطه من عندي والله في كل بيت موجود

هااااااااااااا تراااا من عندي يعني ما بقول فلانه وله علانه

وما كتبت عن الموضوع الا بعد مرور اسبوع وثلاث ايام كل يوم احط منه

الخلطه يا خواتي

ليمونه حامضه + ملعقه من حليب نيدو بودره وبس

اخلطهم مع بعض

واحطه على الوجه

بعد رابع يوم

حسيت انقباض بالجلد شد شد شد

بعدها بثلاث ايام انقباض بالمسامات صارت اصغر لدرجه ان احس بشرتي صافيه ما فيها ولا نقطه

النمش اختفى سبحان الله صحيح الليمون عجيب

والحليب كمااااااااان

الآن اشوف بشرة الوجه خصتا عند الخدود والله اني ما عدت استخدم كريم اخفاء العيوب الي كنت احطه

وندمانه اني توجهة لعيادة جلديه

والله ان اكثر الدكاتره تبع الجلديه والتجميل ورااا القروش وكل جهاز ما وراه الا الخساير

ودايما يطلبون منك انتظار النتيجه على المدى البعيد وكان زين شفت شي

آلاف وانا اصرفها هناك

وبالاخير كاني لقيت الحل بثلاجتي والله قهر

بس الحمدلله على كل حال

والله يا بنات الي عندها المسامات ونمش تستخدم هالخلطه وتدعي لي بالخير ان الله يوفقني ان شاء الله

وينولني كل الي اتمناه ..

طيب عشان ما تجي كل وحده وتسئل وش نوع بشرتي

انا بشرتي مركبه يعني دهنيه عند الخد وعند الجبين والباقي عادي او شبه جافه بس مو كثير

بالنسبه للحساسيه لا والله انا بشرتي مو حساسه

وبالنسبه لكيفية او وقت استخدامي لهذي الخلطه

كل يوم بس بالاول اغسل وجهي بصابون الخاص للوجه اي صابون انا استخدم صابون كلير اند كلير

وبعد ما اجفف وجهي بفوطه ناعمه احط الخلطه ولمجرد يجف اجي ابلل اصابعي ماء

واحرك على وجهي بالاصابع كاني اسوي لي تقشير

وبس اغسله بماء العادي وبعدها اخذ قطنه واحط فيها ماء ورد واوزعه على الوجه

وبس قمة الانتعاش .

عسى الموضوع يفيد الي عندهم نفس المشكله

وشكرا ,,


ســــــــــماء غير متواجد حالياً رد مع اقتباس إرسال الموضوع إلى الفيس بوك إرسال الموضوع إلى تويتر




16-04-1429 هـ, 11:44 مساءً
#3
الله يهنيك بشرتك......ولك جزيل الشكر


رد مع اقتباس
Best Rose غير متواجد حالياً  



16-04-1429 هـ, 11:46 مساءً
#4
مشكوره على طرح تجربتك ياالغلا
ممكن سؤال كان فيك كلف ؟ وراح مع الخلطه والا بس نمش؟؟
الله يسعدك


توقيع

( اللهم ارحم والدي ونورله قبره واجمعني به في جنتك)
رد مع اقتباس
الجورى2222 غير متواجد حالياً  



16-04-1429 هـ, 11:49 مساءً
#5
المشاركة الأصلية كتبت بواسطة لي الله!! مشاهدة المشاركة
الله يجزاك كل خير يارب
أجمعين ان شاء الله

نورتي الصفحه يا قلبو


رد مع اقتباس
ســــــــــماء غير متواجد حالياً  



16-04-1429 هـ, 11:50 مساءً
#6
المشاركة الأصلية كتبت بواسطة Best Rose مشاهدة المشاركة
الله يهنيك بشرتك......ولك جزيل الشكر
ويهنيك بحياتك يارب

العفو يا حياتي


رد مع اقتباس
ســــــــــماء غير متواجد حالياً  



16-04-1429 هـ, 11:54 مساءً
#7
المشاركة الأصلية كتبت بواسطة الجورى2222 مشاهدة المشاركة
مشكوره على طرح تجربتك ياالغلا
ممكن سؤال كان فيك كلف ؟ وراح مع الخلطه والا بس نمش؟؟
الله يسعدك

العفو يا قلبو
لا شكر على واجب
لا والله ما كان فيني كلف بس نمش
انتي جربيه اسبوع يمكن ينفع للكلف برضوا
بصراحه الخلطه هذي تنور الوجه وتنعمه بعد
والليمون سبحان الله فوائده كثيره
ان شاء الله ينفعك وتدعين لي
جربيه يا اختي دام متوافر عندك
وان ما جابت نتيجه على الاقل اهتميتي ببشرتك طوال الاسبوع
وبتحسين بتحسن ملحوظ ان شاء الله


رد مع اقتباس
ســــــــــماء غير متواجد حالياً  



16-04-1429 هـ, 11:57 مساءً
#8
مشكوره ماقصرتي
بس الطحينه والمره كم المقادير


رد مع اقتباس
ابيض لؤلؤي غير متواجد حالياً  



17-04-1429 هـ, 12:01 صباحاً
#9
الله يوفقك دنيا وآخره ويجزاك الف خير
ويهنيك بصحتك وعافيتك
دعووووووووه من كل قلبي
لانك شلتي هم عن قلبي انا مثل حالتك دفعت وسويت اخر شي تقولي الدكتوره
مافي علاج للمسامات
وان شاء الله تفيدني هالخلطه
وراح ادعي لك طووووول عمري لو جابت نتيجه معايه


رد مع اقتباس
كيوـوـوي متواجد حالياً  



17-04-1429 هـ, 12:01 صباحاً
#10
ماشاء الله عليكى يا قلبى ولا قصرتى ولا تركتى مجال للاسئله
لكن انا رخمه وهسالك نوع الليمون ايه؟؟؟؟؟؟؟؟؟؟؟؟؟؟
يعنى مفيش فايده تشرحى ماتشرحى لازم نسال ياعمرى
انا بهزر معاكى اوعى تزعلى
انتى فعلا عندك حق الليمون اصلا تحفه لانقباضات الوجه والنيدووو ولا احلى فى النعومه والتبييض
اشكرك من كل قلبى على الوصفه وربنا ينولك كل اللى تتمنيه


رد مع اقتباس
dolly_star غير متواجد حالياً  



إضافة رد

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
الانتقال السريع


الساعة الآن 04:20 .